Devdutt Padikkal, IPL 2022 Auction: ಆರ್​ಸಿಬಿಗೆ ಬರಲಿಲ್ಲ! ರಾಜಸ್ಥಾನ ಸೇರಿದ ಕನ್ನಡಿಗ ದೇವದತ್ ಪಡಿಕ್ಕಲ್

ಕನ್ನಡಿಗ ದೇವದತ್ ಪಡಿಕ್ಕಲ್ (Devdutt Padikkal) ಗೆ ಬಂಪರ್ ಬೆಲೆ ಸಿಕ್ಕಿದೆ. ಹಿಂದಿನ ಆವೃತ್ತಿಯಲ್ಲಿ ಆರ್​ಸಿಬಿ ಪರ ಆಡಿದ್ದ ಆರಂಭಿಕ ಪಡಿಕ್ಕಲ್ ತಂಡಕ್ಕೆ ಉತ್ತಮ ಆರಂಭ ನೀಡುವಲ್ಲಿ ಯಶಸ್ವಿಯಾಗಿದ್ದರು. ಹೀಗಾಗಿ ಅವರಿಗೆ ಈ ಮೆಗಾ ಹರಾಜಿನಲ್ಲಿ ಉತ್ತಮ ಬೆಲೆ ಸಿಗುವ ನಿರೀಕ್ಷೆ ಇತ್ತು. ಈಗ ಅದು ನಿಜ ಎಂದು ಸಾಭೀತಾಗಿದೆ. ಅವರನ್ನು ರಾಜಸ್ಥಾನ್ ರಾಯಲ್ಸ್ (Rajasthan Royals) 7.75 ಕೋಟಿ ರೂ. ನೀಡಿ ಖರೀದಿಸಿದೆ. ಆರಂಭದಲ್ಲಿ ಆರ್​ಸಿಬಿ ಅವರನ್ನು ಖರೀದಿಸಲು ಮುಂದಾಗಿತ್ತಾದರು, ಮುಂಬೈ ಇಂಡಿಯನ್ಸ್ ಮತ್ತು ರಾಜಸ್ಥಾನ ಅವರಿಗಾಗಿ ಪೈಪೋಟಿ ನಡೆಸಿತು. ಆದರೆ ಅಂತಿಮವಾಗಿ ರಾಯಲ್ಸ್ ಅವರನ್ನು ಖರೀದಿಸಲು ಯಶಸ್ವಿಯಾಗಿದೆ. ಇದವರೆಗೆ ಐಪಿಎಲ್​ನಲ್ಲಿ 29 ಪಂದ್ಯಗಳನ್ನಾಡಿರುವ ಪಡಿಕ್ಕಲ್ 31.57 ರ ಸರಾಸರಿಯಲ್ಲಿ 884 ರನ್ ಗಳಿಸಿದ್ದಾರೆ. ಇದರಲ್ಲಿ ಒಂದು ಶತಕ ಹಾಗೂ 6 ಅರ್ಧಶತಕ ಸೇರಿವೆ.

ಯಶಸ್ವಿ ಜೈಸ್ವಾಲ್ ಜೊತೆ ಓಪನಿಂಗ್
ಹರಾಜಿಗೂ ಮುನ್ನ ರಾಜಸ್ಥಾನ ಜೋಸ್ ಬಟ್ಲರ್, ಎಡಗೈ ಆರಂಭಿಕರಾದ ಯಶಸ್ವಿ ಜೈಸ್ವಾಲ್ ಮತ್ತು ಸಂಜು ಸ್ಯಾಮ್ಸನ್ ಅವರನ್ನು ಉಳಿಸಿಕೊಂಡಿದೆ. ಪಡಿಕ್ಕಲ್ ಆಗಮನದಿಂದ ಅವರು ಮತ್ತು ಜೈಸ್ವಾಲ್ ಇನಿಂಗ್ಸ್ ತೆರೆಯುವ ಎಲ್ಲಾ ಸಾಧ್ಯತೆಗಳಿವೆ. ಇದೇ ವೇಳೆ ಇಬ್ಬರು ಎಡಗೈ ಓಪನರ್‌ಗಳ ಜೋಡಿ ಎಷ್ಟರಮಟ್ಟಿಗೆ ಯಶಸ್ವಿಯಾಗುತ್ತದೆ ಎಂಬುದನ್ನು ಕಾದು ನೋಡಬೇಕು. ತಂಡವು ಬಟ್ಲರ್ ಅವರೊಂದಿಗೆ ಇನ್ನಿಂಗ್ಸ್ ತೆರೆಯಲು ಅವರನ್ನು ಕಳುಹಿಸಬಹುದು.

