ಜ್ಯೋತಿಷ್ಯದ ಪ್ರಕಾರ ವಾರದ ಯಾವ ದಿನ, ಯಾವ ಬಣ್ಣದ ದಿರಿಸು ಧರಿಸಬೇಕು!?

ಯಾವ ಬಣ್ಣದ, ಯಾವ ಥರಹದ ದಿರಿಸು ಧರಿಸಬೇಕು!? ಇದು ಪ್ರತಿ ದಿನ ಬೆಳಿಗ್ಗೆ ಎಲ್ಲರನ್ನೂ ಕಾಡುವ ಪ್ರಯಾಸಕರ ಯುದ್ಧವಾಗಬಹುದು ಅಥವಾ ವಿಶೇಷವಾಗಿ ನಿಮ್ಮ ಅಲ್ಮೇರಾದಲ್ಲಿ ಹತ್ತಾರು ನಾನಾ ಉಡುಪುಗಳು (dress) ಇರುವಾಗ ಯಾವದಪ್ಪಾ ಹಾಕಿಕೊಳ್ಳೋದು ಎಂಬ ಪ್ರಶ್ನೆ ಪೆಡಂಭೂತವಾಗಿ ಕಾಡಬಹುದು. ಇದಕ್ಕೆ ಪರಿಹಾರ ಇಲ್ಲಿದೆ: ಜ್ಯೋತಿಷ್ಯ ಅಥವಾ ವೈದಿಕ ಜ್ಯೋತಿಷ್ಯವು (Vedic Astrology) ಇಂತಹ ವಾರ್ಡ್​​​ರೋಬ್ ಬಿಕ್ಕಟ್ಟಿನ್ನು (wardrobe crisis) ಪರಿಹರಿಸಲು ಸಹಾಯ ಮಾಡಬಲ್ಲದು. ಖಗೋಳಶಾಸ್ತ್ರದ ಗ್ರಹಗಳನ್ನು ನಿಮ್ಮ ಗ್ರಹಗತಿಗೆ ಅನುಸಾರವಾಗಿ ಸಮಾಧಾನಪಡಿಸಲು ದೈನಂದಿನ ಬಣ್ಣದ ಸಿದ್ಧಾಂತವನ್ನು ನೀಡುತ್ತದೆ. ಅದರಿಂದ ನಿಮ್ಮ ಅದೃಷ್ಟವನ್ನು (fortune) ಹೆಚ್ಚಿಸಿಕೊಳ್ಳುವುದಕ್ಕೆ ಆಸರೆಯಾಗಬಲ್ಲದು.

ಬೆಳಕಿನ ವಿಜ್ಞಾನ ಎಂದು ಅನುವಾದಿಸಿ, ಅನುಮೋದಿಸಿರುವ ಸಾಂಪ್ರದಾಯಿಕ ವೈದಿಕ ಆಚರಣೆಗಳನ್ನು ಬೆಂಬಲಿಸಲು ಬಳಸಲಾಗುವ ಆರು ಸಹಾಯಕ ವಿಭಾಗಗಳಲ್ಲಿ ಜ್ಯೋತಿಷ್ (Jyotish) ಒಂದಾಗಿದೆ. ಭಾರತದಲ್ಲಿ ಸೃಷ್ಟಿಯಾಗಿರುವ ಜ್ಯೋತಿಶ್, ನಿಮ್ಮ ಜನ್ಮದ ನಿಖರವಾದ ಸಮಯ ಮತ್ತು ಸ್ಥಳದಲ್ಲಿ ಸಂಭವಿಸಿದ ಗ್ರಹಗಳ ಮಾದರಿಗಳ ಆಧಾರದಲ್ಲಿ ವಿವರಿಸುತ್ತಾರೆ. ನಾನಾ ಜನರ ಜೀವನವು ಹೇಗೆ ತೆರೆದುಕೊಳ್ಳುತ್ತದೆ ಎಂಬುದರ ಕುರಿತು ಹೆಚ್ಚಿನ ಮಾಹಿತಿಯನ್ನು ನೀಡುವುದು ಇದರ ಗುರಿಯಾಗಿದೆ. ನಮ್ಮ ಗರಿಷ್ಠ ಸಾಮರ್ಥ್ಯವನ್ನು ತಲುಪಲು ನಮ್ಮನ್ನು ಬೆಂಬಲಿಸುವ ಉದ್ದೇಶದಿಂದ ಜನ್ಮ ಚಾರ್ಟ್ ಸಾಮರ್ಥ್ಯ ಮತ್ತು ದೌರ್ಬಲ್ಯಗಳನ್ನು ಮುನ್ಸೂಚಿಸುತ್ತದೆ. ಈ ನಿಟ್ಟಿನಲ್ಲಿ ನಿಮ್ಮ ಗ್ರಹ ಗತಿಗಳನ್ನು ಶಾಂತಗೊಳಿಸಲು ಹಲವಾರು ಆಚರಣೆಗಳು ಮತ್ತು ಸಂಪ್ರದಾಯಗಳನ್ನು ಕಾರ್ಯಗತಗೊಳಿಸಬಹುದು. ಹಾಗಂತ ಇದಂ ಇತ್ಥಂ ಅಂತಾ ನಿಖರವಾಗಿ ಹೇಳಲಾಗದು.

