ತಾನು ಮದುವೆಯಾಗುವ ಹುಡುಗನಿಗೆ ದೊಡ್ಡ ಹೊಟ್ಟೆ ಇರಲೇ ಬೇಕು ಎಂದ ಯುವತಿ

ಸಾಮಾನ್ಯವಾಗಿ ಸಿಕ್ಸ್​​ಪ್ಯಾಕ್​​​ ​​ ಫಿಟ್ ಆ್ಯಂಡ್​​​​​​​​​ ಹ್ಯಾಂಡ್​ಸಮ್​​​ ಹುಡುಗ ತನ್ನ ಪತಿಯಾಗಬೇಕು ಎಂದು ಸಾಕಷ್ಟು ಹುಡುಗಿಯರ ಕನಸಾಗಿರುತ್ತದೆ. ಆದರೆ ಇಲ್ಲೊಂದು ಸುಂದರ ಯುವತಿ ನಾನು ಮದುವೆಯಾಗುವುದಾದರೆ ದೊಡ್ಡ ಹೊಟ್ಟೆಯ ಹುಡುಗನನ್ನೇ ಎಂದು ಪಟ್ಟು ಹಿಡಿದು ಕುಳಿತಿದ್ದಾಳೆ. ಬಳಕುವ ಬಳ್ಳಿಯಂತಿರುವ ಈಕೆಯ ಹೆಸರು ಹಸೀನಾ ಮದೀನಾ ಮಮದಲೀವಾ. ಕಜಕಿಸ್ತಾನ್‌ ಮೂಲದವಳಾದ ಮದೀನಾ ಮಮದಲೀವಾ ಸಂಗಾತಿಯ ಹುಡುಕಾಟದಲ್ಲಿದ್ದಾಳೆ. ಸೋಶಿಯಲ್​ ಮೀಡಿಯಾಗಳಲ್ಲಿ ಲಕ್ಷಾಂತರ ಅಭಿಮಾನಿಗಳನ್ನು ಹೊಂದಿದ್ದಾಳೆ.

‘ಡೈಲಿ ಸ್ಟಾರ್’ ನಲ್ಲಿ ಪ್ರಕಟವಾದ ವರದಿಯ ಪ್ರಕಾರ, ಕಜಕಿಸ್ತಾನ್‌ನ ಮದೀನಾ ಮಮದಲೀವಾ ಸೋಶಿಯಲ್​ ಮೀಡಿಯಾದಿಂದಲೇ ಪ್ರತಿ ತಿಂಗಳು ಸುಮಾರು 40 ರಿಂದ 50 ಲಕ್ಷ ರೂಪಾಯಿಗಳನ್ನು ಸಂಪಾದಿಸುತ್ತಾರೆ. ಆದ್ದರಿಂದ ತಾನು ಬಯಸುವ ಸಂಗಾತಿಯೂ ಕೂಡ ಶ್ರೀಮಂತನಾಗಿರಬೇಕು ಜೊತೆಗೆ ಕಾಳಜಿಯುಳ್ಳವನಾಗಿರಬೇಕು, ಆದರೆ ಅವನು ಇನ್‌ಸ್ಟಾಗ್ರಾಮ್ ಖಾತೆಯನ್ನು ಹೊಂದಿರಬಾರದು ಎಂದು ಹೇಳಿಕೊಂಡಿದ್ದಾರೆ. ಅವಳಿಗೆ ಬೇಕಾಗಿರುವುದು ಅವಳ ಅದ್ದೂರಿ ಜೀವನಶೈಲಿಯನ್ನು ನಿಭಾಯಿಸಬಲ್ಲ ಗಂಡ. ಪತಿ ದಪ್ಪಗಾದರೂ ಪರವಾಗಿಲ್ಲ ಎಂದು ಮದೀನಾ ಸ್ಪಷ್ಟಪಡಿಸಿದ್ದಾರೆ.

ಇದನ್ನೂ ಓದಿ: 120ನೇ ವಯಸ್ಸಿಗೆ ಕಾಲಿಟ್ಟ ವಿಶ್ವದ ಅತ್ಯಂತ ದೊಡ್ಡ ಮೊಸಳೆ ಕ್ಯಾಸಿಯಸ್

ಸಂಗಾತಿ ಇನ್‌ಸ್ಟಾಗ್ರಾಮ್ ಖಾತೆಯನ್ನು ಹೊಂದಿರಬಾರದು:

ಮದೀನಾ ಮಮದಲೀವಾ ಸೋಶಿಯಲ್​ ಮೀಡಿಯಾದ ಮುಖಾಂತರವೇ ಸ್ಟಾರ್​​ ಆದ ಬೆಡಗಿ. ಆದರೆ ತನ್ನ ಸಂಗಾತಿಯಾಗಲು ಬಯಸುವಾತ ಇನ್‌ಸ್ಟಾಗ್ರಾಮ್ ಖಾತೆಯನ್ನು ಹೊಂದಿರಬಾರದು. ಯಾಕೆಂದರೆ ತನ್ನ ಗಂಡನ ಕುರಿತಾದ ಮಾಹಿತಿಯು ಅವಳು ಬಯಸಿದಷ್ಟು ಕಾಲ ರಹಸ್ಯವಾಗಿ ಉಳಿಯಬೇಕು. ಇದು ಅವನ ಹೊರತು ಜಗತ್ತಿನಲ್ಲಿ ಯಾರಿಗೂ ತಿಳಿಯಬಾರದು ಎಂದು ಹೇಳಿಕೊಂಡಿದ್ದಾರೆ.

ಮತ್ತಷ್ಟು ವೈರಲ್​ ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: 

Published On - 10:44 am, Sun, 11 June 23