ಪಾಕ್ನ ಗುಂಡಿನ ದಾಳಿಗೆ ನಾವು ಶತ್ರುಗಳ ಗುಂಡಿಗೆಯೂ ನಡುಗುವಂಥಾ ಉತ್ತರ ನೀಡಿದ್ದೇವೆ: ಭಾರತೀಯ ಸೇನೆ
ಆಪರೇಷನ್ ಸಿಂಧೂರ್ ಅಡಿಯಲ್ಲಿ, ಭಾರತೀಯ ಸೇನೆಯು ಶತ್ರುಗಳ ನೆಲೆಗಳು ಮತ್ತು ಭಯೋತ್ಪಾದಕ ಮೂಲಸೌಕರ್ಯಗಳ ಮೇಲೆ ನಿಖರವಾದ ದಾಳಿ ನಡೆಸಿ ಅವುಗಳನ್ನು ಸಂಪೂರ್ಣವಾಗಿ ನಾಶಪಡಿಸಿತು. ಈ ಕಾರ್ಯಾಚರಣೆಯ ಯಶಸ್ಸನ್ನು ಒತ್ತಿ ಹೇಳಿರುವ ಮಿಲಿಟರಿ ಅಧಿಕಾರಿಯೊಬ್ಬರು, ಅವರು ಗುಂಡು ಹಾರಿಸಿದರು,ಆದರೆ ಅಲ್ಲಿ ನಡೆದಿದ್ದ ಧಮಾಕಾಕ್ಕೆ ನಾವೇ ಕಾರಣ ಎಂದರು. ಪ್ರತಿಯೊಂದು ಶೆಲ್ ಶತ್ರುಗಳಿಗೆ ಉತ್ತರವಾಗಿತ್ತು ಮತ್ತು ಅವರ ಸ್ಥೈರ್ಯವನ್ನು ನುಜ್ಜುಗುಜ್ಜುಗೊಳಿಸಲಾಯಿತು ಎಂದು ಅಧಿಕಾರಿ ಹೇಳಿದರು.ಸೇನಾ ಅಧಿಕಾರಿ ಹೇಳುವಂತೆ ಗುಂಡು ಶತ್ರುಗಳಿಂದಲೇ ಹಾರಿತು, ಆದರೆ ಪಾಕಿಸ್ತಾನದಲ್ಲಿ ಧಮಾಕಾ ಆಗಿದ್ದು ನಮ್ಮಿಂದ. ಈ ಕಾರ್ಯಾಚರಣೆಯು ಪ್ರತಿಕ್ರಿಯೆಯಲ್ಲ, ಬದಲಾಗಿ ಪೂರ್ವ ಯೋಜಿತ ಪ್ರತಿ-ಕ್ರಮವಾಗಿದೆ ಎಂದು ಅವರು ಹೇಳಿದರು.
Updated on: May 20, 2025 | 8:19 AM
ನವದೆಹಲಿ, ಮೇ 20: ಆಪರೇಷನ್ ಸಿಂಧೂರ್(Operation Sindoor) ಅಡಿಯಲ್ಲಿ ಭಾರತೀಯ ಸೇನೆಯು ಶತ್ರುಗಳ ನೆಲೆಗಳು ಮತ್ತು ಭಯೋತ್ಪಾದಕ ನೆಲೆಗಳ ಮೇಲೆ ನಿಖರ ದಾಳಿ ನಡೆಸಿ ಸಂಪೂರ್ಣವಾಗಿ ನಾಶಪಡಿಸಿವೆ. ಪಾಕಿಸ್ತಾನದ ಗುಂಡಿನ ದಾಳಿಗೆ ಗುಂಡಿಗೆಯೂ ನಡುಗುವಂಥಾ ಉತ್ತರ ನೀಡಿದ್ದೇವೆ ಎಂದು ಭಾರತೀಯ ಸೇನೆ ಹೇಳಿಕೊಂಡಿದೆ. ಏಪ್ರಿಲ್ 22 ರಂದು ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ಪಾಕಿಸ್ತಾನಿ ಭಯೋತ್ಪಾದಕರು ಭಾರತೀಯ ಪ್ರವಾಸಿಗರನ್ನು ಕೊಂದ ನಂತರ , ಭಾರತೀಯ ಸಶಸ್ತ್ರ ಪಡೆಗಳು ಮೇ 6-7 ರ ರಾತ್ರಿ ಪಾಕಿಸ್ತಾನ ಮತ್ತು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ (ಪಿಒಕೆ) ದಲ್ಲಿರುವ 9 ಭಯೋತ್ಪಾದಕ ಅಡಗುತಾಣಗಳ ಮೇಲೆ ನಿಖರವಾದ ದಾಳಿ ನಡೆಸಿ ಅವುಗಳನ್ನು ಸಂಪೂರ್ಣವಾಗಿ ನಾಶಪಡಿಸಿದವು.