ಪಡಿಕ್ಕಲ್ ಇಲ್ಲಿಯವರೆಗೆ ಐಪಿಎಲ್‌ನಲ್ಲಿ ಪ್ರಬಲ ಆಟವಾಡಿದ್ದಾರೆ. ಈ ಕಾರಣದಿಂದಾಗಿ ಅವರು ಟೀಮ್ ಇಂಡಿಯಾದಲ್ಲಿ ಆಡುವಲ್ಲಿ ಯಶಸ್ವಿಯಾಗಿದ್ದಾರೆ. ಅವರು ಭಾರತಕ್ಕಾಗಿ ಎರಡು ಟಿ20 ಪಂದ್ಯಗಳನ್ನು ಆಡಿದ್ದಾರೆ ಮತ್ತು 38 ರನ್ ಗಳಿಸಿದ್ದಾರೆ.

ಚಾಂಪಿಯನ್ ಪರ ಕೊನೆಯಾಗಿತ್ತಾ?
2008 ರಲ್ಲಿ ಶೇನ್ ವಾರ್ನ್ ನಾಯಕತ್ವದಲ್ಲಿ ರಾಜಸ್ಥಾನ ಮೊದಲ ಐಪಿಎಲ್ ಅನ್ನು ಗೆದ್ದುಕೊಂಡಿತು. ಆದರೆ ಅದರ ನಂತರ ಈ ತಂಡವು ಪ್ರಶಸ್ತಿಯನ್ನು ಗೆದ್ದಿಲ್ಲ ಮತ್ತು ಫೈನಲ್‌ಗೆ ತಲುಪಿಲ್ಲ. ಈ ಬಾರಿ ರಾಜಸ್ಥಾನ ತನ್ನ ಪಟ್ಟದ ಬರ ನೀಗಿಸಲು ಪ್ರಯತ್ನಿಸಲಿದೆ. ಪಡಿಕ್ಕಲ್ ಅವರು ತಮ್ಮ ತಂಡದ ಪ್ರಶಸ್ತಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸುವ ನಿರೀಕ್ಷೆ ಇದೆ. ಇದರೊಂದಿಗೆ ಈ ಹಿಂದೆ ಪಡಿಕ್ಕಲ್ ಆಡಿದು 3 ಅದ್ಭುತ ಇನ್ನಿಂಗ್ಸ್ ಪಟ್ಟಿ ಹೀಗಿದೆ.

101 ವಿರುದ್ಧ ರಾಜಸ್ಥಾನ್ ರಾಯಲ್ಸ್, ಮುಂಬೈ, 2021
ಇಂಡಿಯನ್ ಪ್ರೀಮಿಯರ್ ಲೀಗ್‌ನ 14 ನೇ ಆವೃತ್ತಿಯಲ್ಲಿ ಪಡಿಕ್ಕಲ್ ತಮ್ಮ ಅತ್ಯಧಿಕ ಐಪಿಎಲ್ ಸ್ಕೋರ್ ದಾಖಲಿಸಿದ್ದಾರೆ. ಮುಂಬೈನಲ್ಲಿ ನಡೆದ ಐಪಿಎಲ್ 2021 ರ ಲೀಗ್ ಪಂದ್ಯದಲ್ಲಿ ಆರ್‌ಸಿಬಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಸೆಣಸಿತು. ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಆರ್.ಆರ್ ಬೆಂಗಳೂರಿಗೆ 177 ರನ್ ಗಳಿಸುವ ಗುರಿಯನ್ನು ನೀಡಿದರು. ಎರಡನೇ ಇನ್ನಿಂಗ್ಸ್‌ನಲ್ಲಿ ಪಡಿಕ್ಕಲ್ ಮತ್ತು ಕೊಹ್ಲಿ ಮೈದಾನದಲ್ಲಿ ಹತ್ಯಾಕಾಂಡಕ್ಕೆ ಕಾರಣರಾದರು. ಇವರಿಬ್ಬರು ಅಜೇಯ 181 ರನ್‌ಗಳ ಜೊತೆಯಾಟದೊಂದಿಗೆ ಹತ್ತು ವಿಕೆಟ್‌ಗಳಿಂದ ಜಯಿಸಲು ನೆರವಾದರು.

ಪಡಿಕ್ಕಲ್ ಅವರು ತಮ್ಮ ಚೊಚ್ಚಲ ಐಪಿಎಲ್ ಶತಕವನ್ನು ಬಾರಿಸಿದ್ದರಿಂದ ಆಟದ ಪ್ರಮುಖ ಅಂಶವಾಗಿ ಹೊರಹೊಮ್ಮಿದರು. 2ಪಡಿಕ್ಕಲ್ ಹನ್ನೊಂದು ಬೌಂಡರಿ ಮತ್ತು ಆರು ಸಿಕ್ಸರ್ ಸೇರಿದಂತೆ 52 ಎಸೆತಗಳಲ್ಲಿ 101 ರನ್ ಗಳಿಸಿದರು.

