WTC 2025 final: ಚಾಂಪಿಯನ್ ಆಫ್ರಿಕಾಕ್ಕೆ, ಸೋತ ಆಸೀಸ್​ಗೆ, 3ನೇ ಸ್ಥಾನ ಪಡೆದ ಭಾರತಕ್ಕೆ ಸಿಕ್ಕ ಬಹುಮಾನದ ಮೊತ್ತವೆಷ್ಟು?

ಟೆಂಬಾ ಬವುಮಾ (Temba Bavuma) ನಾಯಕತ್ವದಲ್ಲಿ ದಕ್ಷಿಣ ಆಫ್ರಿಕಾ ಇತಿಹಾಸ ಸೃಷ್ಟಿಸಿದೆ. ಲಾರ್ಡ್ಸ್‌ನಲ್ಲಿ ನಡೆದ 2025 ರ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ (World Test Championship 2025) ಫೈನಲ್‌ನಲ್ಲಿ, ನಾಲ್ಕು ದಿನಗಳಲ್ಲಿ ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾವನ್ನು 5 ವಿಕೆಟ್‌ಗಳಿಂದ ಸೋಲಿಸಿತು. ಈ ಮೂಲಕ ದಕ್ಷಿಣ ಆಫ್ರಿಕಾ ತಂಡ ತನ್ನ 27 ವರ್ಷಗಳ ಕಾಯುವಿಕೆಗೆ ಅಂತ್ಯ ಹಾಡಿತು. ಗೆಲುವಿಗೆ ಆಸ್ಟ್ರೇಲಿಯಾ ನೀಡಿದ 282 ರನ್​ಗಳ ಗುರಿಯನ್ನು ಆಫ್ರಿಕಾ ತಂಡ 5 ವಿಕೆಟ್ ಕಳೆದುಕೊಂಡು ಸಾಧಿಸಿತು. ಆಫ್ರಿಕಾ ಪರ ಆರಂಭಿಕ ಐಡೆನ್ ಮಾರ್ಕ್ರಾಮ್ (Aiden Markram) 136 ರನ್​ಗಳ ಇನ್ನಿಂಗ್ಸ್ ಆಡಿದರೆ, ನಾಯಕ ಟೆಂಬಾ ಬವುಮಾ ಕೂಡ 66 ರನ್​ಗಳ ಪ್ರಮುಖ ಕಾಣಿಕೆ ನೀಡಿದರು. ಇದೀಗ ಡಬ್ಲ್ಯುಟಿಸಿಯ ಮೂರನೇ ಆವೃತ್ತಿ ಮುಗಿದಿದ್ದು ಯಾವ ತಂಡಕ್ಕೆ ಎಷ್ಟೆಷ್ಟು ಬಹುಮಾನ ಸಿಕ್ಕಿದೆ ಎಂಬುದನ್ನು ನೋಡುವ ಸಮಯ ಬಂದಿದೆ.

ಚಾಂಪಿಯನ್ ತಂಡಕ್ಕೆ ಸಿಕ್ಕಿದೆಷ್ಟು?

ಚೊಚ್ಚಲ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಗೆದ್ದಿರುವ ದಕ್ಷಿಣ ಆಫ್ರಿಕಾ ತಂಡಕ್ಕೆ ಒಟ್ಟು 3.6 ಮಿಲಿಯನ್ ಡಾಲರ್ ಬಹುಮಾನ ದೊರೆತಿದೆ. ಅಂದರೆ, ಬವುಮಾ ಪಡೆಗೆ ಸುಮಾರು 30.88 ಕೋಟಿ ರೂ. ಬಹುಮಾನ ಸಿಕ್ಕಿದೆ. ಈ ಬಹುಮಾನದ ಹಣವು ಕಳೆದ ಎರಡು ಆವೃತ್ತಿಗಳಾದ 2021 ಮತ್ತು 2023 ಗಿಂತ ಹೆಚ್ಚಾಗಿದೆ. ಹಾಗೆಯೇ ಫೈನಲ್ ಸೋತ ಆಸ್ಟ್ರೇಲಿಯಾ ತಂಡಕ್ಕೆ ಸುಮಾರು 18.5 ಕೋಟಿ ರೂ. ಬಹುಮಾನ ಪಡೆದುಕೊಂಡಿದೆ. ಈ ಎರಡು ತಂಡಗಳು ಮಾತ್ರವಲ್ಲಿ ವಿಶ್ವ ಟೆಸ್ಟ್ ಚಾಂಪಿಯನ್​ಶಿಪ್ ಪಾಯಿಂಟ್‌ ಪಟ್ಟಿಯಲ್ಲಿ ಮೂರನೇ ಸ್ಥಾನ ಪಡೆದುಕೊಂಡಿರುವ ಭಾರತ ತಂಡಕ್ಕೆ ಸುಮಾರು 12.32 ಕೋಟಿ ರೂ. ಬಹುಮಾನ ದೊರೆತಿದೆ. ಉಳಿದಂತೆ ಈ ಆವೃತ್ತಿಯಲ್ಲಿ ಭಾಗವಹಿಸಿದ್ದ 9 ತಂಡಗಳಿಗೆ ಸಿಕ್ಕ ಬಹುಮಾನದ ವಿವರ ಹೀಗಿದೆ.

WTC 2025 final: ಸೋಲಿಲ್ಲದ ಸರದಾರರಾಗಿ ಸೋಲಿನ ಶಾಕ್ ನೀಡಿದ ಸೌತ್ ಆಫ್ರಿಕಾ

ಬಹುಮಾನದ ವಿವರ ಹೀಗಿದೆ

• ಮೊದಲ ಸ್ಥಾನ: ದಕ್ಷಿಣ ಆಫ್ರಿಕಾ; ಸುಮಾರು 30 ಕೋಟಿ ರೂ.
• ಎರಡನೇ ಸ್ಥಾನ: ಆಸ್ಟ್ರೇಲಿಯಾ; ಸುಮಾರು 18 ಕೋಟಿ ರೂ.
• ಮೂರನೇ ಸ್ಥಾನ: ಭಾರತ; ಸುಮಾರು 12 ಕೋಟಿ ರೂ.
• ನಾಲ್ಕನೇ ಸ್ಥಾನ: ನ್ಯೂಜಿಲೆಂಡ್; ಸುಮಾರು 10 ಕೋಟಿ ರೂ.
• ಐದನೇ ಸ್ಥಾನ: ಇಂಗ್ಲೆಂಡ್; ಸುಮಾರು 8 ಕೋಟಿ ರೂ.
• ಆರನೇ ಸ್ಥಾನ: ಶ್ರೀಲಂಕಾ; ಸುಮಾರು 7 ಕೋಟಿ ರೂ.
• 7ನೇ ಸ್ಥಾನ: ಬಾಂಗ್ಲಾದೇಶ; ಸುಮಾರು 6 ಕೋಟಿ ರೂ.
• ಎಂಟನೇ ಸ್ಥಾನ: ವೆಸ್ಟ್ ಇಂಡೀಸ್; ಸುಮಾರು 5 ಕೋಟಿ ರೂ.
• 9ನೇ ಸ್ಥಾನ: ಪಾಕಿಸ್ತಾನ; ಸುಮಾರು ಸುಮಾರು 4 ಕೋಟಿ ರೂ.

ಮತ್ತಷ್ಟು ಕ್ರೀಡಾ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 7:46 pm, Sat, 14 June 25