ಭಾರತಕ್ಕೆ ಶೀಘ್ರದಲ್ಲೇ ಈ ದೇಶದಿಂದ ಅಂಡರ್​ವಾಟರ್ ರೈಲು ಸಂಚಾರ ಆರಂಭ; ಏನಿದರ ವಿಶೇಷತೆ?

ನವದೆಹಲಿ, ಮಾರ್ಚ್ 31: ಭಾರತದ ರೈಲ್ವೆ ವಲಯದಲ್ಲಿ ಕ್ರಾಂತಿಯನ್ನುಂಟುಮಾಡುವ ನಿಟ್ಟಿನಲ್ಲಿ ಭಾರತ ಮತ್ತು ಯುನೈಟೆಡ್ ಅರಬ್ ಎಮಿರೇಟ್ಸ್ (UAE) ನಡುವೆ ಹೊಸ ರೈಲು ಸೇವೆ ಶೀಘ್ರದಲ್ಲೇ ಪ್ರಾರಂಭವಾಗಲಿದೆ. ರೈಲು ಸೇವೆಗಳು (Indian Railway Service) ಪ್ರಾರಂಭವಾದ ನಂತರ ಯುಎಇ ಮತ್ತು ಭಾರತದ ನಡುವಿನ ಪ್ರಯಾಣವು ಹೆಚ್ಚು ಸುಲಭವಾಗುತ್ತದೆ. ವರದಿಗಳ ಪ್ರಕಾರ, ದುಬೈ ಮತ್ತು ಮುಂಬೈ ನಡುವೆ 1,200 ಮೈಲಿ (ಸುಮಾರು 2,000 ಕಿಮೀ) ಉದ್ದದ ನೀರೊಳಗಿನ ರೈಲು ನಿರ್ಮಿಸಲು ಪ್ರಸ್ತಾವನೆ ಸಲ್ಲಿಸಲಾಗಿದೆ.

ನೀರಿನ ಅಡಿಯಲ್ಲಿ ಪ್ರಯಾಣಿಸುವುದು ಸಂಪೂರ್ಣವಾಗಿ ವಿಭಿನ್ನ ಅನುಭವವಾಗಿರುತ್ತದೆ. ಇದು ಇದು ಗ್ಲಾಸ್​ನಿಂದ ನಿರ್ಮಿತವಾದ ರೈಲು ಭೋಗಿಯಾಗಿದ್ದು, ಇದರ ಮೂಲಕ ಪ್ರಯಾಣದ ಸಮಯದಲ್ಲಿ ಜನರು ನೀರೊಳಗಿನ ಪ್ರಪಂಚವನ್ನು ನೋಡಲು ಸಾಧ್ಯವಾಗುತ್ತದೆ. ಆದರೆ ಕ್ಲಾಸ್ಟ್ರೋಫೋಬಿಯಾ ಇರುವವರಿಗೆ ಇದು ಭಯಾನಕವಾಗಬಹುದು.

ಇದನ್ನೂ ಓದಿ: Video: ಒಡಿಶಾದಲ್ಲಿ ಹಳಿ ತಪ್ಪಿದ ಬೆಂಗಳೂರು- ಕಾಮಾಖ್ಯ ಎಕ್ಸ್​ಪ್ರೆಸ್ ರೈಲು

ಭಾರತ ಮತ್ತು ದುಬೈ ನಡುವೆ ಹೊಸ ಸಾರಿಗೆ ಸೌಲಭ್ಯವನ್ನು ಒದಗಿಸಲು ಯುಎಇಯ ರಾಷ್ಟ್ರೀಯ ಸಲಹೆಗಾರ ಬ್ಯೂರೋ ಲಿಮಿಟೆಡ್ ಈ ಯೋಜನೆಯನ್ನು ಪ್ರಸ್ತಾಪಿಸಿದೆ. ಹೆಚ್ಚುವರಿಯಾಗಿ, ಈ ಯೋಜನೆಯ ಪೂರ್ಣಗೊಳಿಸುವಿಕೆಯು ಎರಡೂ ದೇಶಗಳ ನಡುವಿನ ವ್ಯಾಪಾರ ಸಂಬಂಧಗಳನ್ನು ಬಲಪಡಿಸುತ್ತದೆ.

ಅಂಡರ್​ವಾಟರ್ ರೈಲಿನ ವಿಶೇಷತೆಗಳು:

• ವರದಿಗಳ ಪ್ರಕಾರ, ಈ ಅಂಡರ್​ವಾಟರ್ ರೈಲಿನ ವೇಗ ಗಂಟೆಗೆ 600ರಿಂದ 1000 ಕಿ.ಮೀ ಇರುತ್ತದೆ.
• ಮುಂಬೈನಿಂದ ದುಬೈಗೆ ಪ್ರಯಾಣವು ಕೇವಲ 2 ಗಂಟೆಗಳಲ್ಲಿ ಪೂರ್ಣಗೊಳ್ಳುತ್ತದೆ.
• ಈ ನೀರೊಳಗಿನ ರೈಲು ಯೋಜನೆಯು ಅಗ್ಗವಾಗುವುದಿಲ್ಲ. ಇದಕ್ಕೆ ಶತಕೋಟಿ ಡಾಲರ್‌ಗಳ ಹೂಡಿಕೆಯ ಅಗತ್ಯವಿರುತ್ತದೆ.
• ಈ ರೈಲು ಪ್ರಯಾಣಿಕರ ಅನುಕೂಲವನ್ನು ಹೆಚ್ಚಿಸುವುದಲ್ಲದೆ, ದುಬೈನಿಂದ ಭಾರತಕ್ಕೆ ಕಚ್ಚಾ ತೈಲ ಮತ್ತು ಇತರ ಸರಕುಗಳನ್ನು ತ್ವರಿತವಾಗಿ ಸಾಗಿಸಲು ಹೊಸ ಮಾರ್ಗವನ್ನು ಸೃಷ್ಟಿಸುತ್ತದೆ.

ಇದನ್ನೂ ಓದಿ: ಬೆಂಗಳೂರಿನಿಂದ ಮುಂಬೈ, ಕೋಲ್ಕತ್ತಾಗೆ ವಿಶೇಷ ರೈಲು: ಇಲ್ಲಿದೆ ವೇಳಾಪಟ್ಟಿ

• ಈ ಯೋಜನೆಯ ಕುರಿತು ಪ್ರಸ್ತುತ ಚರ್ಚೆಗಳು ನಡೆಯುತ್ತಿವೆ. ಇದು ಅನುಮೋದನೆ ಪಡೆದರೆ 2030ರ ವೇಳೆಗೆ ಪೂರ್ಣಗೊಳ್ಳಲಿದೆ.
• ಈ ರೈಲು ವಾಯು ಸೇವೆಗಳಿಗೆ ಕಠಿಣ ಸ್ಪರ್ಧೆಯನ್ನು ನೀಡುತ್ತದೆ. ಈ ರೈಲು ಆರಂಭವಾದ ನಂತರ ಎರಡೂ ದೇಶಗಳ ನಡುವಿನ ಪ್ರಯಾಣವು ಅತ್ಯಂತ ಸುಲಭವಾಗುತ್ತದೆ.
• ಅಂಡರ್​ವಾಟರ್ ರೈಲಿನಲ್ಲಿ ಜನರು ಕೇವಲ 2 ಗಂಟೆಗಳಲ್ಲಿ ಒಂದು ದೇಶದಿಂದ ಮತ್ತೊಂದು ದೇಶಕ್ಕೆ ತಲುಪಲು ಸಾಧ್ಯವಾಗುತ್ತದೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