Breaking News ಶಿವಸೇನಾದ ಏಕನಾಥ್ ಶಿಂಧೆ ಬಣಕ್ಕೆ ಎರಡು ಖಡ್ಗ ಮತ್ತು ಗುರಾಣಿ ಚಿಹ್ನೆ ನೀಡಿದ ಚುನಾವಣಾ ಆಯೋಗ
ಚುನಾವಣಾ ಆಯೋಗವು ಏಕನಾಥ್ ಶಿಂಧೆ ಬಣಕ್ಕೆ ಸೋಮವಾರ 'ಬಾಳಾಸಾಹೆಬಂಚಿ ಶಿವಸೇನಾ' ಎಂಬ ಹೆಸರನ್ನು ನೀಡಿತ್ತು.
Updated on:Oct 11, 2022 | 6:41 PM
ಶಿವಸೇನಾದ (Shiv Sena) ಏಕನಾಥ್ ಶಿಂಧೆ ಬಣಕ್ಕೆ (Eknath Shinde) ಭಾರತದ ಚುನಾವಣಾ ಆಯೋಗವು ‘ಎರಡು ಖಡ್ಗ ಮತ್ತು ಗುರಾಣಿ’ ಚಿಹ್ನೆಯನ್ನು ನೀಡಿದೆ. ಚುನಾವಣಾ ಆಯೋಗವು (Election Commission) ಶಿಂಧೆ ಬಣಕ್ಕೆ ನಿನ್ನೆ ‘ಬಾಳಾಸಾಹೆಬಂಚಿ ಶಿವಸೇನಾ’ ಎಂಬ ಹೆಸರನ್ನು ನೀಡಿತ್ತು. ಶಿವಸೇನಾದ ಶಿಂಧೆ ನೇತೃತ್ವದ ಬಣವಾದ “ಬಾಳಾಸಾಹೆಬಂಚಿ ಶಿವಸೇನಾ ಮಂಗಳವಾರ ತನ್ನ ಮೂರು ಚುನಾವಣಾ ಚಿಹ್ನೆಗಳ ಆಯ್ಕೆಯನ್ನು ಚುನಾವಣಾ ಆಯೋಗಕ್ಕೆ ಸಲ್ಲಿಸಿದ ಕೆಲವೇ ಗಂಟೆಗಳ ನಂತರ ಈ ಬೆಳವಣಿಗೆ ನಡೆದಿದೆ. ಸೋಮವಾರ, ಶಿಂಧೆ ಬಣದ ಮೂರು ಆಯ್ಕೆಗಳನ್ನು ಚುನಾವಣಾ ಸಮಿತಿ ತಿರಸ್ಕರಿಸಿದ್ದುಮಂಗಳವಾರ ಹೊಸ ಪಟ್ಟಿಯನ್ನು ಕಳುಹಿಸಲು ಕೇಳಲಾಯಿತು. ವರದಿಗಳ ಪ್ರಕಾರ, ಶಿಂಧೆ ಗುಂಪು ಸಲ್ಲಿಸಿದ ಇತರ ಎರಡು ಚಿಹ್ನೆಗಳೆಂದರೆ ‘ಪೀಪಲ್ ಮರ’ ಮತ್ತು ಸೂರ್ಯ.
Election Commission of India allots the 'Two Swords & Shield symbol' to Eknath Shinde faction of Shiv Sena; they were allotted the name 'Balasahebanchi ShivSena' yesterday. pic.twitter.com/2Xi2C5TS4T
— ANI (@ANI) October 11, 2022
ನವೆಂಬರ್ 3 ರಂದು ನಡೆಯಲಿರುವ ಅಂಧೇರಿ ಪೂರ್ವ ವಿಧಾನಸಭಾ ಉಪಚುನಾವಣೆಗೆ ಪಕ್ಷದ ಹೆಸರು ಮತ್ತು ಅದರ ‘ಬಿಲ್ಲು ಮತ್ತು ಬಾಣ’ ಚಿಹ್ನೆಯನ್ನು ಬಳಸದಂತೆ ಉದ್ಧವ್ ಠಾಕ್ರೆ ಬಣ ಮತ್ತು ಶಿಂಧೆ ಬಣವನ್ನು ಚುನಾವಣಾ ಆಯೋಗ ನಿರ್ಬಂಧಿಸಿದೆ. ಶಿವಸೇನಾದ ಎರಡು ಬಣಗಳ ನಡುವಿನ ವಿವಾದವನ್ನು ಚುನಾವಣಾ ಆಯೋಗವು ನಿರ್ಣಯಿಸುವವರೆಗೂ ಪಕ್ಷದ ಹೆಸರು ಮತ್ತು ಚಿಹ್ನೆಯನ್ನು ಸ್ಥಗಿತಗೊಳಿಸಲಾಗಿದೆ ಎಂದು ಮಧ್ಯಂತರ ಆದೇಶದಲ್ಲಿ ತಿಳಿಸಲಾಗಿದೆ.