ಜ್ಯೋತಿಶ್ ಪ್ರಕಾರ, ವಾರದ ಪ್ರತಿ ದಿನವೂ ಅದಕ್ಕೆ ಅನುಗುಣವಾದ ಗ್ರಹವನ್ನು ಹೊಂದಿರುತ್ತದೆ. ಕೆಲವು ದಿನಗಳು/ಗ್ರಹಗಳ ಜೋಡಣೆಯು ಸ್ಪಷ್ಟವಾಗಿದ್ದರೂ (ಉದಾಹರಣೆಗೆ, ಭಾನುವಾರವು ಸೂರ್ಯನಿಂದ ಆಳಲ್ಪಡುತ್ತದೆ), ಇತರ ದಿನಗಳಲ್ಲಿ ಪ್ರಾಚೀನ ಜ್ಯೋತಿಷ್ಯ ಪಠ್ಯಗಳನ್ನು ಅಧ್ಯಯನ ಮಾಡುವ ಅಗತ್ಯವಿರುತ್ತದೆ. ವಾರದ ಪ್ರತಿ ದಿನಕ್ಕೆ ಹೊಂದಿಕೆಯಾಗುವ ಗ್ರಹಗಳು, ಬಣ್ಣಗಳು ಮತ್ತು ರತ್ನಗಳು ಇಲ್ಲಿವೆ. ಸಮಂಜಸ ಉಡುಪನ್ನು ಧರಿಸುವುದು ಮಂಗಳಕರ ಮತ್ತು ಸುವ್ಯವಸ್ಥಿತವಾಗಿ ಇರಲಿ ಎಂಬುದು ಇದರ ಉದ್ದೇಶವಾಗಿರುತ್ತದೆ.

ಭಾನುವಾರ ಅಧಿಪತಿ: ಸೂರ್ಯ, ಬಣ್ಣ: ಕೆಂಪು, ಹರಳು: ರೂಬಿ, ರೆಡ್ ಸ್ಪಿನೆಲ್, ಬ್ಲಡ್‌ಸ್ಟೋನ್

ಗುಣಗಳು: ಜ್ಯೋತಿಷದಲ್ಲಿ, ಸೂರ್ಯನು ಆತ್ಮದ ಪ್ರತಿಬಿಂಬ ಎಂದು ನಂಬಲಾಗಿದೆ. ಈ ಆತ್ಮ ಸಂಪರ್ಕದಿಂದಾಗಿ, ಆಧ್ಯಾತ್ಮಿಕ ಅನ್ವೇಷಣೆಗಳಿಗೆ ಮೀಸಲಿಡಲು ಭಾನುವಾರ ಅತ್ಯುತ್ತಮ ದಿನವಾಗಿದೆ. ಭಾನುವಾರದ ಬೆಳಿಗ್ಗೆ ಸೂರ್ಯ ನಮಸ್ಕಾರವು ದಿನವನ್ನು ಸ್ವಾಗತಿಸಲು ಮತ್ತು ಅಧಿಪತಿ ಸೂರ್ಯನನ್ನು ಗೌರವಿಸಲು ಒಂದು ಸುಂದರವಾದ ಮಾರ್ಗವಾಗಿದೆ. ವೈದಿಕ ಸಂಸ್ಕೃತಿಯಲ್ಲಿ, ಸೂರ್ಯನಿಗೆ ಗೌರವ ಸಲ್ಲಿಸುವುದು ಆರೋಗ್ಯಕ್ಕೆ ವರವಾಗಿ ಮತ್ತು ಧನಾತ್ಮಕ ಶಕ್ತಿಯ ವರ್ಧಕವೆಂದು ಪರಿಗಣಿಸಲಾಗಿದೆ.

