Hair Care Tips: ಆರೋಗ್ಯಕರ ಮತ್ತು ಹೊಳೆಯುವ ಕೂದಲಿಗೆ ಇಲ್ಲಿವೆ ನೈಸರ್ಗಿಕ ಮನೆಮದ್ದುಗಳು!

ಪ್ರತಿಯೊಬ್ಬರೂ ರೇಷ್ಮೆಯಂತಹ, ಹೊಳೆಯುವ, ಉದ್ದವಾದ, ಸುಂದರವಾದ ಉದ್ದನೆಯ ಕೂದಲನ್ನು (Hair) ಹೊಂದಲು ಆಸೆ ಪಡುತ್ತಾರೆ. ಮಹಿಳೆಯರ ಸೌಂದರ್ಯವನ್ನು ಇಮ್ಮಡಿಗೊಳಿಸುವಲ್ಲಿ ಕೂದಲು ಬಹುಮುಖ್ಯ ಪಾತ್ರ ವಹಿಸುತ್ತದೆ. ಉದ್ದನೆಯ ಕೂದಲನ್ನು ನೋಡಿ ಅದೆಷ್ಟೋ ಹುಡುಗರು ಮರಳಾಗಿದ್ದಾರೆ. ಮಹಿಳೆಯರು ಕೂಡ ತಮ್ಮ ಕೂದಲಿನ ಆರೈಕೆಗೆ ವಿಶೇಷ ಗಮನ ನೀಡುತ್ತಾರೆ. ನೀವು ಹೊಳೆಯುವ ಮತ್ತು ಮೃದುವಾದ ಕೂದಲನ್ನು ಹೊಂದಿದ್ದರೆ, ಹಲವಾರು ರೀತಿಯ ಕೇಶವಿನ್ಯಾಸವನ್ನು ಮಾಡಬಹುದು. ಅದಕ್ಕಾಗಿಯೇ ಮಹಿಳೆಯರು ವಿವಿಧ ಉತ್ಪನ್ನಗಳನ್ನು ಬಳಸಿ ತಮ್ಮ ಕೂದಲನ್ನು ರಕ್ಷಿಸಿಕೊಳ್ಳುತ್ತಾರೆ.  ಆದಾಗ್ಯೂ, ಇಂದಿನ ಹವಾಮಾನ ಮಾಲಿನ್ಯ ಮತ್ತು ಬಿಡುವಿಲ್ಲದ ಜೀವನದಲ್ಲಿ, ಅನೇಕ ಜನರು ಕೂದಲು ಸಂಬಂಧಿತ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಕೂದಲು ತನ್ನ ನೈಸರ್ಗಿಕ ಸೌಂದರ್ಯವನ್ನು ಕಳೆದುಕೊಳ್ಳುತ್ತಿದೆ. ಸರಳವಾದ ಮನೆಮದ್ದುಗಳನ್ನು ಉಪಯೋಗಿಸಿ ಹೊಳೆಯುವ ಮತ್ತು ಮೃದುವಾದ ಕೂದಲನ್ನು ಹೇಗೆ ಪಡೆಯುವುದು ಎಂದು ಈ ಲೇಖನದ ಮೂಲಕ ತಿಳಿಯಬಹುದು.

ಮೊಟ್ಟೆ: ಆರೋಗ್ಯಕರ, ಹೊಳೆಯುವ ಕೂದಲಿಗೆ ಮೊಟ್ಟೆಯನ್ನು ಬಳಸಬಹುದು. ಮೊಟ್ಟೆಯಲ್ಲಿ ಪ್ರೋಟೀನ್ಗಳು, ಕೊಬ್ಬಿನಾಮ್ಲಗಳು ಮತ್ತು ಲೆಕ್ಟಿನ್ಗಳು ಸಮೃದ್ಧವಾಗಿವೆ. ಇವು ಕೂದಲನ್ನು ಆರೋಗ್ಯಕರವಾಗಿಸುತ್ತದೆ. ಇದರಲ್ಲಿ ಆಲಿವ್ ಎಣ್ಣೆಯನ್ನು ಸೇರಿಸುವುದರೊಂದಿಗೆ ಪರಿಣಾಮವು ಹೆಚ್ಚು ವೇಗವಾಗಿ ಕಂಡುಬರುತ್ತದೆ.

ಬಿಯರ್: ನಿಮ್ಮ ಕೂದಲು ಹೊಳಪು ಕಳೆದುಕೊಂಡಿದ್ದರೆ ಮತ್ತು ಆ ಹೊಳಪನ್ನು ಮರಳಿ ಪಡೆಯಲು ನೀವು ಬಯಸುವುದಾದರೆ ‘ಬಿಯರ್’ ಸಹಕಾರಿ ಎಂದು ತಜ್ಞರು ಹೇಳುತ್ತಾರೆ. ಕೂದಲ ರಕ್ಷಣೆಗೂ ಬಿಯರ್ ಬಳಸಬಹುದಾಗಿದೆ. ಬಿಯರ್ ಹಲವರಿಗೆ ಹೇರ್ ಟಾನಿಕ್​ನಂತೆ ಕೆಲಸ ಮಾಡುತ್ತದೆ. ಇದರಲ್ಲಿರುವ ಪ್ರೊಟೀನ್‌ಗಳು ಕೂದಲನ್ನು ರಕ್ಷಿಸುತ್ತದೆ. ಇದು ಕೂದಲಿನ ಹೊಳಪನ್ನು ಮರುಕಳಿಸುತ್ತದೆ.

ತೆಂಗಿನ ಎಣ್ಣೆ: ಕೂದಲಿನ ಆರೈಕೆಗೆ ತೆಂಗಿನೆಣ್ಣೆಯನ್ನು ಬಳಸಬಹುದು. ತೆಂಗಿನ ಎಣ್ಣೆಯಿಂದ ಕೂದಲಿಗೆ ಮಸಾಜ್ ಮಾಡುವುದರಿಂದ ಕೂದಲು ಮೃದು ಮತ್ತು ಹೊಳೆಯುತ್ತದೆ. ಕೂದಲಿಗೆ ಹೊಸ ಶಕ್ತಿ ನೀಡುತ್ತದೆ. ತೆಂಗಿನ ಎಣ್ಣೆಯಲ್ಲಿ ವಿಟಮಿನ್ ಇ ಇದ್ದು, ಇದು ಕೂದಲನ್ನು ತೇವಗೊಳಿಸುತ್ತದೆ. ಶುಷ್ಕತೆಯನ್ನು ತಡೆಯುತ್ತದೆ.

ಜೇನು ತುಪ್ಪ: ಕೂದಲಿನ ಆರೈಕೆಗೂ ಜೇನುತುಪ್ಪವನ್ನು ಬಳಸಬಹುದು. ಜೇನುತುಪ್ಪವು ಕೂದಲನ್ನು ಮೃದುಗೊಳಿಸುವಲ್ಲಿ ಸಹಕರಿಸುತ್ತದೆ. ಇದನ್ನು ಮೊಸರಿನ ಜೊತೆಗೆ ಹಚ್ಚಿದರೆ ಹೆಚ್ಚಿನ ಲಾಭವಾಗುತ್ತದೆ ಎನ್ನುತ್ತಾರೆ ತಜ್ಞರು.

ಮತ್ತಷ್ಟು ಜೀವನಶೈಲಿ ಲೇಖನಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ.