Ranji Trophy Final: ದೀಪಕ್ ನೋಡಿ ಸಿಎಸ್ಕೆ ಎಂದು ಕೂಗಿದವರಿಗೆ ಖಡಕ್ ರಿಪ್ಲೇ ನೀಡಿದ ಆರ್ಸಿಬಿ ಫ್ಯಾನ್ಸ್; ವಿಡಿಯೋ
Ranji Trophy Final 2022: ದೀಪಕರ್ನ್ನು ನೋಡಿದ ಪ್ರೇಕ್ಷಕರು ಸಿಎಸ್ಕೆ-ಸಿಎಸ್ಕೆ ಎಂದು ಘೋಷಣೆಗಳನ್ನು ಕೂಗಲಾರಂಭಿಸಿದರು. ಇದಕ್ಕೆ ತಕ್ಕ ಪ್ರತ್ಯುತ್ತರವಾಗಿ ಅಲ್ಲಿ ನೆರೆದಿದ್ದ ಆರ್ಸಿಬಿ ಅಭಿಮಾನಿಗಳು ಕೂಡ ಆರ್ಸಿಬಿ, ಆರ್ಸಿಬಿ ಎಂಬ ಘೋಷಣೆಯನ್ನು ಕೂಗಿದರು.
ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮುಂಬೈ ಮತ್ತು ಮಧ್ಯಪ್ರದೇಶ ನಡುವೆ ರಣಜಿ ಟ್ರೋಫಿ ಪ್ರಶಸ್ತಿ ಪಂದ್ಯ ನಡೆಯುತ್ತಿದೆ. ಪಂದ್ಯದ ವೇಳೆ ಏಕಾಏಕಿ ಚೆನ್ನೈ ಸೂಪರ್ ಕಿಂಗ್ಸ್ ಎಂಬ ಘೋಷಣೆಗಳು ಕ್ರೀಡಾಂಗಣದಲ್ಲಿ ಆರಂಭವಾದವು. ಇದಕ್ಕೆ ಪ್ರತ್ಯುತ್ತರವಾಗಿ ಆರ್ಸಿಬಿ, ಆರ್ಸಿಬಿ ಎಂಬ ಘೋಷಣೆ ಕೂಡ ಕೇಳಲಾರಂಭಿಸಿತು. ವಾಸ್ತವವಾಗಿ, ಚೆನ್ನೈ ಸೂಪರ್ ಕಿಂಗ್ಸ್‌ನ ಸ್ಟಾರ್ ಬೌಲರ್ ಮತ್ತು ಭಾರತೀಯ ವೇಗದ ಬೌಲರ್ ದೀಪಕ್ ಚಹಾರ್ ಅವರು ರಣಜಿ ಟ್ರೋಫಿಯ ಫೈನಲ್ ವೀಕ್ಷಿಸಲು ಇದ್ದಕ್ಕಿದ್ದಂತೆ ಕ್ರೀಡಾಂಗಣಕ್ಕೆ ಬಂದರು. ಗಾಯದ ಕಾರಣ ಚಾಹರ್ ದೀರ್ಘಕಾಲದವರೆಗೆ ಕ್ರಿಕೆಟ್ ಮೈದಾನದಿಂದ ದೂರವಿದ್ದು, ಪ್ರಸ್ತುತ NCA ಯಲ್ಲಿ ತರಬೇತಿಗೆ ಒಳಗಾಗಿದ್ದಾರೆ.
ಫೆಬ್ರವರಿಯಲ್ಲಿ ಇಂಜುರಿಗೆ ತುತ್ತಾಗಿದ್ದ ದೀಪಕ್ ಚಹರ್
ಈ ವರ್ಷದ ಫೆಬ್ರವರಿಯಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ ಸರಣಿಯ ವೇಳೆ ಚಹರ್ ಗಾಯಗೊಂಡಿದ್ದರು. ಹೀಗಾಗಿ ಫಿಟ್ನೆಸ್ಗಾಗಿ ದೀಪಕ್ NCA ಗೆ ಹೋಗಿದ್ದರು. ದೀಪಕ್ ಐಪಿಎಲ್ 2022 ರ ದ್ವಿತೀಯಾರ್ಧದಲ್ಲಿ ತಂಡಕ್ಕೆ ಮರಳಲು ತಯಾರಿ ನಡೆಸುತ್ತಿದ್ದರು, ಆದರೆ ನಂತರ ಅವರಿಗೆ ಮತ್ತೊಂದು ಇಂಜುರಿಯಾಗಿದ್ದರಿಂದ ಸಂಪೂರ್ಣ ಪಂದ್ಯಾವಳಿಯಿಂದ ಹೊರಗುಳಿಯಬೇಕಾಯ್ತು. ಈ ಗಾಯದಿಂದಾಗಿ ಅವರು ದಕ್ಷಿಣ ಆಫ್ರಿಕಾ ಮತ್ತು ಐರ್ಲೆಂಡ್ ವಿರುದ್ಧದ ಸರಣಿಯಿಂದಲೂ ಹೊರಗುಳಿದಿದ್ದರು. ಹೀಗಾಗಿ ಎನ್ಸಿಎಯಲ್ಲಿರುವ ಚಹರ್ ರಣಜಿ ಫೈನಲ್ ವೀಕ್ಷಿಸಲು ಕ್ರೀಡಾಂಗಣಕ್ಕೆ ಎಂಟ್ರಿಕೊಟ್ಟರು. ದೀಪಕರ್ನ್ನು ನೋಡಿದ ಪ್ರೇಕ್ಷಕರು ಸಿಎಸ್ಕೆ-ಸಿಎಸ್ಕೆ ಎಂದು ಘೋಷಣೆಗಳನ್ನು ಕೂಗಲಾರಂಭಿಸಿದರು. ಇದಕ್ಕೆ ತಕ್ಕ ಪ್ರತ್ಯುತ್ತರವಾಗಿ ಅಲ್ಲಿ ನೆರೆದಿದ್ದ ಆರ್ಸಿಬಿ ಅಭಿಮಾನಿಗಳು ಕೂಡ ಆರ್ಸಿಬಿ, ಆರ್ಸಿಬಿ ಎಂಬ ಘೋಷಣೆಯನ್ನು ಕೂಗಿದರು. ಅಭಿಮಾನಿಗಳ ಉತ್ಸಾಹ ಕಂಡು ಚಹರ್ ಕೂಡ ಮುಗುಳ್ನಕ್ಕರು. ಈಗ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ.
Look who's here! pic.twitter.com/AkXyy7mor2
— cricket fan (@cricketfanvideo) June 25, 2022
ಬಹಳ ದಿನದಿಂದ ವಿಶ್ರಾಂತಿಯಲ್ಲಿದ್ದಾರೆ ಚಹರ್
ಚಹರ್ ಕೊನೆಯ ಬಾರಿಗೆ ಫೆಬ್ರವರಿಯಲ್ಲಿ ಭಾರತದ ಪರ ಪಂದ್ಯವನ್ನು ಆಡಿದ್ದರು. ಚಹರ್ ಅನುಪಸ್ಥಿತಿಯಲ್ಲಿ, ಬಿಸಿಸಿಐ ದಕ್ಷಿಣ ಆಫ್ರಿಕಾ ವಿರುದ್ಧದ ಟಿ 20 ಸರಣಿಗೆ ಮೊದಲ ಬಾರಿಗೆ ವೇಗಿಗಳಾದ ಅರ್ಷದೀಪ್ ಮತ್ತು ಉಮ್ರಾನ್ ಮಲಿಕ್ ಅವರನ್ನು ತಂಡದಲ್ಲಿ ಆಯ್ಕೆ ಮಾಡಿತ್ತು. ಇಬ್ಬರಿಗೂ ಚೊಚ್ಚಲ ಅವಕಾಶ ಸಿಗದಿದ್ದರೂ ಐರ್ಲೆಂಡ್ ವಿರುದ್ಧದ ಸರಣಿಯಲ್ಲಿ ಅವಕಾಶ ಸಿಗಬಹುದು ಎಂದು ನಿರೀಕ್ಷಿಸಲಾಗಿದೆ.
ರಣಜಿ 4ನೇ ದಿನದಾಟ
ನಾಲ್ಕನೇ ದಿನದಾಟದ ಅಂತ್ಯಕ್ಕೆ ಮುಂಬೈ 2 ವಿಕೆಟ್ ನಷ್ಟಕ್ಕೆ 113 ರನ್ ಗಳಿಸಿದೆ. ಮುಂಬೈ ಇನ್ನೂ 49 ರನ್ ಹಿಂದಿದೆ. ನಾಯಕ ಪೃಥ್ವಿ ಶಾ (44) ರನ್ ಗಳಿಸಿ ಔಟಾದರು. ಅವರು ಯಶ್ ದುಬೇಕರ್ ಬೌಲಿಂಗ್ನಲ್ಲಿ ಗೌರವ್ ಯಾದವ್ಗೆ ಕ್ಯಾಚ್ ನೀಡಿದರು. ಪೃಥ್ವಿ 52 ಎಸೆತಗಳಲ್ಲಿ ಮೂರು ಬೌಂಡರಿ ಹಾಗೂ 2 ಸಿಕ್ಸರ್‌ಗಳಿಂದ 44 ರನ್ ಗಳಿಸಿದರು. ಹಾರ್ದಿಕ್ ತಮೆರೆಲಾ (25) ಕುಮಾರ್ ಕಾರ್ತಿಕೇಯ ಬೌಲಿಂಗ್ನಲ್ಲಿ ಔಟಾದರು. ಈಗ ಅರ್ಮಾನ್ ಜಾಫರ್ (30) ಮತ್ತು ಸುವೇದ್ ಪರ್ಕರ್ (9) ರನ್ ಗಳಿಸಿ ಆಡುತ್ತಿದ್ದಾರೆ.