ಏನು ಧರಿಸಬೇಕು: ಭಾನುವಾರದಂದು ಕೆಂಪು ಬಣ್ಣವನ್ನು ಧರಿಸುವ ಮೂಲಕ ಸೂರ್ಯನ ಶಕ್ತಿಯನ್ನು ನಿಮ್ಮಲ್ಲಿ ಹೆಚ್ಚು ವೃದ್ಧಿಸಿಕೊಳ್ಳಿ. ಇದರ ಹೊರತಾಗಿಯೂ ಇತರೆ ಯಾವುದೇ ಮತ್ತು ಎಲ್ಲಾ ಉಡುಪುಗಳನ್ನು ಸಹ ಪರಿಗಣಿಸಬಹುದು.

ಸೋಮವಾರ ಅಧಿಪತಿ: ಚಂದ್ರ, ಬಣ್ಣ: ಬಿಳಿ, ಹರಳು: ಮುತ್ತು, ಶಂಖ, ಚಂದ್ರನ ಕಲ್ಲು

ಗುಣಗಳು: ತನ್ನ ತಾಯ್ತನದ ಸೆಳೆತದಿಂದ ಚಂದ್ರನು ನಮ್ಮ ಭಾವನಾತ್ಮಕ ದೇಹವನ್ನು ಪೋಷಿಸುತ್ತಾನೆ. ನಿಮ್ಮ ಪುರುಷ ಅಥವಾ ಸ್ತ್ರೀ ಶಕ್ತಿಯನ್ನು ಗೌರವಿಸಲು ಸೋಮವಾರಗಳು ಉತ್ತಮವಾಗಿವೆ. ಸೋಮವಾರದಂದು ಒತ್ತಡ ಮತ್ತು ತೀವ್ರಗತಿಯ ಚಟುವಟಿಕೆ ಮಟ್ಟವನ್ನು ಕಡಿಮೆ ಮಾಡಲು ಚಂದ್ರನನ್ನು ತೃಪ್ತಿಪಡಿಸುವ ಮಾರ್ಗಗಳನ್ನು ಆಯ್ಕೆ ಮಾಡಿಕೊಳ್ಳಿ. ಚಂದ್ರನು ಸಮುದಾಯ ಮತ್ತು ಸಂವಹನದ ಗ್ರಹವಾಗಿರುವುದರಿಂದ, “ಉನ್ಮಾದ ಸೋಮವಾರಗಳು” ಸಂಪರ್ಕ ಸಾಧನೆಗೆ ಉದ್ದೇಶಿಸಲಾಗಿದೆ. ಸ್ನೇಹಿತರೊಂದಿಗೆ ಹೊರಗೆ ಹೋಗಿ ಬಿಳಿ ಬಣ್ಣದಲ್ಲಿ ವಿಜೃಂಭಿಸಿ.

