ಸಿಎಸ್ಕೆ ಕೋಚಿಂಗ್ ಆಫರ್ ತಿರಸ್ಕರಿಸಿದ್ದ ಆಶಿಶ್ ನೆಹ್ರಾ..! ಕಾರಣ ತಿಳಿಸಿದ ಅಶ್ವಿನ್
ಕಳೆದ ಕೆಲ ಆವೃತ್ತಿಗಳಲ್ಲಿ ಕಳಪೆ ಪ್ರದರ್ಶನದ ಹಿನ್ನೆಲೆಯಲ್ಲಿ ಸಿಎಸ್ಕೆ ತಂಡದಲ್ಲಿ ಮೇಜರ್ ಸರ್ಜರಿಯಾಗಿದ್ದು, ಜಹೀರ್ ಖಾನ್ ಹೊಸ ಮುಖ್ಯ ಕೋಚ್ ಆಗಿ ನೇಮಕಗೊಂಡಿದ್ದಾರೆ. ಆದರೆ, ಈ ಹುದ್ದೆಗೆ ಆಶಿಶ್ ನೆಹ್ರಾಗೆ ಮೊದಲು ಆಫರ್ ನೀಡಲಾಗಿತ್ತು. ನೆಹ್ರಾ ಗುಜರಾತ್ ಟೈಟಾನ್ಸ್ ಜೊತೆಗಿನ ಯಶಸ್ವಿ ಕೋಚಿಂಗ್ಗಾಗಿ ಈ ಅವಕಾಶವನ್ನು ತಿರಸ್ಕರಿಸಿದರು ಎಂದು ರವಿಚಂದ್ರನ್ ಅಶ್ವಿನ್ ಬಹಿರಂಗಪಡಿಸಿದ್ದಾರೆ.
ಐಪಿಎಲ್ನ ಅತ್ಯಂತ ಯಶಸ್ವಿ ತಂಡಗಳಲ್ಲಿ ಒಂದಾಗಿರುವ ಚೆನ್ನೈ ಸೂಪರ್ ಕಿಂಗ್ಸ್ ಬರೋಬ್ಬರಿ 5 ಬಾರಿ ಚಾಂಪಿಯನ್ ಪಟ್ಟವನ್ನು ಅಲಂಕರಿಸಿದೆ. ಆದಾಗ್ಯೂ ಕಳೆದ ಕೆಲವು ಆವೃತ್ತಿಗಳಿಂದ ತಂಡದ ಪ್ರದರ್ಶನ ಅಷ್ಟು ಉತ್ತಮವಾಗಿಲ್ಲ. ಹೀಗಾಗಿ ತಂಡದಲ್ಲಿ ಮೇಜರ್ ಸರ್ಜರಿಯಾಗಿದ್ದು, ಮುಖ್ಯ ಕೋಚ್ ಆಗಿ ಭಾರತದ ಮಾಜಿ ವೇಗದ ಬೌಲರ್ ಜಹೀರ್ ಖಾನ್ ಅವರನ್ನು ಆಯ್ಕೆ ಮಾಡಲಾಗಿದೆ(PC-PTI).
ವಾಸ್ತವವಾಗಿ ಐಪಿಎಲ್ ಆರಂಭದಿಂದಲೂ ಸ್ಟೀಫನ್ ಫ್ಲೇಮಿಂಗ್ ಸಿಎಸ್ಕೆ ತಂಡದ ಕೋಚ್ ಆಗಿ ಸೇವೆ ಸಲ್ಲಿಸಿದ್ದರು. ಆದರೆ ತಂಡದ ಸತತ ಕಳಪೆ ಪ್ರದರ್ಶನದ ಬಳಿಕ ಅವರನ್ನು ಈ ಹುದ್ದೆಯಿಂದ ಕೆಳಗಿಳಿಸಲಾಗಿತ್ತು. ಅದಾದ ಬಳಿಕ ಜಹೀರ್ ಖಾನ್ ಅವರನ್ನು ಈ ಹುದ್ದೆಗೆ ನೇಮಿಸಲಾಗಿದೆ. ಆದಾಗ್ಯೂ ಈ ಹುದ್ದೆಗೆ ಜಹೀರ್ ಖಾನ್ಗೂ ಮೊದಲು ಮತ್ತೊಬ್ಬ ಮಾಜಿ ವೇಗದ ಬೌಲರ್ ಆಶಿಶ್ ನೆಹ್ರಾ ಅವರಿಗೆ ಈ ಆಫರ್ ಹೋಗಿತ್ತು(PC-PTI).
