ಈ ಆ್ಯಪ್ ಇನ್​ಸ್ಟಾಲ್ ಮಾಡಿದ್ರೆ ನಿಮ್ಮ ಮನೆಗೇ ಎಣ್ಣೆ ಡೆಲಿವರಿ ಮಾಡ್ತಾರೆ

ಇತ್ತೀಚಿನ ದಿನಗಳಲ್ಲಿ ಆನ್‌ಲೈನ್ ಶಾಪಿಂಗ್ ಸಾಕಷ್ಟು ಜನಪ್ರಿಯತೆ ಪಡೆದುಕೊಂಡಿರುವ ಕಾರಣ ಹೆಚ್ಚಿನ ಜನರು ಅದರಲ್ಲೇ ಆರ್ಡರ್ ಮಾಡುತ್ತಾರೆ. ಅದು ಬಟ್ಟೆಗಳನ್ನು ಆರ್ಡರ್ ಮಾಡುವುದು ಇರಬಹುದು ಅಥವಾ ಸ್ಮಾರ್ಟ್​ಫೋನ್, ಇತರೆ ಎಲೆಕ್ಟ್ರಾನಿಕ್ ವಸ್ತು ಆರ್ಡರ್ ಮಾಡುವುದು, ಫುಡ್ ಆರ್ಡರ್ ಮಾಡುವುದು ಹೀಗೆ ಹೆಚ್ಚಿನ ಅಗತ್ಯ ವಸ್ತುಗಳನ್ನು ಆನ್​ಲೈನ್​ನಲ್ಲೇ ಆರ್ಡರ್ ಮಾಡಿ ಪಡೆದುಕೊಳ್ಳುತ್ತಾರೆ. ಆದರೆ ನೀವು ಆನ್‌ಲೈನ್‌ನಲ್ಲಿ ಆರ್ಡರ್ ಮಾಡಲಾಗದ ಒಂದು ವಿಷಯ ಎಂದರೆ ಆಲ್ಕೋಹಾಲ್ (Alcohol). ಇದು ಮದ್ಯದ ಅಂಗಡಿಯಿಂದಲೇ ಖರೀದಿಸಬೇಕಾದ ಏಕೈಕ ವಸ್ತು.

ಆದರೆ, ಇದೀಗ ಆನ್‌ಲೈನ್‌ನಲ್ಲಿ ಎಣ್ಣೆಯನ್ನು ಆರ್ಡರ್ ಮಾಡಬಹುದಾದ ಆಯ್ಕೆ ಒಂದಿದೆ. ಹಾಗಾದರೆ ಆನ್​ಲೈನ್​ನಲ್ಲಿ ಮದ್ಯವನ್ನು ಹೇಗೆ ಆರ್ಡರ್ ಮಾಡಬಹುದು ಎಂಬುದನ್ನು ಇಂದು ನಾವು ನಿಮಗೆ ಹೇಳುತ್ತೇವೆ. ಆದರೆ, ಸದ್ಯಕ್ಕೆ ಈ ಆಯ್ಕೆ ದೆಹಲಿಯಲ್ಲಿ ಮಾತ್ರ ಲಭ್ಯವಿದೆ. ಸದ್ಯದಲ್ಲೇ ಬೆಂಗಳೂರಿಗೂ ಬರಬಹುದು.

ಐಕ್ಯೂ ನಿಯೋ 7 ಪ್ರೊ 5G ಸ್ಮಾರ್ಟ್​ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ: ಇಂದೇ ಖರೀದಿಸಿ

ಇದನ್ನೂ ಓದಿ

ಮೋಟೋರೊಲಾದಿಂದ ಹೊಸ ಸ್ಮಾರ್ಟ್​ಫೋನ್ ಘೋಷಣೆ: ಭಾರತದಲ್ಲಿ ಸೆ. 1 ಕ್ಕೆ ಬಿಡುಗಡೆ

ಬೆಲೆ ಕೇವಲ 999 ರೂ.: ಜಿಯೋ ಭಾರತ್ 4G ಫೋನ್ ಮಾರಾಟ ದಿನಾಂಕ ಪ್ರಕಟ

ಸ್ಯಾಮ್​ಸಂಗ್​ನಿಂದ ಬರುತ್ತಿದೆ ಹೊಸ ಫ್ಯಾನ್ ಎಡಿಷನ್ ಸ್ಮಾರ್ಟ್​ಫೋನ್: ಯಾವುದು?, ಬೆಲೆ ಎಷ್ಟು?

ಐಫೋನ್ 15 ಸರಣಿ ಬಿಡುಗಡೆಗೆ ದಿನಗಣನೆ: ಬೆಲೆ ಸೋರಿಕೆ, ಈ ಬಾರಿ ಏನೆಲ್ಲ ಫೀಚರ್ಸ್ ಇರಲಿದೆ?

ಈ ಹಿಂದೆ ಬಳಕೆದಾರರು ಬಿಗ್ ಬಾಸ್ಕೆಟ್ ಪ್ಲಾಟ್‌ಫಾರ್ಮ್ ಮೂಲಕ ಆನ್‌ಲೈನ್‌ನಲ್ಲಿ ಆಲ್ಕೋಹಾಲ್ ಅನ್ನು ಆರ್ಡರ್ ಮಾಡಬಹುದಿತ್ತು, ಆದರೆ ಈಗ ಆಲ್ಕೋಹಾಲ್ ರಹಿತ ಪಾನೀಯಗಳ ಆಯ್ಕೆ ಮಾತ್ರ ಅದರಲ್ಲಿ ಲಭ್ಯವಿದೆ. ಆದರೆ ಚಿಂತಿಸಬೇಡಿ, ಈ ಪ್ಲಾಟ್‌ಫಾರ್ಮ್ ಮೂಲಕ ನೀವು ಆನ್‌ಲೈನ್‌ನಲ್ಲಿ ಆಲ್ಕೋಹಾಲ್ ಅನ್ನು ಆರ್ಡರ್ ಮಾಡಲು ಸಾಧ್ಯವಾಗುತ್ತದೆ.

