ಚಂದ ಮಾಮನ ಮೇಲೆ ಲ್ಯಾಂಡಿಂಗ್​ ಆಗಲು ಏಳೇ ದಿನ ಬಾಕಿ..!

ಚಂದ್ರನ ದಕ್ಷಿಣ ಧ್ರುವದಲ್ಲಿ ಭಾರಿ ಪ್ರಮಾಣದಲ್ಲಿ ಹೆಪ್ಪುಗಟ್ಟಿರುವ ನೀರು ಮತ್ತು ಖನಿಜಗಳನ್ನು ಪತ್ತೆ ಹಚ್ಚಿ ವಿಸ್ತೃತ ಅಧ್ಯಯನ ಮಾಡುವುದು ಚಂದ್ರಯಾನ-2 ಯೋಜನೆಯ ಪ್ರಮುಖ ಉದ್ದೇಶವಾಗಿದೆ. ಜುಲೈ 22ರಂದು ಆಂಧ್ರದ ಶ್ರೀಹರಿಕೋಟಾ ಸತೀಶ್​ ಧವನ್ ಬಾಹ್ಯಾಕಾಶ ಕೇಂದ್ರದಿಂದ ನಭಕ್ಕೆ ಜಿಗಿದಿದ್ದ ಚಂದ್ರಯಾನ-2 ಸೆ.​ 7ರ ಶನಿವಾರದಂದು ಚಂದ್ರನ ಮೇಲೆ ಲ್ಯಾಂಡ್ ಆಗಲಿದೆ. ಚಂದ್ರನ ಮೇಲೆ ಇಳಿಯುವ ದೃಶ್ಯದ ನೇರ ಪ್ರಸಾರಕ್ಕೆ ಇಸ್ರೋ ವ್ಯವಸ್ಥೆ ಮಾಡಿದೆ. ಈಗಾಗಲೇ ಇಸ್ರೋ ರಸಪ್ರಶ್ನೆ ಕಾರ್ಯಕ್ರಮ ಆಯೋಜಿಸಿದ್ದು, ಅದರಲ್ಲಿ ವಿಜೇತರಾದವರು ಪ್ರಧಾನಿ ಮೋದಿ ಜೊತೆ ಕುಳಿತು ಐತಿಹಾಸಿಕ ಚಂದ್ರಯಾನ-2 ಲ್ಯಾಂಡಿಂಗ್​ ದೃಶ್ಯಾಗಳಿಗಳನ್ನ ನೇರವಾಗಿ ವೀಕ್ಷಿಸಬಹುದಾಗಿದೆ.

4ನೇ ಕಕ್ಷೆಯ ಬದಲಾವಣೆ ಪ್ರಕ್ರಿಯೆ ಯಶಸ್ವಿ ಚಂದ್ರಯಾನ-2 ಗಗನನೌಕೆಯ ಚಂದ್ರನ 4ನೇ ಕಕ್ಷೆಯ ಬದಲಾವಣೆ ಪ್ರಕ್ರಿಯೆ ಶುಕ್ರವಾರ ಯಶಸ್ವಿಯಾಗಿ ನಡೆದಿದೆ ಎಂದು ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ತಿಳಿಸಿದೆ. ಶುಕ್ರವಾರ ಸಂಜೆ 6ಗಂಟೆ 16 ನಿಮಿಷಕ್ಕೆ ನೌಕೆಯಲ್ಲಿರುವ ಇಂಜಿನ್​ನನ್ನು 1155 ಸೆಕೆಂಡ್​ಗಳ ಕಾಲ ದಹಿಸುವ ಮೂಲಕ ಚಂದ್ರನ ತೃತೀಯ ಕಕ್ಷೆಯಿಂದ 124 x 164  ಕಿಲೋ ಮೀಟರ್ ಅಂತರದ ನಾಲ್ಕನೇ ಕಕ್ಷೆಗೆ ಯಶಸ್ವಿಯಾಗಿ ತಲುಪಿಸಲಾಗಿದೆ. ಚಂದ್ರಯಾನ-2ರ ಎಲ್ಲಾ ಯಂತ್ರಗಳು ಸಹಸ ಸ್ಥಿತಿಯಲ್ಲಿದ್ದು, 5ನೇ ಹಾಗು ಕೊನೆಯ ಕಕ್ಷೆ ಬದಲಾವಣೆ ಪ್ರಕ್ರಿಯೆ ಸೆಪ್ಟೆಂಬರ್ 1ರಂದು ಸಂಜೆ 6ಗಂಟೆಯಿಂದ 7ಗಂಟೆ ವೇಳೆ ನಡೆಯಲಿದೆ ಎಂದು ಇಸ್ರೋ ತಿಳಿಸಿದೆ.

Published On - 5:56 pm, Sat, 31 August 19