2026 ರ ಏಷ್ಯನ್ ಕ್ರೀಡಾಕೂಟದ ಬಗ್ಗೆ ನೀವು ತಿಳಿದುಕೊಳ್ಳಲೇಬೇಕಾದ ಮಾಹಿತಿ ಇಲ್ಲಿದೆ

2026 ರ ಏಷ್ಯನ್ ಕ್ರೀಡಾಕೂಟ ಇದೇ ಸೆಪ್ಟೆಂಬರ್ 17 ರಿಂದ ಅಕ್ಟೋಬರ್ 4 ರವರೆಗೆ ಜಪಾನ್‌ನ ಐಚಿ-ನಗೋಯಾದಲ್ಲಿ ನಡೆಯಲಿದೆ. ಜಪಾನ್ ಈ ಕ್ರೀಡಾಕೂಟವನ್ನು ಆಯೋಜಿಸುತ್ತಿರುವುದು ಇದು ಮೂರನೇ ಬಾರಿ. ಈ ವರ್ಷದ ಕ್ರೀಡಾಕೂಟವು ವಿಶಿಷ್ಟವಾಗಿರಲಿದ್ದು, 45 ದೇಶಗಳಿಂದ 11,000 ಕ್ಕೂ ಹೆಚ್ಚು ಕ್ರೀಡಾಪಟುಗಳು ಒಟ್ಟು 43 ಕ್ರೀಡೆಗಳು ಮತ್ತು 469 ಕಾರ್ಯಕ್ರಮಗಳಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲಿದ್ದಾರೆ. ಐಚಿ ಪ್ರಿಫೆಕ್ಚರ್ ಮತ್ತು ನಾಗೋಯಾದ54 ಸ್ಥಳಗಳಲ್ಲಿ ಸ್ಪರ್ಧೆಗಳು ನಡೆಯಲಿದ್ದು, ಟೋಕಿಯೊ, ಶಿಜುವೊಕಾ, ಗಿಫು ಮತ್ತು ಒಸಾಕಾದಂತಹ ನಗರಗಳು ಸಹ ಈ ಕಾರ್ಯಕ್ರಮವನ್ನು ಆಯೋಜಿಸುತ್ತಿವೆ. ಉಳಿದಂತೆ ಈ ಕ್ರೀಡಾಕೂಟದ ಬಗ್ಗೆ ಪೂರ್ಣ ಮಾಹಿತಿ ಇಲ್ಲಿದೆ.

2026 ರ ಏಷ್ಯನ್ ಕ್ರೀಡಾಕೂಟ ಯಾವಾಗ ಆರಂಭ? ಎಷ್ಟು ದಿನ ನಡೆಯಲಿದೆ?

ಈ ವರ್ಷ ಕ್ರೀಡಾಕೂಟವು ಸೆಪ್ಟೆಂಬರ್ 19, 2026 ರಿಂದ ಅಕ್ಟೋಬರ್ 4, 2026 ರವರೆಗೆ ನಡೆಯಲಿದೆ. ಇಡೀ ಪಂದ್ಯಾವಳಿಯು ಸುಮಾರು ಎರಡು ವಾರಗಳು ಅಥವಾ 16 ದಿನಗಳವರೆಗೆ ನಡೆಯಲಿದೆ.

ಏಷ್ಯನ್ ಕ್ರೀಡಾಕೂಟದಲ್ಲಿ ಎಷ್ಟು ದೇಶಗಳು ಭಾಗವಹಿಸುತ್ತಿವೆ?

ಈ ಏಷ್ಯನ್ ಕ್ರೀಡಾಕೂಟದಲ್ಲಿ ಒಟ್ಟು 45 ದೇಶಗಳು ಭಾಗವಹಿಸುತ್ತಿವೆ. ಇದರಲ್ಲಿ ಏಷ್ಯಾ ಒಲಿಂಪಿಕ್ ಕೌನ್ಸಿಲ್ (OCA) ನೊಂದಿಗೆ ಸಂಯೋಜಿತವಾಗಿರುವ ಬಹುತೇಕ ಎಲ್ಲಾ ಮಾನ್ಯತೆ ಪಡೆದ ದೇಶಗಳ ತಂಡಗಳು ಸೇರಿವೆ.

