ಅಣಬೆ ತಿನ್ನುವುದರಿಂದ ಕೆಲವರಿಗೆ ಅಪಾಯವೂ ಆದೀತು!

ಅಣಬೆಗಳು ಆರೋಗ್ಯಕ್ಕೆ ಪೌಷ್ಟಿಕಾಂಶಗಳನ್ನು ನೀಡುತ್ತವೆ. ಆದರೆ, ಈ ಅಣಬೆಗಳಿಂದ ಅಡ್ಡಪರಿಣಾಮಗಳೂ ಆಗುತ್ತವೆ. ಅಣಬೆ ಸೇವಿಸುವುದರಿಂದ ಕೆಲವರಿಗೆ ಆಯಾಸ, ಹೊಟ್ಟೆನೋವು, ತಲೆನೋವು, ಆತಂಕ, ತಲೆತಿರುಗುವಿಕೆ ಮತ್ತು ಚರ್ಮದ ಕಿರಿಕಿರಿ ಉಂಟಾಗುತ್ತದೆ. ವಿಷಕಾರಿ ಕಾಡು ಅಣಬೆಗಳ ಸೇವನೆಯಿಂದ ಅಂಗ ಹಾನಿ ಮತ್ತು ಅಂಗವೈಫಲ್ಯ ಕೂಡ ಉಂಟಾಗಬಹುದು. ಹೀಗಾಗಿ, ಅಣಬೆ ತಿಂದ ಬಳಿಕ ಅತಿಯಾದ ಹೊಟ್ಟೆಯ ನೋವು, ವಾಂತಿ ಮತ್ತು ಅತಿಸಾರ, ಅಥವಾ ವಿಪರೀತ ಚರ್ಮದ ಅಲರ್ಜಿಗಳು ಉಂಟಾದರೆ ವೈದ್ಯರನ್ನು ಸಂಪರ್ಕಿಸಿ.

ಮಶ್ರೂಮ್ ತಿನ್ನಲು ಯೋಗ್ಯವಾದ ಒಂದು ಫಂಗಸ್ ಆಗಿದೆ. ಇದು ಅತ್ತ ತರಕಾರಿಯೂ ಅಲ್ಲ, ಇತ್ತ ಹಣ್ಣೂ ಅಲ್ಲ. ಒಣ ಮತ್ತು ಹಸಿ ರೂಪಗಳೆರಡರಲ್ಲೂ ಅಣಬೆಗಳು ಸಿಗುತ್ತವೆ. ಅದರಲ್ಲಿ ಸಿಂಪಿ, ಪೊರ್ಸಿನಿ ಮತ್ತು ಬಟನ್ ಅಣಬೆ ಅತ್ಯಂತ ಸಾಮಾನ್ಯ ಪ್ರಭೇದಗಳಾಗಿವೆ. ಅಣಬೆಗಳನ್ನು ಮೊದಲು ಜಪಾನ್ ಮತ್ತು ಚೀನಾದಲ್ಲಿ ಬೆಳೆಸಲಾಯಿತು. ಅವುಗಳನ್ನು ಈಗ ಪ್ರಪಂಚದಾದ್ಯಂತ ವರ್ಷವಿಡೀ ಬೆಳೆಸಲಾಗುತ್ತದೆ. ಭಾರತದಲ್ಲಿ ಇದನ್ನು ಹರಿಯಾಣ, ಉತ್ತರ ಪ್ರದೇಶ, ರಾಜಸ್ಥಾನ, ಜಮ್ಮು ಮತ್ತು ಕಾಶ್ಮೀರ ಮತ್ತು ಹಿಮಾಚಲ ಪ್ರದೇಶದಂತಹ ರಾಜ್ಯಗಳಲ್ಲಿ ವ್ಯಾಪಕವಾಗಿ ಬೆಳೆಯಲಾಗುತ್ತದೆ.

