Viral video: ಅಭಿಮಾನಿಯ ಬೋಳು ತಲೆ ಮೇಲೆ ಆಟೋಗ್ರಾಫ್ ಹಾಕಿದ ಇಂಗ್ಲೆಂಡ್ ಕ್ರಿಕೆಟರ್! ವಿಡಿಯೋ ನೋಡಿ

ಕ್ರಿಕೆಟಿಗರು ಮತ್ತು ಸಿನಿಮಾ ತಾರೆಯರ ಕ್ರೇಜ್ ಹೇಳತೀರದು. ಹೋದಲ್ಲೆಲ್ಲಾ ಸೆಲ್ಫಿ, ಫೋಟೋ ತೆಗೆಯಲು ಅಭಿಮಾನಿಗಳು ಪೈಪೋಟಿ ನಡೆಸುತ್ತಾರೆ. ಇವು ಸಾಧ್ಯವಾಗದಿದ್ದರೆ ತಮ್ಮ ನೆಚ್ಚಿನ ತಾರೆಯರ ಹಸ್ತಾಕ್ಷರವನ್ನಾದರೂ ಪಡೆಯುತ್ತಾರೆ. ಹೆಚ್ಚಿನ ಜನರು ತಮ್ಮ ನೆಚ್ಚಿನ ಕ್ರಿಕೆಟಿಗರು ಮತ್ತು ತಾರೆಯರಿಂದ ಆಟೋಗ್ರಾಫ್ ಪಡೆಯಲು ನಿರ್ದಿಷ್ಟವಾಗಿ ಪುಸ್ತಕವನ್ನು ಬಳಸುತ್ತಾರೆ. ಮತ್ತೊಂದೆಡೆ, ಕ್ರಿಕೆಟ್ ಅಭಿಮಾನಿಗಳು ಬ್ಯಾಟ್, ಕ್ಯಾಪ್ ಮತ್ತು ಜೆರ್ಸಿಗಳ ಮೇಲೆ ಆಟೋಗ್ರಾಫ್ ತೆಗೆದುಕೊಳ್ಳುತ್ತಾರೆ. ಆದರೆ, ಇತ್ತೀಚೆಗಷ್ಟೇ ಆಸ್ಟ್ರೇಲಿಯಾದ ಸಿಡ್ನಿ ಮೈದಾನದಲ್ಲಿ ಕ್ರಿಕೆಟಿಗರೊಬ್ಬರು ಅಭಿಮಾನಿಯೊಬ್ಬರಿಗೆ ವಿಚಿತ್ರವಾದ ಆಟೋಗ್ರಾಫ್ ನೀಡಿದ್ದು, ಗ್ಯಾಲರಿಯಲ್ಲಿದ್ದವರೆಲ್ಲ ಬೆರಗಾಗಿ ಚಪ್ಪಾಳೆ ತಟ್ಟಿ ಹುರಿದುಂಬಿಸಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿದೆ.

ಆಶಸ್ ಸರಣಿಯ ಅಂಗವಾಗಿ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ನಡುವಿನ ನಾಲ್ಕನೇ ಟೆಸ್ಟ್ ನಿನ್ನೆ (ಜನವರಿ 5) ಸಿಡ್ನಿಯಲ್ಲಿ ಆರಂಭವಾಯಿತು. ಟಾಸ್ ಗೆದ್ದ ಆಸೀಸ್ ಬ್ಯಾಟಿಂಗ್ ಆಯ್ದುಕೊಂಡಿತು. ಆದರೆ ವರುಣ ಹಲವು ಬಾರಿ ಆಟಕ್ಕೆ ಅಡ್ಡಿಪಡಿಸಿದನು. ಆದರೆ ಈ ವೇಳೆ ಒಂದು ಕುತೂಹಲಕಾರಿ ಘಟನೆ ನಡೆದಿದೆ. ಕ್ರಿಕೆಟ್ ಪಂದ್ಯ ವೀಕ್ಷಿಸಲು ಬಂದಿದ್ದ ಅಭಿಮಾನಿಗಳು ಬೌಂಡರಿ ಲೈನ್​ನಲ್ಲಿ ಫೀಲ್ಡಿಂಗ್ ಮಾಡುತ್ತಿದ್ದ ಇಂಗ್ಲೆಂಡ್ ಸ್ಪಿನ್ನರ್ ಜಾಕ್ ಲೀಚ್​ಗೆ ಆಟೋಗ್ರಾಫ್ ನೀಡುವಂತೆ ಕೆಲ ಅಭಿಮಾನಿಗಳು ಕೇಳಿಕೊಂಡಿದ್ದಾರೆ.

ಅಭಿಮಾನಿಗಳ ಆಸೆಯನ್ನು ಅಲ್ಲಗಳೆಯಲಾರದ ಜಾಕ್, ಒಬ್ಬ ಅಭಿಮಾನಿಯೊಬ್ಬರ ಬಳಿ ಹೋಗಿ ಆತನ ಬೋಳು ತಲೆಯ ಮೇಲೆ ಆಟೋಗ್ರಾಫ್ ಹಾಕಿದ್ದಾರೆ. ಈ ಘಟನೆಯಿಂದ ಗ್ಯಾಲರಿಯಲ್ಲಿದ್ದ ಎಲ್ಲಾ ಅಭಿಮಾನಿಗಳು ನಗೆಗಡಲಲ್ಲಿ ತೇಲಿದ್ದಾರೆ. ಬಳಿಕ ಚಪ್ಪಾಳೆ ತಟ್ಟಿ ಕ್ರಿಕೆಟರ್ ಕೆಲಸಕ್ಕೆ ಪ್ರೋತ್ಸಾಹ ನೀಡಿದ್ದಾರೆ. ಮೈದಾನದ ನೇರ ಪರದೆಯಲ್ಲೂ ಈ ದೃಶ್ಯಗಳನ್ನು ತೋರಿಸಿ ಅಲ್ಲಿ ನೆರೆದಿದ್ದವರಿಗೆ ಮನರಂಜನೆ ನೀಡಲಾಗಿದೆ.

Jack Leach signing a guy's head ? #Ashes pic.twitter.com/g6JL6xaqiC

— 7Cricket (@7Cricket) January 5, 2022