ಒಂದೆಡೆ ಪೆಟ್ರೋಲ್-ಡೀಸೆಲ್ ಬೆಲೆ ಏರಿಕೆ...ಇನ್ನೊಂದೆಡೆ ಎಲೆಕ್ಟ್ರಿಕ್ ವಾಹನಗಳ ಚಾರ್ಜಿಂಗ್ ಸ್ಟೇಷನ್ಗಳ ಕೊರತೆ...ಇವುಗಳ ನಡುವೆ ಮುಂದೇನು ಯೋಚಿಸುತ್ತಿದ್ದ ಆಟೋ ರಿಕ್ಷಾ ಡ್ರೈವರ್ಗಳಿಗೆ ಸೋಲಾರ್ ಗಾಡಿ ಪರಿಚಯಿಸಲು ಮುಂದಾಗಿದೆ ವೇಗಾ (Vega) ಕಂಪೆನಿ.
1 / 7
ಹೌದು, ಪೆಟ್ರೋಲ್-ಡೀಸೆಲ್, ವಿದ್ಯುತ್ ಶಕ್ತಿ ಹೊರತಾಗಿ ಸೌರಶಕ್ತಿಯಿಂದ ಚಲಿಸುವ ಆಟೋ ರಿಕ್ಷಾವೊಂದನ್ನು ಪರಿಚಯಿಸಲಿದೆ ಶ್ರೀಲಂಕಾ ಮೂಲದ ವೇಗಾ ಕಂಪೆನಿ.
2 / 7
ಕಂಪೆನಿಯು ಇಟಿಎಕ್ಸ್ ಹೆಸರಿನಲ್ಲಿ ಪರಿಚಯಿಸುತ್ತಿರುವ ಹೊಸ ರಿಕ್ಷಾಗೆ ಸೋಲಾರ್ ಪ್ಯಾನೆಲ್ ನೀಡಿದ್ದು, ಇದು ಚಲಿಸುತ್ತಿರುವಾಗ ಅಥವಾ ನಿಲ್ಲಿಸಿದ್ದಾಗ ಸೂರ್ಯನ ಬೆಳಕಿನಿಂದ ಚಾರ್ಜ್ ಆಗಲಿದೆ. ಹೀಗಾಗಿ ಇದನ್ನು ಯಾವುದೇ ಚಾರ್ಜಿಂಗ್ ಕೇಂದ್ರಕ್ಕೆ ಹೋಗಿ ಚಾರ್ಜ್ ಮಾಡುವ ಅಗತ್ಯವಿಲ್ಲ ಎಂದು ಕಂಪೆನಿ ಹೇಳಿದೆ.
3 / 7
ರಿಕ್ಷಾದ ಮೇಲ್ಛಾವಣಿನಿಗೆ ಸೋಲಾರ್ ಪ್ಯಾನೆಲ್ ಅಳವಡಿಸಿದ್ದು, ಇದನ್ನು ನೇರವಾಗಿ ರಿಕ್ಷಾದಲ್ಲಿರುವ LFP ಬ್ಯಾಟರಿಗೆ ಕನೆಕ್ಟ್ ಮಾಡಲಾಗಿದೆ. ಇದರಿಂದ ಸೋಲಾರ್ ಪ್ಯಾನೆಲ್ಗೆ ಬಿಸಿಲು ತಾಗುತ್ತಿದ್ದಂತೆ ಅತ್ತ ಬ್ಯಾಟರಿ ಚಾರ್ಜ್ ಆಗಲಿದೆ. ಅದರಂತೆ ಈ ಎಲೆಕ್ಟ್ರಿಕ್ ರಿಕ್ಷಾವನ್ನು ಚಾರ್ಜ್ ಮಾಡಿಕೊಳ್ಳುವ ಅಗತ್ಯವಿಲ್ಲ.
4 / 7
ಆಕರ್ಷಕ ವಿನ್ಯಾಸದಲ್ಲಿರುವ ಈ ರಿಕ್ಷಾದಲ್ಲಿ ಸೋಲಾರ್ ಅಲ್ಲದೆ, ಕಾರುಗಳಲ್ಲಿ ಇರುವಂತಹ ಬೂಟ್ ಡೋರ್, ವಿಂಡ್‌ಶೀಲ್ಡ್, ಸಿಂಗಲ್ ಗೇಜ್, ಡ್ಯಾಶ್ ಲೈನ್‌ನಂತಹ ಹೋಮ್ ಆಟೋ ಲೈಟಿಂಗ್ಗಳನ್ನು ಸಹ ನೀಡಿರುವುದು ವಿಶೇಷ.
5 / 7
ಇನ್ನು ಸೋಲಾರ್ ಪ್ಯಾನೆಲ್ ಚಾರ್ಜಿಂಗ್ ಮೂಲಕ ಈ ರಿಕ್ಷಾವನ್ನು ಪ್ರತಿದಿನ 64 ಕಿ.ಮೀಗಳವರೆಗೆ ಚಲಾಯಿಸಬಹುದು ಎಂದು ಕಂಪೆನಿ ಹೇಳಿಕೊಂಡಿದೆ. Vega ಕಂಪನಿಯ ಈ ಹೊಸ ಅವಿಷ್ಕಾರ ಶೀಘ್ರದಲ್ಲೇ ಶ್ರೀಲಂಕಾದ ರಸ್ತೆಗಿಳಿಯಲಿದೆ. ಆ ಬಳಿಕ ಸೋಲಾರ್ ಆಟೋ ರಿಕ್ಷಾವನ್ನು ದಕ್ಷಿಣ ಏಷ್ಯಾದ ದೇಶಗಳಲ್ಲಿ ಮಾರಾಟ ಮಾಡಲಾಗುವುದು ಎಂದು ಕಂಪೆನಿ ತಿಳಿಸಿದೆ.
6 / 7
ಭಾರತದಲ್ಲಿ ಆಟೋ ರಿಕ್ಷಾಗಳಿಗೆ ಉತ್ತಮ ಮಾರುಕಟ್ಟೆ ಇದ್ದು, ಇದೀಗ ಬರುತ್ತಿರುವ ಹೊಸ ಮಾದರಿಯ ಸೋಲಾರ್ ರಿಕ್ಷಾ ಮುಂದಿನ ದಿನಗಳಲ್ಲಿ ಭಾರತದ ರಸ್ತೆಗಳಲ್ಲಿ ಕಾಣಿಸಿಕೊಂಡರೂ ಅಚ್ಚರಿಪಡಬೇಕಿಲ್ಲ.
