Second Hand Phone: ಇಂದಿನ ದಿನಗಳಲ್ಲಿ ಸೆಕೆಂಡ್ ಹ್ಯಾಂಡ್ ಫೋನ್ ಖರೀದಿಸುವುದು ಸುರಕ್ಷಿತವೇ?: ಇಲ್ಲಿ ತಿಳಿದುಕೊಳ್ಳಿ
ಸೆಕೆಂಡ್ ಹ್ಯಾಂಡ್ ಸ್ಮಾರ್ಟ್ಫೋನ್ನೊಂದಿಗೆ ನಿಮಗೆ ಯಾವುದೇ ಖಾತರಿ ಅಥವಾ ಸೇವೆ ಸಿಗುವುದಿಲ್ಲ. ಫೋನ್ನಲ್ಲಿ ಸಮಸ್ಯೆ ಇದ್ದರೆ, ಅದನ್ನು ನೀವೇ ಸರಿಪಡಿಸಲು ಹಣ ಖರ್ಚು ಮಾಡಬೇಕಾಗುತ್ತದೆ. ಹೊಸ ಫೋನ್ ಖರೀದಿಸುವಾಗ, ನೀವು ಕಂಪನಿಯ ಗ್ಯಾರಂಟಿ ಮತ್ತು ಸೇವೆಯನ್ನು ಪಡೆಯುತ್ತೀರಿ. ಇದು ಸೆಕೆಂಡ್ ಹ್ಯಾಂಡ್ ಫೋನ್ಗಳಲ್ಲಿ ಲಭ್ಯ ಇರುವುದಿಲ್ಲ.
Updated on: May 16, 2025 | 4:17 PM
ಬೆಂಗಳೂರು (ಮೇ. 16): ಸಾಮಾನ್ಯವಾಗಿ ಹೊಸ ಸ್ಮಾರ್ಟ್ಫೋನ್ (Smartphone) ಖರೀದಿಸಲು ಕೆಲವರಲ್ಲಿ ಬಜೆಟ್ ಇರುವುದಿಲ್ಲ. ಸ್ಮಾರ್ಟ್ಫೋನ್ಗಳ ಬೆಲೆ ಏರಿಕೆಯಿಂದಾಗಿ, ಜನರು ಸೆಕೆಂಡ್ ಹ್ಯಾಂಡ್ ಸ್ಮಾರ್ಟ್ಫೋನ್ಗಳನ್ನು ಖರೀದಿಸುವ ಬಗ್ಗೆ ಯೋಚಿಸುತ್ತಿದ್ದಾರೆ. ಇದು ಅಗ್ಗದ ಆಯ್ಕೆಯಾಗಿದೆ. ಹೀಗಾಗಿ ಸೆಕೆಂಡ್ ಹ್ಯಾಂಡ್ ಮೊಬೈಲ್ ಮೊರೆಹೋಗುತ್ತಾರೆ. ಆದರೆ, ಇದು ಕೆಲವು ಅನಾನುಕೂಲಗಳನ್ನು ಸಹ ಹೊಂದಿರಬಹುದು. ನೀವು ಸೆಕೆಂಡ್ ಹ್ಯಾಂಡ್ ಸ್ಮಾರ್ಟ್ಫೋನ್ ಖರೀದಿಸುವ ಬಗ್ಗೆ ಯೋಚಿಸುತ್ತಿದ್ದರೆ, ಈ ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳುವುದು ಮುಖ್ಯ.
ಸೆಕೆಂಡ್ ಹ್ಯಾಂಡ್ ಸ್ಮಾರ್ಟ್ಫೋನ್ನೊಂದಿಗೆ ನಿಮಗೆ ಯಾವುದೇ ಖಾತರಿ ಅಥವಾ ಸೇವೆ ಸಿಗುವುದಿಲ್ಲ. ಫೋನ್ನಲ್ಲಿ ಸಮಸ್ಯೆ ಇದ್ದರೆ, ಅದನ್ನು ನೀವೇ ಸರಿಪಡಿಸಲು ಹಣ ಖರ್ಚು ಮಾಡಬೇಕಾಗುತ್ತದೆ. ಹೊಸ ಫೋನ್ ಖರೀದಿಸುವಾಗ, ನೀವು ಕಂಪನಿಯ ಗ್ಯಾರಂಟಿ ಮತ್ತು ಸೇವೆಯನ್ನು ಪಡೆಯುತ್ತೀರಿ. ಇದು ಸೆಕೆಂಡ್ ಹ್ಯಾಂಡ್ ಫೋನ್ಗಳಲ್ಲಿ ಲಭ್ಯ ಇರುವುದಿಲ್ಲ.