ಅಣಬೆಗಳು ಮಾಂಸದಂತೆ ಪರಿಮಳವನ್ನು ಹೊಂದಿರುತ್ತವೆ. ಅದಕ್ಕಾಗಿಯೇ ಅವುಗಳನ್ನು ಸಸ್ಯಾಹಾರಿ ಮಾಂಸ ಎಂದೂ ಕರೆಯುತ್ತಾರೆ. ಅಣಬೆಗಳು ಅನೇಕ ಆರೋಗ್ಯ ಪ್ರಯೋಜನಗಳನ್ನು ಹೊಂದಿವೆ. ಅಣಬೆಗಳು ಉತ್ಕರ್ಷಣ ನಿರೋಧಕ ಗುಣಗಳನ್ನು ಹೊಂದಿದೆ. ಇದು ರೋಗನಿರೋಧಕ ಶಕ್ತಿಯನ್ನು ಜಾಗೃತಗೊಳಿಸುತ್ತದೆ. ಇದು ಆಂಟಿಮೈಕ್ರೊಬಿಯಲ್ ಗುಣಲಕ್ಷಣಗಳನ್ನು ಹೊಂದಿದೆ. ಅಣಬೆಗಳು ನ್ಯೂರೋಪ್ರೊಟೆಕ್ಟಿವ್ ಗುಣಲಕ್ಷಣಗಳನ್ನು ಹೊಂದಿದ್ದು, ನರಗಳ ಹಾನಿಯನ್ನು ನಿಯಂತ್ರಿಸುತ್ತದೆ. ಇದು ಉರಿಯೂತದ ಗುಣಲಕ್ಷಣಗಳನ್ನು ಹೊಂದಿದೆ.

ಇದನ್ನೂ ಓದಿ: ದಪ್ಪನೆ, ಆರೋಗ್ಯಯುತ ಕೂದಲಿಗೆ ಈ ಸ್ಪೆಷಲ್ ಎಣ್ಣೆ ಬಳಸಿ ನೋಡಿ

ಅಣಬೆಗಳು ವಿಟಮಿನ್ ಡಿಯ ಉತ್ತಮ ಮೂಲವಾಗಿದೆ. ಇದು ಮೂಳೆಗಳನ್ನು ಬಲಪಡಿಸುತ್ತದೆ ಮತ್ತು ಕ್ಯಾಲ್ಸಿಯಂ ಹೀರಿಕೊಳ್ಳುವಲ್ಲಿ ಸಹಾಯ ಮಾಡುತ್ತದೆ. ಇದು ಮೂಳೆಯ ಆರೋಗ್ಯವನ್ನು ಸುಧಾರಿಸಲು ಸಹಾಯ ಮಾಡುತ್ತದೆ. ವಿಟಮಿನ್ ಡಿ ಉರಿಯೂತವನ್ನು ಕಡಿಮೆ ಮಾಡುತ್ತದೆ ಮತ್ತು ಜೀವಕೋಶದ ಬೆಳವಣಿಗೆಗೆ ಸಹಾಯ ಮಾಡುತ್ತದೆ. ಅಣಬೆಗಳು ಎರಿಟಾಡೆನಿನ್ ಎಂಬ ರಾಸಾಯನಿಕ ಸಂಯುಕ್ತವನ್ನು ಹೊಂದಿದೆ. ಇದು ಕೊಲೆಸ್ಟ್ರಾಲ್ ಉತ್ಪಾದನೆಯನ್ನು ನಿಯಂತ್ರಿಸುತ್ತದೆ. ದೇಹದ ಒಟ್ಟು ಕೊಲೆಸ್ಟ್ರಾಲ್ ಅನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ.

ಅಣಬೆಗಳನ್ನು ಹಸಿಯಾಗಿಯೇ ತಿನ್ನಬಹುದು. ಸಲಾಡ್ ಅಥವಾ ಸೂಪ್​ಗೆ ಇದನ್ನು ಸೇರಿಸಲಾಗುತ್ತದೆ. ಆದರೂ, ಅವು ಶಿಲೀಂಧ್ರಗಳಾಗಿರುವುದರಿಂದ ಬಳಸುವ ಮೊದಲು ಅವುಗಳನ್ನು ಬೇಯಿಸುವುದು ಉತ್ತಮ. ಅಣಬೆಗಳು ಖಾದ್ಯ ಶಿಲೀಂಧ್ರಗಳಾಗಿವೆ. ಅವರು ಆಂಟಿಆಕ್ಸಿಡೆಂಟ್‌ಗಳು ಮತ್ತು ಇತರ ಪೋಷಕಾಂಶಗಳನ್ನು ಒದಗಿಸುತ್ತದೆ. ಅಣಬೆಗಳು ಪ್ರೋಟೀನ್, ವಿಟಮಿನ್, ಖನಿಜಗಳು ಮತ್ತು ಉತ್ಕರ್ಷಣ ನಿರೋಧಕಗಳನ್ನು ಹೊಂದಿರುತ್ತವೆ. ಅಣಬೆಗಳಲ್ಲಿನ ಉತ್ಕರ್ಷಣ ನಿರೋಧಕಗಳೆಂದರೆ, ಸೆಲೆನಿಯಮ್, ವಿಟಮಿನ್ ಸಿ, ಕೋಲೀನ್.

