ಹೈದರಾಬಾದ್​​ನಲ್ಲಿ ತಯಾರಾಗಿದೆ ಅಯೋಧ್ಯೆ ರಾಮಮಂದಿರದ ಬಾಗಿಲು

ಹೈದರಾಬಾದ್ ಡಿಸೆಂಬರ್ 27: ಶ್ರೀರಾಮನ ಜನ್ಮಸ್ಥಳವಾದ ಅಯೋಧ್ಯೆಯಲ್ಲಿ (Ayodhya) ರಾಮಲಲ್ಲಾ ಪ್ರತಿಷ್ಠಾಪನೆಗೆ ಇನ್ನು ಕೆಲವೇ ದಿನಗಳು ಉಳಿದಿವೆ. ಸುಮಾರು 500 ವರ್ಷಗಳ ನಂತರ ಅಯೋಧ್ಯಾಪುರಿಯ ಸರಯೂ ನದಿಯ ದಡದಲ್ಲಿ ರಾಮ್ ಲಲ್ಲಾ ಪ್ರತಿಷ್ಠಾ ಕಾರ್ಯಕ್ರಮ ನಡೆಯಲಿದೆ. ಶರವೇಗದಲ್ಲಿ ನಿರ್ಮಾಣವಾಗುತ್ತಿರುವ ರಾಮಮಂದಿರ (Ram mandir) ಉದ್ಘಾಟನೆಗೆ ಭರದ ಸಿದ್ಧತೆಗಳು ನಡೆಯುತ್ತಿವೆ. ಕೋಟ್ಯಂತರ ಜನ ಸೇರಿ ನಿರ್ಮಿಸುತ್ತಿರುವ ಈ ದೇವಾಲಯ ಯಾವುದೇ ಪ್ರಕೃತಿ ವಿಕೋಪ ಸಂಭವಿಸಿದರೂ ಭದ್ರವಾಗಿ ನಿಲ್ಲುತ್ತದೆ. ಭಾರತೀಯ ಸಂಸ್ಕೃತಿಯನ್ನು ಪ್ರತಿಬಿಂಬಿಸಲು ನಾಗರ ಶೈಲಿಯಲ್ಲಿ ಮತ್ತು ಅಷ್ಟಭುಜಾಕೃತಿಯಲ್ಲಿ ರಾಮಮಂದಿರವನ್ನು ನಿರ್ಮಿಸಲಾಗುತ್ತಿದೆ.

ಪ್ರಧಾನಿ ನರೇಂದ್ರ ಮೋದಿ ಅವರು ಜನವರಿ 22 ರಂದು ಈ ರಾಮಮಂದಿರವನ್ನು ಉದ್ಘಾಟಿಸಲಿದ್ದಾರೆ. ಮಧ್ಯಾಹ್ನ 12:30ಕ್ಕೆ ಗರ್ಭ ಗುಡಿಯಲ್ಲಿ ಮೂರ್ತಿ ಪ್ರತಿಷ್ಠಾಪನೆ ನಡೆಯಲಿದೆ ಎಂದು ಪಂಡಿತರು ತಿಳಿಸಿದ್ದಾರೆ.

ಯಾವುದೇ ಪ್ರಾಕೃತಿಕ ವಿಕೋಪ ಎದುರಾದರೂ ರಾಮ ಮಂದಿರವು ಹಾಗೇ ಇರುವುದನ್ನು ಖಚಿತಪಡಿಸಿಕೊಳ್ಳಲು ಉತ್ತಮ ಗುಣಮಟ್ಟದ ವಸ್ತುಗಳು, ಪೀಠೋಪಕರಣಗಳು ಮತ್ತು ವಸ್ತುಗಳನ್ನು ಬಳಸಲಾಗುತ್ತದೆ. ಈ ಅತ್ಯಂತ ಪ್ರತಿಷ್ಠಿತ ನಿರ್ಮಾಣದಲ್ಲಿ ಹಲವಾರು ಭಕ್ತರು ಭಾಗವಹಿಸುತ್ತಿದ್ದಾರೆ. ಹೈದರಾಬಾದಿನ ಟಿಂಬರ್ ಕಂಪನಿಯೂ ದೇವಸ್ಥಾನ ನಿರ್ಮಾಣದಲ್ಲಿ ತೊಡಗಿತ್ತು.

