ಬಯಸಿದ ವ್ಯಕ್ತಿಯನ್ನು ಗಂಡನನ್ನಾಗಿ ಪಡೆಯಲು ಮಹಾ ಶಿವರಾತ್ರಿ ವೇಳೆ ಹುಡುಗಿಯರು ಹೀಗೆ ಮಾಡಬೇಕು

ಹಿಂದೂ ಸನಾತನ ಧರ್ಮದಲ್ಲಿ ಮಹಾಶಿವರಾತ್ರಿ ( Maha Shivaratri 2024) ಹಬ್ಬವನ್ನು ಭಗವಾನ್ ಶಿವನ ವಿವಾಹ ಸಮಾರಂಭವಾಗಿ ಆಚರಿಸಲಾಗುತ್ತದೆ. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಮಹಾಶಿವರಾತ್ರಿಯ ದಿನದಂದು, ಭಗವಾನ್ ಶಿವನು ತನ್ನ ಪ್ರೀತಿಯ ದೇವತೆಯನ್ನು ವರಿಸಿದರು. ಅದರೊಂದಿಗೆ ಗೃಹಸ್ಥಾಶ್ರಮ ಜೀವನಕ್ಕೆ ಪ್ರವೇಶಿಸಿದರು. ಈ ದಿನ ಶಿವಶಕ್ತಿಯನ್ನು ಪೂಜಿಸುವುದರಿಂದ ಭಕ್ತರ ಇಷ್ಟಾರ್ಥಗಳು ಈಡೇರುತ್ತವೆ. ಅವಿವಾಹಿತ ಹುಡುಗಿಯರು ಶಿವರಾತ್ರಿಯಂದು ವ್ರತವನ್ನು (Fasting) ಆಚರಿಸಿದರೆ, ಅವರು ತಮ್ಮ ಇಚ್ಛೆಯನುಸಾರದ ಪತಿಯನ್ನು ಪಡೆಯುತ್ತಾರೆ ಎಂಬುದು ನಂಬಿಕೆ. ಈ ವ್ರತವನ್ನು ಆಚರಿಸುವ ವಿವಾಹಿತ ಸ್ತ್ರೀಯರು ಮತ್ತು ಪುರುಷರಿಗೆ ಆನಂದ, ಸಂತೋಷ, ಅದೃಷ್ಟ ಮತ್ತು ಸಂತೋಷದ ದಾಂಪತ್ಯ ಜೀವನ ಸಿಗುತ್ತದೆ (Wedding).

ಮಹಾಶಿವರಾತ್ರಿಯಂದು ಉಪವಾಸ ಮಾಡುವುದರಿಂದ ಹೆಣ್ಣುಮಕ್ಕಳಿಗೆ ಶಿವನ ಆಶೀರ್ವಾದ ಲಭಿಸುತ್ತದೆ. ಸಂತೋಷದ ಜೀವನವು ಸಾಧಿಸಲ್ಪಡುತ್ತದೆ. ಅವಿವಾಹಿತ ಹುಡುಗಿ ಮಹಾಶಿವರಾತ್ರಿ ವ್ರತವನ್ನು ಶ್ರದ್ಧಾ ಭಕ್ತಿಯಿಂದ ಆಚರಿಸಿದರೆ ಇಚ್ಛಿಸಿದ ವರ ಸಿಗುತ್ತಾನೆ ಎಂಬ ನಂಬಿಕೆ ಇದೆ. ಹಾಗೆಯೇ ಅವಿವಾಹಿತ ಹುಡುಗ ಮಹಾಶಿವರಾತ್ರಿ ವ್ರತವನ್ನು ಶ್ರದ್ಧಾಭಕ್ತಿಯಿಂದ ಆಚರಿಸಿದರೆ ಸಕಲ ಗುಣವುಳ್ಳ ಹುಡುಗಿ ಸಿಗುತ್ತಾಳೆ.

ಮಹಾಶಿವರಾತ್ರಿ 2024 ಪೂಜೆಗೆ ಮಂಗಳಕರ ಸಮಯ ಈ ವರ್ಷ 2024 ರಲ್ಲಿ ಮಹಾಶಿವರಾತ್ರಿಯನ್ನು ಫೆಬ್ರವರಿ 8 ರಂದು ಶುಕ್ರವಾರ ಆಚರಿಸಲಾಗುತ್ತದೆ. ಶಿವನ ಈ ರಾತ್ರಿಯನ್ನು ಹಿಂದೂಗಳು ಅತ್ಯಂತ ಪವಿತ್ರ ಹಬ್ಬವಾಗಿ ಆಚರಿಸುತ್ತಾರೆ. ಈ ದಿನದಂದು ಯಾವುದೇ ವಿಶೇಷ ಬಯಕೆಯನ್ನು ಪೂರೈಸಲು ಶಿವನನ್ನು ಮಂಗಳಕರ ಸಮಯದಲ್ಲಿ ಪೂಜಿಸಬೇಕು. ಅಂದು ನಿಶಿತಾ ಕಾಲ.. ಪೂಜಾ ಸಮಯ ಮಧ್ಯಾಹ್ನ 12:07 ರಿಂದ 12:56 ರವರೆಗೆ. ಮಹಾಶಿವರಾತ್ರಿ ಉಪವಾಸ, ಪಾರಣೆ ಸಮಯವು ಮಾರ್ಚ್ 9, 2024 ರಂದು ಬೆಳಿಗ್ಗೆ 6:37 ರಿಂದ ಮಧ್ಯಾಹ್ನ 3:29 ರವರೆಗೆ ಇರುತ್ತದೆ.

ಮಹಾಶಿವರಾತ್ರಿಯಂದು ಪೂಜೆ ಮಾಡುವುದು ಹೇಗೆ?