ಏನು ಧರಿಸಬೇಕು: ಚಂದ್ರನ ದಿನದ ಫ್ಯಾಷನ್ ಬಿಳಿ ಬಟ್ಟೆ ಧರಿಸುವುದು ಉತ್ತಮ

ಮಂಗಳವಾರ ಅಧಿಪತಿ: ಮಂಗಳ, ಬಣ್ಣ: ಕೆಂಪು, ಹರಳು: ಕೆಂಪು ಕೋರಲ್, ಕಾರ್ನೆಲಿಯನ್

ಗುಣಗಳು: ಉರಿಯುತ್ತಿರುವ ಮಂಗಳ ಗ್ರಹವು ನಮಗೆ ಉತ್ಸಾಹ ಮತ್ತು ಶಕ್ತಿಯನ್ನು ನೀಡುತ್ತದೆ. ಅದರ ಉದ್ರೇಕಕಾರಿ ಭಾಗದಿಂದಾಗಿ, ಮಂಗಳವನ್ನು ಸಾಂಪ್ರದಾಯಿಕವಾಗಿ ದುಷ್ಟ ಗ್ರಹವೆಂದು ಪರಿಗಣಿಸಲಾಗುತ್ತದೆ (ಪ್ರತಿಕೂಲವಾದ ಪ್ರಭಾವವನ್ನು ಹೊಂದಿದೆ). ಪ್ರಯಾಣ, ಮದುವೆ, ಗರ್ಭಧಾರಣೆ ಅಥವಾ ಮಾತುಕತೆಗಳಿಗಾಗಿ ಮಂಗಳವಾರವನ್ನು ತಪ್ಪಿಸುವಂತೆ ಜ್ಯೋತಿಶ್ ಸಲಹೆ ನೀಡುತ್ತದೆ. ಆದರೆ, ಮಂಗಳದ ದಿನಗಳಲ್ಲಿ ಆಕ್ರಮಣಶೀಲತೆಯು ಅತಿರೇಕದ ಕಾರಣ, ಅಥ್ಲೆಟಿಕ್ ಪ್ರಯತ್ನಗಳು ಮತ್ತು ಸ್ಪರ್ಧೆಗಳನ್ನು ಮುಂದುವರಿಸಲು ಇದು ಉತ್ತಮ ಸಮಯ. ಮಂಗಳವನ್ನು ಇಂಜಿನಿಯರ್ ದು ಎಂದು ಭಾವಿಸಲಾಗಿದೆ, ಆದ್ದರಿಂದ ಇದು ಗಣಿತ ಅಥವಾ ಸಂಶೋಧನೆಗೆ ಉತ್ತಮ ದಿನವಾಗಿದೆ. ಗೌರವ ಮತ್ತು ಸರಿಯಾದ ಉದ್ದೇಶವು ಮಂಗಳವಾರದಂದು ಪರಿಗಣಿಸಬೇಕಾದ ಅತ್ಯಂತ ಪ್ರಮುಖ ವಿಷಯಗಳಾಗಿವೆ.

ಏನು ಧರಿಸಬೇಕು: ಭಾನುವಾರದಂತೆಯೇ, ಮಂಗಳವಾರವೂ ಪ್ರಜ್ವಲಿಸುವ ಕೆಂಪು ಬಣ್ಣದ ಅಗತ್ಯವಿರುತ್ತದೆ. ಮಂಗಳವನ್ನು ಸಮಾಧಾನಪಡಿಸಲು ಕೆಂಪು ಹವಳದ ಹರಳನ್ನು ಶಿಫಾರಸು ಮಾಡಲಾಗಿದೆ. ನಿಮ್ಮ ಜಾಕತದಲ್ಲಿ ನೀವು ಪಿತ್ತ (ಬೆಂಕಿ) ದೋಷವನ್ನು ಹೊಂದಿದ್ದರೆ, ಕೆಂಪು ಹವಳದಿಂದ ಮಾಡಿದ ಹಾರವು ಅದನ್ನು ಶಮನಗೊಳಿಸಲು ಸಹಾಯ ಮಾಡುತ್ತದೆ.

ಬುಧವಾರ ಅಧಿಪತಿ: ಬುಧ, ಬಣ್ಣ: ಹಸಿರು, ಹರಳುಗಳು: ಪಚ್ಚೆ, ಅಕ್ವಾಮರೀನ್, ಗ್ರೀನ್ ಟೂರ್ಮಲೈನ್, ಪೆರಿಡಾಟ್

ಗುಣಗಳು: ಬುದ್ಧಿಶಕ್ತಿಯ ಬುಧ ಗ್ರಹವು ಮಿಂಚಿನ ವೇಗದ ಬುದ್ಧಿಶಕ್ತಿ, ಉಲ್ಲಾಸ ಮತ್ತು ಮಗುವಿನಂತಹ ಶಕ್ತಿಗೆ ಹೆಸರುವಾಸಿಯಾಗಿದೆ. ಈ ಗ್ರಹವು ಸಂವಹನ, ಶಿಕ್ಷಣ ಮತ್ತು ವಾಣಿಜ್ಯವನ್ನು ಆಳುತ್ತದೆ. ಬುಧವಾರಗಳು ಮನಸ್ಸನ್ನು ಸಿದ್ಧಿಸಿಕೊಳ್ಳುವ ಮತ್ತು ಸ್ವಯಂ ಕಾಳಜಿ ವಹಿಸುವ ದಿನವಾಗಿದೆ.

