12 ವಾರಗಳ ಬಿಗ್ ಬಾಸ್ ಸೀಸನ್ಗೆ ಸಲ್ಲೂ ಪಡೆಯಲಿರೋದು ಬರೋಬ್ಬರಿ ರೂ. 450 ಕೋಟಿ!!!
ಬಾಲಿವುಡ್ ನಟ ಸಲ್ಮಾನ್ ಖಾನ್ ಬಹಲ ದಿನಗಳಿಂದ ಸುದ್ದಿಯಲ್ಲಿರಲಿಲ್ಲ, ದೇಶದಾದ್ಯಂತ ಲಾಕ್ಡೌನ್ ಜಾರಿಯಲ್ಲಿದ್ದಾಗ ಪನ್ವೆಲ್ನಲ್ಲಿರುವ ತನ್ನ ಫಾರ್ಮ್ಹೌಸ್ನಲ್ಲೇ ಇದ್ದು ಅದರ ಸುತ್ತಮುತ್ತ ವಾಸವಾಗಿರುವ ವಲಸೆ ಕಾರ್ಮಿಕರಿಗೆ ಫಾರ್ಮ್ನಲ್ಲಿ ಬೆಳೆದ ತರಕಾರಿ ಮತ್ತು ಹಣ್ಣು ಹಂಪಲು ನೀಡಿ ನೆರವಾಗುತ್ತಿದ್ದ ಅವರ ಒಂದೇ ಒಂದು ಚಿತ್ರ ಈ ವರ್ಷ ಬಿಡುಗಡೆಯಾಗಿಲ್ಲವೆನ್ನುವುದು ಸೋಜಿಗದ ಸಂಗತಿಯೇ. ಹಾಗೆ ನೋಡಿದರೆ, ಸಲ್ಮಾನ್ನ ಬಹು–ನಿರೀಕ್ಷಿತ ‘ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್,’ ರಂಜಾನ್ ಹಬ್ಬದಂದು ರಿಲೀಸ್ ಆಗಬೇಕಿತ್ತು, ಆದರೆ, ಕೊವಿಡ್-19 ಪಿಡುಗಿನಿಂದಾಗಿ ಅದು ಸಾಧ್ಯವಾಗಲಿಲ್ಲ. ಅದಾದ […]
Updated on: Sep 05, 2020 | 3:02 PM
ಬಾಲಿವುಡ್ ನಟ ಸಲ್ಮಾನ್ ಖಾನ್ ಬಹಲ ದಿನಗಳಿಂದ ಸುದ್ದಿಯಲ್ಲಿರಲಿಲ್ಲ, ದೇಶದಾದ್ಯಂತ ಲಾಕ್ಡೌನ್ ಜಾರಿಯಲ್ಲಿದ್ದಾಗ ಪನ್ವೆಲ್ನಲ್ಲಿರುವ ತನ್ನ ಫಾರ್ಮ್ಹೌಸ್ನಲ್ಲೇ ಇದ್ದು ಅದರ ಸುತ್ತಮುತ್ತ ವಾಸವಾಗಿರುವ ವಲಸೆ ಕಾರ್ಮಿಕರಿಗೆ ಫಾರ್ಮ್ನಲ್ಲಿ ಬೆಳೆದ ತರಕಾರಿ ಮತ್ತು ಹಣ್ಣು ಹಂಪಲು ನೀಡಿ ನೆರವಾಗುತ್ತಿದ್ದ ಅವರ ಒಂದೇ ಒಂದು ಚಿತ್ರ ಈ ವರ್ಷ ಬಿಡುಗಡೆಯಾಗಿಲ್ಲವೆನ್ನುವುದು ಸೋಜಿಗದ ಸಂಗತಿಯೇ.
