IND vs PAK: ಭಾರತ ವಿರುದ್ಧ ಇದೇ ಮೊದಲ ಬಾರಿ ಆಡುತ್ತಿದ್ದಾರೆ ಪಾಕಿಸ್ತಾನದ ಈ 8 ಆಟಗಾರರು
India vs Pakistan, Asia Cup 2025: ಏಷ್ಯಾ ಕಪ್ನಲ್ಲಿ ಪಾಕಿಸ್ತಾನ ಈಗ ವಿಶ್ವದ ನಂಬರ್-1 ತಂಡ ಭಾರತದ ವಿರುದ್ಧ ಕಠಿಣ ಸವಾಲನ್ನು ಎದುರಿಸಲಿದೆ. ಅಂತಹ ಪರಿಸ್ಥಿತಿಯಲ್ಲಿ, ಇಲ್ಲಿಯವರೆಗೆ ಭಾರತ ತಂಡದ ವಿರುದ್ಧ ಆಡದ ಪಾಕಿಸ್ತಾನದ ಯಾವ ಆಟಗಾರರೆಲ್ಲ ಇಂದು ಕಣಕ್ಕಿಳಿಯುತ್ತಾರೆ ಎಂಬುದನ್ನು ನೋಡೋಣ.
ಬೆಂಗಳೂರು (ಸೆ. 14): 2025 ರ ಏಷ್ಯಾ ಕಪ್ನಲ್ಲಿ, ಭಾರತ (Indian Cricket Team) ಮತ್ತು ಪಾಕಿಸ್ತಾನ ತಂಡಗಳು ಸೆಪ್ಟೆಂಬರ್ 14 ರ ಭಾನುವಾರ ದುಬೈ ಅಂತರರಾಷ್ಟ್ರೀಯ ಕ್ರಿಕೆಟ್ ಕ್ರೀಡಾಂಗಣದಲ್ಲಿ ಗ್ರೂಪ್-ಎ ಪಂದ್ಯದಲ್ಲಿ ಪರಸ್ಪರ ಮುಖಾಮುಖಿಯಾಗಲಿವೆ. ಪಹಲ್ಗಾಮ್ ಭಯೋತ್ಪಾದಕ ದಾಳಿ ಮತ್ತು ಆಪರೇಷನ್ ಸಿಂಧೂರ್ ನಂತರ ಉಭಯ ದೇಶಗಳ ನಡುವಿನ ಮೊದಲ ಅಂತರರಾಷ್ಟ್ರೀಯ ಪಂದ್ಯ ಇದಾಗಿದೆ. ರಾಜಕೀಯ ಮತ್ತು ರಾಜತಾಂತ್ರಿಕ ಉದ್ವಿಗ್ನತೆಯ ನಡುವೆ, ಈ ಪಂದ್ಯವು ಆಟಗಾರರು ಮತ್ತು ಅಭಿಮಾನಿಗಳಿಗೆ ಬಹಳ ವಿಶೇಷವಾಗಲಿದೆ.
ಭಾರತ ಮತ್ತು ಪಾಕಿಸ್ತಾನ ಎರಡೂ ತಂಡಗಳು ಟೂರ್ನಮೆಂಟ್ ಅನ್ನು ಗೆಲುವಿನೊಂದಿಗೆ ಆರಂಭಿಸಿವೆ. ಭಾರತ ತನ್ನ ಮೊದಲ ಪಂದ್ಯದಲ್ಲಿ ಯುಎಇಯನ್ನು ಕೇವಲ 57 ರನ್ಗಳಿಗೆ ಆಲೌಟ್ ಮಾಡಿ ಜಯ ಸಾಧಿಸಿತು. ಅತ್ತ ಓಮನ್ ವಿರುದ್ಧ ಪಾಕ್ ಬ್ಯಾಟ್ಸ್ಮನ್ಗಳ ಪ್ರದರ್ಶನ ಸರಾಸರಿಯಾಗಿದ್ದರೂ ಸ್ಪಿನ್ನರ್ಗಳು ಉತ್ತಮ ಪ್ರದರ್ಶನ ನೀಡಿದ ಪರಿಣಾಮ ಗೆಲುವಿನ ಆರಂಭ ಪಡೆದುಕೊಂಡಿತು.
ಪಾಕಿಸ್ತಾನ ಈಗ ವಿಶ್ವದ ನಂಬರ್-1 ತಂಡ ಭಾರತದ ವಿರುದ್ಧ ಕಠಿಣ ಸವಾಲನ್ನು ಎದುರಿಸಲಿದೆ. ಅಂತಹ ಪರಿಸ್ಥಿತಿಯಲ್ಲಿ, ಇಲ್ಲಿಯವರೆಗೆ ಭಾರತ ತಂಡದ ವಿರುದ್ಧ ಆಡದ ಪಾಕಿಸ್ತಾನದ ಯಾವ ಆಟಗಾರರೆಲ್ಲ ಇಂದು ಕಣಕ್ಕಿಳಿಯುತ್ತಾರೆ ಎಂಬುದನ್ನು ನೋಡೋಣ.
ಸ್ಯಾಮ್ ಅಯೂಬ್: ಸ್ಯಾಮ್ ಅಯೂಬ್ ಪಾಕಿಸ್ತಾನದ ಆರಂಭಿಕ ಬ್ಯಾಟ್ಸ್ಮನ್ ಮತ್ತು ಅರೆಕಾಲಿಕ ಆಫ್ ಸ್ಪಿನ್ನರ್. ಅಯೂಬ್ ಇನ್ನೂ ಭಾರತದ ವಿರುದ್ಧ ಆಡಿಲ್ಲ.
