Guinness World Record: 3 ರುಬಿಕ್ಸ್​​ ಕ್ಯೂಬ್​ಗಳೊಂದಿಗೆ ಕಸರತ್ತು ಮಾಡುತ್ತಲೇ ಅವನ್ನು ಜೋಡಿಸಿ ವಿಶ್ವದಾಖಲೆ ಬರೆದ ಯುವಕ; ಈ ವಿಡಿಯೋ ಮಿಸ್ ಮಾಡಲೇಬೇಡಿ

ರುಬಿಕ್ಸ್​ ಕ್ಯೂಬ್​ಗಳನ್ನು ಜೋಡಿಸುವುದು ಒಂದು ಆಟವೂ ಹೌದು, ಕಲೆಯೂ ಹೌದು. ಪ್ರತಿಭಾವಂತರು ರುಬಿಕ್ಸ್​ ಕ್ಯೂಬ್​ಗಳನ್ನು (Rubik’s Cube) ವಿಶೇಷ ವಿಧಾನಗಳ ಮೂಲಕ ಜೋಡಿಸಿ ಎಲ್ಲರ ಹುಬ್ಬೇರಿಸುತ್ತಾರೆ. ಕಣ್ಣಿಗೆ ಬಟ್ಟೆ ಕಟ್ಟಿಕೊಂಡು ಜೋಡಿಸುವುದು ಅಥವಾ ಕ್ಯೂಬ್​ಗಳನ್ನು ನೋಡದೇ ಅದನ್ನು ಸಾಲ್ವ್​ ಮಾಡುವುದು ಹೀಗೆ. ಆದರೆ ಇದೀಗ ಹೊಸ ಮಾದರಿಯಲ್ಲಿ ರುಬಿಕ್ಸ್​ ಕ್ಯೂಬ್ ಜೋಡಿಸಿ ಗಿನ್ನೆಸ್ ದಾಖಲೆ (Guinness World Records) ಬರೆದಿದ್ದಾನೆ ಕೊಲಂಬಿಯಾದ ಯುವಕ. ಏನಿದು ವಿಶೇಷ ಸಾಧನೆ ಅಂತೀರಾ? ಇಲ್ಲಿದೆ ನೋಡಿ. 3 ರುಬಿಕ್ಸ್​​ ಕ್ಯೂಬ್​ಗಳನ್ನು 4 ನಿಮಿಷಗಳ ಅವಧಿಯಲ್ಲಿ ಆ ಯುವಕ ಜೋಡಿಸಿದ್ದಾನೆ. ಅದೂ ಕೂಡ ಒಂದರ ನಂತರ ಒಂದಲ್ಲ. ಬದಲಾಗಿ ಮೂರನ್ನೂ ಏಕಕಾಲದಲ್ಲಿ. ಅದಕ್ಕೂ ವಿಶೇಷ ಮಾರ್ಗವನ್ನು ಆಯ್ದುಕೊಂಡಿರುವ ಆತ, ಮೂರನ್ನೂ ಹಾರಿಸುತ್ತಾ, ಕಸರತ್ತು ಮಾಡುತ್ತಾ, ಅದು ಬೀಳದಂತೆ ಆಟವಾಡುತ್ತಾ 4 ನಿಮಿಷಗಳ ಆಸುಪಾಸಿನಲ್ಲಿ ಅವುಗಳನ್ನು ಜೋಡಿಸಿದ್ದಾನೆ. ಈ ವಿಡಿಯೋವನ್ನು ಗಿನ್ನೆಸ್ ದಾಖಲೆಯ ಅಧಿಕೃತ ಯುಟ್ಯೂಬ್ ಖಾತೆಯಲ್ಲಿ ಹಂಚಿಕೊಳ್ಳಲಾಗಿದ್ದು, ವೈರಲ್ (Viral) ಆಗಿದೆ.

ಈ ಸಾಧನೆ ಮಾಡಿದ ಯುವಕನ ಹೆಸರು ಏಂಜೆಲ್ ಅಲ್ವೆರಾಡೊ. ಕೊಲಂಬಿಯಾದ ಈತನಿಗೆ ಇನ್ನೂ 19ರ ಹರೆಯ. 4 ನಿಮಿಷ 31.01 ಸೆಕೆಂಡ್​ಗಳಲ್ಲಿ 3 ರುಬಿಕ್ಸ್​ ಕ್ಯೂಬ್​ಗಳಲ್ಲಿ ಜೋಡಿಸಿ ಆತ ದಾಖಲೆ ಬರೆದಿದ್ದಾನೆ. ಈ ಹಿಂದೆ ಏಂಜೆಲ್ 2021 ರ ಮೇಯಲ್ಲಿ 4 ನಿಮಿಷ 52 ಸೆಕೆಂಡುಗಳಲ್ಲಿ ಇದೇ ದಾಖಲೆಯನ್ನು ಬರೆದಿದ್ದ ಏಂಜೆಲ್​ ಇದೀಗ ಅದನ್ನು ಉತ್ತಮಪಡಿಸಿದ್ದಾನೆ.