ಈ ಬಗ್ಗೆ ತಮ್ಮ ಯೂಟ್ಯೂಬ್ ಚಾನೆಲ್ನಲ್ಲಿ ಮಾತನಾಡಿರುವ ಟೀಂ ಇಂಡಿಯಾದ ಮಾಜಿ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್, ಸಿಎಸ್ಕೆ ಮ್ಯಾನೇಜ್ಮೆಂಟ್ ಆಶಿಶ್ ನೆಹ್ರಾ ಮತ್ತು ಇತರ ಹಲವಾರು ಪ್ರಮುಖ ಆಟಗಾರರನ್ನು ಈ ಹುದ್ದೆಗೆ ಸಂಪರ್ಕಿಸಿತ್ತು. ಆದಾಗ್ಯೂ, ಗುಜರಾತ್ ಟೈಟಾನ್ಸ್ ತಂಡದೊಂದಿಗೆ ಯಶಸ್ವಿಯಾಗಿ ಪ್ರಯಾಣಿಸುತ್ತಿರುವ ನೆಹ್ರಾ ಪ್ರಸ್ತುತ ಸಮಯದಲ್ಲಿ ತನ್ನ ಹಾದಿಯನ್ನು ಬದಲಾಯಿಸಲು ಇಚ್ಚಿಸಲಿಲ್ಲ ಎಂದಿದ್ದಾರೆ(PC-PTI).
2022 ರಲ್ಲಿ ಗುಜರಾತ್ನ ಮೊದಲ ಸೀಸನ್ನಿಂದ ನೆಹ್ರಾ ಮುಖ್ಯ ಕೋಚ್ ಆಗಿದ್ದಾರೆ. ತಮ್ಮ ಮೊದಲ ಪ್ರಯತ್ನದಲ್ಲೇ ತಂಡವನ್ನು ಚಾಂಪಿಯನ್ ಮಾಡಿದ ಕೀರ್ತಿ ಅವರಿಗೆ ಸಲ್ಲುತ್ತದೆ. 2023 ರ ಸೀಸನ್ನಲ್ಲಿ ತಂಡವನ್ನು ಫೈನಲ್ಗೆ ಕೊಂಡೊಯ್ದರು. 2026 ರ ಐಪಿಎಲ್ ಸೀಸನ್ನಲ್ಲಿ ಗುಜರಾತ್ನ ಫೈನಲ್ನಲ್ಲಿಯೂ ಅವರು ಪ್ರಮುಖ ಪಾತ್ರ ವಹಿಸಿದ್ದರು(PC-PTI).
ದೇಶದ ಅತ್ಯಂತ ಸಕ್ರಿಯ ಕೋಚ್ಗಳಲ್ಲಿ ಒಬ್ಬರೆಂದು ಕರೆಯಲ್ಪಡುವ ನೆಹ್ರಾ, ಪ್ರಸ್ತುತ ಗುಜರಾತ್ ಫ್ರಾಂಚೈಸಿಯೊಂದಿಗೆ ಸಂತೋಷವಾಗಿರುವುದರಿಂದ ಸಿಎಸ್ಕೆ ನೀಡಿದ ಆಫರ್ ಅನ್ನು ಸ್ವಇಚ್ಛೆಯಿಂದ ಸ್ವೀಕರಿಸಲಿಲ್ಲ ಎಂದು ಅಶ್ವಿನ್ ಹೇಳಿದ್ದಾರೆ. ಅಲ್ಲದೆ ನೆಹ್ರಾ ಜೊತೆಗೆ ಇನ್ನಿಬ್ಬರು ಭಾರತೀಯ ದಂತಕಥೆಗಳು ಕೋಚಿಂಗ್ ಹುದ್ದೆಯ ರೇಸ್ನಲ್ಲಿದ್ದರು ಎಂದು ಅಶ್ವಿನ್ ಹೇಳಿಕೊಂಡಿದ್ದಾರೆ(PC-PTI).