Ayodhya Ram temple doors made in #Hyderabad

They are being made at Anuradha Timbers International in New Boinpally, #Secunderabad

Sarath Babu, the owner of the company said they are making over 100 doors required for the Ram Temple in Ayodhya.

The inauguration of the… pic.twitter.com/sYhqxXhHce

— Sudhakar Udumula (@sudhakarudumula) December 26, 2023

ಭಾಗ್ಯನಗರದಲ್ಲಿ ರಾಮಮಂದಿರದ ಬಾಗಿಲು ಮಾಡಲಾಗುತ್ತಿದೆ. ಸಿಕಂದರಾಬಾದ್‌ನ ನ್ಯೂ ಬೋಯಿನಪಲ್ಲಿಯಲ್ಲಿರುವ ಅನುರಾಧಾ ಟಿಂಬರ್ ಡಿಪೋದಲ್ಲಿ ರಾಮಮಂದಿರದ ಬಾಗಿಲು ಸಿದ್ಧವಾಗುತ್ತಿದೆ. ತಮಿಳುನಾಡಿನ ಕುಮಾರಸ್ವಾಮಿಯವರೊಂದಿಗೆ ಸುಮಾರು 60 ಜನರು ಒಂದು ವರ್ಷದ ಹಿಂದೆ ಈ ಬಾಗಿಲುಗಳನ್ನು ಮಾಡಲು ಪ್ರಾರಂಭಿಸಿದರು.

ಈ ಬಾಗಿಲುಗಳ ತಯಾರಿಕೆಗೆ ಬಲ್ಲಾರಶದ ತೇಗದ ಮರವನ್ನು ಬಳಸಲಾಗುತ್ತಿದೆ ಎಂದು ಅನುರಾಧ ಟಿಂಬರ್ ಡಿಪೋ ಮಾಲೀಕ ಶರತ್ ಬಾಬು ಬಹಿರಂಗಪಡಿಸಿದರು. ರಾಮಮಂದಿರದ ಜತೆಗೆ ದೇವಸ್ಥಾನದ ಆವರಣಕ್ಕೆ ಬೇಕಾದ 100 ಬಾಗಿಲುಗಳನ್ನು ಸಿದ್ಧಪಡಿಸಲಾಗುತ್ತಿದೆ. ಉದ್ಘಾಟನಾ ಸಮಾರಂಭದ ಸಮಯ ಸಮೀಪಿಸುತ್ತಿದ್ದಂತೆ ನಿರ್ಮಾಣ ಕಾರ್ಯದ ವೇಗ ಹೆಚ್ಚುತ್ತಿದ್ದು, ಈ ಐತಿಹಾಸಿಕ ಸಮಾರಂಭದಲ್ಲಿ ಪಾಲ್ಗೊಳ್ಳುವ ಭಾಗ್ಯ ಸಿಕ್ಕಿದೆ.

ಇದನ್ನೂ ಓದಿ: ಅಯೋಧ್ಯೆ ರಾಮಮಂದಿರ ಉದ್ಘಾಟನೆ ಕಾರ್ಯಕ್ರಮಕ್ಕೆ ಎಲ್‌ಕೆ ಅಡ್ವಾಣಿ, ಎಂಎಂ ಜೋಶಿಗೆ ವಿಎಚ್‌ಪಿ ಆಹ್ವಾನ

ರಾಮಮಂದಿರದ ಪ್ರಾಣ ಪ್ರತಿಷ್ಠಾ ಕಾರ್ಯಕ್ರಮವನ್ನು ವೀಕ್ಷಿಸಲು ಲಕ್ಷಾಂತರ ಜನರು ಅಯೋಧ್ಯೆಗೆ ತಲುಪಲು ತಯಾರಿ ನಡೆಸುತ್ತಿದ್ದಾರೆ. ವಿವಿಐಪಿಗಳ ಜತೆಗೆ ಭಕ್ತರು ಆಗಮಿಸುತ್ತಿರುವುದರಿಂದ ಪೊಲೀಸರು ಭಾರೀ ಭದ್ರತೆ ಏರ್ಪಡಿಸುತ್ತಿದ್ದಾರೆ. ಇನ್ನೊಂದೆಡೆ ತಂಗಲು ಹೋಟೆಲ್ ಬುಕ್ಕಿಂಗ್ ಕೂಡ ಮುಗಿದಿದೆಯಂತೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 1:33 pm, Wed, 27 December 23