ಏಂಜೆಲ್ ಅಲ್ವೆರಾಡೋ ವಿಶ್ವದಾಖಲೆ ಮಾಡಿದ ವಿಡಿಯೋ ಇಲ್ಲಿದೆ:​

ಇದನ್ನೂ ಓದಿ

Viral Video: ಏಕಾಂಗಿಯಾಗಿ ಸರ್ಫಿಂಗ್ ಮಾಡಿ ಅಚ್ಚರಿ ಮೂಡಿಸಿದ ಶ್ವಾನ; ಇಲ್ಲಿದೆ ವಿಡಿಯೋ

Viral: ಯದ್ವಾತದ್ವಾ ಗಾಡಿ ಓಡಿಸಿ ಅರೆಸ್ಟ್​ ಆದ 19 ವರ್ಷದ ಯುವತಿ; ಕಾರಣ ಕೇಳಿ ದಂಗಾದ ಪೊಲೀಸರು

Viral Video: ಸೌತೆಕಾಯಿ ಕಟ್ ಮಾಡಿ ಟ್ರೋಲ್ ಆದ ಮಾಡೆಲ್; ಈ ವಿಡಿಯೋ ಮಿಸ್ ಮಾಡಬೇಡಿ

ಅಡುಗೆಯ ಲೈವ್-ಸ್ಟ್ರೀಮ್ ಮಾಡುವಾಗ ಹೊತ್ತಿಕೊಂಡ ಬೆಂಕಿ; ತಪ್ಪಿದ ಭಾರಿ ಅನಾಹುತ, ಪ್ರಾಣಾಪಾಯದಿಂದ ಪಾರಾದ ಮಹಿಳೆ

ಈ ಸಾಧನೆಯನ್ನು ಮಾಡಲು ಹೇಗೆ ಸಾಧ್ಯವಾಯಿತು ಎನ್ನುವುದನ್ನು ವಿವರಿಸಿರುವ ಏಂಜೆಲ್ ಅಲ್ವೆರಾಡೋ, ಒಂದು ರುಬಿಕ್ಸ್​​ ಕ್ಯೂಬನ್ನು ಈ ಕಸರತ್ತಿನೊಂದಿಗೆ ಜೋಡಿಸಲು ಐದು ತಿಂಗಳು ಅಭ್ಯಾಸ ನಡೆಸಿದ್ದೆ. 3 ಕ್ಯೂಬ್​ಗಳೊಂದಿಗೆ ಆಡುತ್ತಾ ಅವುಗಳನ್ನು ಏಕಕಾಲದಲ್ಲಿ ಪರಿಹರಿಸಲು ಮತ್ತೆ 4 ತಿಂಗಳುಗಳ ಅಭ್ಯಾಸ ಬೇಕಾಯಿತು ಎಂದಿದ್ದಾನೆ. ರುಬಿಕ್ಸ್​​ ಕ್ಯೂಬ್ ದಾಖಲೆಗಳಲ್ಲಿ ಇದು ಕೊಲಂಬಿಯಾದ ಮೊದಲ ದಾಖಲೆಯಾಗಿದ್ದು, ಅದನ್ನು ಸಾಧಿಸಿದ್ದಕ್ಕೆ ಖುಷಿ ಮತ್ತು ಹೆಮ್ಮೆ ಇದೆ ಎಂದು ಗಿನ್ನೆಸ್ ವರ್ಲ್ಡ್​ ರೆಕಾರ್ಡ್​​ ಸೈಟ್​ಗೆ ತಿಳಿಸಿದ್ದಾನೆ ಏಂಜೆಲ್.

ಅಂದಹಾಗೆ ರುಬಿಕ್ಸ್​ ಕ್ಯೂಬ್​ಗಳನ್ನು ಜೋಡಿಸುವಲ್ಲಿ ಭಾರತದ ಬಾಲಕರು ಕೂಡ ಹಲವು ದಾಖಲೆಗಳನ್ನು ಬರೆದಿದ್ದಾರೆ. ಬೆಂಗಳೂರು ಮೂಲದ 8 ವರ್ಷದ ಅಥರ್ವ್​.ಆರ್.ಭಟ್ ತನ್ನ ಎರಡೂ ಕೈ ಮತ್ತು ಕಾಲುಗಳನ್ನು ಬಳಸಿ ಎರಡು ನಿಮಿಷಗಳಲ್ಲಿ ಮೂರು ರೂಬಿಕ್ಸ್ ಕ್ಯೂಬ್‌ಗಳನ್ನು ಪರಿಹರಿಸಿ ವಿಶೇಷ ದಾಖಲೆ ಬರೆದಿದ್ದನ್ನು ಇಲ್ಲಿ ಸ್ಮರಿಸಬಹುದು.

ಅಥರ್ವ್​ ರುಬಿಕ್ಸ್​ ಕ್ಯೂಬ್ ಜೋಡಿಸುತ್ತಿರುವ ವಿಡಿಯೋ:

ಮತ್ತಷ್ಟು ಕುತೂಹಲಕರ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ | ಪ್ರಮುಖ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ

Published On - 11:51 am, Tue, 17 May 22