IPL 2023 Mini Auction: ಮಿನಿ ಹರಾಜಿನಲ್ಲಿ 405 ಆಟಗಾರರು; ಯಾವ ತಂಡದಲ್ಲಿ ಎಷ್ಟು ಹಣವಿದೆ? ಇಲ್ಲಿದೆ ವಿವರ
IPL 2023 Mini Auction: ಎಲ್ಲಾ 10 ಫ್ರಾಂಚೈಸಿಗಳನ್ನು ಒಳಗೊಂಡಂತೆ, ಒಟ್ಟು 87 ಸ್ಲಾಟ್ಗಳಿವೆ. ಇದರಲ್ಲಿ 30 ಸ್ಲಾಟ್ಗಳು ವಿದೇಶಿ ಆಟಗಾರರಿಗೆ ಸಿಮೀತವಾಗಿದೆ. ಅಂದರೆ, ಹರಾಜಿನಲ್ಲಿ ಒಟ್ಟು 87 ಆಟಗಾರರು ಖರೀದಿಯಾಗಲಿದ್ದಾರೆ.
Updated on:Dec 15, 2022 | 11:12 AM
ಎಲ್ಲಾ 10 ಫ್ರಾಂಚೈಸಿಗಳು ಐಪಿಎಲ್ 2023 ರ ಮಿನಿ ಹರಾಜಿಗೆ (IPL 2023 Mini Auction) ಸಜ್ಜಾಗಿವೆ. ಈ ಹರಾಜಿನಲ್ಲಿ ಎಲ್ಲಾ ಫ್ರಾಂಚೈಸಿಗಳು ತಮ್ಮ ತಂಡಕ್ಕೆ ಬೇಕಾದ ಆಟಗಾರರನ್ನು ಖರೀದಿಸಲು ತಂತ್ರ ರೂಪಿಸಿವೆ. ಡಿಸೆಂಬರ್ 23ರಂದು ಕೊಚ್ಚಿಯಲ್ಲಿ ಹರಾಜು ಪ್ರಕ್ರಿಯೆ ನಡೆಯಲಿದ್ದು, 400ಕ್ಕೂ ಹೆಚ್ಚು ಆಟಗಾರರು ಈ ಹರಾಜು ಪ್ರಕ್ರಿಯೆಯಲ್ಲಿ ಭಾಗಿಯಾಗಲಿದ್ದಾರೆ. ಈ ಬಗ್ಗೆ ಹೇಳಿಕೆ ಬಿಡುಗಡೆ ಮಾಡಿರುವ ಐಪಿಎಲ್, ಒಟ್ಟು 405 ಕ್ರಿಕೆಟಿಗರಿನ್ನು ಹರಾಜು ಪ್ರಕ್ರಿಯೆಗೆ ಆಯ್ಕೆ ಮಾಡಿದೆ. ಆರಂಭದಲ್ಲಿ, 10 ಫ್ರಾಂಚೈಸಿಗಳು 991 ಆಟಗಾರರ ಪೈಕಿ 369 ಆಟಗಾರರನ್ನು ಶಾರ್ಟ್ಲಿಸ್ಟ್ ಮಾಡಿದ್ದವು. ಆದರೆ ನಂತರ ತಂಡದ ಇಚ್ಛೆಯ ಮೇರೆಗೆ 36 ಆಟಗಾರರನ್ನು ಈ ಪಟ್ಟಿಗೆ ಸೇರಿಸಲಾಯಿತು. ಈ ಮೂಲಕ ಒಟ್ಟು 405 ಆಟಗಾರರು ಈ ಬಾರಿಯ ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಮಿನಿ ಹರಾಜಿಗೆ ಆಯ್ಕೆಯಾದ 405 ಮಂದಿಯಲ್ಲಿ 273 ಮಂದಿ ಭಾರತೀಯ ಆಟಗಾರರಾಗಿದ್ದರೆ, 132 ಮಂದಿ ವಿದೇಶಿ ಆಟಗಾರರಾಗಿದ್ದಾರೆ. 132 ವಿದೇಶಿ ಆಟಗಾರರ ಪೈಕಿ 4 ಆಟಗಾರರು ಅಸೋಸಿಯೇಟ್ ನೇಷನ್ನವರು. ಒಟ್ಟು 119 ಕ್ಯಾಪ್ಡ್ ಅಂದರೆ ಅಂತಾರಾಷ್ಟ್ರೀಯ ಕ್ರಿಕೆಟ್ ಆಟಗಾರರು ಮತ್ತು 282 ಅನ್ ಕ್ಯಾಪ್ಡ್ ಆಟಗಾರರಿದ್ದಾರೆ.
