Coronavirus cases in India ಭಾರತದಲ್ಲಿ 43,263 ಹೊಸ ಕೊವಿಡ್ ಪ್ರಕರಣ ಪತ್ತೆ, 338 ಮಂದಿ ಸಾವು

ದೆಹಲಿ: ದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 43,263 ಹೊಸ ಕೊರೊನಾವೈರಸ್ ಪ್ರಕರಣಗಳು ಮತ್ತು 338 ಸಾವುಗಳು ವರದಿಯಾಗಿವೆ. ಇದರೊಂದಿಗೆ, ದೇಶದ ಪ್ರಕರಣಗಳ ಸಂಖ್ಯೆ 3.31 ಕೋಟಿಗೆ (3,31,39,981) ಏರಿಕೆಯಾಗಿದ್ದು, ಸಾವಿನ ಸಂಖ್ಯೆ 4.41 ಲಕ್ಷಕ್ಕೆ (4,41,749) ತಲುಪಿದೆ. 40,000 ಕ್ಕೂ ಹೆಚ್ಚು (40,567) ರೋಗಿಗಳು ಚೇತರಿಸಿಕೊಂಡಿದ್ದು, ಸಕ್ರಿಯ ಪ್ರಕರಣಗಳ ಸಂಖ್ಯೆಯನ್ನು 3.91 ಲಕ್ಷಕ್ಕೆ (3,93,614) ತಲುಪಿದೆ.  ಭಾರತದಲ್ಲಿ ಕಳೆದ 24 ಗಂಟೆಗಳಲ್ಲಿ ವರದಿಯಾದ ಹೊಸ ಪ್ರಕರಣಗಳು ಮತ್ತು ಸಾವುಗಳಲ್ಲಿ ಕೇರಳವು ನಿನ್ನೆ 30,196 ಪ್ರಕರಣಗಳನ್ನು ಮತ್ತು 181 ಸಾವುಗಳನ್ನು ದಾಖಲಿಸಿದೆ. ನಿನ್ನೆ ಭಾರತದ ಕೊವಿಡ್ -19 ಲಸಿಕೆ ವ್ಯಾಪ್ತಿಯು 71-ಕೋಟಿ ಮೈಲಿಗಲ್ಲನ್ನು ದಾಟಿದೆ (71,52,54,153). ಬುಧವಾರದವರೆಗೆ 73 ಲಕ್ಷಕ್ಕೂ ಹೆಚ್ಚು (73,80,510) ಡೋಸ್‌ಗಳನ್ನು ನೀಡಲಾಗಿದೆ. ವಿಶ್ವ ಆರೋಗ್ಯಸಂಸ್ಥೆಯ ಮಹಾನಿರ್ದೇಶಕ ಟೆಡ್ರೊಸ್ ಅಧಾನೊಮ್ ಘೆಬ್ರೆಯೆಸಸ್ ಕೊರೊನಾವೈರಸ್ ಲಸಿಕೆಗಳ ದೊಡ್ಡ ಪೂರೈಕೆಯಿರುವ ಶ್ರೀಮಂತ ರಾಷ್ಟ್ರಗಳನ್ನು ವರ್ಷದ ಅಂತ್ಯದ ವೇಳೆಗೆ ಬೂಸ್ಟರ್ ಶಾಟ್‌ಗಳನ್ನು ನೀಡುವುದನ್ನು ನಿಲ್ಲಿಸಿ ಮತ್ತು ಬಡ ರಾಷ್ಟ್ರಗಳಿಗೆ ಡೋಸ್‌ಗಳನ್ನು ಲಭ್ಯವಾಗುವಂತೆ ಮಾಡಿ ಎಂದು ಒತ್ತಾಯಿಸಿದ್ದಾರೆ.

India reports 43,263 new #COVID19 cases, 40,567 recoveries & 338 deaths in last 24 hours, as per Union Health Ministry.

Total cases: 3,31,39,981 Active cases: 3,93,614 Total recoveries: 3,23,04,618 Death toll: 4,41,749

Total vaccinations: 71,65,97,428 (86,51,701 in last 24 hrs) pic.twitter.com/u9pEV1CyRG

— ANI (@ANI) September 9, 2021

ದೆಹಲಿ: ಕೊವಿಡ್ ನಿಯಮ ಉಲ್ಲಂಘನೆಗಾಗಿ 4 ತಿಂಗಳಲ್ಲಿ 8 ಲಕ್ಷ ಜನರ ವಿರುದ್ಧ ಕೇಸ್ ದೆಹಲಿಯಲ್ಲಿ ಕಳೆದ ನಾಲ್ಕು ತಿಂಗಳಲ್ಲಿ ಕೊವಿಡ್-ಸೂಕ್ತ ನಡವಳಿಕೆ ನಿಯಮಗಳ ಉಲ್ಲಂಘನೆ ಮಾಡಿದ ಎಂಟು ಲಕ್ಷಕ್ಕೂ ಹೆಚ್ಚು ಮಂದಿ ವಿರುದ್ಧ ಕೇಸು ದಾಖಲಾಗಿದ್ದು 135 ಕೋಟಿ ರೂ.ಗಳಿಗಿಂತ ಹೆಚ್ಚು ದಂಡ ವಸೂಲಿಯಾಗಿದೆ ಎಂದು ಅಧಿಕಾರಿಗಳು ಬುಧವಾರ ತಿಳಿಸಿದ್ದಾರೆ. ದಂಡವನ್ನು ದೆಹಲಿ ಸರ್ಕಾರದ ತಂಡಗಳು ಮತ್ತು ಪೊಲೀಸ್ ಸಿಬ್ಬಂದಿ ವಿಧಿಸಿದ್ದಾರೆ ಎಂದು ಅವರು ಹೇಳಿದರು.