ಹಳೆಯ ಸ್ಮಾರ್ಟ್ಫೋನ್ಗಳು ಕಡಿಮೆ ಬ್ಯಾಟರಿ ಸಾಮರ್ಥ್ಯವನ್ನು ಹೊಂದಿರಬಹುದು, ಇದರಿಂದಾಗಿ ಬ್ಯಾಟರಿ ಬೇಗನೆ ಖಾಲಿಯಾಗುತ್ತದೆ. ಹಳೆಯ ಫೋನ್ನ ಪ್ರೊಸೆಸರ್ ಮತ್ತು ಕ್ಯಾಮೆರಾ ಕಾರ್ಯಕ್ಷಮತೆಯು ಹೊಸ ಸ್ಮಾರ್ಟ್ಫೋನ್ಗಿಂತ ಕಡಿಮೆಯಿರಬಹುದು.
ಹಳೆಯ ಫೋನ್ಗಳಲ್ಲಿ ಸಾಫ್ಟ್ವೇರ್ ಅಪ್ಡೇಟ್ಗಳು ಲಭ್ಯವಿರುವುದಿಲ್ಲ. ಇದರಿಂದಾಗಿ ನೀವು ಹೊಸ ವೈಶಿಷ್ಟ್ಯಗಳು ಮತ್ತು ಭದ್ರತಾ ಪ್ಯಾಚ್ಗಳ ಪ್ರಯೋಜನವನ್ನು ಪಡೆಯುವುದಿಲ್ಲ. ಹೀಗಿರುವಾಗ ಫೋನ್ ಕ್ರಮೇಣ ನಿಧಾನವಾಗಬಹುದು ಮತ್ತು ನಿಮ್ಮ ಡೇಟಾ ಸುರಕ್ಷಿತವಾಗಿಲ್ಲದಿರಬಹುದು.
ಸೆಕೆಂಡ್ ಹ್ಯಾಂಡ್ ಫೋನ್ಗಳಲ್ಲಿ ಗೀರುಗಳು, ಡೆಂಟ್ಗಳು ಮತ್ತು ಇತರ ಸಮಸ್ಯೆಗಳು ಇರಬಹುದು. ಈ ವಿಷಯಗಳನ್ನು ಒಂದೇ ಸಮಯದಲ್ಲಿ ಕಂಡುಹಿಡಿಯಲಾಗುವುದಿಲ್ಲ. ಅದನ್ನು ಬಳಸಿದ ನಂತರವೇ ಕಂಡುಹಿಡಿಯಬೇಕು. ಇದರಿಂದಾಗಿ ನೀವು ಅದನ್ನು ಖರೀದಿಸಿದ ನಂತರ ಸಮಸ್ಯೆಗಳನ್ನು ಎದುರಿಸಬಹುದು.
ನೀವು ಸೆಕೆಂಡ್ ಹ್ಯಾಂಡ್ ಫೋನ್ ಖರೀದಿಸಲು ಬಯಸಿದರೆ, ಫೋನ್ನ ಸ್ಕ್ರೀನ್, ಬ್ಯಾಕ್ ಪ್ಯಾನಲ್ ಮತ್ತು ಇತರ ಭಾಗಗಳನ್ನು ಎಚ್ಚರಿಕೆಯಿಂದ ಪರಿಶೀಲಿಸಿ. ಫೋನ್ಗೆ ಏನಾದರೂ ದೊಡ್ಡ ಹಾನಿಯಾಗಿದ್ದರೆ, ಆ ಫೋನ್ ಖರೀದಿಸುವುದನ್ನು ತಪ್ಪಿಸಿ. ಬ್ಯಾಟರಿ ಸ್ಥಿತಿಯನ್ನು ಪರಿಶೀಲಿಸಿ. ಬ್ಯಾಟರಿ ಬೇಗನೆ ಖಾಲಿಯಾದರೆ, ಆ ಬ್ಯಾಟರಿಯನ್ನು ಬದಲಾಯಿಸಬೇಕಾಗಬಹುದು.
Tech Tips: ಗೂಗಲ್ ಮ್ಯಾಪ್ನಲ್ಲಿನ ವಿವಿಧ ಬಣ್ಣದ ಗೆರೆಗಳು ಏನನ್ನು ಸೂಚಿಸುತ್ತವೆ ಗೊತ್ತೇ?: ಇಲ್ಲಿದೆ ನೋಡಿ ಮಾಹಿತಿ
ಹೆಚ್ಚುವರಿಯಾಗಿ, ಫೋನ್ನಲ್ಲಿ ಇತ್ತೀಚಿನ ಸಾಫ್ಟ್ವೇರ್ ಇದೆಯೇ ಮತ್ತು ಎಲ್ಲಾ ವೈಶಿಷ್ಟ್ಯಗಳು ಕಾರ್ಯನಿರ್ವಹಿಸುತ್ತಿವೆಯೇ ಎಂದು ಪರಿಶೀಲಿಸಿ. ಫೋನ್ನ IMEI ಸಂಖ್ಯೆಯನ್ನು ಪರಿಶೀಲಿಸಿ ಮತ್ತು ಅದರ ಕಾನೂನು ಸ್ಥಿತಿಯನ್ನು ಸಹ ಪರಿಶೀಲಿಸಿ. ವಿಶ್ವಾಸಾರ್ಹ ವ್ಯಕ್ತಿಗಳಿಂದ ಮಾತ್ರ ಸೆಕೆಂಡ್ ಹ್ಯಾಂಡ್ ಸ್ಮಾರ್ಟ್ಫೋನ್ಗಳನ್ನು ಖರೀದಿಸಿ. ಆನ್ಲೈನ್ ಅಥವಾ ಆಫ್ಲೈನ್ ಅಂಗಡಿಯಿಂದ ಫೋನ್ ಖರೀದಿಸುವಾಗ, ಅಂಗಡಿಯ ರೇಟಿಂಗ್ಗಳು ಮತ್ತು ವಿಮರ್ಶೆಗಳನ್ನು ಓದಿ.
