ನನಗೆ ದೇವರು ಮಾರ್ಗದರ್ಶನ ನೀಡುವುದಿಲ್ಲ, ನಾನು ಮನುಷ್ಯ: ರಾಹುಲ್ ಗಾಂಧಿ

ಮಲಪ್ಪುರಂ ಜೂನ್ 12: ವಯನಾಡ್ (Wayanad) ಮತ್ತು ರಾಯ್ ಬರೇಲಿ (Rae Bareli) ಲೋಕಸಭಾ ಕ್ಷೇತ್ರದಿಂದ ಚುನಾವಣೆಯಲ್ಲಿ ಗೆದ್ದು ಯಾವ ಸ್ಥಾನವನ್ನು ಬಿಡಬೇಕು ಎಂಬ ಸಂದಿಗ್ಧತೆಯನ್ನು ರಾಹುಲ್ ಗಾಂಧಿ (Rahul Gandhi) ಎದುರಿಸುತ್ತಿದ್ದಾರೆ. ಈ ಬಗ್ಗೆ ಮಾತನಾಡಿದ ಅವರು ದೇಶದ ಜನರೇ ದೇವರು, ನಾನು ಏನು ಮಾಡಬೇಕು ಎಂದು ಅವರೇ ಹೇಳುತ್ತಾರೆ ಎಂದಿದ್ದಾರೆ. ಲೋಕಸಭೆ ಚುನಾವಣೆ ವೇಳೆ ಪ್ರಧಾನಿ ನರೇಂದ್ರ ಮೋದಿ ಅವರು ನನಗೆ ದೇವರು ಮಾರ್ಗದರ್ಶನ ನೀಡುತ್ತಾರೆ ಎಂದು ಹೇಳಿದ್ದರು. ಈ ಹೇಳಿಕೆಯನ್ನು ಲೇವಡಿ ಮಾಡಿ ರಾಹುಲ್ ಗಾಂಧಿ ಈ ರೀತಿ ಹೇಳಿದ್ದಾರೆ. “ನನ್ನ ಮುಂದೆ ಒಂದು ಸಂದಿಗ್ಧತೆ ಇದೆ. ನಾನು ವಯನಾಡ್ ಅಥವಾ ರಾಯ್ ಬರೇಲಿ ಸಂಸದನಾಗುತ್ತೇನೆಯೇ? ದುರದೃಷ್ಟವಶಾತ್, ಪ್ರಧಾನಿಯಂತೆ, ನನಗೆ ದೇವರು ಮಾರ್ಗದರ್ಶನ ನೀಡುತ್ತಿಲ್ಲ. ನಾನು ಮನುಷ್ಯ” ಎಂದು ಕೇರಳದ ಮಲಪ್ಪುರಂನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ರಾಹುಲ್ ವ್ಯಂಗ್ಯವಾಡಿದ್ದಾರೆ.

ಕಳೆದ ತಿಂಗಳು ಸಂದರ್ಶನವೊಂದರಲ್ಲಿ, ಪ್ರಧಾನಿ ಮೋದಿ ಅವರು “ಸಾಮರ್ಥ್ಯ, ಶಕ್ತಿ, ಶುದ್ಧ ಹೃದಯ ಮತ್ತು ಸ್ಫೂರ್ತಿ” ಯೊಂದಿಗೆ ದೇವರು ನನ್ನನ್ನು ಕಳುಹಿಸಿದ್ದಾರೆ ಎಂದು ಹೇಳಿದ್ದರು. “ನನ್ನ ತಾಯಿ ಬದುಕಿರುವವರೆಗೂ ನಾನು ಜೈವಿಕವಾಗಿ ಹುಟ್ಟಿದ್ದೇನೆ ಎಂದು ನಾನು ಭಾವಿಸುತ್ತಿದ್ದೆ, ಅವರ ನಿಧನದ ನಂತರ, ನನ್ನ ಅನುಭವಗಳನ್ನು ನೋಡಿದಾಗ, ದೇವರೇ ನನ್ನನ್ನು ಕಳುಹಿಸಿರಬಹುದು ಎಂದು ನನಗೆ ಮನವರಿಕೆಯಾಗುತ್ತದೆ. ಈ ಚೈತನ್ಯ ನನ್ನ ದೇಹದಿಂದ ಬಂದದ್ದಲ್ಲ. ಅದನ್ನು ದೇವರೇ ನನಗೆ ನೀಡಿದ್ದು. ಅದಕ್ಕಾಗಿಯೇ ದೇವರು ನನಗೆ ಸಾಮರ್ಥ್ಯ, ಶಕ್ತಿ, ಶುದ್ಧ ಹೃದಯ ಮತ್ತು ಸ್ಫೂರ್ತಿಯನ್ನು ಕೊಟ್ಟನು. ನಾನು ದೇವರು ಕಳುಹಿಸಿದ ಸಾಧನ ಎಂದು ಹೇಳಿದ್ದರು.

ರಾಹುಲ್ ಮಾತು

The people of India have spoken – love has defeated hatred, humility has defeated arrogance.

Modi ji has a strange “Paramatma” who guides him to take decisions in favour of Adani and Ambani.

