CPL 2024: ಟ್ರಿನ್‌ಬಾಗೊ ನೈಟ್ ರೈಡರ್ಸ್ ತಂಡ ಪ್ರಕಟ
CPL 2024: ಕೆರಿಬಿಯನ್ ದ್ವೀಪದಲ್ಲಿ ನಡೆಯಲಿರುವ ಸಿಪಿಎಲ್-12 ಗಾಗಿ ಕೊಲ್ಕತ್ತಾ ನೈಟ್ ರೈಡರ್ಸ್ ಫ್ರಾಂಚೈಸಿಯ ಒಡೆತನದಲ್ಲಿರುವ ಟ್ರಿನ್‌ಬಾಗೊ ನೈಟ್ ರೈಡರ್ಸ್ ತಂಡವು ಬಲಿಷ್ಠ ಪಡೆಯನ್ನು ಪ್ರಕಟಿಸಿದೆ. ಈ ಟೂರ್ನಿಯು ಆಗಸ್ಟ್ 30 ರಿಂದ ಶುರುವಾಗಲಿದ್ದು, ಫೈನಲ್ ಪಂದ್ಯವು ಅಕ್ಟೋಬರ್ 7 ರಂದು ಗಯಾನಾದ ಪ್ರೊವಿಡೆನ್ಸ್ ಸ್ಟೇಡಿಯಂನಲ್ಲಿ ನಡೆಯಲಿದೆ.
ಆಗಸ್ಟ್ 30 ರಿಂದ ಶುರುವಾಗಲಿರುವ ಕೆರಿಬಿಯನ್ ಪ್ರೀಮಿಯರ್ ಲೀಗ್ (CPL 2024) 12ನೇ ಸೀಸನ್ಗಾಗಿ ಟ್ರಿನ್‌ಬಾಗೊ ನೈಟ್ ರೈಡರ್ಸ್ (TKR) ತನ್ನ ತಂಡವನ್ನು ಪ್ರಕಟಿಸಿದೆ. ಬಲಿಷ್ಠ ಆಟಗಾರರನ್ನು ಒಳಗೊಂಡಿರುವ ಈ ತಂಡವನ್ನು ಕೀರನ್ ಪೊಲಾರ್ಡ್ ಮುನ್ನಡೆಸಲಿದ್ದು, ಉಪನಾಯಕನಾಗಿ ನಿಕೋಲಸ್ ಪೂರನ್ ಕಾಣಿಸಿಕೊಳ್ಳಲಿದ್ದಾರೆ.
ಇನ್ನು ಈ ತಂಡದಲ್ಲಿ ಖ್ಯಾತ ಆಲ್ರೌಂಡರ್ಗಳಾದ ಡ್ವೇನ್ ಬ್ರಾವೊ, ಸುನಿಲ್ ನರೈನ್ ಹಾಗೂ ಆ್ಯಂಡ್ರೆ ರಸೆಲ್ ಇರುವುದು ವಿಶೇಷ. ಹಾಗೆಯೇ ವಿದೇಶಿ ಆಟಗಾರರಾಗಿ ಅಮೆರಿಕದ ಅಲಿ ಖಾನ್ ಹಾಗೂ ಆಸ್ಟ್ರೇಲಿಯಾದ ಟಿಮ್ ಡೇವಿಡ್ ಕಾಣಿಸಿಕೊಂಡಿದ್ದಾರೆ.
ಅಲ್ಲದೆ ಹೊಸ ಆಟಗಾರರಾಗಿ ಇಂಗ್ಲೆಂಡ್ ಜೇಸನ್ ರಾಯ್ ಹಾಗೂ ಐರ್ಲೆಂಡ್ನ ಜೋಶ್ ಲಿಟಲ್ ಎಂಟ್ರಿ ಕೊಟ್ಟಿದ್ದಾರೆ. ಇನ್ನು ಸ್ಪಿನ್ನರ್ ಆಗಿ ವೆಸ್ಟ್ ಇಂಡೀಸ್ನ ಅಕೇಲ್ ಹೊಸೈನ್ ಸಹ ತಂಡದಲ್ಲಿದ್ದಾರೆ. ಅದರಂತೆ ಟ್ರಿನ್‌ಬಾಗೊ ನೈಟ್ ರೈಡರ್ಸ್ ತಂಡ ಈ ಕೆಳಗಿನಂತಿದೆ…
ಟ್ರಿನ್‌ಬಾಗೊ ನೈಟ್ ರೈಡರ್ಸ್ ತಂಡ: ಕೀರನ್ ಪೊಲಾರ್ಡ್, ಡ್ವೇನ್ ಬ್ರಾವೊ, ಸುನಿಲ್ ನರೈನ್, ಆ್ಯಂಡ್ರೆ ರಸೆಲ್, ನಿಕೋಲಸ್ ಪೂರನ್, ಅಕೇಲ್ ಹೊಸೈನ್, ಜೇಡನ್ ಸೀಲ್ಸ್, ಮಾರ್ಕ್ ದೇಯಲ್, ಕೀಸಿ ಕಾರ್ಟಿ, ಟೆರನ್ಸ್ ಹಿಂಡ್ಸ್, ವಕಾರ್ ಸಲಾಮ್ಖೈಲ್, ಅಲಿ ಖಾನ್, ಟಿಮ್ ಡೇವಿಡ್, ಜೇಸನ್ ರಾಯ್, ಜೋಶ್ ಲಿಟಲ್.