ಏನು ಧರಿಸಬೇಕು: ಬುಧ ಗ್ರಹವನ್ನು ಹಸಿರು ಬಣ್ಣದಿಂದ ಪ್ರತಿನಿಧಿಸಲಾಗುತ್ತದೆ, ಆದ್ದರಿಂದ ಬುಧವಾರದಂದು ಹಸಿರು ಬಣ್ಣವನ್ನು ಧರಿಸಿ, ಪಚ್ಚೆ ಕಲ್ಲಿನ ಆಭರಣ ಧರಿಸಿ.

ಗುರುವಾರ ಅಧಿಪತಿ: ಗುರು, ಬಣ್ಣ: ಹಳದಿ, ಕಲ್ಲು: ಹಳದಿ ನೀಲಮಣಿ, ಅಂಬರ್, ನೀಲಮಣಿ, ಸಿಟ್ರಿನ್

ಗುಣಗಳು: ಗುರು – ಸಮೃದ್ಧಿ ಮತ್ತು ಅದೃಷ್ಟದ ಗ್ರಹ, ಗುರುವಾರ ಆಳ್ವಿಕೆ ನಡೆಸುತ್ತದೆ. ಇದು ಒಳ್ಳೆಯತನ ಮತ್ತು ಔದಾರ್ಯದ ಗ್ರಹವಾಗಿದೆ; ಹೀಗಾಗಿ, ಸೇವಾ ಕಾರ್ಯಗಳು ಮತ್ತು ನಿಮ್ಮ ಸಮಯವನ್ನು ದಾನ ಮಾಡುವುದು ಗುರುವಾರದಂದು ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ಚಂದ್ರನಂತೆ, ಗುರುವು ಸಾಮಾಜಿಕ ಗ್ರಹವಾಗಿದೆ, ಮತ್ತು ಗುರುವಾರಗಳು ಪ್ರೀತಿಪಾತ್ರರ ಸಹವಾಸದಲ್ಲಿ ಉತ್ತಮವಾಗಿ ಕಳೆಯುತ್ತವೆ.

ಏನು ಧರಿಸಬೇಕು: ನಿಮ್ಮ ಜೀವನದಲ್ಲಿ ಹೆಚ್ಚು ಸಮೃದ್ಧಿ ಮತ್ತು ಅದೃಷ್ಟವನ್ನು ತುಂಬಿಕೊಳ್ಳುವ ಆಶಯದೊಂದಿಗೆ ಗುರುವಾರದಂದು ಹಳದಿಯನ್ನು ಧರಿಸಿ.

ಶುಕ್ರವಾರ ಅಧಿಪತಿ: ಶುಕ್ರ, ಬಣ್ಣ: ಗುಲಾಬಿ, ಬಿಳಿ, ತಿಳಿ ನೇರಳೆ, ಕಲ್ಲು: ವಜ್ರ, ಬಿಳಿ ನೀಲಮಣಿ

ಗುಣಗಳು: ಸುಂದರವಾದ ಶುಕ್ರವು ಕಲಾತ್ಮಕ ಗ್ರಹವಾಗಿದೆ. ಆದ್ದರಿಂದ ಕಲೆಯ ಎಲ್ಲಾ ಅಂಶಗಳನ್ನು ಅನ್ವೇಷಿಸಲು ಇದು ಅತ್ಯುತ್ತಮ ದಿನವಾಗಿದೆ. ಸೃಜನಶೀಲರಾಗಿ ಮತ್ತು ನಿಮ್ಮ ಆಂತರ್ಯದಲ್ಲಿ ಹುದುಗಿರುವ ರಾಕ್ ಸ್ಟಾರ್ ಅನ್ನು ಬಡಿದೆಬ್ಬಿಸುವ ದಿನ ಇದು. ಶುಕ್ರನನ್ನು ಸಂತೋಷಪಡಿಸಲು ಸಂಗೀತ, ನೃತ್ಯ ಅಥವಾ ರೇಖಾಚಿತ್ರವನ್ನು ಬಿಡಿಸಬಹುದು. ಶುಕ್ರವಾರವೂ ಸಹ ಪ್ರಣಯಕ್ಕೆ ಸೂಕ್ತವಾಗಿದೆ, ಏಕೆಂದರೆ ಶುಕ್ರವು ದೈವಿಕ ಸ್ತ್ರೀಲಿಂಗ ಗ್ರಹವಾಗಿದೆ, ಪ್ರೀತಿಯೊಂದಿಗೆ ಆಳವಾಗಿ ಸಂಪರ್ಕ ಹೊಂದಿದೆ.

