6,6,6,6,6: ಒಂದೇ ಓವರ್​ನಲ್ಲಿ ಸಿಕ್ಸ್​ಗಳ ಸುರಿಮಳೆ: ಟಿ20 ಬ್ಲಾಸ್ಟ್​ನಲ್ಲಿ ಹೊಸ ದಾಖಲೆ

T20 Blast Cricket: ಬೃಹತ್ ಮೊತ್ತವನ್ನು ಬೆನ್ನತ್ತಿದ ಗ್ಲಾಮೊರ್ಗಾನ್ ತಂಡದ ಪರ ನಾಯಕ ಸ್ಯಾಮ್ ನಾರ್ಥ್​ಈಸ್ಟ್ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದರು. ಕೇವಲ 56 ಎಸೆತಗಳಲ್ಲಿ 10 ಬೌಂಡರಿ 4 ಸಿಕ್ಸ್​ನೊಂದಿಗೆ ಅಜೇಯ 97 ರನ್​ ಬಾರಿಸಿ ಅಬ್ಬರಿಸಿದ್ದರು.

6,6,6,6,6: ಒಂದೇ ಓವರ್​ನಲ್ಲಿ ಸಿಕ್ಸ್​ಗಳ ಸುರಿಮಳೆ: ಟಿ20 ಬ್ಲಾಸ್ಟ್​ನಲ್ಲಿ ಹೊಸ ದಾಖಲೆ
Essex vs Glamorgan
TV9kannada Web Team

| Edited By: Zahir PY

Jul 03, 2022 | 11:53 AM

ಇಂಗ್ಲೆಂಡ್​ನಲ್ಲಿ ನಡೆಯುತ್ತಿರುವ ಟೆಸ್ಟ್​​ ಕ್ರಿಕೆಟ್​ನಲ್ಲಿ ಒಂದೇ ಓವರ್​ನಲ್ಲಿ 35 ರನ್​ ಕಲೆಹಾಕುವ ಮೂಲಕ ಜಸ್​ಪ್ರೀತ್​ ಬುಮ್ರಾ (Jasprit Bumrah) ಹೊಸ ದಾಖಲೆ ಬರೆದರೆ, ಮತ್ತೊಂದೆಡೆ ನಡೆದ ಟಿ20 ಕ್ರಿಕೆಟ್​ನ ಒಂದೇ ಓವರ್​ನಲ್ಲಿ 5 ಸಿಕ್ಸ್ ಚಚ್ಚಿಸಿಕೊಂಡು ಭಾರತೀಯ ಮೂಲದ ಪ್ರೇಮ್ ಸಿಸೋಡಿಯಾ ಕೆಟ್ಟ ದಾಖಲೆಯೊಂದನ್ನು ತಮ್ಮದಾಗಿಸಿಕೊಂಡಿದ್ದಾರೆ. ಇಂಗ್ಲೆಂಡ್​ ನಡೆಯುತ್ತಿರುವ ಟಿ20 ಬ್ಲಾಸ್ಟ್​ನ ಸೌತ್ ಗ್ರೂಪ್​ ಪಂದ್ಯದಲ್ಲಿ ಎಸೆಕ್ಸ್ ಹಾಗೂ ಗ್ಲಾಮೊರ್ಗಾನ್ (Essex vs Glamorgan) ತಂಡಗಳು ಮುಖಾಮುಖಿಯಾಗಿತ್ತು. ಈ ಪಂದ್ಯದಲ್ಲಿ ಟಾಸ್ ಗೆದ್ದ ಗ್ಲಾಮೊರ್ಗಾನ್ ತಂಡದ ನಾಯಕ ಬೌಲಿಂಗ್ ಆಯ್ದುಕೊಂಡಿದ್ದರು. ಆದರೆ ನಾಯಕನ ನಿರ್ಧಾರ ತಪ್ಪು ಎಂಬಂತೆ ಎಸೆಕ್ಸ್ ತಂಡಕ್ಕೆ ರೋಸಿಂಗ್ಟನ್ (45) ಹಾಗೂ ರಾಬಿನ್ ದಾಸ್ (23) ಸ್ಪೋಟಕ ಆರಂಭ ಒದಗಿಸಿದ್ದರು. ಆ ಬಳಿಕ ಬಂದ ಡ್ಯಾನ್ ಲಾರೆನ್ಸ್ ಮತ್ತು ಪಾಲ್ ವಾಲ್ಟರ್ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದರು.

