Video: ಶ್ರೀಲಂಕಾದ ಚರಿತ್ ಅಸಲಂಕಾ ಔಟ್​​​ ಆಗುತ್ತಿದ್ದಂತೆ ಕೊಹ್ಲಿ ಬೆಂಕಿ ರಿಯಾಕ್ಷನ್​​​

ಕೊಲಂಬೊದ ಆರ್. ಪ್ರೇಮದಾಸ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಭಾರತ ಮತ್ತು ಶ್ರೀಲಂಕಾ ನಡುವಿನ ಮೂರನೇ ಏಕದಿನ ಪಂದ್ಯದಲ್ಲಿ ಚರಿತ್ ಅಸಲಂಕಾ ಅವರನ್ನು ರಿಯಾನ್ ಪರಾಗ್ ಅವರು ಔಟ್ ಮಾಡಿದ ನಂತರ ವಿರಾಟ್ ಕೊಹ್ಲಿ ರಿಯಾಕ್ಷನ್ ಮಾತ್ರ ಸಖತ್​​​​​ ಆಗಿತ್ತು. ಇದೀಗ ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​​ ಆಗಿದೆ. ಚರಿತ್ ಅಸಲಂಕಾ ಔಟ್​​ ಆಗುತ್ತಿದ್ದಂತೆ ಕೊಹ್ಲಿ ಮುಖದಲ್ಲಿ ಭಾರೀ ಸಂತೋಷ ಕ್ಷಣವನ್ನು ಕಾಣುತ್ತಿತ್ತು.

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಶ್ರೀಲಂಕಾ ತಂಡಕ್ಕೆ ಇದು ಉತ್ತಮ ಆಟವಾಗಿತ್ತು. ಆರಂಭಿಕ ಬ್ಯಾಟ್ಸ್​​ಮ್ಯಾನ್​ಗಳಾದ ಪಾಥುಮ್ ನಿಸ್ಸಾಂಕ ಮತ್ತು ಅವಿಷ್ಕಾ ಫೆರ್ನಾಂಡೋ ಮೊದಲ ವಿಕೆಟ್‌ಗೆ 89 ರನ್ ಗಳಿಸುವ ಮೂಲಕ ಉತ್ತಮ ಆರಂಭ ನೀಡಿದರು. ಕೊನೆಯ 20ನೇ ಓವರ್‌ನಲ್ಲಿ ಅಕ್ಸರ್ ಪಟೇಲ್ ನಿಸ್ಸಾಂಕ ಅವರನ್ನು 45 ರನ್‌ಗಳಿಗೆ ಹೊರಗೆ ಕಳುಹಿಸಿದ್ದಾರೆ. ಇದು ಭಾರತ ತಂಡದ ಮೊದಲ ಪ್ರಗತಿಯಾಗಿತ್ತು.

ವೈರಲ್​​ ವಿಡಿಯೋ ಇಲ್ಲಿದೆ ನೋಡಿ:

ಭಾರತದ ಈ ತಂತ್ರವನ್ನು ಗಮನದಲ್ಲಿಟ್ಟುಕೊಂಡ ಶ್ರೀಲಂಕಾದ ಅವಿಷ್ಕಾ ಮತ್ತು ಕುಸಾಲ್ ಮೆಂಡಿಸ್ ಭಾರತಕ್ಕೆ ಲಾಭ ಪಡೆಯಲು ಬಿಡದಂತೆ ಎರಡನೇ ವಿಕೆಟ್‌ಗೆ 82 ರನ್​​​ಗಳನ್ನು ಕಳಿಸಿದ್ದಾರೆ. ಆದರೆ ಭಾರತ ಕೂಡ ಅವರ ಈ ದೊಡ್ಡ ಮಟ್ಟದ ರನ್​​ ನೋಡಿ, ತನ್ನ ತಂತ್ರದ ಮೂಲಕ ಸೆಟ್ ಅವಿಷ್ಕಾ ಔಟ್​​​ ಮಾಡಿದ್ದಾರೆ. ಅವಿಷ್ಕಾ 102 ಎಸೆತಗಳಲ್ಲಿ 9 ಬೌಂಡರಿ ಹಾಗೂ 2 ಸಿಕ್ಸರ್ ಬಾರಿಸಿ, 96 ರನ್ ಗಳಿಸಿ ನಿರ್ಗಮಿಸಿದರು.

ಇದನ್ನೂ ಓದಿ: 9ನೇ ಕ್ರಮಾಂಕದವರೆಗೂ ಬ್ಯಾಟರ್ಸ್​; ಆದರೂ 110 ರನ್​ಗಳಿಂದ ಸೋತ ಟೀಂ ಇಂಡಿಯಾ

ರಿಯಾನ್ ಪರಾಗ್ ಅವರು ಬೆಂಕಿ ಬೌಲಿಂಗ್ ಮಾಡಿದ್ದಾರೆ. ಆದರೆ ಈ ಬೌಲಿಂಗ್​​​ಗೆ ಶ್ರೀಲಂಕಾ ನಾಯಕ ಚರಿತ್ ಅಸಲಂಕಾ ಅವರು ಸಿಕ್ಸ್​​​ ಬಾರಿಸಿದ್ದಾರೆ, ರಿಯಾನ್ ಪರಾಗ್ ಓವರ್‌ನ ಅಂತಿಮ ಎಸೆತದಲ್ಲಿ ಅಸಲಂಕಾ ಅವರನ್ನು ಔಟ್ ಮಾಡಿದ್ದಾರೆ. ಈ ಸಮಯದಲ್ಲಿ ಕೊಹ್ಲಿ ಮುಖದಲ್ಲಿ ಸಂತೋಷ, ರೋಷ ಎಲ್ಲವೂ ಕಂಡು ಬಂದಿದೆ. ಕೊಹ್ಲಿಯ ಈ ಸಂತೊಷಕ್ಕೆ ಶ್ರೀಲಂಕಾ ನಾಯಕ ಚರಿತ್ ಅಸಲಂಕಾ ತತ್ತರಿಸಿದ್ದು ಮಾತ್ರ ನಿಜ.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