ಬಿಹಾರದ ಬಾಗಲ್ಪುರದಲ್ಲಿ 36ಕ್ಕೂ ಅಧಿಕ ಮನೆಗಳು ಸುಟ್ಟು ಭಸ್ಮ, ಹಲವರು ಸಾವು
ಬಿಹಾರದ ಭಾಗಲ್ಪುರ ಜಿಲ್ಲೆಯಲ್ಲಿ ಸಂಭವಿಸಿದ ಭೀಕರ ಬೆಂಕಿ ಅವಘಡ(Fire Accident)ದಲ್ಲಿ ಸುಮಾರು 36ಕ್ಕೂ ಮನೆಗಳು ಸುಟ್ಟು ಭಸ್ಮವಾಗಿವೆ. ಹಲವರು ಪ್ರಾಣ ಕಳೆದುಕೊಂಡಿದ್ದಾರೆ. ಕಾಡಿನ ಬೆಂಕಿಗೆ ಎರಡು ಹಸುಗಳು ಮತ್ತು ಮೂರು ಮೇಕೆಗಳು ಸುಟ್ಟು ಕರಕಲಾಗಿವೆ ಎಂದು ನಿವಾಸಿಗಳು ಹೇಳಿದ್ದಾರೆ. ಹೆಚ್ಚಿನ ಜನರು ಕೃಷಿ ಉದ್ದೇಶಗಳಿಗಾಗಿ ಹೊಲಗಳಿಗೆ ಹೋಗಿದ್ದಾಗ ಮಧ್ಯಾಹ್ನ 12 ಗಂಟೆ ಸುಮಾರಿಗೆ ಈ ಘಟನೆ ಸಂಭವಿಸಿದೆ. ಬೆಂಕಿಯ ಜ್ವಾಲೆಯನ್ನು ನೋಡಿ ಧಾವಿಸಿದರೂ, ಹಲವಾರು ನಿಮಿಷಗಳ ಕಾಲ ಬೆಂಕಿಯನ್ನು ನಿಯಂತ್ರಿಸಲು ಸಾಧ್ಯವಾಗಲಿಲ್ಲ.
Updated on: May 11, 2025 | 11:26 AM
ಬಾಗಲ್ಪುರ, ಮೇ 11: ಬಿಹಾರದ ಭಾಗಲ್ಪುರ ಜಿಲ್ಲೆಯಲ್ಲಿ ಸಂಭವಿಸಿದ ಭೀಕರ ಬೆಂಕಿ ಅವಘಡ(Fire Accident)ದಲ್ಲಿ ಸುಮಾರು 36ಕ್ಕೂ ಮನೆಗಳು ಸುಟ್ಟು ಭಸ್ಮವಾಗಿವೆ. ಹಲವರು ಪ್ರಾಣ ಕಳೆದುಕೊಂಡಿದ್ದಾರೆ. ಕಾಡಿನ ಬೆಂಕಿಗೆ ಎರಡು ಹಸುಗಳು ಮತ್ತು ಮೂರು ಮೇಕೆಗಳು ಸುಟ್ಟು ಕರಕಲಾಗಿವೆ ಎಂದು ನಿವಾಸಿಗಳು ಹೇಳಿದ್ದಾರೆ. ಹೆಚ್ಚಿನ ಜನರು ಕೃಷಿ ಉದ್ದೇಶಗಳಿಗಾಗಿ ಹೊಲಗಳಿಗೆ ಹೋಗಿದ್ದಾಗ ಮಧ್ಯಾಹ್ನ 12 ಗಂಟೆ ಸುಮಾರಿಗೆ ಈ ಘಟನೆ ಸಂಭವಿಸಿದೆ. ಬೆಂಕಿಯ ಜ್ವಾಲೆಯನ್ನು ನೋಡಿ ಧಾವಿಸಿದರೂ, ಹಲವಾರು ನಿಮಿಷಗಳ ಕಾಲ ಬೆಂಕಿಯನ್ನು ನಿಯಂತ್ರಿಸಲು ಸಾಧ್ಯವಾಗಲಿಲ್ಲ.
ಜ್ವಾಲೆಗಳು ಎಷ್ಟು ತೀವ್ರವಾಗಿತ್ತೆಂದರೆ ಅದು ಇದ್ದಕ್ಕಿದ್ದಂತೆ ದೈತ್ಯಾಕಾರದ ರೂಪವನ್ನು ಪಡೆದುಕೊಂಡಿತು ಮತ್ತು ಮನೆಗಳಲ್ಲಿ ಇರಿಸಲಾಗಿದ್ದ ಒಂದೇ ಒಂದು ವಸ್ತುವನ್ನು ಉಳಿಸಲು ಸಾಧ್ಯವಾಗಲಿಲ್ಲ. ಕುಟುಂಬದ ಹೆಚ್ಚಿನ ಸದಸ್ಯರು ಮೆಕ್ಕೆಜೋಳ ಕೊಯ್ಲಿಗೆ ಹೊಲಗಳಿಗೆ ಹೋಗಿದ್ದರು. ಬೆಂಕಿಯ ಜ್ವಾಲೆ ಮತ್ತು ಹೊಗೆಯನ್ನು ನೋಡಿ, ಹತ್ತಿರದ ಗ್ರಾಮಸ್ಥರು ಮತ್ತು ಹೊಲಗಳಲ್ಲಿ ಬೆಳೆ ಸಿದ್ಧಪಡಿಸುತ್ತಿದ್ದ ಜನರು ಓಡಿ ಬಂದರು, ಆದರೆ ಅಷ್ಟೊತ್ತಿಗಾಗಲೇ ಮನೆಯ ಎಲ್ಲಾ ವಸ್ತುಗಳು ಸುಟ್ಟು ಬೂದಿಯಾಗಿದ್ದವು.