ಸಾಹಿಬ್ಜಾದಾ ಫರ್ಹಾನ್: ಮಧ್ಯಮ ಕ್ರಮಾಂಕದ ಬ್ಯಾಟ್ಸ್ಮನ್ ಫರ್ಹಾನ್ 2018 ರಲ್ಲಿ ಪಾದಾರ್ಪಣೆ ಮಾಡಿ 2024 ರಲ್ಲಿ ತಂಡಕ್ಕೆ ಮರಳಿದರು. ಅವರು ಮೊದಲ ಬಾರಿಗೆ ಭಾರತವನ್ನು ಎದುರಿಸಲಿದ್ದಾರೆ.
IND vs PAK: ಭಾರತ-ಪಾಕ್ ಪಂದ್ಯ ವೀಕ್ಷಣೆಗೆ ಸೆಲೆಬ್ರಿಟಿಗಳು ಬಿಡಿ ಬಿಸಿಸಿಐ ಅಧಿಕಾರಿಗಳು ಕೂಡ ಹೋಗಿಲ್ಲ
ಮೊಹಮ್ಮದ್ ಹ್ಯಾರಿಸ್: ಮೊಹಮ್ಮದ್ ಹ್ಯಾರಿಸ್ ಒಬ್ಬ ಆಕ್ರಮಣಕಾರಿ ವಿಕೆಟ್ ಕೀಪರ್-ಬ್ಯಾಟ್ಸ್ಮನ್ ಮತ್ತು ಇದುವರೆಗೆ 29 ಟಿ20ಐ ಮತ್ತು 6 ಏಕದಿನ ಪಂದ್ಯಗಳಲ್ಲಿ ಪಾಕಿಸ್ತಾನವನ್ನು ಪ್ರತಿನಿಧಿಸಿದ್ದಾರೆ, ಆದರೆ ಭಾರತದ ವಿರುದ್ಧ ಎಂದಿಗೂ ಆಡಿಲ್ಲ.
ಹಸನ್ ನವಾಜ್: ತಮ್ಮ ಅಲ್ಪ ಟಿ20 ವೃತ್ತಿಜೀವನದಲ್ಲಿ ಎಲ್ಲರ ಗಮನ ಸೆಳೆದಿರುವ ಕಠಿಣ ಹೊಡೆತದ ಬ್ಯಾಟ್ಸ್ಮನ್. ಅವರು ಮೊದಲ ಬಾರಿಗೆ ಭಾರತದ ವಿರುದ್ಧ ಆಡಲಿದ್ದಾರೆ.
ಸುಫಿಯಾನ್ ಮುಕೀಮ್: ಎಡಗೈ ಸ್ಪಿನ್ನರ್ ಅಬ್ರಾರ್ ಅಹ್ಮದ್ ಪಾಕಿಸ್ತಾನದ ಸ್ಪಿನ್ ದಾಳಿಯ ಬೆನ್ನೆಲುಬಾಗಿದ್ದು, ಮೊದಲ ಬಾರಿಗೆ ಭಾರತದ ವಿರುದ್ಧ ಆಡಲಿದ್ದಾರೆ.
ಹುಸೇನ್ ತಲಾತ್: ಆಲ್ ರೌಂಡರ್ ಹುಸೇನ್ ತಲಾತ್ ಬೌಲಿಂಗ್ ಗಿಂತ ಬ್ಯಾಟಿಂಗ್ ನಲ್ಲಿ ಹೆಚ್ಚಿನ ಅವಕಾಶಗಳನ್ನು ಪಡೆದಿದ್ದಾರೆ. ಹುಸೇನ್ ಇನ್ನೂ ಭಾರತದ ವಿರುದ್ಧ ಆಡಿಲ್ಲ.
ಮೊಹಮ್ಮದ್ ವಾಸಿಮ್ ಜೂನಿಯರ್: ವೇಗದ ಬೌಲರ್ ಮೊಹಮ್ಮದ್ ವಾಸಿಮ್ ಒಂದು ವರ್ಷಕ್ಕೂ ಹೆಚ್ಚು ಸಮಯದ ನಂತರ ತಮ್ಮ ಮೊದಲ ಟಿ20ಐ ಆಡಲಿದ್ದಾರೆ. ವಾಸಿಮ್ ಕೂಡ ಮೊದಲ ಬಾರಿಗೆ ಭಾರತವನ್ನು ಎದುರಿಸಲಿದ್ದಾರೆ.
ಸಲ್ಮಾನ್ ಮಿರ್ಜಾ: ಎಡಗೈ ವೇಗದ ಬೌಲರ್ ಸಲ್ಮಾನ್ ಮಿರ್ಜಾ ಇತ್ತೀಚೆಗೆ ಪಾಕಿಸ್ತಾನ ಪರ ಪಾದಾರ್ಪಣೆ ಮಾಡಿದ್ದಾರೆ. ಅವರು ಐದು ಟಿ20 ಪಂದ್ಯಗಳನ್ನು ಆಡಿದ್ದಾರೆ ಆದರೆ ಇನ್ನೂ ಭಾರತದ ವಿರುದ್ಧ ಆಡಿಲ್ಲ.
ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