ಮಹಾಶಿವರಾತ್ರಿಯಂದು ಭಗವಾನ್ ಶಿವನನ್ನು ಪೂಜಿಸಲು.. ಸೂರ್ಯೋದಯಕ್ಕೂ ಮುನ್ನ ಎದ್ದು ಸ್ನಾನ ಮಾಡಿ ಶುಭ್ರವಾದ ಬಟ್ಟೆಯನ್ನು ಧರಿಸಿ. ಅದರ ನಂತರ ಉಪವಾಸವನ್ನು ಪ್ರಾರಂಭಿಸಬೇಕು.

ಮನೆ ಸಮೀಪದ ಶಿವನ ದೇವಸ್ಥಾನಕ್ಕೆ ಹೋಗಿ ಭಕ್ತಿಯಿಂದ ಶಿವನನ್ನು ಪೂಜಿಸಿ.

ಇದನ್ನೂ ಓದಿ: ಮಹಾಶಿವರಾತ್ರಿ ವೇಳೆ ಭಕ್ತರು ನಿದ್ದೆ ಮಾಡುವುದಿಲ್ಲ! ಕಾರಣ ತಿಳಿದರೆ ನೀವೂ ಅಂದು ನಿದ್ದೆ ಮಾಡುವುದಿಲ್ಲ

ಶಿವಲಿಂಗಕ್ಕೆ ಕಬ್ಬಿನ ರಸ, ಹಸಿ ಹಾಲು ಅಥವಾ ಶುದ್ಧ ತುಪ್ಪದಿಂದ ಅಭಿಷೇಕ ಮಾಡಿ ಬಿಲ್ವ ಪತ್ರೆಗಳು, ಹಲಸು, ತುಂಬೆ ಹೂವು, ದಾತೂರ ಹೂವು, ಹಲಸು, ಜಾಯಿಕಾಯಿ, ಕಮಲದ ಎಲೆಗಳು, ಹಣ್ಣುಗಳು, ಹೂವುಗಳು, ಸಿಹಿತಿಂಡಿಗಳು, ತಾಂಬೂಲಗಳು, ಸುಗಂಧ ದ್ರವ್ಯಗಳು ಇತ್ಯಾದಿಗಳನ್ನು ಶಂಕರನಿಗೆ ಅರ್ಪಿಸಿ.

ಪೂಜೆಯ ನಂತರ ಶಿವ ಚಾಲೀಸ ಪಠಿಸಿ, ಶಿವಯ್ಯನಿಗೆ ಆರತಿ ಮಾಡಿ.. ಕೊನೆಗೆ ಶಿವನ ಪ್ರಸಾದವನ್ನು ಜನರಿಗೆ ಹಂಚಿ.

ಮಹಾಶಿವರಾತ್ರಿ ಉಪವಾಸದ ಪ್ರಯೋಜನಗಳು: ಮಹಾಶಿವರಾತ್ರಿಯ ದಿನದಂದು ಶಿವನನ್ನು ಪೂಜಿಸುವುದು ಅತ್ಯಂತ ಫಲಪ್ರದವೆಂದು ಪರಿಗಣಿಸಲಾಗಿದೆ. ಸರಳವಾಗಿ ಉಪವಾಸವಿದ್ದು ಜಲಾಭಿಷೇಕ ಮಾಡುವ ಮೂಲಕ ಭಕ್ತರ ಇಷ್ಟಾರ್ಥಗಳನ್ನು ಈಡೇರಿಸುತ್ತಾನೆ ಎಂಬ ನಂಬಿಕೆ ಇದೆ. ಶಿವನ ಆರಾಧನೆಯಿಂದ ಮನುಷ್ಯನು ಜೀವನದ ಪ್ರತಿಯೊಂದು ಕ್ಷೇತ್ರದಲ್ಲೂ ಯಶಸ್ವಿಯಾಗುತ್ತಾನೆ. ಮಹಾಶಿವರಾತ್ರಿ ವ್ರತವನ್ನು ಆಚರಿಸುವುದರಿಂದ ವ್ಯಕ್ತಿಯು ಅಕಾಲಿಕ ಮರಣದ ಭಯದಿಂದ ಮುಕ್ತನಾಗುತ್ತಾನೆ. ಅವನು ರೋಗಗಳಿಂದ ರಕ್ಷಿಸಲ್ಪಟ್ಟಿದ್ದಾನೆ. ಅದೃಷ್ಟ ಮತ್ತು ಸಂಪತ್ತನ್ನು ದಯಪಾಲಿಸುವ ಜಂಗಮಯ್ಯ ಈತ. ಅವಿವಾಹಿತ ಹುಡುಗಿ ಮಹಾಶಿವರಾತ್ರಿಯಂದು ಶಿವನನ್ನು ಪೂಜಿಸಿದರೆ ಆಕೆ ಬಯಸಿದ ವರ ಸಿಗುತ್ತಾನೆ. ಶಿವರಾತ್ರಿ ವ್ರತವನ್ನು ಆಚರಿಸುವುದರಿಂದ ಕುಟುಂಬಕ್ಕೆ ಸಂತೋಷ, ಆನಂದ, ನೆಮ್ಮದಿ ಮತ್ತು ಸಂಪತ್ತು ದೊರೆಯುತ್ತದೆ.

ಅಧ್ಯಾತ್ಮಕ್ಕೆ ಸಂಬಂಧಿಸಿದ ಮತ್ತಷ್ಟು ಸುದ್ದಿಗಳನ್ನು ಓದಲು ಇದರ ಮೇಲೆ ಕ್ಲಿಕ್ ಮಾಡಿ

Published On - 10:17 am, Tue, 5 March 24