ಯಾವ ಖಂಡದಿಂದ ಎಷ್ಟು ದೇಶಗಳು?

ಇದು ಏಷ್ಯನ್ ಕ್ರೀಡಾಕೂಟ ಆಗಿರುವುದರಿಂದ, ಏಷ್ಯಾ ಖಂಡದಿಂದ ಕೇವಲ 45 ದೇಶಗಳು ಮಾತ್ರ ಭಾಗವಹಿಸುತ್ತವೆ.

ಈ ಕ್ರೀಡಾಕೂಟದಲ್ಲಿ ಎಷ್ಟು ಕ್ರೀಡೆಗಳು ಇರಲಿವೆ?

ಈ ಏಷ್ಯನ್ ಕ್ರೀಡಾಕೂಟದಲ್ಲಿ ಒಟ್ಟು 43 ಕ್ರೀಡೆಗಳು ಮತ್ತು 469 ಈವೆಂಟ್‌ಗಳು ಸೇರಿವೆ. ಅಥ್ಲೆಟಿಕ್ಸ್, ಈಜು, ಬ್ಯಾಡ್ಮಿಂಟನ್, ಹಾಕಿ, ಕುಸ್ತಿ ಮತ್ತು ಶೂಟಿಂಗ್‌ನಂತಹ ಸಾಂಪ್ರದಾಯಿಕ ಕ್ರೀಡೆಗಳು ಮುಖ್ಯವಾಗಿವೆ. ಇ-ಸ್ಪೋರ್ಟ್ಸ್ ಮತ್ತು ಬ್ರೇಕ್‌ಡ್ಯಾನ್ಸಿಂಗ್‌ನಂತಹ ಆಧುನಿಕ ಮತ್ತು ಯುವ ಸ್ನೇಹಿ ಕ್ರೀಡೆಗಳನ್ನು ಸಹ ಸೇರಿಸಲಾಗಿದೆ.

ಎಷ್ಟು ಕ್ರೀಡಾಪಟುಗಳು ಭಾಗವಹಿಸುತ್ತಿದ್ದಾರೆ?

ಈ ಕ್ರೀಡಾಕೂಟದಲ್ಲಿ ಒಟ್ಟು 11,000 ಕ್ಕೂ ಹೆಚ್ಚು ಕ್ರೀಡಾಪಟುಗಳು ಭಾಗವಹಿಸುತ್ತಿದ್ದಾರೆ. ಈ ಎಲ್ಲಾ ಕ್ರೀಡಾಪಟುಗಳು ತಮ್ಮ ದೇಶಗಳನ್ನು ಪ್ರತಿನಿಧಿಸಲಿದ್ದು, 43 ವಿಭಿನ್ನ ಕ್ರೀಡಾ ವಿಭಾಗಗಳಲ್ಲಿ ಸ್ಪರ್ಧಿಸುತ್ತಾರೆ.

ಏಷ್ಯನ್ ಕ್ರೀಡಾಕೂಟವನ್ನು ಎಷ್ಟು ವರ್ಷಗಳಿಗೊಮ್ಮೆ ನಡೆಸಲಾಗುತ್ತದೆ?

ಏಷ್ಯನ್ ಕ್ರೀಡಾಕೂಟವನ್ನು ಸಾಮಾನ್ಯವಾಗಿ ಪ್ರತಿ ನಾಲ್ಕು ವರ್ಷಗಳಿಗೊಮ್ಮೆ ನಡೆಸಲಾಗುತ್ತದೆ.

ಮುಂದಿನ ಏಷ್ಯನ್ ಕ್ರೀಡಾಕೂಟವನ್ನು ಎಲ್ಲಿ ನಡೆಸಲಾಗುತ್ತದೆ?

