ನೀವು ಈ ಅಪ್ಲಿಕೇಷನ್​ಗಳನ್ನು ಬಳಸುತ್ತಿದ್ದರೆ ಕೂಡಲೇ ಡಿಲೀಟ್ ಮಾಡಿ; ಮಾಹಿತಿ ಸೋರಿಕೆಯಿಂದ ಪಾರಾಗಿ!

ನೀವು ಆಂಡ್ರಾಯ್ಡ್ ಮೊಬೈಲ್ ಫೋನ್ ಬಳಕೆದಾರರಾಗಿದ್ದರೆ ನೀವು ಗಮನಹರಿಸಬೇಕಾದ ವಿಚಾರವೊಂದು ಇಲ್ಲಿದೆ. ಆಂಡ್ರಾಯ್ಡ್ ಮೊಬೈಲ್​ನಲ್ಲಿ ಇನ್​ಸ್ಟಾಲ್ ಆಗಿರುವ 2 ಡಜನ್​ಗೂ ಹೆಚ್ಚು ಅಪ್ಲಿಕೇಷನ್​ಗಳು ಬಳಕೆದಾರರ ಮಾಹಿತಿಯನ್ನು (ಡಾಟಾ) ಸೋರಿಕೆ ಮಾಡಿವೆ ಎಂಬ ಮಾಹಿತಿ ಲಭ್ಯವಾಗಿದೆ. ಸುಮಾರು 100 ಮಿಲಿಯನ್ ಬಳಕೆದಾರರ ಡಾಟಾ ಹೀಗೆ ಲೀಕ್ ಆಗಿರುವ ಸಾಧ್ಯತೆ ಅಂದಾಜಿಸಲಾಗಿದೆ. ಸಂಶೋಧಕರು ಇಂತಹ ಅಪ್ಲಿಕೇಷನ್​ಗಳ ಪಟ್ಟಿಯನ್ನು ಬಿಡುಗಡೆಗೊಳಿಸಿದ್ದಾರೆ. ಕೆಲವು ಅಪ್ಲಿಕೇಷನ್​ಗಳು ಬಹಳ ಖ್ಯಾತವಾಗಿದ್ದು, ಇನ್​ಸ್ಟಾಲ್ ಮಾಡಿಕೊಂಡವರ ಸಂಖ್ಯೆಯೂ ಹೆಚ್ಚಾಗಿದೆ.

ಆ ಪಟ್ಟಿಯಲ್ಲಿರುವ ಅಪ್ಲಿಕೇಷನ್​ಗಳನ್ನು ಹೊಂದಿರುವ ಮೊಬೈಲ್ ಫೋನ್​ಗಳಿಂದ ಖಾಸಗಿ ಮಾಹಿತಿಯನ್ನು ಕೂಡ ಕದ್ದಿರುವ ಶಂಕೆ ಇದೆ. ಸ್ಮಾರ್ಟ್ ಫೋನ್ ಅಥವಾ ಟ್ಯಾಬ್ಲೆಟ್ ಎರಡರಲ್ಲೂ ಹೀಗಾಗಿರುವ ಸಾಧ್ಯತೆ ಇದೆ. ಜ್ಯೋತಿಷ್ಯ, ಫ್ಯಾಕ್ಸ್, ಟ್ಯಾಕ್ಸಿ ಸರ್ವೀಸಸ್ ಹಾಗೂ ಸ್ಕ್ರೀನ್ ರೆಕಾರ್ಡಿಂಗ್ ಸಂಬಂಧಪಟ್ಟ ಅಪ್ಲಿಕೇಷನ್​ಗಳಲ್ಲಿ ಹೀಗೆ ಖಾಸಗಿ ಮಾಹಿತಿ ಲೀಕ್ ಆಗಿರುವ ಸಾಧ್ಯತೆ ಇದೆ. ಇದರಲ್ಲಿ ಆಸ್ಟ್ರೋ ಗುರು (ಖ್ಯಾತ ಜ್ಯೋತಿಷ್ಯ ಅಪ್ಲಿಕೇಷಷನ್), ಟಿಲೆವಾ (ಟ್ಯಾಕ್ಸಿ ಅಪ್ಲಿಕೇಷನ್) ಹಾಗೂ ಲೋಗೊ ಡಿಸೈನ್ ಆಪ್ ಆದ ಲೋಗೊ ಮೇಕರ್. ಈ ಅಪ್ಲಿಕೇಷನ್​ಗಳು ಬಳಕೆದಾರರ ಖಾಸಗಿ ಮಾಹಿತಿ ಪಡೆದಿರುವ ಸಾಧ್ಯತೆ ಇದೆ. ಬಳಕೆದಾರರ ಇಮೈಲ್, ಪಾಸ್​ವರ್ಡ್, ಹೆಸರು, ಹುಟ್ಟಿದ ದಿನಾಂಕ, ಲಿಂಗ, ಖಾಸಗಿ ಚಾಟ್, ಲೊಕೇಷನ್ ಮಾಹಿತಿ ಇತ್ಯಾದಿಗಳನ್ನು ಅಪ್ಲಿಕೇಷನ್​ಗಳು ಪಡೆದುಕೊಂಡಿರುತ್ತವೆ.

