VIDEO: ಕ್ರಿಕೆಟ್ ಲೀಗ್ನಲ್ಲಿ ಕೈ ಕೈ ಮಿಲಾಯಿಸಿದ ಸೆಲೆಬ್ರಿಟಿಗಳು..!
ಸೆಲೆಬ್ರಿಟಿಗಳ ಜಗಳವನ್ನು ತಡೆಯಲು ಪಂದ್ಯಾವಳಿಯ ಆಯೋಜಕರು ಹರಸಾಹಸಪಟ್ಟರು. ಅಲ್ಲದೆ ಅಂತಿಮವಾಗಿ ಪಂದ್ಯವನ್ನು ರದ್ದುಗೊಳಿಸಲು ನಿರ್ಧರಿಸಲಾಯಿತು. ಇದೀಗ ಬಾಂಗ್ಲಾದೇಶ್ ಸೆಲೆಬ್ರಿಟಿಗಳ ಜಗಳದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
Updated on: Sep 30, 2023 | 9:31 PM
ಕ್ರಿಕೆಟ್ ಮೈದಾನದಲ್ಲಿ ಮಾತಿನ ಚಕಮಕಿ ನಡೆಯುವುದು ಸಾಮಾನ್ಯ. ಅದರಲ್ಲೂ ಸ್ಲೆಡ್ಜಿಂಗ್ ಆಗಾಗ್ಗೆ ಕಾಣ ಸಿಗುತ್ತವೆ. ಆದರೆ ಇಲ್ಲೊಂದು ಲೀಗ್ನಲ್ಲಿ ಒಂದು ಫೋರ್ಗಳಾಗಿ ಖ್ಯಾತನಾಮರು ಕೈ ಕೈ ಮಿಲಾಯಿಸಿದ ಘಟನೆ ನಡೆದಿದೆ. ಇಂತಹದೊಂದು ಅಹಿತಕರ ಘಟನೆ ನಡೆದಿರುವುದು ಬಾಂಗ್ಲಾದೇಶ್ನ ಸೆಲೆಬ್ರಿಟಿ ಕ್ರಿಕೆಟ್ ಲೀಗ್ನಲ್ಲಿ. ಈ ಲೀಗ್ನ ಪಂದ್ಯವೊಂದರಲ್ಲಿ ಮುಸ್ತಫಾ ಕಮಾಲ್ ರಿಯಾಜ್ ಮತ್ತು ದೀಪಂಕರ್ ದೀಪನ್ ಅವರ ತಂಡಗಳು ಮುಖಾಮುಖಿಯಾಗಿತ್ತು.
ಜಿದ್ದಾಜಿದ್ದಿನ ಹೋರಾಟವನ್ನು ನಿರೀಕ್ಷಿಸಲಾಗಿದ್ದ ಈ ಪಂದ್ಯದಲ್ಲಿ ಹಣಾಹಣಿ ಕಂಡು ಬಂದಿದ್ದು ಮಾತ್ರ ಅಚ್ಚರಿ. ಅದು ಕೂಡ ಕೇವಲ ಒಂದು ಫೋರ್ಗಾಗಿ ಉಭಯ ತಂಡಗಳ ಆಟಗಾರರು ಪರಸ್ಪರ ಹೊಡೆದಾಟಕ್ಕಿಳಿದಿರುವುದು ಪರಮಾಶ್ಚರ್ಯ ಎನ್ನದೇ ವಿಧಿಯಿಲ್ಲ.
Celebrity Cricket League has turned into WWE Royal Rumble. 😂
– 6 people got injured – Tournament got cancelled before semis
30+ year old male & female adults fighting over boundary & out decision in a ‘friendly’ tournament. 🤣 pic.twitter.com/FOAxEI00rz
— Saif Ahmed 🇧🇩 (@saifahmed75) September 30, 2023
ಏಕೆಂದರೆ ಇದೊಂದು ಸೆಲೆಬ್ರಿಟಿ ಲೀಗ್ ಪಂದ್ಯ. ಇದರ ಉದ್ದೇಶವೇ ಎಲ್ಲಾ ಕಲಾವಿದರನ್ನು ಒಗ್ಗೂಡಿಸುವುದಾಗಿತ್ತು. ಆದರೆ ಕ್ರಿಕೆಟ್ ಪಂದ್ಯಾಟ ರಣಾಂಗಣವಾದ ಪರಿಣಾಮ ಪಂದ್ಯವನ್ನೇ ರದ್ದುಗೊಳಿಸಲಾಯಿತು. ಅಷ್ಟೇ ಅಲ್ಲದೆ ಈ ಹೊಡೆದಾಟದಲ್ಲಿ ಆರು ಮಂದಿ ಗಾಯಗೊಂಡಿದ್ದಾರೆ.
ಹೊಡೆದಾಟಕ್ಕೆ ಕಾರಣವೇನು?
ವರದಿಗಳ ಪ್ರಕಾರ, ಈ ಪಂದ್ಯದಲ್ಲಿ ಜಗಳಕ್ಕೆ ಮುಖ್ಯ ಕಾರಣ ಅಂಪೈರ್ ನೀಡಿದ ತಪ್ಪು ತೀರ್ಪು. ಅಂಪೈರ್ ಬೌಂಡರಿ ನೀಡದ ಹಿನ್ನೆಲೆಯಲ್ಲಿ ಈ ಉಭಯ ತಂಡಗಳ ನಡುವೆ ವಾಗ್ವಾದ ನಡೆಯಿತು. ಈ ಮಾತಿನ ಚಕಮಕಿ ಆ ಬಳಿಕ ಕಾದಾಟಕ್ಕೆ ಕಾರಣವಾಯಿತು.
Hilarious scenes in Celebrity Cricket League. 😂
A celebrity crying because an umpire didn’t give a boundary which was clearly a four.
Two teams fought badly, 6 people injured in hospital and the tournament is now cancelled!!! pic.twitter.com/brEYCKzIw3
— Saif Ahmed 🇧🇩 (@saifahmed75) September 30, 2023
ಇದರ ನಡುವೆ ಸೆಲೆಬ್ರಿಟಿಗಳ ಜಗಳವನ್ನು ತಡೆಯಲು ಪಂದ್ಯಾವಳಿಯ ಆಯೋಜಕರು ಹರಸಾಹಸಪಟ್ಟರು. ಅಲ್ಲದೆ ಅಂತಿಮವಾಗಿ ಪಂದ್ಯವನ್ನು ರದ್ದುಗೊಳಿಸಲು ನಿರ್ಧರಿಸಲಾಯಿತು. ಇದೀಗ ಈ ಜಗಳದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