ಜಪಾನ್ ನಂತರ, 21 ನೇ ಏಷ್ಯನ್ ಕ್ರೀಡಾಕೂಟದ ಆತಿಥ್ಯವನ್ನು ಕತಾರ್‌ನ ದೋಹಾಗೆ ನೀಡಲಾಗಿದೆ.

ಭಾರತ ಎಂದಾದರೂ ಕ್ರೀಡಾಕೂಟವನ್ನು ಆಯೋಜಿಸಿದೆಯೇ?

ಹೌದು, ಭಾರತದಲ್ಲಿ ಎರಡು ಬಾರಿ ಏಷ್ಯನ್ ಕ್ರೀಡಾಕೂಟವನ್ನು ನಡೆಸಲಾಗಿದೆ. ಐತಿಹಾಸಿಕ ಮೊದಲ ಏಷ್ಯನ್ ಕ್ರೀಡಾಕೂಟವು 1951 ರಲ್ಲಿ ನವದೆಹಲಿಯಲ್ಲಿ ಯಶಸ್ವಿಯಾಗಿ ನಡೆದಿತ್ತು. ನಂತರ ಭಾರತ 1982 ರಲ್ಲಿ 9 ನೇ ಏಷ್ಯನ್ ಕ್ರೀಡಾಕೂಟವನ್ನು ನವದೆಹಲಿಯಲ್ಲಿ ಆಯೋಜಿಸಿತ್ತು

ಈ ಮೊದಲ ಏಷ್ಯನ್ ಕ್ರೀಡಾ ಕೂಟದಲ್ಲಿ ಕ್ರಿಕೆಟ್ ಇತ್ತ?

ಏಷ್ಯನ್ ಕ್ರೀಡಾಕೂಟದಲ್ಲಿ ಕ್ರಿಕೆಟ್ ಮೊದಲ ಬಾರಿಗೆ 2010 ರ ಗುವಾಂಗ್‌ಝೌನಲ್ಲಿ ಮತ್ತು ನಂತರ 2014 ರ ಇಂಚಿಯಾನ್ ಏಷ್ಯನ್ ಕ್ರೀಡಾಕೂಟದಲ್ಲಿ ನಡೆದಿತ್ತು. ನಂತರ 2023 ರಲ್ಲಿ ಹ್ಯಾಂಗ್‌ಝೌನಲ್ಲಿ ನಡೆದ ಕ್ರೀಡಾಕೂಟದಲ್ಲಿ ಕ್ರಿಕೆಟ್ ಅನ್ನು ಮತ್ತೆ ಸೇರಿಸಲಾಯಿತು.

ಭಾರತದ ಪಂದ್ಯಗಳು ಯಾವಾಗ ನಡೆಯುತ್ತವೆ?

ಭಾರತೀಯ ಪುರುಷರ ಕ್ರಿಕೆಟ್ ತಂಡವು ಸೆಪ್ಟೆಂಬರ್ 28, 2026 ರಂದು ಕ್ವಾರ್ಟರ್ ಫೈನಲ್‌ನೊಂದಿಗೆ ತನ್ನ ಅಭಿಯಾನವನ್ನು ಪ್ರಾರಂಭಿಸಲಿದೆ. ಇದರ ನಂತರ, ಸೆಮಿಫೈನಲ್‌ಗಳು ಅಕ್ಟೋಬರ್ 1, 2026 ರಂದು ನಡೆಯಲಿವೆ. ಪಂದ್ಯಾವಳಿಯ ಬಹು ನಿರೀಕ್ಷಿತ ಚಿನ್ನದ ಪದಕ ಮತ್ತು ಕಂಚಿನ ಪದಕ ಪಂದ್ಯಗಳನ್ನು ಅಕ್ಟೋಬರ್ 3, 2026 ರಂದು ನಿಗದಿಪಡಿಸಲಾಗಿದೆ.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 6:55 pm, Tue, 15 September 26