ಅಂತರರಾಷ್ಟ್ರೀಯ ಯೋಗ ದಿನಾಚರಣೆಯ ನಿಮಿತ್ತ ಈಶಾ ಫೌಂಡೇಶನ್ವತಿಯಿಂದ ದೇಶಾದ್ಯಂತ ಯೋಗ ಸೆಷನ್ಗಳನ್ನು ಆಯೋಜಿಸಿದ್ದು, 10,000 ಕ್ಕೂ ಹೆಚ್ಚು ರಕ್ಷಣಾ ಸಿಬ್ಬಂದಿಗೆ ಉಚಿತವಾಗಿ ಯೋಗ ಹೇಳಿಕೊಡಲಾಯಿತು. ಒಟ್ಟಾರೆಯಾಗಿ, ದೇಶಾದ್ಯಂತ 2,500 ಕ್ಕೂ ಹೆಚ್ಚು ಯೋಗ ಸೆಷನ್ಗಳನ್ನು ಆಯೋಜಿಸಲಾಗಿತ್ತು. ಈ ಯೋಗ ಸೆಷನ್ನಲ್ಲಿ ರಕ್ಷಣಾ ಇಲಾಖೆಯ ಅಧಿಕಾರಿಗಳು, ಉದ್ಯೋಗಸ್ಥರು, ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರು ಉತ್ಸಾಹದಿಂದ ಭಾಗವಹಿಸಿದ್ದರು. ಈ ದೊಡ್ಡ ಪ್ರಮಾಣದ ಉಪಕ್ರಮವು 11,000 ಕ್ಕೂ ಹೆಚ್ಚು ಯೋಗ ವೀರರು (ಯೋಗ ಶಿಕ್ಷಕರು) ತರಬೇತಿಯ ಮೂಲಕ ಸಾಧ್ಯವಾಯಿತು. ಯೋಗ ಶಿಕ್ಷಕರು ರಕ್ಷಣಾ ಇಲಾಖೆ, ಶಾಲೆ, ಕಾಲೇಜು, ಕಚೇರಿಯ ಆವರಣ, ಜಿಮ್‌ ಮತ್ತು ಜೈಲುಗಳು ಸೇರಿದಂತೆ ವಿವಿಧ ಸ್ಥಳಗಳಲ್ಲಿ ಆನ್‌ಲೈನ್ ಮತ್ತು ಆಫ್‌ಲೈನ್ ಮೂಲಕ ಸೆಷನ್ ನಡೆಸಿಕೊಟ್ಟರು. ಹೆಚ್ಚುವರಿಯಾಗಿ, 2,000 ಕ್ಕೂ ಹೆಚ್ಚು ಯುವ ರಾಯಭಾರಿಗಳು ಮಾನಸಿಕ ಯೋಗಕ್ಷೇಮದ ಮಹತ್ವವನ್ನು ಪ್ರಚಾರ ಮಾಡಿದರು. ಮಾನಸಿಕ ಆರೋಗ್ಯವನ್ನು ಹೆಚ್ಚಿಸಲು ಸದ್ಗುರು ವಿನ್ಯಾಸಗೊಳಿಸಿದ ಸರಳ ಮತ್ತು ಶಕ್ತಿಯುತ 7 ನಿಮಿಷಗಳ ಮಾರ್ಗದರ್ಶಿ ಧ್ಯಾನವಾದ ಮಿರಾಕಲ್ ಆಫ್ ಮೈಂಡ್ ಅನ್ನು ಪರಿಚಯಿಸಿದರು.