ಐಪಿಎಲ್ ತಂಡವನ್ನೇ ಖರೀದಿಸುವ ಸಾಮರ್ಥ್ಯ ಹೊಂದಿರುವ ಮೆಸ್ಸಿ ಎಷ್ಟು ಸಾವಿರ ಕೋಟಿಯ ಒಡೆಯ ಗೊತ್ತಾ?
2. 1 ಕೋಟಿ ಮೂಲ ಬೆಲೆಯಲ್ಲಿ ಮಯಾಂಕ್
ಎಲ್ಲಾ 10 ಫ್ರಾಂಚೈಸಿಗಳನ್ನು ಒಳಗೊಂಡಂತೆ, ಒಟ್ಟು 87 ಸ್ಲಾಟ್ಗಳಿವೆ. ಇದರಲ್ಲಿ 30 ಸ್ಲಾಟ್ಗಳು ವಿದೇಶಿ ಆಟಗಾರರಿಗೆ ಸಿಮೀತವಾಗಿದೆ. ಅಂದರೆ, ಹರಾಜಿನಲ್ಲಿ ಒಟ್ಟು 87 ಆಟಗಾರರು ಖರೀದಿಯಾಗಲಿದ್ದಾರೆ. ಹರಾಜಿನಲ್ಲಿ ಅತ್ಯಧಿಕ ಮೂಲ ಬೆಲೆ 2 ಕೋಟಿ ರೂ.ಗಳಾಗಿದ್ದು, ಇದರಡಿಯಲ್ಲಿ 19 ವಿದೇಶಿ ಆಟಗಾರರು ತಮ್ಮ ಹೆಸರನ್ನು ನೋಂದಾಯಿಸಿಕೊಂಡಿದ್ದಾರೆ. 1.5 ಕೋಟಿ ಮೂಲ ಬೆಲೆಯಲ್ಲಿ 11 ಆಟಗಾರರಿದ್ದಾರೆ. 20 ಆಟಗಾರರು 1 ಕೋಟಿ ರೂ ಮೂಲ ಬೆಲೆಯೊಂದಿಗೆ ಹರಾಜಿಗೆ ಪ್ರವೇಶಿಸಲಿದ್ದು, ಇದರಲ್ಲಿ ಮನೀಶ್ ಪಾಂಡೆ ಮತ್ತು ಮಯಾಂಕ್ ಅಗರ್ವಾಲ್ ಇಬ್ಬರು ಭಾರತೀಯರಾಗಿದ್ದಾರೆ.