ಆನ್‌ಲೈನ್ ಮದ್ಯದ ಅಂಗಡಿ:

ಇದು ಆನ್‌ಲೈನ್ ಆಲ್ಕೋಹಾಲ್ ವಿತರಣಾ ಸೇವೆಯನ್ನು ಒದಗಿಸುವ ಆಲ್ಕೋಹಾಲ್ ಅಂಗಡಿಯಾಗಿದೆ. ಈ ಅಂಗಡಿಯಲ್ಲಿ ನೀವು ವೈನ್, ಬಿಯರ್, ವಿಸ್ಕಿ, ರಮ್, ವೋಡ್ಕಾ ಮತ್ತು ಸಿಗರೇಟ್ ಇತ್ಯಾದಿಗಳನ್ನು ಆರ್ಡರ್ ಮಾಡಬಹುದು.

ಆನ್‌ಲೈನ್‌ನಲ್ಲಿ ಆಲ್ಕೋಹಾಲ್ ಆರ್ಡರ್ ಮಾಡುವುದು ಹೇಗೆ?:

• ಆನ್‌ಲೈನ್‌ನಲ್ಲಿ ಆಲ್ಕೋಹಾಲ್ ಆರ್ಡರ್ ಮಾಡಲು ಮೊದಲಿಗೆ ನೀವು ಗೂಗಲ್​ಗೆ ಹೋಗಿ ಮತ್ತು ಈ ಲಿಂಕ್ ಅನ್ನು ಪೇಸ್ಟ್ ಮಾಡಿ https://onlinealcohol.in/online-alcohol/delhi/
• ನೀವು ಈ ಪುಟಕ್ಕೆ ಭೇಟಿ ನೀಡಿದಾಗ ಅಲ್ಲಿ ನಿಮ್ಮ ವಯಸ್ಸನ್ನು ಹಾಕಬೇಕು
• ನಂತರ ನಿಮ್ಮ ಹೆಸರು, ಇಮೇಲ್ ಐಡಿ ಮತ್ತು ಫೋನ್ ಸಂಖ್ಯೆಯನ್ನು ಬರೆಯಿರಿ ಮತ್ತು ಕಳುಹಿಸು ಆಯ್ಕೆಯನ್ನು ಕ್ಲಿಕ್ ಮಾಡಿ.
• ಈಗ ನಿಮ್ಮ ಸ್ಥಳವನ್ನು ನಮೂದಿಸುವ ಆಯ್ಕೆಯನ್ನು ತೋರಿಸಲಾಗುತ್ತದೆ, ನಿಮ್ಮ ಸ್ಥಳವನ್ನು ಅಲ್ಲಿ ಭರ್ತಿ ಮಾಡಿ.
• ನಂತರ, ಪರದೆಯ ಮೇಲೆ ಕೇಳಲಾಗುವ ವಿವರಗಳನ್ನು ಟೈಪ್ ಮಾಡಿ ಮತ್ತು ನಿಮ್ಮ ನೆಚ್ಚಿನ ಆಲ್ಕೋಹಾಲ್ ಅನ್ನು ಆರಿಸಿ ಆರ್ಡರ್ ಮಾಡಿ.

ಮೊಬೈಲ್ ಅಪ್ಲಿಕೇಶನ್ ಅಥವಾ ಆನ್‌ಲೈನ್ ವೆಬ್ ಪೋರ್ಟಲ್ ಮೂಲಕ ಆರ್ಡರ್ ಬಂದಾಗ ಮಾತ್ರ L-13 ಪರವಾನಗಿ ಹೊಂದಿರುವವರು ಮದ್ಯದನ್ನು ಮನೆಗೆ ವಿತರಣೆಯನ್ನು ಮಾಡುತ್ತಾರೆ. ಇದನ್ನು ಹೊರತುಪಡಿಸಿ, ಯಾವುದೇ ಸ್ಟೂಡೆಂಟ್ ಹಾಸ್ಟೆಲ್, ಕಚೇರಿ ಮತ್ತು ಸಂಸ್ಥೆಗೆ ವಿತರಣೆಯನ್ನು ಮಾಡಲಾಗುವುದಿಲ್ಲ.

ಗಮನಿಸಿ: ಈ ಮಾಹಿತಿಯನ್ನು ಅಂಗಡಿಯ ಪೇಜ್​ನಲ್ಲಿರುವ ಪ್ರಕಾರ ನೀಡಲಾಗಿದೆ, ದಯವಿಟ್ಟು ಆರ್ಡರ್ ಮಾಡುವ ಮೊದಲು ಒಮ್ಮೆ ಪರಿಶೀಲಿಸಿ. ಯಾವುದೇ ಅಮಲು ಪದಾರ್ಥಗಳನ್ನು ಸೇವಿಸುವುದು ಅಥವಾ ಯಾವುದೇ ರೀತಿಯ ಮದ್ಯವನ್ನು ಸೇವಿಸುವುದು ಆರೋಗ್ಯಕ್ಕೆ ಹಾನಿಕರ.

ಹೆಚ್ಚಿನ ಟೆಕ್ ಸ್ಟೋರಿ ಓದಲು ಇಲ್ಲಿ ಕ್ಲಿಕ್ ಮಾಡಿ