ಈ ಅಪ್ಲಿಕೇಷನ್​ಗಳು ರಿಯಲ್ ಟೈಮ್ ಮಾಹಿತಿಯನ್ನು ಪಡೆದುಕೊಳ್ಳುತ್ತದೆ ಎಂದು ಹೇಳಲಾಗಿದೆ. ಅಂದರೆ ಆಯಾ ಅಪ್ಲಿಕೇಷನ್​ಗಳು ತಮ್ಮ ಕ್ಲೈಂಟ್​ಗಳಿಗೆ ರಿಯಲ್ ಟೈಮ್​ನಲ್ಲಿ ಬಳಕೆದಾರರ ಮಾಹಿತಿ ಒದಗಿಸುತ್ತದೆ. ಹಲವು ಬಾರಿ ಅಪ್ಲಿಕೇಷನ್ ಡೆವೆಲಪರ್ಸ್ ಮಾಹಿತಿಯ ಸುರಕ್ಷತೆಯ ಬಗ್ಗೆ ಗಮನ ಹರಿಸಿರುವುದಿಲ್ಲ. ಅಂತಹ ಸಂದರ್ಭ ಸೇವೆಯಲ್ಲಿ ವ್ಯತ್ಯಾಸ, ವೈರಸ್ ಅಟ್ಯಾಕ್ ಆಗುವ ಸಾಧ್ಯತೆಯೂ ಇರುತ್ತದೆ.

ಒಂದು ಕ್ಲಿಕ್​ನಿಂದ ಹಲವು ಮಾಹಿತಿ ಸೋರಿಕೆಯಾಗಬಹುದು
ಮಾಹಿತಿಯನ್ನು ಸಂಗ್ರಹಿಸಿ ನೀಡುವುದು ಒಂದು ವಿಧ. ಆದರೆ ಕೆಲವೆಡೆ ರಿಯಲ್ ಟೈಮ್ ಮಾಹಿತಿ ಸೋರಿಕೆಯೂ ಆಗುತ್ತಿದೆ. ಅಂದರೆ, ಚಾಟ್ ಸಂದೇಶಗಳು, ಹ್ಯಾಕಿಂಗ್ ಅವಕಾಶವೂ ಇರುತ್ತದೆ. ಟಿಲೆವಾ ಅಪ್ಲಿಕೇಷನ್​ನಿಂದ ಬಳಕೆದಾರರ ಪೂರ್ಣ ಹೆಸರು, ಮೊಬೈಲ್ ಸಂಖ್ಯೆ ಹಾಗೂ ಲೊಕೇಷನ್ ಮಾಹಿತಿ ಪಡೆಯಲು ಸಂಶೋಧಕರಿಗೆ ಸಾಧ್ಯವಾಗಿದೆ. ಅಂದರೆ, ಬಳಕೆದಾರರ ಸುರಕ್ಷತೆ ದೃಷ್ಟಿಯಿಂದ ಈ ಅಪ್ಲಿಕೇಷನ್​ಗಳು ಎಷ್ಟು ವೀಕ್ ಆಗಿವೆ ಎಂದು ನಾವು ಅಂದಾಜಿಸಬಹುದು. ನಾವು ಇಂತಹ ಅಪ್ಲಿಕೇಷನ್ ಡೌನ್​ಲೋಡ್ ಮಾಡಿಕೊಂಡು, ಅವಕಾಶ ಅಥವಾ ಅವುಗಳು ಕೇಳುವ ಎಲ್ಲಾ ವಿಚಾರಕ್ಕೂ ಒಂದು ಕ್ಲಿಕ್ ಮೂಲಕ ಪರ್ಮಿಷನ್ ನೀಡಿದರೆ ಸಾಕು, ಡಾಟಾ ಸೋರಿಕೆ ಸುಲಭವಾಗಲಿದೆ.

