ಅತಿಥಿ ದೇವೋ ಭವ, ಈ ಆಟೋ ಡ್ರೈವರ್ ವಿದೇಶಿ ಮಹಿಳೆಗೆ ಕೊಟ್ಟ ಗೌರವ ನೋಡಿ
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುವ ವಿಡಿಯೋಗಳು ಕೆಲವೊಮ್ಮೆ ನಮ್ಮ ಗಮನ ಸೆಳೆಯುತ್ತಿದೆ. ಕೆಲವು ದೃಶ್ಯಗಳನ್ನು ಕಂಡಾಗ ಇವತ್ತಿಗೂ ಮಾನವೀಯತೆ ಜೀವಂತವಾಗಿದೆ. ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಆಟೋದಲ್ಲಿ ಪ್ರಯಾಣಿಸಿದ ವಿದೇಶಿ ಮಹಿಳೆಯ ಕೈಯಲ್ಲಿ ಹಣವಿಲ್ಲದೇ ಇದ್ದರೂ ತಲುಪಬೇಕಾದ ಸಸ್ಥಳಕ್ಕೆ ಬಿಟ್ಟು, ಆಟೋ ಚಾಲಕನು ನಗು ಮೊಗದಿಂದಲೇ ಮಾತನಾಡಿಸಿ ಪರವಾಗಿಲ್ಲ ಎನ್ನುತ್ತಾ ಹೃದಯ ಶ್ರೀಮಂತಿಕೆ ಮೆರೆದಿದ್ದಾರೆ. ಈ ಹೃದಯ ಸ್ಪರ್ಶಿ ವಿಡಿಯೋವೊಂದು ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದಂತೆ ಬಳಕೆದಾರರು ಈ ವ್ಯಕ್ತಿಯನ್ನು ಮೆಚ್ಚಿಕೊಂಡಾಡಿದ್ದಾರೆ.
ಈಗಿನ ಕಾಲದಲ್ಲಿ ಒಳ್ಳೆತನ ಹಾಗೂ ಮಾನವೀಯತೆ (humanity) ಗೆ ಬೆಲೆಯಿಲ್ಲ ಎಂದು ಹೇಳುವುದನ್ನು ನೋಡಿರಬಹುದು. ಕೈಯಲ್ಲಿ ದುಡ್ಡಿದ್ದರೆ ಮಾತ್ರ ಎಲ್ಲರೂ ನಿಮ್ಮನ್ನು ಗೌರವದಿಂದ ಕಾಣುತ್ತಾರೆ. ಆದರೆ ಕೆಲವೊಂದು ವಿಡಿಯೋಗಳನ್ನು ಕಂಡಾಗ ಈ ಜಗತ್ತಿನಲ್ಲಿ ಕಷ್ಟಕ್ಕೆ ಮಿಡಿಯುವ ಮಾನವೀಯ ಗುಣವುಳ್ಳ ವ್ಯಕ್ತಿಗಳು ಇದ್ದಾರೆ ಎನಿಸುತ್ತದೆ. ಇದಕ್ಕೆ ಈ ವಿಡಿಯೋವು ಸಾಕ್ಷಿಯಾಗಿದೆ. ಹೌದು, ಇದೀಗ ವೈರಲ್ ಆಗಿರುವ ವಿಡಿಯೋದಲ್ಲಿ ಆಟೋಚಾಲಕನ ಬಳಿ ವಿದೇಶಿ ಮಹಿಳೆ (foreign women) ಯೂ ಕೈಯಲ್ಲಿ ದುಡ್ಡಿಲ್ಲ ಎಂದಿದ್ದು ನಗುತ್ತಲೇ ಪರವಾಗಿಲ್ಲ ಎನ್ನುತ್ತಾ ತನ್ನ ಕೈಯಲ್ಲಿ ದುಡ್ಡಿಲ್ಲ ಎಂದು ನೇರವಾಗಿ ಹೇಳಿದ್ದಾಳೆ. ಈ ಆಟೋ ಚಾಲಕ (auto driver) ನು ಮಹಿಳೆಗೆ ಬೈಯದೇ ನಗುತ್ತಲೇ ಆಕೆಗೆ ಪರವಾಗಿಲ್ಲ ಎಂದು ಹೇಳಿದ್ದು ಈ ಘಟನೆಗೆ ಸಂಬಂಧ ಪಟ್ಟ ವಿಡಿಯೋವೊಂದು ವೈರಲ್ ಆಗಿದೆ.