ಭಾರತದ ಪ್ರತೀಕಾರದ ಕ್ರಮವು ಪಾಕಿಸ್ತಾನದಲ್ಲಿ ಕೋಲಾಹಲಕ್ಕೆ ಕಾರಣವಾಯಿತು. ಪ್ರತಿಯೊಂದು ಶೆಲ್ ಶತ್ರುಗಳಿಗೆ ಉತ್ತರವಾಗಿತ್ತು ಮತ್ತು ಅವರ ಸ್ಥೈರ್ಯವನ್ನು ನುಜ್ಜುಗುಜ್ಜಾಗಿಸಿತ್ತು ಎಂದು ಅಧಿಕಾರಿಯೊಬ್ಬರು ಹೇಳಿದ್ದಾರೆ.
ಸೋಮವಾರ ಭಾರತೀಯ ಸೇನಾ ಅಧಿಕಾರಿಗಳು ಆಪರೇಷನ್ ಸಿಂಧೂರ್ ಯಶಸ್ಸಿನ ಬಗ್ಗೆ ಮಾತನಾಡಿದರು. ಆಪರೇಷನ್ ಸಿಂಧೂರ್ ಭಯೋತ್ಪಾದಕ ಚಟುವಟಿಕೆಗಳು ಮತ್ತು ಒಳನುಸುಳುವಿಕೆಯನ್ನು ಬೆಂಬಲಿಸುವ ಶತ್ರು ಪೋಸ್ಟ್‌ಗಳನ್ನು ಸಂಪೂರ್ಣವಾಗಿ ನಿರ್ಮೂಲನೆ ಮಾಡುವ ಗುರಿಯನ್ನು ಹೊಂದಿರುವ ಯೋಜಿತ ಮತ್ತು ಗುರಿ ಆಧಾರಿತ ಕ್ರಮವಾಗಿದೆ ಎಂದು ಅವರು ಹೇಳಿದರು.
#WATCH | J&K: An Indian Army Major says, “Goli unhone chalayi thi par dhamaka humne kiya.”
He further says, “Operation Sindoor was not a reaction; it was a calculated and mission-oriented strike. Our intention was very clear: we had to destroy the enemy’s terror infrastructure… https://t.co/1Gbv3qQyoQ pic.twitter.com/2GwHpXiC3I
— ANI (@ANI) May 19, 2025
ಸೇನಾ ಅಧಿಕಾರಿ ಹೇಳುವಂತೆ ಗುಂಡು ಶತ್ರುಗಳಿಂದಲೇ ಹಾರಿತು, ಆದರೆ ಪಾಕಿಸ್ತಾನದಲ್ಲಿ ಧಮಾಕಾ ಆಗಿದ್ದು ನಮ್ಮಿಂದ. ಈ ಕಾರ್ಯಾಚರಣೆಯು ಪ್ರತಿಕ್ರಿಯೆಯಲ್ಲ, ಬದಲಾಗಿ ಪೂರ್ವ ಯೋಜಿತ ಪ್ರತಿ-ಕ್ರಮವಾಗಿದೆ ಎಂದು ಅವರು ಹೇಳಿದರು.