ಹಾಗೆ ನೋಡಿದರೆ, ಸಲ್ಮಾನ್ನ ಬಹು–ನಿರೀಕ್ಷಿತ ‘ರಾಧೆ: ಯುವರ್ ಮೋಸ್ಟ್ ವಾಂಟೆಡ್ ಭಾಯ್,’ ರಂಜಾನ್ ಹಬ್ಬದಂದು ರಿಲೀಸ್ ಆಗಬೇಕಿತ್ತು, ಆದರೆ, ಕೊವಿಡ್-19 ಪಿಡುಗಿನಿಂದಾಗಿ ಅದು ಸಾಧ್ಯವಾಗಲಿಲ್ಲ. ಅದಾದ ನಂತರ ಸುಶಾಂತ್ ಸಿಂಗ್ ರಜಪೂತ ಅಕಾಲಿಕ ಮರಣದಿಂದ ಬಾಲಿವುಡ್ ತತ್ತರಗೊಂಡಾಗ ಸಲ್ಮಾನ್ ವಿರುದ್ಧ ಸ್ವಜನ ಪಕ್ಷಪಾತದ ಆರೋಪಗಳು ಕೇಳಿಬಂದವು.
ಸಲ್ಲೂ ಭಾಯ್ ಈಗ ಸುದ್ದಿಯಲ್ಲಿದ್ದಾರೆ. ಅವರು ನಡೆಸಿಕೊಡುವ ಬಿಗ್ ಬಾಸ್ 14 ನೇ ಸೀಸನ್ ಅಕ್ಟೋಬರ್ನಲ್ಲಿ ಶುರುವಾಗಲಿದೆಯಂತೆ. ಗೊರೆಗಾಂವ್ನ ಫಿಲ್ಮ್ಸಿಟಿಯಲ್ಲಿ ನಡೆಯುವ ವಾರಾಂತ್ಯದ ಶೂಟ್ಗಳಿಗೆ ಸಲ್ಮಾನ್ ಹಾಜರಾಗಲಿದ್ದಾರೆಂದು ಮೂಲಗಳು ತಿಳಿಸಿವೆ.
ಈ ಬಾರಿಯ 12 ವಾರಗಳ ಬಿಗ್ ಬಾಸ್ ಸೀಸನ್ಗೆ ಸಲ್ಮಾನ್ ಪಡೆಯಲಿರುವ ಸಂಭಾವನೆ ಎಷ್ಟು ಅಂತ ಊಹಿಸಬಲ್ಲಿರಾ? ಬರೋಬ್ಬರಿ 480 ಕೋಟಿ ರೂಪಾಯಿಗಳು!! ಹೌದು, ನೀವು ಓದಿದ್ದು ಸರಿ, ಪ್ರತಿ ಎಪಿಸೋಡ್ಗೆ 20 ಕೋಟಿ ರೂಪಾಯಿಗಳಂತೆ 
ಪೂರ್ತಿ ಸೀಸನ್ಗೆ ರೂ 480 ಕೋಟಿಗಳು.
ಕಳೆದ ಸೀಸನ್ಗೆ ಅವರು ಪ್ರತಿ ಎಪಿಸೋಡ್ಗೆ ರೂ. 15 ಕೋಟಿ ಲೆಕ್ಕದಲ್ಲಿ 250 ಕೋಟಿ ರೂಪಾಯಿ ಪಡೆದಿದ್ದರು. ಒಂದು ಪಕ್ಷ ಈ ಸೀಸನ್ನ ಎಪಿಸೋಡ್ಗಳ ಸಂಖ್ಯೆಯೇನಾದರೂ ಹೆಚ್ಚಾದರೆ, ಸಲ್ಮಾನ್ ಅವುಗಳಿಗೆ ಪ್ರತ್ಯೇಕವಾಗಿ ಸಂಭಾವನೆ ಪಡೆಯಲಿದ್ದಾರೆ.
ಈಗಷ್ಟೇ ದೊರೆತಿರುವ ಮಾಹಿತಿ ಪ್ರಕಾರ, ಸಲ್ಮಾನ್ ಖಾನ್ನ ಪ್ರೊಡಕ್ಷನ್ ಹೌಸ್ ರೂ. 450 ಕೋಟಿಗಳಿಗೆ ಬಿಗ್ ಬಾಸ್ ಸೀಸನ್ 14 ಡೀಲನ್ನು ಕುದಿರಿಸಿದೆಯಂತೆ.