ಐಎಂಇಐ ನಂಬರ್ ಪರಿಶೀಲಿಸುವುದು ಮುಖ್ಯ:
ಬೇರೆಯವರು ಬಳಸಿದ ಫೋನನ್ನು ನೀವು ಖರೀದಿಸಿ ಉಪಯೋಗಿಸಲು ಮುಂದಾಗಿದ್ದರೆ ಮೊದಲು ಅದರ ಐಎಂಇಐ ನಂಬರ್ ಪರಿಶೀಲಿಸುವುದು ಮುಖ್ಯ. ಅ ಮೊಬೈಲ್ ಕಳುವಾಗಿಲ್ಲವೆಂಬುದನ್ನು ಖಚಿತಪಡಿಸಿಕೊಳ್ಳಲು ಇದು ಅಗತ್ಯ. ಸರ್ಕಾರದ ಡಾಟಾಬೇಸ್ನಲ್ಲಿ ಮೊಬೈಲ್ನ ಐಎಂಇಐ ನಂಬರ್ ಅನ್ನು ಹಾಕಿ ಪರಿಶೀಲಿಸಬಹುದು. ಕಳುವಾಗಿದ್ದಾಗಿದ್ದರೆ ಅದರ ಮಾಹಿತಿ ತಿಳಿಯುತ್ತದೆ.
ನಿಮ್ಮ ಮೊಬೈಲ್ನ ಐಎಂಇಐ ನಂಬರ್ ಅನ್ನು ನೋಡಲು ಹಲವು ಮಾರ್ಗಗಳಿವೆ. ಎರಡು ಸಿಮ್ಗಳಿರುವ ಮೊಬೈಲ್ಗಳಿಗೆ ಎರಡು ಐಎಂಇಐ ಸಂಖ್ಯೆಗಳಿರುತ್ತವೆ. ಫೋನ್ನ ಸೆಟಿಂಗ್ಸ್ಗೆ ಹೋಗಿ ಎಬೌಟ್ ಫೋನ್ ಅನ್ನು ಒತ್ತಿದರೆ ಐಎಂಇಐ ನಂಬರ್ ಸಿಗುತ್ತದೆ. ನಿಮ್ಮ ಮೊಬೈಲ್ನ ಡಯಲ್ ಕೀಪ್ಯಾಡ್ನಲ್ಲಿ *#06# ಅನ್ನು ಡಬಲ್ ಮಾಡಿದರೆ ಐಎಂಇಐ ನಂಬರ್ ಪ್ರತ್ಯಕ್ಷವಾಗುತ್ತದೆ.
ಸಿಇಐಆರ್ ವೆಬ್ಸೈಟ್ ಮೂಲಕವೂ ನೀವು ಐಎಂಇಐ ನಂಬರ್ ಪರಿಶೀಲಿಸಬಹುದು. www.ceir.gov.in ವೆಬ್ಸೈಟ್ಗೆ ಹೋಗಿ ನೋ ಯುವರ್ ಮೊಬೈಲ್ (KYM) ಬಾಕ್ಸ್ನಲ್ಲಿರುವ ಮೂರು ಆಯ್ಕೆಗಳಲ್ಲಿ ವೆಬ್ ಪೋರ್ಟಲ್ ಅನ್ನು ಅರಿಸಿ ಕ್ಲಿಕ್ ಮಾಡಿ. ಅಲ್ಲಿ ನಿಮ್ಮ ಮೊಬೈಲ್ ನಂಬರ್ ಹಾಕಿ, ಬರುವ ಒಟಿಪಿಯನ್ನು ನಮೂದಿಸಿ. ಬಳಿಕ ಐಎಂಇಐ ನಂಬರ್ ಅನ್ನು ನಮೂದಿಸಿ ಎಂಟರ್ ಕೊಡಿ. ಆಗ ಐಎಂಇಐ ಸ್ಟೇಟಸ್ ವರದಿ ಬರುತ್ತದೆ.
ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