ಇದನ್ನೂ ಓದಿ: RCB… ಅದೊಂದು ತಂಡವೇ ಅಲ್ಲ: ಮಾಜಿ ಆಟಗಾರ ಕಿಡಿ
ಕಳೆದ ಬಾರಿ ರನ್ನರ್ ಅಪ್:
ಕೆರಿಬಿಯನ್ ಪ್ರೀಮಿಯರ್ ಲೀಗ್ ಸೀಸನ್-11 ರಲ್ಲಿ ಅದ್ಭುತ ಪ್ರದರ್ಶನ ನೀಡಿದ್ದ ಟ್ರಿನ್‌ಬಾಗೊ ನೈಟ್ ರೈಡರ್ಸ್ ತಂಡವು ಫೈನಲ್ ಹಂತಕ್ಕೇರಿತ್ತು. ಆದರೆ ಅಂತಿಮ ಪಂದ್ಯದಲ್ಲಿ ಗಯಾನಾ ಅಮೆಝಾನ್ ವಾರಿಯರ್ಸ್ ವಿರುದ್ಧ ಮುಗ್ಗರಿಸುವ ಮೂಲಕ 4ನೇ ಬಾರಿ ಟ್ರೋಫಿ ಎತ್ತಿ ಹಿಡಿಯುವ ಅವಕಾಶ ಕೈಚೆಲ್ಲಿಕೊಂಡಿದ್ದರು.
ಸಿಪಿಎಲ್ ಟ್ರೋಫಿ ವಿನ್ನರ್ಸ್-ರನ್ನರ್ಸ್ ಪಟ್ಟಿ:
| ವರ್ಷ | ವಿಜೇತರು | ಗೆಲುವು | ರನ್ನರ್ ಅಪ್ | ಸ್ಥಳ |
| 2023 | ಗಯಾನಾ ಅಮೆಝಾನ್ ವಾರಿಯರ್ಸ್ | 9 ವಿಕೆಟ್ | ಟ್ರಿನ್‌ಬಾಗೊ ನೈಟ್ ರೈಡರ್ಸ್ | ಗಯಾನಾ |
| 2022 | ಜಮೈಕಾ ತಲ್ಲಾವಾಸ್ | 8 ವಿಕೆಟ್ | ಬಾರ್ಬಡೋಸ್ ರಾಯಲ್ಸ್ | ಗಯಾನಾ |
| 2021 | ಸೇಂಟ್ ಕಿಟ್ಸ್ ಮತ್ತು ನೆವಿಸ್ ಪ್ಯಾಟ್ರಿಯೋಟ್ಸ್ | 3 ವಿಕೆಟ್ | ಸೇಂಟ್ ಲೂಸಿಯಾ ಕಿಂಗ್ಸ್ | ಬಾಸೆಟೆರೆ |
| 2020 | ಟ್ರಿನ್‌ಬಾಗೊ ನೈಟ್ ರೈಡರ್ಸ್ | 8 ವಿಕೆಟ್ | ಸೇಂಟ್ ಲೂಸಿಯಾ ಝೌಕ್ಸ್ | ತರೌಬಾ |
| 2019 | ಬಾರ್ಬಡೋಸ್ ಟ್ರೈಡೆಂಟ್ಸ್ | 27 ರನ್ | ಗಯಾನಾ ಅಮೆಝಾನ್ ವಾರಿಯರ್ಸ್ | ತರೌಬಾ |
| 2018 | ಟ್ರಿನ್‌ಬಾಗೊ ನೈಟ್ ರೈಡರ್ಸ್ | 8 ವಿಕೆಟ್ | ಗಯಾನಾ ಅಮೆಝಾನ್ ವಾರಿಯರ್ಸ್ | ತರೌಬಾ |
| 2017 | ಟ್ರಿನ್‌ಬಾಗೊ ನೈಟ್ ರೈಡರ್ಸ್ | 3 ವಿಕೆಟ್ | ಸೇಂಟ್ ಕಿಟ್ಸ್ ಮತ್ತು ನೆವಿಸ್ ಪ್ಯಾಟ್ರಿಯೋಟ್ಸ್ | ತರೌಬಾ |
| 2016 | ಜಮೈಕಾ ತಲ್ಲಾವಾಸ್ | 9 ವಿಕೆಟ್ | ಗಯಾನಾ ಅಮೆಝಾನ್ ವಾರಿಯರ್ಸ್ | ಬಾಸೆಟೆರೆ |
| 2015 | ಟ್ರಿನಿಡಾಡ್ ಮತ್ತು ಟೊಬಾಗೊ ರೆಡ್ ಸ್ಟೀಲ್ | 20 ರನ್ | ಬಾರ್ಬಡೋಸ್ ಟ್ರೈಡೆಂಟ್ಸ್ | ಪೋರ್ಟ್ ಆಫ್ ಸ್ಪೇನ್ |
| 2014 | ಬಾರ್ಬಡೋಸ್ ಟ್ರೈಡೆಂಟ್ಸ್ | 8 ರನ್ (D/L) | ಗಯಾನಾ ಅಮೆಝಾನ್ ವಾರಿಯರ್ಸ್ | ಬಾಸೆಟೆರೆ |
| 2013 | ಜಮೈಕಾ ತಲ್ಲಾವಾಸ್ | 7 ವಿಕೆಟ್ | ಗಯಾನಾ ಅಮೆಝಾನ್ ವಾರಿಯರ್ಸ್ | ಪೋರ್ಟ್ ಆಫ್ ಸ್ಪೇನ್ |
Published On - 8:00 am, Thu, 18 July 24