I am a ‘biological’ human being – my god is the poor people of India, my god is the… pic.twitter.com/r22NNv7S9N

— Rahul Gandhi (@RahulGandhi) June 12, 2024

ಈ ಹೇಳಿಕೆಯನ್ನು ಉಲ್ಲೇಖಿಸಿದ ಗಾಂಧಿ, ಪ್ರಧಾನಿ ಮೋದಿಯವರ ಪರಮಾತ್ಮ ಕೈಗಾರಿಕೋದ್ಯಮಿಗಳಾದ ಗೌತಮ್ ಅದಾನಿ ಮತ್ತು ಮುಖೇಶ್ ಅಂಬಾನಿ ಅವರ ಪರವಾಗಿ ಎಲ್ಲಾ ನಿರ್ಧಾರಗಳನ್ನು ತೆಗೆದುಕೊಳ್ಳುವಂತೆ ಮಾಡುತ್ತದೆ ಎಂದು ಹೇಳಿದರು.

“ಪ್ರಧಾನಿಯವರು ‘400-ಪಾರ್’ ಎಂದು ಹೇಳಿದ್ದು ಹೇಗೆ ಕಣ್ಮರೆಯಾಗಿ ನಂತರ ‘300-ಪಾರ್’ ಎಂದು ಬಂದಿತು ಎಂಬುದನ್ನು ನೀವು ನೋಡಿದ್ದೀರಿ. ಅದರ ನಂತರ, ಅವರು ‘ನಾನು ಜೈವಿಕ ಅಲ್ಲ, ನಾನು ಯಾವುದೇ ನಿರ್ಧಾರಗಳನ್ನು ತೆಗೆದುಕೊಳ್ಳುವುದಿಲ್ಲ. ನನ್ನನ್ನು ಪರಮಾತ್ಮನೇ ಭೂಮಿಗೆ ಕಳುಹಿಸಿ ಅವನು ನಿರ್ಧಾರಗಳನ್ನು ತೆಗೆದುಕೊಳ್ಳುತ್ತಾನೆ” ಎಂದು ಹೇಳಿದ್ದರು.

“ಅವರ ವಿಚಿತ್ರವಾದ ‘ಪರಮಾತ್ಮ’ ಅವರನ್ನು ಅಂಬಾನಿ ಮತ್ತು ಅದಾನಿ ಪರವಾಗಿ ಎಲ್ಲಾ ನಿರ್ಧಾರಗಳನ್ನು ತೆಗೆದುಕೊಳ್ಳುವಂತೆ ಮಾಡುತ್ತದೆ. ಅವರು ಬಾಂಬೆ ವಿಮಾನ ನಿಲ್ದಾಣ, ಲಕ್ನೋ ವಿಮಾನ ನಿಲ್ದಾಣ ಮತ್ತು ವಿದ್ಯುತ್ ಸ್ಥಾವರಗಳನ್ನು ಅದಾನಿಗೆ ನೀಡುವಂತೆ ಮತ್ತು ಅಗ್ನಿವೀರ್‌ನಂತಹ ಯೋಜನೆಗಳಿಗೆ ಸಹಾಯ ಮಾಡಲು ಹೇಳುತ್ತಾರೆ” ಎಂದು ರಾಹುಲ್ ಮೋದಿ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.  ಅದೇ ವೇಳೆ ದೇವರಿಂದ ಸೂಚನೆಗಳನ್ನು ಸ್ವೀಕರಿಸುವಷ್ಟು ಐಷಾರಾಮಿ ನನ್ನಲ್ಲಿಲ್ಲ ಎಂದು ರಾಹುಲ್ ಗಾಂಧಿ ಹೇಳಿದ್ದಾರೆ.

ಇದನ್ನೂ ಓದಿ:AP CM Swearing in Ceremony: ಆಂಧ್ರ ಪ್ರದೇಶದ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ ಚಂದ್ರಬಾಬು ನಾಯ್ಡು

ನನ್ನ ಪಾಲಿಗೆ ಇದು ತುಂಬಾ ಸರಳವಾಗಿದೆ. ನನ್ನ ದೇವರು ಭಾರತದ ಬಡ ಜನರು, ವಯನಾಡಿನ ಜನರು. ನಾನು ಹೋಗಿ ಆ ಜನರೊಂದಿಗೆ ಮಾತನಾಡುತ್ತೇನೆ. ನನ್ನ ದೇವರು ಏನು ಮಾಡಬೇಕೆಂದು ನನಗೆ ಹೇಳುತ್ತಾನೆ ಎಂದಿದ್ದಾರೆ ಕಾಂಗ್ರೆಸ್ ನಾಯಕ. ರಾಯ್ ಬರೇಲಿಯಲ್ಲಿ ರಾಹುಲ್ ಗಾಂಧಿ 3,90,000 ಮತಗಳ ಅಂತರದಿಂದ ಗೆದ್ದಿದ್ದು, ವಯನಾಡಿನಲ್ಲಿ ಅವರು 364422 ಮತಗಳ ಅಂತರದಿಂದ ಗೆದ್ದಿದ್ದಾರೆ. 2019 ರಲ್ಲಿ ಅಮೇಠಿಯಲ್ಲಿ ನಡೆದ ಚುನಾವಣೆಯಲ್ಲಿ ಗಾಂಧಿ ಸೋತಿದ್ದು ವಯನಾಡಿನಲ್ಲಿ ಗೆದ್ದಿದ್ದರು.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 4:47 pm, Wed, 12 June 24