3. ಹೈದರಾಬಾದ್ ಮೇಲೆ ಎಲ್ಲರ ಕಣ್ಣು
ಸನ್ರೈಸರ್ಸ್ ಹೈದರಾಬಾದ್ ಐಪಿಎಲ್ 2023 ಮಿನಿ ಹರಾಜಿನಲ್ಲಿ ಹೆಚ್ಚು ಆಟಗಾರರನ್ನು ಖರೀದಿಸುವ ಸಾಧ್ಯತೆಗಳಿವೆ. ಏಕೆಂದರೆ ಮಿನಿ ಹರಾಜಿಗೂ ಮುನ್ನ ಈ ಫ್ರಾಂಚೈಸಿ, ನಾಯಕ ಕೇನ್ ವಿಲಿಯಮ್ಸನ್ ಸೇರಿದಂತೆ ಹಲವು ಪ್ರಮುಖ ಆಟಗಾರರನ್ನು ತಂಡದಿಂದ ಹೊರಹಾಕಿತ್ತು. ಈ ಮೂಲಕ ಹೈದರಾಬಾದ್ ತನ್ನ ಪರ್ಸ್ನಲ್ಲಿ ಹೆಚ್ಚು ಹಣವನ್ನು ಉಳಿಸಿಕೊಂಡಿದೆ. ಅವರ ಬಳಿ ಈಗ ಉಳಿದಿರುವ ಹಣ ಒಟ್ಟು 42.25 ಕೋಟಿ ರೂ. ಇಷ್ಟೇ ಅಲ್ಲ, ಅವರು ತಮ್ಮ ತಂಡವನ್ನು ಪೂರ್ಣಗೊಳಿಸಲು 13 ಆಟಗಾರರನ್ನು ಖರೀದಿಸಬೇಕಾಗುತ್ತದೆ. ಇದರಲ್ಲಿ 4 ಸ್ಲಾಟ್ಗಳು ವಿದೇಶಿ ಆಟಗಾರರಿಗೆ ಮೀಸಲಿದೆ. ಹೈದರಾಬಾದ್ ನಂತರ ಪಂಜಾಬ್ ಕಿಂಗ್ಸ್ ತಮ್ಮ ಪರ್ಸ್ನಲ್ಲಿ ಹೆಚ್ಚು ಹಣವನ್ನು ಹೊಂದಿದೆ. ಪಂಜಾಬ್ ಕಿಂಗ್ಸ್ ಬಳಿ ಒಟ್ಟು 32.2 ಕೋಟಿ ರೂಪಾಯಿ ಇದ್ದು, ಹರಾಜಿನಲ್ಲಿ 3 ವಿದೇಶಿ ಆಟಗಾರರು ಸೇರಿದಂತೆ ಒಟ್ಟು 9 ಆಟಗಾರರನ್ನು ಖರೀದಿಸಲಿದೆ.
4. ಎಲ್ಲಾ ತಂಡಗಳ ವಿವರ ಇಲ್ಲಿದೆ
|
ಫ್ರಾಂಚೈಸಿ |
ಬಾಕಿ ಉಳಿದಿರುವ ಹಣ | ಖರೀದಿಸಬೇಕಾದ ಆಟಗಾರರ ಸಂಖ್ಯೆ | ಖಾಲಿ ಇರುವ ವಿದೇಶಿ ಆಟಗಾರರ ಸ್ಲಾಟ್ |
| ಚೆನ್ನೈ ಸೂಪರ್ ಕಿಂಗ್ಸ್ | 20.45 ಕೋಟಿ. ರೂ | 7 |
2 |
|
ದೆಹಲಿ ಕ್ಯಾಪಿಟಲ್ಸ್ |
19.45 ಕೋಟಿ. ರೂ | 5 | 2 |
| ಗುಜರಾತ್ ಟೈಟಾನ್ಸ್ | 19.25 ಕೋಟಿ. ರೂ | 7 |
3 |
|
ಕೋಲ್ಕತ್ತಾ ನೈಟ್ ರೈಡರ್ಸ್ |
7.05 ಕೋಟಿ. ರೂ | 11 | 3 |
| ಲಕ್ನೋ ಸೂಪರ್ ಜೈಂಟ್ಸ್ | 23.35 ಕೋಟಿ. ರೂ | 10 |
4 |
|
ಮುಂಬೈ ಇಂಡಿಯನ್ಸ್ |
20.55 ಕೋಟಿ. ರೂ | 9 | 3 |
| ಪಂಜಾಬ್ ಕಿಂಗ್ಸ್ | 32.2 ಕೋಟಿ. ರೂ | 9 |
3 |
|
ರಾಯಲ್ ಚಾಲೆಂಜರ್ಸ್ ಬೆಂಗಳೂರು |
8.75 ಕೋಟಿ. ರೂ | 7 | 2 |
| ರಾಜಸ್ಥಾನ್ ರಾಯಲ್ಸ್ | 13.2 ಕೋಟಿ. ರೂ | 9 |
4 |
|
ಸನ್ರೈಸರ್ಸ್ ಹೈದರಾಬಾದ್ |
42.25 ಕೋಟಿ. ರೂ | 13 |
4 |
ಇನ್ನಷ್ಟು ಕ್ರೀಡಾ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
Published On - 11:08 am, Thu, 15 December 22