ಶತ್ರುಗಳ ಮನೋಸ್ಥೈರ್ಯ ಕುಗ್ಗಿತು
ಈ ಕಾರ್ಯಾಚರಣೆಯಲ್ಲಿ ಸೇನೆಯು ಸ್ಥಳೀಯ ರಾಡಾರ್ ವ್ಯವಸ್ಥೆ ಮತ್ತು ಗುರಿ ಸ್ವಾಧೀನ ತಂತ್ರಜ್ಞಾನವನ್ನು ಬಳಸಿದೆ ಎಂದು ಅಧಿಕಾರಿ ಹೇಳಿದರು. ಪಾಕಿಸ್ತಾನ ಕಡೆಯಿಂದ ಭಾರೀ ಶೆಲ್ ದಾಳಿ ನಡೆದಿದೆ, ಆದರೆ ಭಾರತೀಯ ಸೇನೆಯು ತನ್ನ ಸೈನಿಕರಿಗೆ ಯಾವುದೇ ಹಾನಿ ಮಾಡಲು ಅವಕಾಶ ನೀಡಲಿಲ್ಲ.
ಮತ್ತಷ್ಟು ಓದಿ: ಆಪರೇಷನ್ ಸಿಂಧೂರದ ಬಗ್ಗೆ ಮತ್ತೊಮ್ಮೆ ಜೈಶಂಕರ್ ವಿರುದ್ಧ ರಾಹುಲ್ ಗಾಂಧಿ ವಾಗ್ದಾಳಿ; ಪಾಕಿಸ್ತಾನದಲ್ಲಿ ಅದೇ ಹೆಡ್ಲೈನ್!
ಕಾರ್ಯಾಚರಣೆಯಲ್ಲಿ ಶತ್ರುಗಳ ನೆಲೆಗಳು ನಾಶವಾದವು ಮಾತ್ರವಲ್ಲದೆ ಅವರ ನೈತಿಕ ಸ್ಥೈರ್ಯವೂ ಛಿದ್ರವಾಯಿತು ಎಂದು ಅವರು ಹೇಳಿದರು. ಅವರು ನಮ್ಮ ಹಳ್ಳಿಗಳು ಮತ್ತು ಮಿಲಿಟರಿ ನೆಲೆಗಳನ್ನು ಗುರಿಯಾಗಿಸಲು ಪ್ರಾರಂಭಿಸಿದಾಗ, ಪ್ರತಿಯೊಂದು ಶೆಲ್ ಅವರ ವಿರುದ್ಧ ಪ್ರತ್ಯುತ್ತರವಾಗಿರಬೇಕು ಎಂದು ನಾವು ನಿರ್ಧರಿಸಿದ್ದೆವು ಎಂದು ಅಧಿಕಾರಿ ಹೇಳಿದರು.
ಭಾನುವಾರದಂದು ಸೇನಾ ಮುಖ್ಯಸ್ಥ ಜನರಲ್ ಉಪೇಂದ್ರ ದ್ವಿವೇದಿ ಅವರು ರಾಜಸ್ಥಾನದ ಲೋಂಗೆವಾಲಾಗೆ ಭೇಟಿ ನೀಡಿ CONARC ಕಾರ್ಪ್ಸ್‌ನ ಸೈನಿಕರನ್ನು ಭೇಟಿಯಾದರು . ಅಲ್ಲದೆ ಅವನ ಧೈರ್ಯವನ್ನು ಹೊಗಳಿದರು. ಭಾರತೀಯ ಸೇನೆ, ವಾಯುಪಡೆ ಮತ್ತು ಬಿಎಸ್‌ಎಫ್ ಒಟ್ಟಾಗಿ ಅತ್ಯುತ್ತಮ ಸಮನ್ವಯದ ಮೂಲಕ ಶತ್ರುಗಳ ಉದ್ದೇಶಗಳನ್ನು ವಿಫಲಗೊಳಿಸಿದವು ಎಂದು ಅವರು ಹೇಳಿದರು.