56 vs ಸನ್‌ರೈಸರ್ಸ್ ಹೈದರಾಬಾದ್, ದುಬೈ, 2020
ಪಡಿಕ್ಕಲ್ ತಮ್ಮ ಐಪಿಎಲ್ ವೃತ್ತಿಜೀವನಕ್ಕೆ ಒಂದು ಅಬ್ಬರದ ಆರಂಭವನ್ನು ಹೊಂದಿದ್ದಾರೆ. ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ತನ್ನ ಮೊದಲ ಪಂದ್ಯವನ್ನು ಆಡಿದ ಪಡಿಕ್ಕಲ್ ಐಪಿಎಲ್ ಚೊಚ್ಚಲ ಪಂದ್ಯದಲ್ಲಿ ಅರ್ಧಶತಕ ಬಾರಿಸಿದ ಆಟಗಾರರ ಗಣ್ಯರ ಪಟ್ಟಿಯಲ್ಲಿ ತಮ್ಮ ಹೆಸರನ್ನು ದಾಖಲಿಸಿದ್ದಾರೆ. ಮೊದಲು ಬ್ಯಾಟಿಂಗ್ ಮಾಡಿದ ಆರ್‌ಸಿಬಿ, ಆರನ್ ಫಿಂಚ್ ಮತ್ತು ವಿರಾಟ್ ಕೊಹ್ಲಿಯನ್ನು ಆಟದ ಆರಂಭದಲ್ಲಿ ಕಳೆದುಕೊಂಡಿದ್ದರಿಂದ ತೊಂದರೆಯಲ್ಲಿತ್ತು. ಆದರೆ, ಪಡಿಕ್ಕಲ್ ಅವರು ತಮ್ಮ ಶಾಂತತೆಯನ್ನು ಉಳಿಸಿಕೊಂಡು ಗಮನಾರ್ಹವಾದ ಇನ್ನಿಂಗ್ ಆಡಿದರು. 42 ಎಸೆತಗಳಲ್ಲಿ 56 ರನ್ ಗಳಿಸಿ ಆರ್‌ಸಿಬಿ ಸ್ಕೋರ್‌ಬೋರ್ಡ್‌ನಲ್ಲಿ ಒಟ್ಟು 163 ರನ್ ಗಳಿಸಲು ನೆರವಾದರು.

74 vs ಮುಂಬೈ ಇಂಡಿಯನ್ಸ್, ಅಬುಧಾಬಿ, 2020
ಪಡಿಕ್ಕಲ್ ಅವರ ಐಪಿಎಲ್ 2020 ರ ಅತ್ಯುತ್ತಮ ಇನ್ನಿಂಗ್ ಲೀಗ್ ಪಂದ್ಯವೊಂದರಲ್ಲಿ ಮುಂಬೈ ಇಂಡಿಯನ್ಸ್ ವಿರುದ್ಧ ಬಂದಿತು. ಮೊದಲು ಬ್ಯಾಟಿಂಗ್ ಮಾಡಿದ ಆರ್‌ಸಿಬಿಯ ಬ್ಯಾಟಿಂಗ್ ಘಟಕದ ಕುಸಿತಕ್ಕೆ ಸಾಕ್ಷಿಯಾಯಿತು. ಒತ್ತಡದ ಪರಿಸ್ಥಿತಿಯಲ್ಲಿ, ಪಡಿಕ್ಕಲ್ ಅವರು ಶಾಂತವಾಗಿದ್ದು ಆಟದ ಮನೋಧರ್ಮ ಮತ್ತು ಪಾತ್ರವನ್ನು ಪ್ರದರ್ಶಿಸಿದರು. 45 ಎಸೆತಗಳಲ್ಲಿ 74 ರನ್‌ಗಳ ಅಮೂಲ್ಯವಾದ ಕೊಡುಗೆ ನೀಡಿದರು. ಪಡಿಕ್ಕಲ್ ಅವರ ಅದ್ಭುತ ಆಟ ಆರ್‌ಸಿಬಿಗೆ ಸ್ಕೋರ್‌ಬೋರ್ಡ್‌ನಲ್ಲಿ 164 ರನ್‌ಗಳ ಯೋಗ್ಯ ಸ್ಕೋರ್ ದಾಖಲಿಸುವಲ್ಲಿ ನೆರವಾಯಿತು. ಆದಾಗ್ಯೂ, ಮುಂಬೈ ಇಂಡಿಯನ್ಸ್ 19.1 ಓವರ್‌ಗಳೊಳಗೆ ಗುರಿಯನ್ನು ಸುಲಭವಾಗಿ ಬೆನ್ನಟ್ಟಿತ್ತು.