ಹೈದರಾಬಾದ್ ವ್ಯಕ್ತಿಯಲ್ಲಿ ಪತ್ತೆಯಾದ ಬಿಳಿ ಫಂಗಸ್​; ‘ಮಾತು ತೊದಲುತ್ತಿತ್ತು..ಗಾಯ ದೊಡ್ಡದಾಗುತ್ತಿತ್ತು..!‘

ಹೈದರಾಬಾದ್ ವ್ಯಕ್ತಿಯಲ್ಲಿ ಪತ್ತೆಯಾದ ಬಿಳಿ ಫಂಗಸ್​; ‘ಮಾತು ತೊದಲುತ್ತಿತ್ತು..ಗಾಯ ದೊಡ್ಡದಾಗುತ್ತಿತ್ತು..!‘
ಸಾಂಕೇತಿಕ ಚಿತ್ರ

White Fungus: ವೈಟ್ ಫಂಗಸ್ ಕಾರಣದಿಂದಲೇ ಮಿದುಳಲ್ಲಿ ಬಾವು ಬಂದು, ಗಂಟುಗಂಟಾಗಿತ್ತು ಎಂದು ರೋಗಿಗೆ ಸರ್ಜರಿ ಮಾಡಿದ ಹೈದರಾಬಾದ್ ಆಸ್ಪತ್ರೆ ವೈದ್ಯರು ತಿಳಿಸಿದ್ದಾರೆ. 

TV9kannada Web Team

| Edited By: Lakshmi Hegde

Aug 07, 2021 | 12:51 PM

ಹೈದರಾಬಾದ್​ನಲ್ಲಿ ಕೊವಿಡ್​ 19ನಿಂದ ಚೇತರಿಸಿಕೊಂಡವರೊಬ್ಬರಲ್ಲಿ ಬಿಳಿ ಫಂಗಸ್​​ (White Fungus) ಕಾಣಿಸಿಕೊಂಡಿದೆ. ಬಿಳಿ ಫಂಗಸ್​ ಅಥವಾ ಆಸ್ಪರ್ಗಿಲ್ಲಸ್ (Aspergillus)​ ತುಂಬ ಅಪರೂಪವಾಗಿದ್ದು, ಶಿಲೀಂದ್ರದಿಂದ ರೋಗಿಯ ಮಿದುಳಿನಲ್ಲಿ ಬಾವು ಉಂಟಾಗಿದೆ ಎಂದು ವೈದ್ಯರು ಹೇಳಿದ್ದಾರೆ. ಈ ವ್ಯಕ್ತಿ ಮೇ ತಿಂಗಳಲ್ಲಿ ಕೊವಿಡ್​ ಸೋಂಕಿ (Covid 19) ಗೆ ಒಳಗಾಗಿ ನಂತರ ಗುಣಮುಖರಾಗಿದ್ದರು. ಆದರೆ ಬರಬರುತ್ತ ಅವರ ಕೈಕಾಲುಗಳು ತುಂಬ ದುರ್ಬಲವಾದವು. ಮಾತು ಕೂಡ ಸರಿಯಾಗಿ ಆಡಲು ಸಾಧ್ಯವಾಗುತ್ತಿರಲಿಲ್ಲ. ನಂತರ ಮಿದುಳಿ (Brain)ನ ಸ್ಕ್ಯಾನ್​ ಮಾಡಿದಾಗ ಅದರಲ್ಲಿ ಗಂಟಾದ ರಚನೆಗಳು ಕಂಡುಬಂತು. ಅದಕ್ಕಾಗಿ ಔಷಧಗಳನ್ನು ನೀಡಲಾಯಿತಾದರೂ ರೋಗಿ ಚೇತರಿಸಿಕೊಂಡಿಲ್ಲ. ನಂತರ ಅದನ್ನು ಸರ್ಜರಿ ಮೂಲಕ ತೆಗೆಯಬೇಕಾಯಿತು. ಹಾಗೆ, ಶಸ್ತ್ರಚಿಕಿತ್ಸೆ ಮಾಡಿದಾಗಲೇ ಆ ವ್ಯಕ್ತಿಯ ಮಿದುಳಲ್ಲಿ ಬಿಳಿ ಶಿಲೀಂದ್ರ ಇದ್ದಿದ್ದು ಗೊತ್ತಾಯಿತು. ಈ ವೈಟ್ ಫಂಗಸ್ (White Fungus)​ ಕಾರಣದಿಂದಲೇ ಅಲ್ಲಿ ಬಾವು ಬಂದು, ಗಂಟುಗಂಟಾಗಿತ್ತು ಎಂದು ಹೈದರಾಬಾದ್ ಆಸ್ಪತ್ರೆ ವೈದ್ಯರು ತಿಳಿಸಿದ್ದಾರೆ.

