IPL 2022: ವಾರ್ನರ್ ದಾಖಲೆ ಮುರಿದು ಹ್ಯಾಟ್ರಿಕ್ ಬರೆಯಲಿರುವ ಕೆಎಲ್ ರಾಹುಲ್..!
IPL 2022: ಎರಡು ಸೀಸನ್ ಐಪಿಎಲ್ನಲ್ಲಿ ಕೆಎಲ್ ರಾಹುಲ್ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಅಂದರೆ ಪಂಜಾಬ್ ಕಿಂಗ್ಸ್ ನಾಯಕರಾಗಿದ್ದ ರಾಹುಲ್ 2020 ರ ಮತ್ತು 2021 ರ ಸೀಸನ್ನಲ್ಲಿ ರನ್ ಮಳೆ ಹರಿಸಿದ್ದರು.
Updated on: Mar 21, 2022 | 2:30 PM
ಐಪಿಎಲ್ 2022 ರ ಆರಂಭಕ್ಕೆ ಕ್ಷಣಗಣನೆ ಆರಂಭವಾಗಿದೆ. ಮಾರ್ಚ್ 26 ರಿಂದ ಶುರುವಾಗಲಿರುವ 15ನೇ ಸೀಸನ್ ಐಪಿಎಲ್ಗಾಗಿ ಅಭಿಮಾನಿಗಳು ಕೂಡ ಕಾತುರತೆಯಿಂದ ಕಾಯುತ್ತಿದ್ದಾರೆ. ಈ ಬಾರಿ ಹೊಸ ಎರಡು ತಂಡಗಳ ಸೇರ್ಪಡೆಯೊಂದಿಗೆ, ಲೀಗ್‌ನ ವ್ಯಾಪ್ತಿ ಕೂಡ ವಿಸ್ತರಿಸಿದೆ. ಆಟಗಾರರ ಜತೆಗೆ ಹಲವು ತಂಡಗಳ ನಾಯಕರೂ ಬದಲಾಗಿದ್ದಾರೆ. ಮುಂಬೈ, ಚೆನ್ನೈ ಮತ್ತು ಡೆಲ್ಲಿ ಹೊರತುಪಡಿಸಿ, ಪ್ರತಿ ತಂಡಕ್ಕೂ ಹೊಸ ನಾಯಕರಿದ್ದಾರೆ. ಅದರಂತೆ ಈ ಬಾರಿ ಕೆಎಲ್ ರಾಹುಲ್ ಲಕ್ನೋ ಸೂಪರ್ ಜೈಂಟ್ಸ್ ತಂಡವನ್ನು ಮುನ್ನಡೆಸಲಿದ್ದಾರೆ. ವಿಶೇಷ ಎಂದರೆ ತಂಡ ಬದಲಾದರೂ ಕೆಎಲ್ ರಾಹುಲ್ ನಾಯಕನಾಗಿ ಮುಂದುವರೆಯುತ್ತಿದ್ದಾರೆ. ಹೀಗಾಗಿ ನಾಯಕನಾಗಿ ಐಪಿಎಲ್ನಲ್ಲಿ ವಿಶೇಷ ದಾಖಲೆ ಬರೆಯುವ ಅವಕಾಶವೊಂದು ಕೆಎಲ್ ರಾಹುಲ್ ಮುಂದಿದೆ.
ಕಳೆದ ಎರಡು ಸೀಸನ್ ಐಪಿಎಲ್ನಲ್ಲಿ ಕೆಎಲ್ ರಾಹುಲ್ ಅದ್ಭುತ ಪ್ರದರ್ಶನ ನೀಡಿದ್ದಾರೆ. ಅಂದರೆ ಪಂಜಾಬ್ ಕಿಂಗ್ಸ್ ನಾಯಕರಾಗಿದ್ದ ರಾಹುಲ್ 2020 ರ ಮತ್ತು 2021 ರ ಸೀಸನ್ನಲ್ಲಿ ರನ್ ಮಳೆ ಹರಿಸಿದ್ದರು. ಅದರಲ್ಲೂ 2020 ರ ಐಪಿಎಲ್ನಲ್ಲಿ ಆರೆಂಜ್ ಕ್ಯಾಪ್ ವಿನ್ನರ್ ಆಗಿದ್ದರು. ಹೀಗೆ ಕಳೆದೆರೆಡು ಸೀಸನ್ ಐಪಿಎಲ್ನಲ್ಲಿ ರಾಹುಲ್ ಸತತ 600+ ರನ್ಗಳಿಸಿದ್ದಾರೆ. ವಿಶೇಷ ಎಂದರೆ ಈ ಸಾಧನೆ ಮಾಡಿದ 2ನೇ ನಾಯಕ ಕೆಎಲ್ ರಾಹುಲ್.
