ಭಾರತವು ಪ್ರಪಂಚದ ಔಷಧಾಲಯವಾಗುತ್ತಿರುವುದು ಅತಿ ದೊಡ್ಡ ಸಾಧನೆ: ಸೌಮ್ಯ ಸ್ವಾಮಿನಾಥನ್

ದೆಹಲಿ:ಭಾರತವು ಪ್ರಪಂಚದ ಔಷಧಾಲಯವಾಗುತ್ತಿರುವುದು ಕಳೆದ 75 ವರ್ಷಗಳಲ್ಲಿ ಅದರ ಅತಿದೊಡ್ಡ ಸಾಧನೆಯಾಗಿದೆ ಎಂದು  ವಿಶ್ವ ಆರೋಗ್ಯ ಸಂಸ್ಥೆಯ (WHO) ಮುಖ್ಯ ವಿಜ್ಞಾನಿ ಸೌಮ್ಯ ಸ್ವಾಮಿನಾಥನ್ (Soumya Swaminathan) ಹೇಳಿದ್ದು ಆರೋಗ್ಯ ಸೇವೆಯಲ್ಲಿ ದೇಶದ ಸಾಧನೆಗಳನ್ನು ಪಟ್ಟಿ ಮಾಡಿದ್ದಾರೆ. ಎನ್‌ಡಿಟಿವಿಯ ಸ್ವಸ್ತ್ ಭಾರತ್, ಸಂಪನ್ ಭಾರತ್ ಟೆಲಿಥಾನ್​​ನಲ್ಲಿ ಮಾತನಾಡಿದ ಡಾ. ಸ್ವಾಮಿನಾಥನ್, ದೇಶದ ನಾಲ್ಕು ದೊಡ್ಡ ಸಾಧನೆಗಳನ್ನು ಪಟ್ಟಿ ಮಾಡಿದ್ದಾರೆ. ಪೋಲಿಯೊ ನಿರ್ಮೂಲನೆಯಿಂದ ಮತ್ತು ಇತರ ಲಸಿಕೆ ತಡೆಯಬಹುದಾದ ರೋಗಗಳು ತಾಯಿ ಮತ್ತು ಮಕ್ಕಳ ಮರಣವನ್ನು ಕಡಿಮೆ ಮಾಡುವವರೆಗೆ, ಸಾರ್ವತ್ರಿಕ ಆರೋಗ್ಯ ರಕ್ಷಣೆಯಲ್ಲಿ ಭಾರತವು ವಿಶ್ವದ ಔಷಧಾಲಯವಾಗಿದೆ  ಎಂದಿದ್ದಾರೆ.

ಆದಾಗ್ಯೂ ಉನ್ನತ ವಿಜ್ಞಾನಿ ಕೊವಿಡ್ -19 ಸಾಂಕ್ರಾಮಿಕವು ಭಾರತ ಸೇರಿದಂತೆ ಪ್ರತಿಯೊಂದು ದೇಶದಲ್ಲೂ ಅಗತ್ಯ ಆರೋಗ್ಯ ಸೇವೆಗಳ ವಿತರಣೆಯ ಮೇಲೆ ಪರಿಣಾಮ ಬೀರಿದೆ ಎಂದು ಗಮನಸೆಳೆದರು.  ಭಾರತದಲ್ಲಿ ಕ್ಷಯರೋಗ ಚಿಕಿತ್ಸೆ, ಸಾಂಕ್ರಾಮಿಕವಲ್ಲದ ರೋಗಗಳು, ಪ್ರಸವಪೂರ್ವ ಮತ್ತು ಮಕ್ಕಳ ಆರೋಗ್ಯ ಸೇವೆಗಳ ವಿತರಣೆಯಲ್ಲಿ ಹಿನ್ನಡೆಯಾಗಿದೆ ಎಂದು ಅವರು ಗಮನಿಸಿದರು.

“ಮುಂಬರುವ ತಿಂಗಳುಗಳಲ್ಲಿ ಎಲ್ಲಿ ಹೆಚ್ಚಿನ ಗಮನವನ್ನು ನೀಡಬೇಕೆಂಬುದರ ಬಗ್ಗೆ ಉತ್ತಮ ನಿಲುವು ತೆಗೆದುಕೊಳ್ಳುವ ಅವಶ್ಯಕತೆಯಿದೆ. ಭವಿಷ್ಯದ ಆರೋಗ್ಯ ಖಚಿತಪಡಿಸಿಕೊಳ್ಳಲು ನಾವು ವ್ಯವಸ್ಥೆಯೊಳಗೆ ಸ್ಥಿತಿಸ್ಥಾಪಕತ್ವವನ್ನು ಸೃಷ್ಟಿಸುತ್ತೇವೆ ಎಂದು ಖಚಿತಪಡಿಸಿಕೊಳ್ಳಿ. ಭವಿಷ್ಯದಲ್ಲಿ ಆರೋಗ್ಯದ ಆಘಾತಗಳನ್ನು ಎದುರಿಸಬೇಕಾಗುತ್ತದೆ, ನಾವು ಇತರ ಅಗತ್ಯ ಆರೋಗ್ಯ ಸೇವೆಗಳಲ್ಲಿ ರಾಜಿ ಮಾಡಿಕೊಳ್ಳದೆ ವ್ಯವಹರಿಸಬಹುದು ಎಂದು ಡಾ ಸ್ವಾಮಿನಾಥನ್ ಹೇಳಿದರು.