ಮಾಸ್ಕ್ ಧರಿಸದಿರುವುದು, ಜನಸಂದಣಿ ಮತ್ತು ಸಾರ್ವಜನಿಕ ಸ್ಥಳಗಳಲ್ಲಿ ಉಗುಳುವುದು ಮುಂತಾದ ವಿವಿಧ ಕೋವಿಡ್ ಸಂಬಂಧಿತ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದ್ದಕ್ಕಾಗಿ ನಗರ ಸರ್ಕಾರದ ಕಂದಾಯ ಇಲಾಖೆಯ ಜಾರಿ ತಂಡಗಳು ಮತ್ತು ದೆಹಲಿ ಪೊಲೀಸರು ಕ್ರಮವಾಗಿ ಆರು ಲಕ್ಷ ಮತ್ತು ಎರಡು ಲಕ್ಷ ಜನರ ವಿರುದ್ಧ ಕೇಸು ದಾಖಲಿಸಿದ್ದಾರೆ ಎಂದು ಅಧಿಕೃತ ಅಂಕಿಅಂಶಗಳು ತೋರಿಸಿವೆ.

ಸರ್ಕಾರಿ ತಂಡಗಳು ರೂ .103 ಕೋಟಿಗಿಂತ ಹೆಚ್ಚಿನ ದಂಡವನ್ನು ವಿಧಿಸಿದರೆ, ದೆಹಲಿ ಪೊಲೀಸರು ರೂ 32 ಕೋಟಿಗೂ ಅಧಿಕ ದಂಡವನ್ನು ವಿಧಿಸಿದರು. ಕಳೆದ ನಾಲ್ಕು ತಿಂಗಳಲ್ಲಿ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿದ್ದಕ್ಕಾಗಿ 15,600 ಜನರನ್ನು ಪೊಲೀಸರು ಬಂಧಿಸಿದ್ದಾರೆ.

ಕಂದಾಯ ಇಲಾಖೆ ಮತ್ತು ದೆಹಲಿ ಪೊಲೀಸರು ಆಗಸ್ಟ್‌ನಲ್ಲಿ ಸುಮಾರು 1.8 ಲಕ್ಷ ಜನರ ವಿರುದ್ಧ ಪ್ರಕರಣ ದಾಖಲಿಸಿದ್ದು ರೂ. 32.41 ಕೋಟಿ ದಂಡ ವಿಧಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

536,817,243 ಮಾದರಿಗಳನ್ನು ಪರೀಕ್ಷಿಸಲಾಗಿದೆ: ಐಸಿಎಂಆರ್

COVID-19 Testing Update. For more details visit: https://t.co/dI1pqvXAsZ @MoHFW_INDIA @DeptHealthRes @PIB_India @mygovindia @COVIDNewsByMIB #ICMRFIGHTSCOVID19 #IndiaFightsCOVID19 #CoronaUpdatesInIndia #COVID19 #Unite2FightCorona pic.twitter.com/K8u8bqxxWi

— ICMR (@ICMRDELHI) September 9, 2021

206 ಸೆಪ್ಟೆಂಬರ್ 2021 ರವರೆಗೆ 536,817,243 ಮಾದರಿಗಳನ್ನು ಕೊವಿಡ್ -19 ಕ್ಕೆ ಪರೀಕ್ಷಿಸಲಾಗಿದೆ. 8 ಸೆಪ್ಟೆಂಬರ್ 2021 ರಂದು 1,817,639 ಮಾದರಿಗಳನ್ನು ಪರೀಕ್ಷಿಸಲಾಗಿದೆ ಎಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ (ಐಸಿಎಂಆರ್)  ಹೇಳಿದೆ.

ಇದನ್ನೂ ಓದಿ: Ganesha Chaturthi 2021: ಹಬ್ಬದ ಸಂಭ್ರಮಕ್ಕೆ ವಿಘ್ನ ತಂದೊಡ್ಡಿದ ಹೂವು, ಹಣ್ಣು ಬೆಲೆ; ಎಲ್ಲವೂ ಬಲು ದುಬಾರಿ

ಇದನ್ನೂ ಓದಿ: ಹೈಕೋರ್ಟ್ ಸುದ್ದಿಗಳು: ಕೊವಿಡ್ ಚಿಕಿತ್ಸೆಗೆ ಶುಲ್ಕ ನಿಗದಿ ಬಗ್ಗೆ ಸೂಕ್ತ ಪ್ರಚಾರ ನೀಡಲು ಸರ್ಕಾರಕ್ಕೆ ಸೂಚನೆ

(India reports 43,263 new coronavirus cases and 338 deaths in the last 24 hours as perhealth ministry data)

Published On - 10:41 am, Thu, 9 September 21