Kannada News » Photo gallery » Radhe Shyam Box Office Collection Day 2 film surpasses 100 Cr mark overall here is Hindi version collection
Radhe Shyam: ತೆಲುಗಿನಲ್ಲಿ ಗೆದ್ದು ಹಿಂದಿಯಲ್ಲಿ ಮುಗ್ಗರಿಸಿದ ‘ರಾಧೆ ಶ್ಯಾಮ್’; ಕಲೆಕ್ಷನ್ ವಿವರ ಇಲ್ಲಿದೆ
Radhe Shyam Box Office Day 2: ‘ರಾಧೆ ಶ್ಯಾಮ್’ ವಿಶ್ವಾದ್ಯಂತ ಎರಡೇ ದಿನದಲ್ಲಿ ಸುಮಾರು 100 ಕೋಟಿ ರೂ ಬಾಚಿಕೊಂಡಿದೆ ಎಂದು ವರದಿಗಳು ಹೇಳಿವೆ. ಆದರೆ ಇದರ ಬಹುತೇಕ ಪಾಲು ಬಂದಿರುವುದು ಆಂಧ್ರ ಪ್ರದೇಶ ಹಾಗೂ ತೆಲಂಗಾಣದಿಂದ. ಪ್ರಭಾಸ್ಗೆ ಹಿಂದಿ ರಾಜ್ಯಗಳಲ್ಲಿ ದೊಡ್ಡ ಅಭಿಮಾನಿ ಬಳಗವಿದ್ದರೂ ಚಿತ್ರ ಅಲ್ಲಿ ಮುಗ್ಗರಿಸಿದೆ. ಉತ್ತರ ರಾಜ್ಯಗಳಲ್ಲಿ ಚಿತ್ರದ ಎರಡು ದಿನದ ಗಳಿಕೆ 9 ಕೋಟಿ ರೂ ಮೀರಿಲ್ಲ ಎನ್ನುತ್ತಿವೆ ವರದಿಗಳು! ಈ ನಡುವೆ ‘ದಿ ಕಾಶ್ಮೀರ್ ಫೈಲ್ಸ್’ 14 ಕೋಟಿ ರೂ ಬಾಚಿಕೊಂಡು ಮುನ್ನುಗ್ಗುತ್ತಿದೆ.
ಪ್ರಭಾಸ್ ಹಾಗೂ ಪೂಜಾ ಹೆಗ್ಡೆ ನಟನೆಯ ‘ರಾಧೆ ಶ್ಯಾಮ್’ ಬಹಳಷ್ಟು ನಿರೀಕ್ಷೆ ಹುಟ್ಟುಹಾಕಿದ್ದ ಚಿತ್ರ. ಮಾರ್ಚ್ 11ರಂದು ತೆರೆ ಕಂಡಿದ್ದ ಚಿತ್ರಕ್ಕೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗಿದೆ.
1 / 5
ಪ್ರಭಾಸ್ ಅಭಿಮಾನಿಗಳು ಚಿತ್ರವನ್ನು ಇಷ್ಟಪಟ್ಟಿದ್ದರು. ಆದರೆ ಸಾಮಾನ್ಯ ಪ್ರೇಕ್ಷಕರು ಹಾಗೂ ವಿಮರ್ಶಕರು ಚಿತ್ರದ ಬಗ್ಗೆ ಕಟು ವಿಮರ್ಶೆ ಮಾಡಿದ್ದರು.
2 / 5
ಪ್ಯಾನ್ ಇಂಡಿಯಾ ಚಿತ್ರವಾದರೂ ದೇಶವಾರು ಗಳಿಕೆ ಗಮನಿಸಿದರೆ ಪ್ರದೇಶವಾರು ಅಜಗಜಾಂತರ ವ್ಯತ್ಯಾಸ ಕಂಡುಬಂದಿದೆ. ತೆಲುಗು ರಾಜ್ಯಗಳಾದ ಆಂಧ್ರ ಪ್ರದೇಶ ಹಾಗೂ ತೆಲಂಗಾಣದಲ್ಲಿ ‘ರಾಧೆ ಶ್ಯಾಮ್’ ಉತ್ತಮವಾಗಿ ಗಳಿಕೆ ಮಾಡಿದೆ. ಆದರೆ ಹಿಂದಿ ಅವತರಣಿಕೆ ಸದ್ದು ಮಾಡುತ್ತಿಲ್ಲ.
3 / 5
ಚಿತ್ರತಂಡಕ್ಕೆ ಸಮಾಧಾನಕರ ಸಂಗತಿಯೆಂದರೆ ‘ರಾಧೆ ಶ್ಯಾಮ್’ ಒಟ್ಟಾರೆ ಗಳಿಕೆ ಎರಡೇ ದಿನದಲ್ಲಿ 100 ಕೋಟಿ ರೂ ದಾಟಿದೆ. ಭಾರತದಲ್ಲಿ 72 ಕೋಟಿ ರೂ ಗಳಿಸಿದೆ.
4 / 5
ಆದರೆ ಹಿಂದಿಯಲ್ಲಿ ಚಿತ್ರದ ಎರಡೂ ದಿನದ ಗಳಿಕೆ 9 ಕೋಟಿ ರೂ ದಾಟಿಲ್ಲ. ಈ ಹಿಂದೆ ‘ಸಾಹೊ’ ಮೊದಲ ದಿನವೇ 25 ಕೋಟಿ ರೂ ಗಳಿಸಿದೆ ಎನ್ನಲಾಗಿತ್ತು. ಅದಕ್ಕೆ ಹೋಲಿಸಿದರೆ ‘ರಾಧೆ ಶ್ಯಾಮ್’ ಗಳಿಕೆ ಗಣನೀಯವಾಗಿ ತಗ್ಗಿದೆ. ಮುಂದಿನ ದಿನಗಳಲ್ಲೂ ಉತ್ತರದ ಪ್ರೇಕ್ಷಕರು ‘ರಾಧೆ ಶ್ಯಾಮ್’ಗೆ ಒಲವು ತೋರುವುದು ಅನುಮಾನ ಎಂದು ವರದಿಗಳು ಹೇಳುತ್ತಿವೆ.