ವಿಶ್ವಸಂಸ್ಥೆಯ ಮಕ್ಕಳ ನಿಧಿಯ (ಯುನಿಸೆಫ್) ಪ್ರಕಾರ, ಅಪೌಷ್ಟಿಕತೆಯು ಭಾರತದಲ್ಲಿ ರೋಗದ ಹೊರೆಗೆ ಪ್ರಮುಖ ಕಾರಣವಾಗಿದೆ ಮತ್ತು 5 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಮಕ್ಕಳ ಸಾವಿಗೆ ಪ್ರಮುಖ ಅಪಾಯಕಾರಿ ಅಂಶವಾಗಿದೆ. ಕೊವಿಡ್ ಸಾಂಕ್ರಾಮಿಕವು ಪರಿಸ್ಥಿತಿಯನ್ನು ಉಲ್ಬಣಗೊಳಿಸಿದೆ. ಈ ಬಗ್ಗೆ ತಜ್ಞರು ಅಂಕಿ ಅಂಶಗಳನ್ನು ಗಮನಿಸಬೇಕು ಎಂದು ಎಚ್ಚರಿಸಿದ ಡಾ. ಸ್ವಾಮಿನಾಥನ್ ಈ ವೈರಸ್ ಕೆಲವು ಕುಟುಂಬಗಳನ್ನು ಮೇಲಕ್ಕೆತ್ತಿದೆ ಮತ್ತು ಜನರನ್ನು ಬಡತನಕ್ಕೆ ತಳ್ಳಿದೆ ಎಂದಿದ್ದಾರೆ.

“ಕೊವಿಡ್ ಸಾಂಕ್ರಾಮಿಕವು ಬಡತನದ ಪ್ರಮಾಣವನ್ನು ಹೆಚ್ಚಿಸಿದೆ ಮತ್ತು ಸಮುದಾಯದಲ್ಲಿ ಅಪೌಷ್ಟಿಕತೆಯನ್ನು ಹೆಚ್ಚಿಸುವ ಸಾಧ್ಯತೆಯಿದೆ. ಆದ್ದರಿಂದ ನಾವು  ಏರಿಕೆಯಾಗುತ್ತಿರುವ  ಬಡತನದ ದತ್ತಾಂಶವನ್ನು ಎಚ್ಚರಿಕೆಯಿಂದ ನೋಡಬೇಕು. ಪೌಷ್ಠಿಕಾಂಶದ ಕೊರತೆಯಿಂದ ಕ್ಷಯರೋಗದಂತಹ ರೋಗಗಳ ಸಂಭವವನ್ನು ಹೆಚ್ಚಿಸುತ್ತದೆ. ಬಡತನಕ್ಕೆ ಸಂಬಂಧಿಸಿದ ಇತರ ರೋಗಗಳ ಬಗ್ಗೆಯೂ ನೋಡಬೇಕು. ಹಾಗಾಗಿ ಇದನ್ನು ನಾವು ಸೂಕ್ಷ್ಮವಾಗಿ ಗಮನಿಸಬೇಕು ಮತ್ತು ಮುನ್ನೆಚ್ಚರಿಕೆಯ ಕ್ರಮಗಳನ್ನು ತೆಗೆದುಕೊಳ್ಳಬೇಕು ಎಂದು ಅವರು ಹೇಳಿದರು.  ಭಾರತದಲ್ಲಿ ಕೊವಿಡ್ ಸೋಂಕು ಕಡಿಮೆಯಾಗುತ್ತಿದೆ ಮತ್ತು ಕಳೆದ ವಾರದಲ್ಲಿ ಪ್ರತಿದಿನ 30,000 ಕ್ಕಿಂತ ಕಡಿಮೆ ಪ್ರಕರಣಗಳು ದಾಖಲಾಗುತ್ತಿವೆ.

ಇದನ್ನೂ ಓದಿ: Coronavirus cases in India: ಭಾರತದಲ್ಲಿ 22,842 ಹೊಸ ಕೊವಿಡ್ ಪ್ರಕರಣ ಪತ್ತೆ, 244 ಸಾವು