ಇದಕ್ಕೂ ಮುನ್ನ ಸನ್ರೈಸರ್ಸ್ ಹೈದರಾಬಾದ್ ತಂಡದ ನಾಯಕರಾಗಿದ್ದ ಡೇವಿಡ್ ವಾರ್ನರ್ ಸತತ ಎರಡು ಸೀಸನ್ನಲ್ಲಿ 600 ಪ್ಲಸ್ ರನ್ ಕಲೆಹಾಕಿದ್ದರು. ವಾರ್ನರ್ ಐಪಿಎಲ್ 2016 ಮತ್ತು ಐಪಿಎಲ್ 2017ರಲ್ಲಿ ಎಸ್ಆರ್ಹೆಚ್ ತಂಡದ ನಾಯಕರಾಗಿ ಬ್ಯಾಕ್ ಟು ಬ್ಯಾಕ್ 600 ಪ್ಲಸ್ ಗಳಿಸಿದ್ದರು. ಇದೀಗ 2020 ರ ಮತ್ತು 2021 ಐಪಿಎಲ್ ಮೂಲಕ ಕೆಎಲ್ ರಾಹುಲ್ ಕೂಡ ಈ ವಿಶೇಷ ದಾಖಲೆಯನ್ನು ಸರಿಗಟ್ಟಿದ್ದಾರೆ.
ಇದೀಗ ಲಕ್ನೋ ಸೂಪರ್ ಜೈಂಟ್ಸ್ ತಂಡದ ನಾಯಕರಾಗಿ ಕಣಕ್ಕಿಳಿಯಲಿರುವ ಕೆಎಲ್ ರಾಹುಲ್, ಈ ಬಾರಿ 600+ ರನ್ ಬಾರಿಸಿದರೆ ಹೊಸ ದಾಖಲೆ ನಿರ್ಮಾಣವಾಗಲಿದೆ. ಇದರೊಂದಿಗೆ ಹ್ಯಾಟ್ರಿಕ್ 600+ ರನ್ ಬಾರಿಸಿದ ಮೊದಲ ಐಪಿಎಲ್ ನಾಯಕ ಎಂಬ ಹೆಗ್ಗಳಿಕೆಗೂ ಕೆಎಲ್ಆರ್ ಪಾತ್ರರಾಗಲಿದ್ದಾರೆ.
ಆದರೆ ಮತ್ತೊಂದೆಡೆ ಐಪಿಎಲ್ನಲ್ಲಿ ನಾಯಕರಾಗಿ ಮಿಂಚಿದ್ದ ಡೇವಿಡ್ ವಾರ್ನರ್ ಈ ಬಾರಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಕೇವಲ ಆಟಗಾರನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಹೀಗಾಗಿ ನಾಯಕನಾಗಿ ಮತ್ತೊಂದು 600+ ರನ್ ಬಾರಿಸುವ ಅವಕಾಶ ಕೈತಪ್ಪಿದೆ. ಹೀಗಾಗಿ ಕೆಎಲ್ ರಾಹುಲ್ ನಾಯಕನಾಗಿ ಐಪಿಎಲ್ನಲ್ಲಿ ಹೊಸ ಇತಿಹಾಸ ಬರೆಯಲಿದ್ದಾರಾ ಕಾದು ನೋಡಬೇಕಿದೆ.
ಇದನ್ನೂ ಓದಿ: IPL 2022: ಐಪಿಎಲ್ನಲ್ಲಿ ಅಂದು ಪರ್ಪಲ್ ಕ್ಯಾಪ್ ವಿನ್ನರ್, ಇಂದು ನೆಟ್ ಬೌಲರ್..!
ಇದನ್ನೂ ಓದಿ: IPL 2022: ಐಪಿಎಲ್ನಲ್ಲಿ ಅತೀ ವೇಗವಾಗಿ ಅರ್ಧಶತಕ ಬಾರಿಸಿದ 10 ಬ್ಯಾಟರ್ಗಳು ಇವರೇ..!
ಇದನ್ನೂ ಓದಿ: IPL 2022: ಐಪಿಎಲ್ ಪಂದ್ಯವೊಂದರಲ್ಲಿ ಅತೀ ಹೆಚ್ಚು ಸಿಕ್ಸ್ ಸಿಡಿಸಿದ ಬ್ಯಾಟರ್ ಯಾರು ಗೊತ್ತಾ?