taragivingjoyfully ಹೆಸರಿನ ಖಾತೆಯಲ್ಲಿ ಈ ವಿಡಿಯೋವನ್ನು ಶೇರ್ ಮಾಡಿಕೊಳ್ಳಲಾಗಿದ್ದು, ಈ ವಿಡಿಯೋದಲ್ಲಿ ದೆಹಲಿಗೆ ಬಂದಿದ್ದ ವಿದೇಶಿ ಮಹಿಳೆಯೊಬ್ಬರು, ಆಟೋದಲ್ಲಿ ಪ್ರಯಾಣಿಸಿದ್ದಾಳೆ. ಆದರೆ ಆಕೆಯ ಬಳಿಉಲ್ಲಿ ಹಣ ಇರಲಿಲ್ಲ. ಈ ವಿದೇಶಿ ಮಹಿಳೆಯ ಬಳಿ ಆಟೋ ಚಾರ್ಜ್ ಕೇಳಿದ್ದು, ಆಕೆ ತನ್ನ ಬಳಿ ಹಣವಿಲ್ಲ ಎನ್ನುವುದನ್ನು ಹೇಳಿದ್ದಾಳೆ. ಅಷ್ಟೇ ಅಲ್ಲದೇ ಕರೆನ್ಸಿಯನ್ನು ಬದಲಾಯಿಸಲು ಎಲ್ಲದರೂ ನಿಲ್ಲಿಸುವಂತೆ ಹೇಳಿದ್ದು, ಪರವಾಗಿಲ್ಲ, ನೀವು ಹೋಗಿ, ನನಗೆ ಚಾರ್ಜ್ ಕೊಡುವುದು ಬೇಡ ಎಂದು ಹೇಳಿದ್ದು ಈ ವ್ಯಕ್ತಿಯ ಮಾತು ಕೇಳಿ ವಿದೇಶಿ ಮಹಿಳೆಯೂ ಶಾಕ್ ಆಗಿದ್ದಾಳೆ. ಈ ವ್ಯಕ್ತಿಯೂ ತುಂಬಾ ಒಳ್ಳೆಯ ವ್ಯಕ್ತಿ, ಹೀಗಾಗಿ ಇವನಿಗೆ ತನ್ನಿಂದ ಆದ ಸಹಾಯ ಮಾಡುತ್ತೇನೆ. ಆ ದೇವರು ಒಳ್ಳೆಯದು ಮಾಡಲಿ ಎಂದು ಕೊನೆಯ ತನ್ನ ಕೈಯಲ್ಲಿದ್ದ 2,000 ರೂ. ನೀಡುವ ಮೂಲಕ ಒಳ್ಳೆಯ ಮನಸ್ಸಿನ ವ್ಯಕ್ತಿಗೆ ಸಹಾಯ ಮಾಡಿದ್ದಾಳೆ.
ಇದನ್ನೂ ಓದಿ :ಐಷಾರಾಮಿ ಮನೆಗಿಂತ ಸಣ್ಣ ಅಪಾರ್ಟ್ಮೆಂಟ್ ಗಳೇ ಬೆಸ್ಟ್, ಅಸಲಿ ವಿಚಾರ ಬಹಿರಂಗ ಪಡಿಸಿದ ಭಾರತೀಯ ಮಹಿಳೆ
ವೈರಲ್ ವಿಡಿಯೋ ಇಲ್ಲಿದೆ ನೋಡಿ
ಈ ವಿಡಿಯೋ ವೊಂದು ಇಪ್ಪತ್ತೋಂಭತ್ತು ಲಕ್ಷಕ್ಕೂ ಅಧಿಕ ವೀಕ್ಷಣೆ ಪಡೆದುಕೊಂಡಿದ್ದು ಬಳಕೆದಾರರು ನಾನಾ ರೀತಿಯ ಕಾಮೆಂಟ್ ಗಳನ್ನು ಮಾಡುವ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಬಳಕೆದಾರರೊಬ್ಬರು, ‘ಆಟೋ ಚಾಲಕನನಗುವಿನಲ್ಲೇ ಮುಗ್ದ ತೆ ಅಡಗಿದೆ. ಆತನ ಒಳ್ಳೆಯ ಮನಸ್ಸಿಗೆ ದೇವರು ಖಂಡಿತ ಒಳ್ಳೆಯದ್ದನ್ನೇ ಮಾಡುತ್ತಾನೆ’ ಎಂದಿದ್ದಾರೆ. ಇನ್ನೊಬ್ಬರು, ‘ಭಾರತೀಯರ ಮನಸ್ಸುಗಳೇ ಹಾಗೆ ಕಷ್ಟ ಎಂದರೆ ಒಂದು ಕ್ಷಣ ಮಿಡಿಯುತ್ತಾರೆ’ ಎಂದು ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ನೀವು ನಿಜಕ್ಕೂ ತುಂಬಾ ಒಳ್ಳೆಯವರು, ಒಳ್ಳೆಯ ಮನಸ್ಸಿನ ವ್ಯಕ್ತಿಗಳು ಭೇಟಿಯಾದಾಗ ಮಾತ್ರ ಇಂತಹ ಘಟನೆಗಳು ನಡೆಸಲು ಸಾಧ್ಯ ಎಂದಿದ್ದಾರೆ. ಇನ್ನು ಕೆಲವರು ಈ ಆಟೋ ಚಾಲಕನ ಒಳ್ಳೆತನಕ್ಕೆ ಕಾಮೆಂಟ್ ಗಳ ಮಹಾಪೂರವೇ ಹರಿದು ಬಂದಿದೆ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