ಮೊದಲು ಬ್ರಹ್ಮದೇವ್ ಯಾದವ್ ಅವರ ಮನೆಯಿಂದ ಹೊಗೆ ಹೊರಬಂದು ಇದ್ದಕ್ಕಿದ್ದಂತೆ ವೇಗವಾಗಿ ಹರಡಿತು. ಬ್ರಹ್ಮದೇವ್ ಯಾದವ್ ಅವರ ಕುಟುಂಬದ ಎಲ್ಲಾ ಸದಸ್ಯರು ಹೊಲಗಳಿಗೆ ಹೋಗಿದ್ದರು. ಇದರಿಂದಾಗಿ ಬೆಂಕಿ ಹೇಗೆ ಹರಡಿತು ಎಂದು ತಿಳಿದುಬಂದಿಲ್ಲ.
ಮತ್ತಷ್ಟು ಓದಿ: ಬೆಂಗಳೂರಿನಲ್ಲಿ ಅಗ್ನಿ ಅವಘಡ: 20ಕ್ಕೂ ಹೆಚ್ಚು ಶೆಡ್ಗಳು ಬೆಂಕಿಗಾಹುತಿ, ತಪ್ಪಿದ ದುರಂತ
ಜಿಲ್ಲಾ ಪರಿಷತ್ ಉಪಾಧ್ಯಕ್ಷ ಪಪ್ಪು ಯಾದವ್, ಮುಖ್ಯ ಪ್ರತಿನಿಧಿ ಕುಂದನ್ ಯಾದವ್, ಮಾಜಿ ಮುಖ್ಯಸ್ಥ ವಿಜಯ್ ಗೋಸ್ವಾಮಿ ಅವರು ಸಿಒ ಮನೋಹರ್ ಕುಮಾರ್, ಬಿಡಿಒ ಅಭಿಮನ್ಯು ಕುಮಾರ್, ಪೊಲೀಸ್ ಠಾಣೆ ಮುಖ್ಯಸ್ಥ ನೀರಜ್ ಕುಮಾರ್ ಅವರಿಗೆ ಈ ಬಗ್ಗೆ ಮಾಹಿತಿ ನೀಡಿದರು. ಮಾಹಿತಿ ತಿಳಿದ ಕೂಡಲೇ ಪಿರ್ಪೈಂಟಿ ಮತ್ತು ಎಕ್ಚಾರಿ ದಿಯಾರಾದಿಂದ ಎರಡು ಸಣ್ಣ ಅಗ್ನಿಶಾಮಕ ವಾಹನಗಳು ಸ್ಥಳಕ್ಕೆ ತಲುಪಿದವು.
ಬೆಂಕಿಯ ಭೀಕರ ರೂಪವನ್ನು ನೋಡಿ, ಮಾಹಿತಿಯ ಮೇರೆಗೆ ದೊಡ್ಡ ಅಗ್ನಿಶಾಮಕ ವಾಹನ ಕರೆಸಲಾಯಿತು. ದೀಪ್ ನಾರಾಯಣ್ ಯಾದವ್, ವಿದ್ಯಾಧರ್ ಯಾದವ್, ಚಕ್ಕು ಯಾದವ್, ಮೊಸ್ಮತ್ ಸುಧಾ ದೇವಿ, ದಿಲೀಪ್ ಯಾದವ್, ರಾಜಪತಿ ಯಾದವ್, ವಿನಯ್ ಯಾದವ್, ಬುಚ್ನಿ ದೇವಿ, ಮಿಥುನ್ ಯಾದವ್ ಬೆಂಕಿಯಲ್ಲಿ ಸಾವನ್ನಪ್ಪಿದ್ದಾರೆ.
ಫೂಟಿಕ್ಲಾಲ್ ಯಾದವ್, ಸಂತೋಷ್ ಯಾದವ್, ಬ್ರಹ್ಮದೇವ್ ಯಾದವ್, ಸತಾನ್ ಯಾದವ್, ಮಂಟು ಯಾದವ್, ಮುನ್ನಾ ಯಾದವ್, ಕೌಶಲ್ಯಾದೇವಿ, ಬತನ್ ಯಾದವ್, ಸುಭಾಷ್ ಯಾದವ್, ನಿವಾಸ್ ಯಾದವ್, ಶಿವಾನಂದ್ ಯಾದವ್, ಪಂಕಜ್ ಯಾದವ್, ಸದಾನಂದ್ ಯಾದವ್, ಜುಬಾನಿ ಸೇರಿದಂತೆ 36 ಮನೆಗಳು ಸುಟ್ಟು ಕರಕಲಾಗಿವೆ.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
