ಅಬ್ಬಬ್ಬಾ… ಬರೋಬ್ಬರಿ 7 ಲಕ್ಷ ರೂ. ದಾಖಲೆ ಮೊತ್ತಕ್ಕೆ ಸೇಲ್ ಆದ ಅಂಡರ್ವೇರ್; ಇದರ ವಿಶೇಷತೆ ಏನು ಗೊತ್ತಾ?
ಕೆಲವೊಂದು ಪುರಾತಣ ಹಾಗೂ ವಿಶೇಷ ವಸ್ತುಗಳಿಗೆ ಬೆಲೆ ಜಾಸ್ತಿ. ಕೆಲವರಂತೂ ಲಕ್ಷ-ಲಕ್ಷ, ಕೋಟಿಗಟ್ಟಲೆ ಹಣ ಸುರಿದು ಬೇಕಾದರೂ ಹರಾಜಿನಲ್ಲಿ ಇಂತಹ ವಿಶೇಷ ವಸ್ತುಗಳನ್ನು ಖರೀದಿ ಮಾಡ್ತಾರೆ. ಹೀಗೆ ಹರಾಜಿನಲ್ಲಿ ಹಸು, ನಿಂಬೆ ಹಣ್ಣು, ಮದ್ಯ ದುಬಾರಿ ಮೊತ್ತಕ್ಕೆ ಮಾರಾಟವಾದಂತಹ ಸುದ್ದಿಗಳನ್ನು ಕೇಳಿರುತ್ತೀರಿ ಅಲ್ವಾ. ಅದೇ ರೀತಿ ಇಲ್ಲೊಂದು ಅಂಡರ್ವೇರ್ ಬರೋಬ್ಬರಿ 7 ಲಕ್ಷ ರೂ. ದಾಖಲೆ ಬೆಲೆಗೆ ಸೇಲ್ ಆಗಿದೆ. ಅಷ್ಟಕ್ಕೂ ದುಬಾರಿ ಬೆಲೆಗೆ ಹರಾಜಾದ ಈ ಒಳಉಡುಪಿನ ವಿಶೇಷತೆ ಏನು ಎಂಬುದನ್ನು ನೋಡೋಣ ಬನ್ನಿ…
Updated on: Mar 05, 2025 | 5:25 PM
ಕೆಲವೊಂದು ಪುರಾತಣ ಹಾಗೂ ವಿಶೇಷ ವಸ್ತುಗಳನ್ನು ಹರಾಜಿನಲ್ಲಿ (Auction) ಮಾರಾಟ ಮಾಡಲಾಗುತ್ತದೆ. ಐತಿಹಾಸಿಕ ಹಿನ್ನೆಲೆಯಿರುವ ವಸ್ತುಗಳು, ಸೆಲೆಬ್ರಿಟಿಗಳ ಉಡುಪುಗಳು, ಅವರು ಬಳಸಿದಂತಹ ವಸ್ತುಗಳು, ಹಸು, ಎಮ್ಮೆ ಸೇರಿದಂತೆ ಕೆಲವೊಂದು ವಿಶೇಷ ತಳಿಯ ಪ್ರಾಣಿಗಳನ್ನು ಸಹ ಹರಾಜಿನಲ್ಲಿ ಮಾರಾಟ ಮಾಡಲಾಗುತ್ತದೆ. ಇನ್ನೂ ಲಕ್ಷ-ಲಕ್ಷ, ಕೋಟಿಗಟ್ಟಲೆ ಹಣ ಸುರಿದು ಇಂತಹ ವಸ್ತುಗಳನ್ನು ಖರೀದಿ ಮಾಡುವವರೂ ಇದ್ದಾರೆ. ಅದೇ ರೀತಿ ಇದೀಗ ಇಲ್ಲೊಂದು ಹರಾಜಿನಲ್ಲಿ ಅಂಡರ್ವೇರ್ ಬರೋಬ್ಬರಿ 7 ಲಕ್ಷ ರೂ. ದಾಖಲೆ ಬೆಲೆಗೆ ಸೇಲ್ ಆಗಿದೆ. ಅಷ್ಟಕ್ಕೂ ದುಬಾರಿ ಬೆಲೆಗೆ ಹರಾಜಾದ ಈ ಒಳಉಡುಪಿನ ವಿಶೇಷತೆ ಏನು ಎಂಬುದನ್ನು ನೋಡೋಣ ಬನ್ನಿ…
ದುಬಾರಿ ಮೊತ್ತಕ್ಕೆ ಹರಾಜಾದ ಈ ಒಳ ಉಡುಪಿನ ವಿಶೇಷತೆ ಏನು?
ಅಮೆರಿಕದಲ್ಲಿ ನಡೆದ ಹರಾಜಿನಲ್ಲಿ ಬರೋಬ್ಬರಿ 7 ಲಕ್ಷ ರೂ. ದಾಖಲೆ ಮೊತ್ತಕ್ಕೆ ಅಂಡರ್ವೇರ್ ಸೇಲ್ ಆಗಿದೆ. ಇಲ್ಲಿ ನಡೆದ ವಿಶಿಷ್ಟ ಹರಾಜಿನಲ್ಲಿ, ಮಾಜಿ ಅಧ್ಯಕ್ಷ ಜಾನ್ ಎಫ್. ಕೆನಡಿ (ಜೆಎಫ್ಕೆ) ಧರಿಸಿದ್ದ ಒಳ ಉಡುಪು 7.5 ಲಕ್ಷ ರೂ.ಗೆ ಮಾರಾಟವಾಗಿದೆ. 1940 ರ ದಶಕದ ಈ ಒಳ ಉಡುಪುಗಳ ಮೇಲೆ ‘Jack’ ಎಂಬ ಕಸೂತಿ ಮಾಡಲಾಗಿತ್ತು. ಹೆಚ್ಚಿನ ಬಿಡ್ನಿಂದಾಗಿ ಈ ಹರಾಜು ಚರ್ಚೆಯ ವಿಷಯವಾಗಿತ್ತು. ಕೊನೆಗೆ ಇದು $9,100 ಡಾಲರ್ ಅಂದ್ರೆ ಸುಮಾರು ರೂ. 7.5 ಲಕ್ಷ ರೂ. ಗೆ ಮಾರಾಟವಾಗಿದೆ. ಅಷ್ಟೇ ಅಲ್ಲದೆ ಈ ಹರಾಜಿನಲ್ಲಿ ಫೇಸ್ಬುಕ್ ಸಹ-ಸಂಸ್ಥಾಪಕ ಮಾರ್ಕ್ ಜುಕರ್ಬರ್ಗ್ಗೆ ಸೇರಿದ ಹೂಡಿ ಮತ್ತು ಆಪಲ್ ಸಹ-ಸಂಸ್ಥಾಪಕ ಸ್ಟೀವ್ ಜಾಬ್ಸ್ ಅವರ ಬೋ ಟೈಯನ್ನು ಕೂಡಾ ಹರಾಜಿನಲ್ಲಿ ಇಡಲಾಗಿತ್ತು. ಇನ್ನೂ ಮಾರ್ಕ್ ಜುಕರ್ಬರ್ಗ್ ಹೂಡಿ ಬಟ್ಟೆ $15,875 (ಸುಮಾರು 13 ಲಕ್ಷ ರೂ.) ಗೆ ಮಾರಾಟವಾಯಿತು. ಈ ವಿಶಿಷ್ಟ ಹರಾಜಿನ ಸುದ್ದಿ ಇದೀಗ ಎಲ್ಲೆಡೆ ವೈರಲ್ ಆಗುತ್ತಿದೆ.
ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