ರಾಜಸ್ಥಾನದ ಜೈಸಲ್ಮೇರ್‌ನಿಂದ ಕಚ್‌ವರೆಗಿನ ಮರುಭೂಮಿಯಲ್ಲಿ ಈ ಕಾರ್ಯಾಚರಣೆಯನ್ನು ನಡೆಸಲಾಯಿತು, ಅಲ್ಲಿ ಸೈನಿಕರು ಸುಡುವ ಶಾಖದಲ್ಲೂ ಅತ್ಯಂತ ಜಾಗರೂಕತೆಯನ್ನು ಪ್ರದರ್ಶಿಸಿದರು ಎಂದು ಅವರು ಹೇಳಿದರು. ಇದರೊಂದಿಗೆ, ಸೇನಾ ಮುಖ್ಯಸ್ಥರು ಸೈನಿಕರ ಧೈರ್ಯ, ಸಮರ್ಪಣೆ ಮತ್ತು ಶೌರ್ಯಕ್ಕೆ ನಮನ ಸಲ್ಲಿಸಿದರು ಮತ್ತು ದೇಶವು ನಿಮ್ಮ ಬಗ್ಗೆ ಹೆಮ್ಮೆಪಡುತ್ತದೆ ಎಂದು ಹೇಳಿದರು.
ಶತ್ರುಗಳನ್ನು ಬೆಚ್ಚಿಬೀಳಿಸಿದ ಆಪರೇಷನ್ ಸಿಂಧೂರ್
ಮೇ 6 ರಿಂದ 7 ರ ಮಧ್ಯರಾತ್ರಿ, 1.05 ರಿಂದ 1.30 ರವರೆಗೆ, ಸಶಸ್ತ್ರ ಪಡೆಗಳು ಆಪರೇಷನ್ ಸಿಂಧೂರ್ ಅನ್ನು ನಡೆಸಿದ್ದು ಗಮನಾರ್ಹ. ಈ 25 ನಿಮಿಷಗಳ ಕಾರ್ಯಾಚರಣೆಯಲ್ಲಿ, 24 ಕ್ಷಿಪಣಿಗಳನ್ನು ಬಳಸಿ ಒಂಬತ್ತು ಭಯೋತ್ಪಾದಕ ಶಿಬಿರಗಳನ್ನು ನಾಶಪಡಿಸಲಾಯಿತು. ಈ ಒಂಬತ್ತು ಸ್ಥಳಗಳಲ್ಲಿ ಐದು ಸ್ಥಳಗಳು ಪಾಕ್ ಆಕ್ರಮಿತ ಕಾಶ್ಮೀರದಲ್ಲಿದ್ದರೆ, ನಾಲ್ಕು ಸ್ಥಳಗಳು ಪಾಕಿಸ್ತಾನದಲ್ಲಿವೆ. ಈ ಅಡಗುತಾಣಗಳಲ್ಲಿ ಭಯೋತ್ಪಾದಕರನ್ನು ನೇಮಿಸಿಕೊಳ್ಳಲಾಗಿತ್ತು. ಅವರಿಗೆ ತರಬೇತಿ ನೀಡಲಾಯಿತು. ಇಷ್ಟೇ ಅಲ್ಲ, ಭಾರತೀಯ ಸೇನೆಯ ಈ ಕಾರ್ಯಾಚರಣೆಯಲ್ಲಿ ಭಯೋತ್ಪಾದಕ ಮಸೂದ್ ಅಜರ್ ಕುಟುಂಬದ ಹತ್ತು ಸದಸ್ಯರು ಸಾವನ್ನಪ್ಪಿದ್ದರು.
ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 8:14 am, Tue, 20 May 25