ಅಂದಹಾಗೆ ಈ ವ್ಯಕ್ತಿಗೆ ಸರ್ಜರಿ ಮಾಡಿದ್ದು ಹೈದರಾಬಾದ್​ನ ಸನ್​ಶೈನ್​ ಆಸ್ಪತ್ರೆಯ ವೈದ್ಯ ಡಾ. ಪಿ.ರಂಗನಾಥಂ. ಇವರು ಹಿರಿಯ ನರತಜ್ಞರಾಗಿದ್ದಾರೆ. ಬಿಳಿ ಫಂಗಸ್​ ತುಂಬ ಅಪರೂಪ. ಇದು ಮಿದುಳು ಪ್ರವೇಶಿಸಿ, ಅಲ್ಲಿ ತೊಂದರೆ ಉಂಟು ಮಾಡುತ್ತದೆ. ಸಾಮಾನ್ಯವಾಗಿ ಡಯಾಬಿಟಿಸ್​ ಇದ್ದವರಿಗೆ ಕೊವಿಡ್​ 19 ಬಂದು ನಂತರ ಗುಣಮುಖರಾದಾಗ ಅಂಥವರಲ್ಲಿ ಫಂಗಲ್ ಸೋಂಕು ಕಾಣಿಸಿಕೊಳ್ಳುತ್ತದೆ. ಆದರೆ ಈಗ ವೈಟ್​ ಫಂಗಸ್​ ಪತ್ತೆಯಾದ ವ್ಯಕ್ತಿಗೆ ಸಕ್ಕರೆ ಕಾಯಿಲೆ ಇರಲಿಲ್ಲ. ಅದರಲ್ಲೂ ರೋಗಿಯಲ್ಲಿ ಬಿಳಿ ಫಂಗಸ್​ ಹೇಗೆ ಮಿದುಳಿಗೆ ತಗುಲಿತು ಎಂಬುದು ಗೊತ್ತಾಗಿಲ್ಲ. ಕಪ್ಪು ಶಿಲೀಂದ್ರ ಮೂಗಿನ ನಾಳದ ಮೂಲಕ ಮಿದುಳು ಸೇರುತ್ತದೆ. ಆದರೆ ಈ ವ್ಯಕ್ತಿಯ ಪರಾನಾಸಲ್ ಸೈನಸ್​ನಗಳ ಮೂಲಕ ಬಿಳಿ ಶಿಲೀಂದ್ರ ವರ್ಗಾವಣೆಯಾಗಿಲ್ಲ ಎಂಬುದು ಸ್ಪಷ್ಟವಾಗಿ ಗೋಚರಿಸುತ್ತಿದೆ ಎಂದು ವೈದ್ಯ ರಂಗನಾಥಂ ಮಾಹಿತಿ ನೀಡಿದ್ದಾರೆ.

ಕೊವಿಡ್ 19ನಿಂದ ಈ ವ್ಯಕ್ತಿ ಚೇತರಿಸಿಕೊಂಡಿದ್ದರು. ಆದರೆ ಕೆಲವೇ ದಿನಗಳಲ್ಲಿ ಕೈಕಾಲುಗಳೆಲ್ಲ ತುಂಬ ದುರ್ಬಲ ಆಗಲು ಶುರುವಾಯಿತು. ಮಾತನಾಡಲೂ ತೊದಲುತ್ತಿದ್ದರು. ಹೀಗೆ ಆಗಲು ಶುರುವಾಗಿ ಆರು ದಿನಗಳ ನಂತರ ಅವರನ್ನು ಆಸ್ಪತ್ರೆಗೆ ದಾಖಲು ಮಾಡಲಾಯಿತು. ಪ್ರಾರಂಭದಲ್ಲಿ ಅವರಿಗೆ ಹೆಮಟೋಮಾ ಚಿಕಿತ್ಸೆ ನೀಡಲಾಯಿತು. ಆದರೆ ಮತ್ತೊಮ್ಮೆ ಎಂಆರ್​ಐ ಸ್ಕ್ಯಾನ್ ಮಾಡಿದಾಗ ಅದು ಹೆಮಟೋಮಾ ಅಲ್ಲವೆಂದು ಗೊತ್ತಾಗಿ, ಚಿಕಿತ್ಸೆ ನಿಲ್ಲಿಸಿದೆವು. ಅಷ್ಟೇ ಅಲ್ಲ, ಮಿದುಳಿನ ಒಳಗಿನ ಗಾಯ ಇನ್ನಷ್ಟು ದೊಡ್ಡಾಗಿ ಗೋಚವಾಯಿತು. ಶಸ್ತ್ರಚಿಕಿತ್ಸೆ ನಡೆಸಿದಾಗಲೇ ಅದು ಬಿಳಿ ಫಂಗಸ್​ ಎಂಬುದು ಗೊತ್ತಾಯಿತು. ಮೃದುವಾದ ನೆಕ್ರೋಟಿಕ್​ ವಸ್ತುಗಳಿಂದ ಸುತ್ತುವರಿದ ಬಾವು ಮಿದುಳಿನಿಂದ ಹೊರಗೆ ಎದ್ದುಬಂದಿತ್ತು ಎಂದು ವೈದ್ಯರು ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ಇಂದಿರಾ ಕ್ಯಾಂಟೀನ್ ಹೆಸರು ಬದಲಿಸುವಂತೆ ಸಿಎಂ ಬೊಮ್ಮಾಯಿಗೆ ಸಿ.ಟಿ.ರವಿ ಮನವಿ

Raj Kundra: ‘ತಕ್ಷಣ ಬಿಡುಗಡೆ ಮಾಡಿ’ ಎಂದು ರಾಜ್ ಕುಂದ್ರಾ ಸಲ್ಲಿಸಿದ್ದ ಅರ್ಜಿಯನ್ನು ತಿರಸ್ಕರಿಸಿದ ಬಾಂಬೆ ಹೈಕೋರ್ಟ್!

Follow us on

Related Stories

Most Read Stories

Click on your DTH Provider to Add TV9 Kannada