ಪಾಕ್ ಕ್ರಿಕೆಟಿಗನ ಪತ್ನಿಗೆ ಕೊಹ್ಲಿ ನೆಚ್ಚಿನ ಕ್ರಿಕೆಟಿಗನಂತೆ; ಹುಡುಗಿಯರಿಗೆ ಮಾತ್ರವಲ್ಲ ಅಲ್ಲಿನ ಕ್ರಿಕೆಟಿಗರಿಗೂ ಕೊಹ್ಲಿಯೇ ಕಿಂಗ್
ಎಲ್ಲಾ ಸ್ವರೂಪಗಳಲ್ಲಿ ಕೊಹ್ಲಿ ಅತ್ಯುತ್ತಮ ಆಟವಾಡುತ್ತಿದ್ದಾರೆ. ತನ್ನನ್ನು ಇಷ್ಟು ದೊಡ್ಡ ಆಟಗಾರನೊಂದಿಗೆ ಹೋಲಿಸಿದ್ದಕ್ಕಾಗಿ ಹೆಮ್ಮೆಪಡುತ್ತೇನೆ ಎಂದು ಬಾಬರ್ ಹೇಳಿದ್ದಾರೆ.
ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಅವರಿಗೆ ವಿಶ್ವದಾದ್ಯಂತ ಅಭಿಮಾನಿಗಳಿದ್ದಾರೆ. ವಿರಾಟ್ ಈ ಪೀಳಿಗೆಯ ಕ್ರಿಕೆಟ್ ಪ್ರಿಯರ ನೆಚ್ಚಿನ ಆಟಗಾರ ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಆದಾಗ್ಯೂ, ಪಾಕಿಸ್ತಾನದಲ್ಲೂ ಕೂಡ ಕೊಹ್ಲಿಗೆ ಕಟ್ಟಾ ಅಭಿಮಾನಿಗಳಿದ್ದಾರೆ. ನೀವು ಅಲ್ಲಿ ಯಾರನ್ನಾದರೂ ಕೇಳಿದರೆ, ಅವರು ತಮ್ಮ ನೆಚ್ಚಿನ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಎಂದು ಹೇಳುತ್ತಾರೆ. ಒಂದರ್ಥದಲ್ಲಿ ಪಾಕ್ ಹುಡುಗಿಯರ ಕನಸುಗಳ ರಾಜಕುಮಾರನಂತಾಗಿದ್ದಾರೆ ವಿರಾಟ್. ಅಲ್ಲದೆ ಬಹಿರಂಗವಾಗಿ ಕೊಹ್ಲಿ ಮೇಲಿರುವ ಪ್ರೀತಿಯನ್ನು ಪ್ರಸ್ತಾಪಿಸಿದ ಹುಡುಗಿಯರಿದ್ದಾರೆ. ಅದರೆ ಈಗ ಪಾಕ್ ಹೆಸರಾಂತ ಕ್ರಿಕೆಟಿಗನ ಮಡದಿ ನೀಡಿರುವ ಹೇಳಿಕೆ ಎಲ್ಲರ ಆಶ್ಚರ್ಯಕ್ಕೆ ಕಾರಣವಾಗಿದೆ.
ಕ್ಷಣವೂ ಯೋಚಿಸದೆ ವಿರಾಟ್ ಕೊಹ್ಲಿಯ ಹೆಸರು
ಪಾಕಿಸ್ತಾನದ ಇತ್ತೀಚಿನ ವೇಗದ ಬೌಲರ್ ಹಸನ್ ಅಲಿ ಅವರ ಪತ್ನಿ ಶಾಮಿಯಾ ಅರ್ಜು ಕೂಡ ತಮ್ಮ ನೆಚ್ಚಿನ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಎಂದು ಹೇಳಿದ್ದಾರೆ. ಶಾಮಿಯಾ ಇತ್ತೀಚೆಗೆ ಸೋಶಿಯಲ್ ಮೀಡಿಯಾದಲ್ಲಿ ಈ ಮಾತನ್ನು ಹೇಳಿಕೊಂಡಿದ್ದಾರೆ. ಸೋಶಿಯಲ್ ಮೀಡಿಯಾದಲ್ಲಿ ಅಭಿಮಾನಿಗಳು ಕೇಳಿದ ಪ್ರಶ್ನೆಗೆ ಶಾಮಿಯಾ ಈ ರೀತಿಯಾಗಿ ಉತ್ತರಿಸಿದ್ದಾರೆ. ಅಭಿಮಾನಿಗಳು ಶಾಮಿಯಾ ಅವರನ್ನು ನಿಮ್ಮ ನೆಚ್ಚಿನ ಬೌಲರ್ ಯಾರು ಎಂದು ಕೇಳಿದರೆ, ಅದಕ್ಕೆ ನೀವು, ಹಸನ್ ಅಲಿ ಎಂದು ಉತ್ತರಿಸುತ್ತೀರಿ ಎಂಬುದು ನಮಗೆ ತಿಳಿದಿದೆ. ಹೀಗಾಗಿ ನಿಮ್ಮ ನೆಚ್ಚಿನ ಬ್ಯಾಟ್ಸ್‌ಮನ್ ಯಾರೆಂದು ಹೇಳಲು ನೆಟಿಜನ್ ಶಾಮಿಯಾ ಅವರನ್ನು ಕೇಳಿಕೊಂಡರು. ಇದಕ್ಕೆ ಒಂದು ಕ್ಷಣವೂ ಯೋಚಿಸದೆ ವಿರಾಟ್ ಕೊಹ್ಲಿಯ ಹೆಸರನ್ನು ಶಾಮಿಯಾ ಅರ್ಜು ಹೇಳಿದರು.