ಅಂತಹ ಅಪ್ಲಿಕೇಷನ್​ಗಳನ್ನು ಡಿಲೀಟ್ ಮಾಡಿ
ಈ ಅಪ್ಲಿಕೇಷನ್​ಗಳ ಮತ್ತೊಂದು ಸಮಸ್ಯೆ ಏನೆಂದರೆ, ಇವುಗಳು ಹ್ಯಾಕರ್​ಗಳಿಗೆ ಪುಶ್ ನೋಟಿಫಿಕೇಷನ್ ಕೊಡಲು ಅನುವು ಮಾಡಿಕೊಡುತ್ತವೆ. ಅಂದರೆ, ಬಳಕೆದಾರರು ಈ ಆ್ಯಪ್​ಗಳ ಮೂಲಕ ನೋಟಿಫಿಕೇಷನ್ ಪಡೆಯುತ್ತಾರೆ. ಆದರೆ, ಅವುಗಳನ್ನು ಆ ಆ್ಯಪ್​ಗಳು ಕಳಿಸಿರುವುದಿಲ್ಲ. ಬದಲಾಗಿ, ಹ್ಯಾಕರ್​ಗಳು ಕಳಿಸಿರುತ್ತಾರೆ. ಬಳಕೆದಾರರು ತಿಳಿಯದೆ ಅವುಗಳನ್ನು ತೆರೆಯುತ್ತಾರೆ. ಅದನ್ನು ಬಳಕೆದಾರರು ತಿಳಿಯದೆ ಮತ್ತಷ್ಟು ಜನರಿಗೆ ಹಂಚಿಕೆ ಮಾಡುವ ಸಾಧ್ಯತೆ ಇರುತ್ತದೆ. ಅದರಿಂದ ಅವರ ಮೊಬೈಲ್​ಗೆ ಹಾನಿ ಉಂಟಾಗಬಹುದು. ಹಾಗಾಗಿ, ಈ ರೀತಿಯ ಅಪ್ಲಿಕೇಷನ್​ಗಳು ನಿಮ್ಮ ಫೋನ್​ನಲ್ಲಿ ಇದ್ದರೆ ಅವುಗಳನ್ನು ಡಿಲೀಟ್ ಮಾಡುವುದು ಸೂಕ್ತ.

ಇದನ್ನೂ ಓದಿ: Android Smart Phones: ಆಂಡ್ರಾಯಿಡ್ ಸ್ಮಾರ್ಟ್​ಫೋನ್ ಬಳಕೆದಾರರು ತಪ್ಪಿಸಬೇಕಾದ 15 ತಪ್ಪುಗಳಿವು

Mobile data plan: 100 ರೂಪಾಯಿಯೊಳಗೆ ಅನ್​ಲಿಮಿಟೆಡ್ ಮೊಬೈಲ್ ಇಂಟರ್​ನೆಟ್ ಸಿಗುವ ಪ್ಲಾನ್​ಗಳಿವು