ಇದನ್ನೂ ಓದಿ: ರಾತ್ರಿ ಮಲಗುವಾಗ ನೀರು ಕುಡಿಯುತ್ತೀರಾ? ಇದರಿಂದ ಏನಾಗುತ್ತೆ?

ಅಣಬೆಯಲ್ಲಿರುವ ಫೈಬರ್, ಪೊಟ್ಯಾಸಿಯಮ್ ಮತ್ತು ವಿಟಮಿನ್ ಸಿ ಹೃದಯರಕ್ತನಾಳದ ಆರೋಗ್ಯ ಕಾಪಾಡುತ್ತದೆ. ಪೊಟ್ಯಾಸಿಯಮ್ ರಕ್ತದೊತ್ತಡವನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ ಮತ್ತು ಇದು ಅಧಿಕ ರಕ್ತದೊತ್ತಡ, ಹೃದಯರಕ್ತನಾಳದ ಕಾಯಿಲೆಯ ಅಪಾಯವನ್ನು ಕಡಿಮೆ ಮಾಡುತ್ತದೆ. ಅನೇಕ ಮಹಿಳೆಯರು ಭ್ರೂಣದ ಆರೋಗ್ಯವನ್ನು ಹೆಚ್ಚಿಸಲು ಗರ್ಭಾವಸ್ಥೆಯಲ್ಲಿ ಫೋಲಿಕ್ ಆ್ಯಸಿಡ್ ಅಥವಾ ಫೋಲೇಟ್, ಸಪ್ಲಿಮೆಂಟ್​ಗಳನ್ನು ತೆಗೆದುಕೊಳ್ಳುತ್ತಾರೆ. ಈ ಅಣಬೆಗಳು ಫೋಲೇಟ್ ಅನ್ನು ಸಹ ಒದಗಿಸುತ್ತವೆ.

ಅಣಬೆಗಳನ್ನು ಸೇವಿಸುವುದರಿಂದ ಆಗುವ ಅಡ್ಡಪರಿಣಾಮಗಳು ಹೀಗಿವೆ…

1. ಆಯಾಸ ಹೆಚ್ಚಾಗುತ್ತದೆ.

2. ಹೊಟ್ಟೆಯ ಕಿರಿಕಿರಿ ಉಂಟಾಗುತ್ತದೆ.

3. ಚರ್ಮದ ಅಲರ್ಜಿಗಳು ಉಂಟಾಗುತ್ತವೆ.

4. ಗರ್ಭಾವಸ್ಥೆಯಲ್ಲಿ ಸೇವಿಸಬೇಡಿ. ಸ್ತನ್ಯಪಾನ ಮತ್ತು ಗರ್ಭಾವಸ್ಥೆಯಲ್ಲಿ ಮಹಿಳೆಯರು ಅಣಬೆಗಳನ್ನು ಸೇವಿಸಬಾರದು ಎಂದು ಕೆಲವು ವೈದ್ಯರು ಸಲಹೆ ನೀಡುತ್ತಾರೆ.

5. ತಲೆನೋವು ಉಂಟಾಗುತ್ತದೆ. ಕೆಲವು ಔಷಧಿಗಳು ತಲೆನೋವನ್ನು ಉಂಟುಮಾಡುತ್ತವೆ.

6. ಅಣಬೆಗಳು ಕೆಲವು ಜನರಲ್ಲಿ ಆತಂಕವನ್ನು ಉಂಟುಮಾಡುತ್ತವೆ.

7. ಮಾನಸಿಕ ಅಸ್ವಸ್ಥತೆ ಉಂಟಾಗುತ್ತದೆ. ಮಾನಸಿಕ ಅಸ್ವಸ್ಥತೆಯು ನಿರ್ದಿಷ್ಟ ಜನರಲ್ಲಿ ಅಣಬೆಗಳಿಂದ ಉಂಟಾಗುವ ಅತ್ಯಂತ ಗಂಭೀರವಾದ ಅಡ್ಡ ಪರಿಣಾಮವಾಗಿದೆ.

8. ಅಣಬೆಗಳನ್ನು ತಿಂದ ಕೆಲವು ಗಂಟೆಗಳ ನಂತರ ಕೆಲವು ಜನರಿಗೆ ವಿಪರೀತ ತಲೆತಿರುಗುತ್ತದೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