ಶಾಮಿಯಾ ಅರ್ಜು ಭಾರತೀಯ ಮೂಲದವರಾಗಿದ್ದಾರೆ. ಅವರ ಕುಟುಂಬ ಪ್ರಸ್ತುತ ದೆಹಲಿಯಲ್ಲಿ ವಾಸಿಸುತ್ತಿದೆ. ಎಮಿರೇಟ್ಸ್ ಏರ್ಲೈನ್ಸ್ನಲ್ಲಿ ಫ್ಲೈಟ್ ಎಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದಾಗ ಹಸನ್ ಅಲಿ ಶಾಮಿಯಾ ಅವರನ್ನು ಭೇಟಿಯಾದರು. ಸ್ವಲ್ಪ ಸಮಯದವರೆಗೆ ಸ್ನೇಹಿತರಾಗಿದ್ದ ಇಬ್ಬರು ಆ ನಂತರ ಪ್ರೀತಿಯಲ್ಲಿ ಬಿದ್ದರು. ಹಿರಿಯರಿಗೆ ಮನವರಿಕೆ ಮಾಡಿಕೊಟ್ಟ ಬಳಿಕ ಈ ಜೋಡಿ 2019 ರಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿತ್ತು. ಆ ಸಮಯದಲ್ಲಿ ಈ ಜೋಡಿಗೆ ದುಬೈನಲ್ಲಿ ಸಾನಿಯಾ ಮಿರ್ಜಾ ಮತ್ತು ಶೋಯೆಬ್ ಮಲಿಕ್ ಪಾರ್ಟಿ ನೀಡಿದರು.
ಕೊಹ್ಲಿಯೊಂದಿಗೆ ಹೋಲಿಸಿದ್ದಕ್ಕಾಗಿ ಹೆಮ್ಮೆಪಡುತ್ತೇನೆ
ಇವರ ಜೊತೆಗೆ ಪಾಕಿಸ್ತಾನ ಕ್ರಿಕೆಟ್ ನಾಯಕ ಬಾಬರ್ ಅಜಮ್ ಕೂಡ ವಿರಾಟ್ ಅವರ ಅಭಿಮಾನಿ. ಈಗ ಬಾಬರ್ ಐಸಿಸಿ ಏಕದಿನ ಶ್ರೇಯಾಂಕದಲ್ಲಿ ವಿರಾಟ್ ಅವರನ್ನು ಹಿಂದಿಕ್ಕಿದ್ದಾರೆ. ಜೊತೆಗೆ ಪ್ರಥಮ ಸ್ಥಾನವನ್ನು ತಲುಪಿದ್ದಾರೆ. ಬಾಬರ್ ಸಾರ್ವಕಾಲಿಕ ಶ್ರೇಷ್ಠ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರು. ಕೆಲವರು ಬಾಬರ್ ಅಜಮ್ ಅವರನ್ನು ವಿಶ್ವದ ಅತ್ಯುತ್ತಮ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿಯೊಂದಿಗೆ ಹೋಲಿಸುತ್ತಾರೆ. ಕೊಹ್ಲಿಗೆ ಹೋಲಿಸಿದರೆ ತುಂಬಾ ಹೆಮ್ಮೆ ಎನಿಸುತ್ತದೆ ಎಂದು ಅಜಮ್ ಸಾಕಷ್ಟು ಬಾರಿ ಹೇಳಿಕೊಂಡಿದ್ದಾರೆ. ವಿರಾಟ್ ವಿಶ್ವದ ಶ್ರೇಷ್ಠ ಆಟಗಾರ ಮತ್ತು ಬ್ಯಾಟಿಂಗ್ ಮೂಲಕ ಅನೇಕ ಬಾರಿ ಅದನ್ನು ಈಗಾಗಲೇ ಸಾಬೀತುಪಡಿಸಿದ್ದಾರೆ ಎಂದು ಬಾಬರ್ ಹೇಳಿದ್ದಾರೆ. ಎಲ್ಲಾ ಸ್ವರೂಪಗಳಲ್ಲಿ ಕೊಹ್ಲಿ ಅತ್ಯುತ್ತಮ ಆಟವಾಡುತ್ತಿದ್ದಾರೆ. ತನ್ನನ್ನು ಇಷ್ಟು ದೊಡ್ಡ ಆಟಗಾರನೊಂದಿಗೆ ಹೋಲಿಸಿದ್ದಕ್ಕಾಗಿ ಹೆಮ್ಮೆಪಡುತ್ತೇನೆ ಎಂದು ಬಾಬರ್ ಹೇಳಿದ್ದಾರೆ. ಕೇವಲ ಬಾಬರ್ ಮಾತ್ರವಲ್ಲ ವಿರಾಟ್ ಕೊಹ್ಲಿ ಪಾಕಿಸ್ತಾನ ಕ್ರಿಕೆಟ್ ತಂಡದ ಅನೇಕರಿಗೆ ಸ್ಫೂರ್ತಿಯಾಗಿದ್ದಾರೆ.
ಇದನ್ನೂ ಓದಿ:
ಪಾಕಿಸ್ತಾನ ಸೂಪರ್ ಲೀಗ್: ಅಭ್ಯಾಸದ ವೇಳೆ ಅವಘಡ.. ಆಸೀಸ್ ಆಟಗಾರನಿಗೆ ಇಂಜುರಿ! ತುಟಿಗೆ ಬಿದ್ದವು 7 ಹೊಲಿಗೆ
ಕೊಹ್ಲಿ, ರೋಹಿತ್, ಧೋನಿಯಲ್ಲ.. ಆರ್ಸಿಬಿಯ ಈ ಆಟಗಾರ ವಿಶ್ವದ ಬೆಸ್ಟ್ ಟಿ20 ಕ್ರಿಕೆಟಿಗ: ಸುನಿಲ್ ಗವಾಸ್ಕರ್