ಅದರಲ್ಲೂ 16ನೇ ಓವರ್​ ಎಸೆಯಲು ಬಂದ 23 ವರ್ಷದ ಎಡಗೈ ಸ್ಪಿನ್ನರ್ ಪ್ರೇಮ್ ಸಿಸೋಡಿಯಾ ಎಸೆತಗಳಿಗೆ ಬ್ಯಾಕ್ ಟು ಬ್ಯಾಕ್ ಸಿಕ್ಸರ್ ಸಿಡಿಸುವ ಮೂಲಕ ಪಾಲ್ ವಾಲ್ಟರ್ ಅಬ್ಬರಿಸಿದರು. ಮೊದಲ 4 ಎಸೆತಗಳಲ್ಲಿ 4 ಸಿಕ್ಸರ್ ಸಿಡಿಸಿದ ವಾಲ್ಟರ್ 5ನೇ ಎಸೆತದಲ್ಲಿ ಮತ್ತೊಂದು ಭರ್ಜರಿ ಹೊಡೆತಕ್ಕೆ ಮುಂದಾದರು. ಆದರೆ ಕೇವಲ 1 ರನ್​ ಮಾತ್ರ ಲಭಿಸಿತು. ಇತ್ತ ಕೊನೆಯ ಎಸೆತದಲ್ಲಿ ಡ್ಯಾನ್ ಲಾರೆನ್ಸ್ ಸಿಕ್ಸರ್ ಬಾರಿಸಿದರು. ಈ ಮೂಲಕ ಪ್ರೇಮ್ ಸಿಸೋಡಿಯ ಅವರ ಒಂದೇ ಓವರ್‌ನಲ್ಲಿ ಒಟ್ಟು 31 ರನ್‌ಗಳನ್ನು ಕಲೆಹಾಕಿದರು. ಇದರೊಂದಿಗೆ ಟಿ20 ಬ್ಲಾಸ್ಟ್​ನಲ್ಲಿ ಅತ್ಯಧಿಕ ರನ್​ ನೀಡಿದ ಕೆಟ್ಟ ದಾಖಲೆಯೊಂದು ಪ್ರೇಮ್ ಸಿಸೋಡಿಯಾ ಪಾಲಾಯಿತು.

ಇನ್ನು ಎಸೆಕ್ಸ್ ಪರ ಲಾರೆನ್ಸ್ 37 ಎಸೆತಗಳಲ್ಲಿ 8 ಬೌಂಡರಿ ಹಾಗೂ 3 ಸಿಕ್ಸ್​ನೊಂದಿಗೆ 71 ರನ್ ಬಾರಿಸಿದರೆ, ಪಾಲ್ ವಾಲ್ಟರ್ 23 ಎಸೆತಗಳಲ್ಲಿ 58 ರನ್ ಚಚ್ಚಿದರು. ಈ ವೇಳೆ 2 ಬೌಂಡರಿ ಮತ್ತು 6 ಸಿಕ್ಸ್​ಗಳು ಮೂಡಿಬಂದಿತ್ತು. ಮತ್ತೊಂದೆಡೆ ಪ್ರೇಮ್ ಸಿಸೋಡಿಯಾ 4 ಓವರ್​ಗಳಲ್ಲಿ ನೀಡಿದ್ದು ಬರೋಬ್ಬರಿ 57 ರನ್. ಪರಿಣಾಮ ಎಸೆಕ್ಸ್​ ತಂಡವು ನಿಗದಿತ 20 ಓವರ್​ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 254 ರನ್​ ಕಲೆಹಾಕಿತು.

ಈ ಬೃಹತ್ ಮೊತ್ತವನ್ನು ಬೆನ್ನತ್ತಿದ ಗ್ಲಾಮೊರ್ಗಾನ್ ತಂಡದ ಪರ ನಾಯಕ ಸ್ಯಾಮ್ ನಾರ್ಥ್​ಈಸ್ಟ್ ಸಿಡಿಲಬ್ಬರದ ಬ್ಯಾಟಿಂಗ್ ನಡೆಸಿದರು. ಕೇವಲ 56 ಎಸೆತಗಳಲ್ಲಿ 10 ಬೌಂಡರಿ 4 ಸಿಕ್ಸ್​ನೊಂದಿಗೆ ಅಜೇಯ 97 ರನ್​ ಬಾರಿಸಿ ಅಬ್ಬರಿಸಿದ್ದರು. ಇದಾಗ್ಯೂ ಉಳಿದ ಬ್ಯಾಟ್ಸ್​ಮನ್​ಗಳಿಂದ ನಿರೀಕ್ಷಿತ ಪ್ರದರ್ಶನ ಮೂಡಿಬಂದಿರಲಿಲ್ಲ. ಅಂತಿಮವಾಗಿ ಗ್ಲಾಮೊರ್ಗಾನ್ ತಂಡವು 7 ವಿಕೆಟ್​ ನಷ್ಟಕ್ಕೆ 185 ರನ್​ ಕಲೆಹಾಕುವ ಮೂಲಕ 69 ರನ್​ಗಳಿಂದ ಸೋಲೊಪ್ಪಿಕೊಂಡಿತು.

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada