ಮುಂಬೈ ತಂಡ ಈ ಐಪಿಎಲ್ನಲ್ಲಿ ಏಕೆ ಅರ್ಜುನ್ಗೆ ಅವಕಾಶ ನೀಡಲಿಲ್ಲ? ಕೋಚ್ ನೀಡಿದ ಕಾರಣ ಹೀಗಿದೆ
Arjun Tendulkar: ಅರ್ಜುನ್ಗೆ ಇನ್ನೂ ಸಾಕಷ್ಟು ಶ್ರಮ ಮತ್ತು ಸುಧಾರಣೆ ಬೇಕು. ಅರ್ಜುನ್ ಈ ತಂಡದಲ್ಲಿ ಆಡಬೇಕೆಂದರೆ ಈ ತಂಡದ ಸಾಮಥ್ರ್ಯಕ್ಕೆ ತಕ್ಕಂತೆ ಆಡಬೇಕು ಎಂದು ಶೇನ್ ಬಾಂಡ್ ಹೇಳಿದರು.
Updated on:Jun 03, 2022 | 5:27 PM
ಮುಂಬೈ ಇಂಡಿಯನ್ಸ್ (Mumbai Indians) ತಂಡವು ಐಪಿಎಲ್ 2022 (IPL 2022)ರ ಸೀಸನ್ನಲ್ಲಿ ಕಳಪೆ ಪ್ರದರ್ಶನದ ಕಾರಣದಿಂದಾಗಿ ಪಾಯಿಂಟ್ ಪಟ್ಟಿಯಲ್ಲಿ ಕೊನೆಯ ಸ್ಥಾನ ಪಡೆಯಿತು. ಮುಂಬೈ ಇಂಡಿಯನ್ಸ್ ಈ ಸೀಸನ್ನಲ್ಲಿ ಹಲವು ಹೊಸ ಆಟಗಾರರಿಗೆ ಅವಕಾಶ ನೀಡಿದೆ. ಆದರೆ ಸಚಿನ್ ತೆಂಡೂಲ್ಕರ್ ಪುತ್ರ ಅರ್ಜುನ್ ತೆಂಡೂಲ್ಕರ್ (Arjun Tendulkar)ಗೆ ಅವಕಾಶ ನೀಡಲಿಲ್ಲ. ಒಂದು ಪಂದ್ಯದಲ್ಲಾದರೂ ಅರ್ಜುನ್ ಆಟವನ್ನು ನೋಡುವ ಅವಕಾಶ ಸಿಗುತ್ತದೆ ಎಂದು ಕ್ರಿಕೆಟ್ ಪ್ರೇಮಿಗಳು ನಿರೀಕ್ಷಿಸಿದ್ದರು. ಆದರೆ ಅರ್ಜುನ್ ತೆಂಡೂಲ್ಕರ್ಗೆ ಕೊನೆಯವರೆಗೂ ಅವಕಾಶ ಸಿಗಲಿಲ್ಲ. ಮುಂಬೈ ಇಂಡಿಯನ್ಸ್ 30 ಲಕ್ಷಕ್ಕೆ ಅರ್ಜುನ್ ತೆಂಡೂಲ್ಕರ್ ಅವರನ್ನು ಖರೀದಿಸಿತ್ತು. ಮುಂಬೈ ಇಂಡಿಯನ್ಸ್ ಸೀಸನ್ನ 14 ಪಂದ್ಯಗಳಲ್ಲಿ ರಮಣದೀಪ್ ಸಿಂಗ್, ಸಂಜಯ್ ಯಾದವ್ ಮತ್ತು ಕುಮಾರ್ ಕಾರ್ತಿಕೇಯನ್ ಅವರನ್ನು ಆಡಿಸಿತು. ಜೊತೆಗೆ ವಿದೇಶಿ ಆಟಗಾರರಾದ ಡೇವಿಡ್ ಬ್ರಾವಿಸ್, ಟ್ರಿಸ್ಟಾನ್ ಸ್ಟಬ್ಸ್ ಕೂಡ ಅವಕಾಶ ಪಡೆದರು. ಏಳೆಂಟು ಪಂದ್ಯಗಳ ನಂತರ ಅರ್ಜುನ್ ತೆಂಡೂಲ್ಕರ್ ಅವರ ಹೆಸರಿನ ಬಗ್ಗೆ ಸಾಕಷ್ಟು ಚರ್ಚೆಯಾಯಿತು. ಆದರೆ ಮುಂಬೈ ಇಂಡಿಯನ್ಸ್ ತಂಡದ ಮ್ಯಾನೇಜ್‌ಮೆಂಟ್ ಅವರಿಗೆ ಅವಕಾಶ ನೀಡಲಿಲ್ಲ.
22 ವರ್ಷದ ಅರ್ಜುನ್ ಸ್ಥಳೀಯ ತಂಡ ಮುಂಬೈ ಪರ ಕೇವಲ ಎರಡು ಪಂದ್ಯಗಳನ್ನು ಆಡಿದ್ದಾರೆ. ಅರ್ಜುನ್ ಟಿ20 ಮುಂಬೈ ಲೀಗ್‌ನಲ್ಲೂ ಆಡಿದ್ದರು. ತುಲನಾತ್ಮಕವಾಗಿ ಅರ್ಜುನ್ಗೆ ಅನುಭವದ ಕೊರತೆಯಿದೆ. ವಾಂಖೆಡೆಯಲ್ಲಿ ನಡೆದ ಕೊನೆಯ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ಆಡಿತ್ತು. ಆಗ ಅರ್ಜುನ್ಗೆ ಅವಕಾಶ ಸಿಗುತ್ತದೆ ಎಂದು ಹಲವರು ಅಂದುಕೊಂಡಿದ್ದರು.
ಇದನ್ನೂ ಓದಿ:IPL 2022: ಹರಾಜಿನಲ್ಲಿ ಕಡಿಮೆ ಹಣ.. ಆದರೂ ಚೊಚ್ಚಲ ಐಪಿಎಲ್ನಲ್ಲೇ ಅದ್ಭುತ ಪ್ರದರ್ಶನ ತೋರಿದ ಯುವ ಕ್ರಿಕೆಟಿಗರಿವರು
ಶೇನ್ ಬಾಂಡ್ ಹೇಳಿದ್ದೇನು?
ಮುಂಬೈ ಇಂಡಿಯನ್ಸ್ ತಂಡದ ಕೋಚ್ ಶೇನ್ ಬಾಂಡ್, ಅರ್ಜುನ್ 11ರ ಆಟದಲ್ಲಿ ಏಕೆ ಅವಕಾಶ ಪಡೆಯಲಿಲ್ಲ ಎಂಬುದರ ಕುರಿತು ಪ್ರತಿಕ್ರಿಯಿಸಿದ್ದಾರೆ. ಶೇನ್ ಬಾಂಡ್ ಪ್ರಕಾರ, ಅರ್ಜುನ್ ತನ್ನ ಬ್ಯಾಟಿಂಗ್ ಮತ್ತು ಫೀಲ್ಡಿಂಗ್ ಅನ್ನು ಇನ್ನೂ ಸುಧಾರಿಸಬೇಕಾಗಿದೆ. ಅರ್ಜುನ್ ತಮ್ಮ ಆಟವನ್ನು ಸುಧಾರಿಸಿಕೊಳ್ಳಬೇಕು ಮತ್ತು ತಂಡದಲ್ಲಿ ಸ್ಥಾನ ಪಡೆಯಬೇಕು ಎಂದು ಬಾಂಡ್ ನಂಬಿದ್ದಾರೆ.
ಮುಂಬೈಯಂತಹ ತಂಡದಲ್ಲಿ ಆಡುವಾಗ ಮುಂಬೈ ತಂಡಕ್ಕೆ ಸೇರುವುದು ಒಂದು ವಿಷಯ ಮತ್ತು ಆಡುವ 11 ರಲ್ಲಿ ಸ್ಥಾನ ಪಡೆಯುವುದು ಇನ್ನೊಂದು ವಿಷಯ. ಅರ್ಜುನ್ಗೆ ಇನ್ನೂ ಸಾಕಷ್ಟು ಶ್ರಮ ಮತ್ತು ಸುಧಾರಣೆ ಬೇಕು. ಅರ್ಜುನ್ ಈ ತಂಡದಲ್ಲಿ ಆಡಬೇಕೆಂದರೆ ಈ ತಂಡದ ಸಾಮಥ್ರ್ಯಕ್ಕೆ ತಕ್ಕಂತೆ ಆಡಬೇಕು ಎಂದು ಶೇನ್ ಬಾಂಡ್ ಹೇಳಿದರು. ಅಂತಿಮ 11ರ ಘಟ್ಟಕ್ಕೆ ತಲುಪುವ ಮುನ್ನ ಅರ್ಜುನ್ ತಮ್ಮ ಫೀಲ್ಡಿಂಗ್ ಮತ್ತು ಬ್ಯಾಟಿಂಗ್ನಲ್ಲಿ ಕಠಿಣ ಪರಿಶ್ರಮ ಪಡಬೇಕಾಗುತ್ತದೆ ಎಂದು ಬಾಂಡ್ ಹೇಳಿದ್ದಾರೆ.
Published On - 5:27 pm, Fri, 3 June 22