ಏನು ಧರಿಸಬೇಕು: ಸೋಮವಾರದಂತೆಯೇ, ಶುಕ್ರ ಮತ್ತು ಚಂದ್ರನನ್ನು ಬಿಳಿ ಪ್ರತಿನಿಧಿಸುತ್ತದೆ.

ಶನಿವಾರ ಅಧಿಪತಿ: ಶನಿ, ಬಣ್ಣ: ಕಪ್ಪು, ಗಾಢ ನೀಲಿ, ಕಲ್ಲುಗಳು: ನೀಲಿ ನೀಲಮಣಿ, ಲ್ಯಾಪಿಸ್ ಲಾಜುಲಿ, ಅಮೆಥಿಸ್ಟ್

ಗುಣಗಳು: ಭಾರವಾದ ಮತ್ತು ಗಾಢವಾದ ಶನಿಯು ಶನಿವಾರಗಳನ್ನು ಆಳುತ್ತದೆ. ವಸ್ತು ವಿಷಯಾಧಾರಿತ ಅಥವಾ ಸಾಮಾಜಿಕ ವಿಷಯಗಳಿಗೆ ಸೂಕ್ತವಾದ ದಿನದಂತೆ ಶನಿವಾರ ಸೂಕ್ತವಾಗಿರುವುದಿಲ್ಲ. ಸಾಮಾನ್ಯವಾಗಿ ನಷ್ಟಗಳು ಮತ್ತು ಕಲಹಗಳನ್ನು ತರುವ ದಿನವೆಂದು ಭಾವಿಸಲಾಗಿದೆ. ಈ ಗ್ರಹವು ನಮ್ಮ ಶ್ರೇಷ್ಠ ದಾರ್ಶನಿಕ ಆಗಬಹುದು. ವಾರದ ಆರಂಭದಲ್ಲಿ, ನಿಮ್ಮ ಮನಸ್ಸನ್ನು ಶುದ್ಧೀಕರಿಸಲು ಮತ್ತು ಹೊಸ ಚಕ್ರಕ್ಕೆ ತಯಾರಾಗಲು ಶನಿಯು ನಿಮ್ಮನ್ನು ಆಹ್ವಾನಿಸುತ್ತಾನೆ. ಪ್ರಕೃತಿಯಲ್ಲಿ ಹಿಮ್ಮೆಟ್ಟಲು ಮತ್ತು ಧ್ಯಾನವನ್ನು ಅನ್ವೇಷಿಸಲು ಇದು ಪರಿಪೂರ್ಣ ದಿನವಾಗಿದೆ. ಜ್ಯೋತಿಶ್ ಪ್ರಕಾರ, ಪರ್ವತಗಳು ಶನಿಗ್ರಹದ ಶಕ್ತಿ, ಸಕಾರಾತ್ಮಕ ಅಂಶಗಳನ್ನು ಹೊರಸೂಸುತ್ತದೆ. ಶನಿವಾರದಂದು ಕಾಡಿನ ಸ್ನಾನಕ್ಕೆ ಮತ್ತು ಪ್ರಕೃತಿ ತಾಯಿಯೊಂದಿಗೆ ಕಳೆಯಲು ಸೂಕ್ತವಾಗಿದೆ.

ಏನು ಧರಿಸಬೇಕು: ಶನಿಯನ್ನು ಗಾಢ ಬಣ್ಣಗಳಿಂದ ಪ್ರತಿನಿಧಿಸಲಾಗುತ್ತದೆ, ಅವುಗಳೆಂದರೆ ಕಪ್ಪು ಮತ್ತು ಗಾಢ ನೀಲಿ.