Malabar Bridal Jewellery Show: ಬೆಂಗಳೂರಲ್ಲಿ ಮಲಬಾರ್ ಗೋಲ್ಡ್ನಿಂದ ವಧು ಸಿಂಗಾರಕ್ಕೆ ಸೊಗಸಾದ ವಜ್ರ, ಬಂಗಾರದ ಆಭರಣಗಳ ಪ್ರದರ್ಶನ
ಬೆಂಗಳೂರಿನ ಎಂ.ಜಿ.ರಸ್ತೆಯಲ್ಲಿ ಮೇ 14ರಿಂದ 22ನೇ ತಾರೀಕಿನ ತನಕ "ಬ್ರೈಡಲ್ ಜ್ಯುವೆಲ್ಲರಿ ಶೋ" ನಡೆಯಲಿದೆ. ನೀವು ಖರೀದಿಸುತ್ತೀರೋ ಇಲ್ಲವೋ ಬೇರೆ ಮಾತು. ಆದರೆ ಒಮ್ಮೆಯಾದರೂ ನೋಡಲೇಬೇಕಾದ ವಧು ಆಭರಣಗಳ ಪ್ರದರ್ಶನ ಇದು.
Updated on:May 16, 2022 | 2:52 PM
ಬೆಂಗಳೂರು: ದೇಶದ ಅತಿ ದೊಡ್ಡ ಚಿನ್ನ ಹಾಗೂ ವಜ್ರದ ರೀಟೇಲ್ ಸರಣಿ ಹೊಂದಿರುವ ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ನಿಂದ (Malabar Gold And Diamonds) “ಬ್ರೈಡಲ್ ಜ್ಯುವೆಲ್ಲರಿ ಶೋ” (ವಧು ಆಭರಣ ಪ್ರದರ್ಶನ) ಅನಾವರಣಗೊಳಿಸಿದೆ. ಮದುವೆ ಸಲುವಾಗಿ ಹೆಣ್ಣುಮಕ್ಕಳು ಚಿನ್ನ, ವಜ್ರದ ಆಭರಣಗಳನ್ನು ಖರೀದಿ ಮಾಡಬೇಕು ಎಂದು ಇದ್ದಲ್ಲಿ ಈ ಸಂದರ್ಭ ನಿಮಗೆ ವಿಶೇಷ, ವಿಶಿಷ್ಟ ಆಭರಣಗಳು ದೊರೆಯಲಿದೆ. ಡಿಸೈನ್, ಬೆಲೆ, ಮೇಕಿಂಗ್, ವೇಸ್ಟೇಜ್ ಎಲ್ಲ ರೀತಿಯಿಂದಲೂ ಗ್ರಾಹಕರಿಗೆ ತೃಪ್ತಿ ನೀಡುವಂಥ ಬೆಲೆಯಲ್ಲಿ ದೊರೆಯಲಿದ್ದು, ಬೆಂಗಳೂರಿನ ಎಂ.ಜಿ. ರಸ್ತೆಯಲ್ಲಿನ ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ಸ್ ಆರ್ಟಿಸ್ಟ್ರಿ ಸ್ಟೋರ್ನಲ್ಲಿ ಈ ಪ್ರದರ್ಶನವು ಆರಂಭಗೊಂಡಿದೆ. ವುಮೆನ್ ಎಂಟರ್ಪ್ರೆನ್ಯೂರ್ ಲ್ಯಾಡರ್ಸ್ (WEL) ಸ್ಥಾಪಕರಾದ ರೇವತಿ ಅವರ ಸಮಕ್ಷಮದಲ್ಲಿ ಈ ಪ್ರದರ್ಶನವು ಅನಾವರಣಗೊಂಡಿದೆ. ಮಲಬಾರ್ ಗೋಲ್ಡ್ನ ಎಕ್ಸ್ಕ್ಲೂಸಿವ್ ರೇಂಜ್ನ ವಧು ಆಭರಣಗಳನ್ನು ಈ ಪ್ರದರ್ಶನದಲ್ಲಿ ಇಡಲಾಗಿದೆ.
ಈ ಆಭರಣ ಪ್ರದರ್ಶನವು ಇದೇ ಮೇ 14ನೇ ತಾರೀಕಿನಿಂದ ಶುರುವಾಗಿದ್ದು, 22ನೇ ತಾರೀಕಿನ ತನಕ ಇರಲಿದೆ. ಮದುವೆಯಲ್ಲಿ ವಧುವನ್ನು ಸಿಂಗರಿಸಲೆಂದೇ ವಿಶಿಷ್ಟವಾಗಿ ರೂಪಿಸಲಾದ, ಶ್ರೀಮಂತಿಕೆಯ ವಿನ್ಯಾಸದ ಒಡವೆಗಳನ್ನು ಇಲ್ಲಿ ಕಾಣಬಹುದು. ಚಿನ್ನದ ಆಭರಣಗಳು ಹಾಗೂ ಜತೆಗೆ ವಜ್ರ ಸೇರಿದಂತೆ ಬೆಲೆ ಬಾಳುವ ರತ್ನಗಳಿಂದ ಕೂಡಿರುವ ಒಡವೆಗಳ ಕುಸುರಿ ಕೆಲಸವನ್ನು ಇಲ್ಲಿ ಕಾಣಬಹುದು.
ಮಲಬಾರ್ ಗೋಲ್ಡ್ನ ಇಂಥ ವಿಶಿಷ್ಟ ಆಭರಣಗಳ ಖರೀದಿಗೆ ಅಂತ ಮಾತ್ರ ಹೋಗಬೇಕು ಅಂತ ಅಲ್ಲ. ಈ ಆಭರಣಗಳ ಪ್ರದರ್ಶನವು ನೋಡುಗರ ಕಣ್ಣಿಗೆ ಹಬ್ಬದಂತಿದೆ. ಬೆಂಗಳೂರಿನ ಆಭರಣಪ್ರಿಯರು ಈ ಪ್ರದರ್ಶನಕ್ಕೆ ತಪ್ಪದೆ ಹಾಜರಾಗಬೇಕು ಎಂಬುದು ಸಹಜವಾಗಿ ಕೇಳಿಬರುತ್ತಿರುವ ಮಾತಾಗಿದೆ.
Published On - 2:24 pm, Mon, 16 May 22