ಚುನಾವಣಾ ಆಯೋಗವು ಶಿವಸೇನಾದ ಠಾಕ್ರೆ ಬಣಕ್ಕೆ ಉರಿಯುತ್ತಿರುವ ದೊಂದಿ (ಮಶಾಲ್) ಚುನಾವಣಾ ಚಿಹ್ನೆಯನ್ನು ಮಂಜೂರು ಮಾಡಿತು. ಅದನ್ನು ‘ಶಿವಸೇನಾ – ಉದ್ಧವ್ ಬಾಳಾಸಾಹೇಬ್ ಠಾಕ್ರೆ’ ಎಂದು ಗುರುತಿಸಿತು.
ಇದು ಶಿಂಧೆ ಬಣವನ್ನು ‘ಬಾಳಾಸಾಹೇಬಂಚಿ ಶಿವಸೇನೆ’ (ಬಾಳಾಸಾಹೇಬರ ಶಿವಸೇನೆ) ಎಂದು ಗುರುತಿಸಿತು ಆದರೆ ‘ತ್ರಿಶೂಲ’, ಗಧೆ ಮತ್ತು ‘ಉದಯಸೂರ್ಯ’ ತನ್ನ ಚುನಾವಣಾ ಚಿಹ್ನೆಗಳಾಗಿ ತಿರಸ್ಕರಿಸಿತು. ತ್ರಿಶೂಲ್ ಮತ್ತು ಗಧೆ ಧಾರ್ಮಿಕ ಅರ್ಥಗಳನ್ನು ಹೊಂದಿದ್ದರಿಂದ ತಿರಸ್ಕರಿಸಲಾಯಿತು. ಠಾಕ್ರೆ ಬಣವೂ ತ್ರಿಶೂಲ ಮತ್ತು ಉದಯಿಸುವ ಸೂರ್ಯನನ್ನು ತನ್ನ ಆಯ್ಕೆಯಾಗಿ ನೀಡಿತ್ತು.
ಉದಯಿಸುತ್ತಿರುವ ಸೂರ್ಯ ಮಾನ್ಯತೆ ಪಡೆದ ಪಕ್ಷವಾದ ಡಿಎಂಕೆಯ ಸಂಕೇತವಾಗಿದೆ.
ಶಿವಸೇನೆಯ 55 ಶಾಸಕರ ಪೈಕಿ 40 ಶಾಸಕರು ಮತ್ತು ಲೋಕಸಭೆಯಲ್ಲಿ ಅದರ 18 ಸದಸ್ಯರಲ್ಲಿ 12 ಮಂದಿ ಬೆಂಬಲ ನೀಡುವುದಾಗಿ ಶಿಂಧೆ ಅವರು ಠಾಕ್ರೆ ನಾಯಕತ್ವದ ವಿರುದ್ಧ ಬಂಡಾಯವೆದ್ದಿದ್ದರು. ಶಿವಸೇನೆ-ಎನ್‌ಸಿಪಿ-ಕಾಂಗ್ರೆಸ್ ಒಕ್ಕೂಟದ ಮುಖ್ಯಮಂತ್ರಿ ಸ್ಥಾನಕ್ಕೆ ಠಾಕ್ರೆ ರಾಜೀನಾಮೆ ನೀಡಿದ ನಂತರ, ಬಿಜೆಪಿ ಬೆಂಬಲದೊಂದಿಗೆ ಶಿಂಧೆ ಮುಖ್ಯಮಂತ್ರಿಯಾದರು.
Published On - 5:53 pm, Tue, 11 October 22
