Viral Video: ಮದುವೆಗೆ ತಯಾರಾಗಲು ವರನಿಗೆ ಸಹಾಯ ಮಾಡುತ್ತಿರುವ ವಧು! ಇಬ್ಬರ ನವಿರಾದ ಕ್ಷಣದ ವಿಡಿಯೋ ವೈರಲ್

ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದ್ದು ವಿಶೇಷ ದಿನಕ್ಕಾಗಿ ವಧು ವರನಿಗೆ ತಯಾರಾಗಲು ಸಹಾಯ ಮಾಡುತ್ತಿದ್ದಾಳೆ. ಮೇಕಪ್ ಮಾಡುವುದರ ಜತೆಗೆ ಸಾಂಪ್ರದಾಯಿಕ ಉಡುಗೆ ತೊಡಿಸುತ್ತಿದ್ದಾಳೆ.

ಮದುವೆಗೆ ತಯಾರಾಗಲು ವರನಿಗೆ ಸಹಾಯ ಮಾಡುತ್ತಿರುವ ವಧು!

TV9 Web | Updated By: shruti hegde
Updated on:Aug 02, 2021 | 9:55 AM

ವಧು- ವರನ ನವಿರಾದ ಪ್ರೀತಿಯ ಬಂಧ ಮದುವೆ. ಸಡಗರ ಸಂಭ್ರಮದಿಂದ ಅಲಂಕಾರಗೊಂಡು ವಧು (Bride), ವರ (Groom) ಸಿದ್ಧರಾಗುತ್ತಾರೆ. ಸಾಮಾಜಿಕ ಜಾಲತಾಣದಲ್ಲಿ(Social Media) ಮದುವೆ ಸಮಾರಂಭದ ಅದೆಷ್ಟೋ ವಿಡಿಯೋಗಳು ಹರಿದಾಡುತ್ತಿರುತ್ತದೆ. ಇದೀಗ ವೈರಲ್ ಆದ ವಿಡಿಯೋವೂ ( Viral Video) ಸಹ ಅಂಥದ್ದೇ. ಈಗತಾನೆ ಹಸೆ ಮಣೆ ಏರಲಿರುವ ಜೋಡಿ ಸುಂದರವಾಗಿ ಅಲಂಕಾರಗೊಳ್ಳುತ್ತಿದ್ದಾರೆ. ವಧು, ವರನನ್ನು ಸುಂದರವಾಗಿ ಕಾಣಿಸುವಂತೆ ಅಲಂಕಾರ ಮಾಡುತ್ತಿದ್ದಾಳೆ. ವಿಡಿಯೋ ಇದೀಗ ನೆಟ್ಟಿಗರ ಮನ ಗೆದ್ದಿದೆ.

ವಿಡಿಯೋವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಳ್ಳಲಾಗಿದ್ದು ವಿಶೇಷ ದಿನಕ್ಕಾಗಿ ವಧು ವರನಿಗೆ ತಯಾರಾಗಲು ಸಹಾಯ ಮಾಡುತ್ತಿದ್ದಾಳೆ. ಮೇಕಪ್ ಮಾಡುವುದರ ಜತೆಗೆ ಸಾಂಪ್ರದಾಯಿಕ ಉಡುಗೆ ತೊಡಿಸುತ್ತಿದ್ದಾಳೆ. ಇವರಿಬ್ಬರ ನವಿರಾದ ಕ್ಷಣವು ನೆಟ್ಟಿಗರಿಗೆ ಇಷ್ಟವಾಗುವಂತಿದೆ.

ಮದುವೆಯಲ್ಲಿ ವಧು – ವರರದ್ದೇ ಮುಖ್ಯ ಪಾತ್ರ. ಬಂದ ಅತಿಥಿಗಳೆಲ್ಲಾ ಮೊದಲು ನೋಡುವುದು ವಧು, ವರನನ್ನು. ಹಾಗಾಗಿ ಪ್ರತಿಯೊಬ್ಬರೂ ಸಹ ಮದುವೆಯಲ್ಲಿ ಸುಂದರವಾಗಿ ಕಾಣಿಸಬೇಕೆಂಬ ಆಸೆ ಇದ್ದೇ ಇರುತ್ತದೆ. ವಧು ಕೂಡಾ ಅಂದದ ಉಡುಪು ತೊಟ್ಟು ನಿಂತಿದ್ದಾಳೆ. ತನ್ನ ಕೈಹಿಡಿಯುವವನೂ ಅಂದವಾಗಿ ಕಾಣಿಸಬೇಕೆಂದು ಸಹಾಯ ಮಾಡುತ್ತಿದ್ದಾಳೆ.

ಇಬ್ಬರೂ ಸಹ ಖುಷಿಯಿಂದ ಅಲಂಕಾರಗೊಂಡಿದ್ದಾರೆ. ಈಗತಾನೆ ದಾಂಪತ್ಯಕ್ಕೆ ಕಾಲಿಡಲು ಹೊರಟ ನವ ಜೋಡಿಗಳಿಗೆ ನೆಟ್ಟಿಗರು ಆಶೀರ್ವದಿಸಿದ್ದಾರೆ. ಇಬ್ಬರ ನಡುವಿನ ಪ್ರೀತಿ ಸದಾ ಕಾಲ ಹೀಗೇ ಇರಲಿ ಎಂದೂ ಹಾರೈಸಿದ್ದಾರೆ. ಒಳ್ಳೆಯ ಜೀವನವನ್ನು ನಡೆಸಿ ಎಂಬ ಹಾರೈಕೆಯ ಜತೆಗೆ ಶುಭಾಶಯಗಳನ್ನು ತಿಳಿಸಿದ್ದಾರೆ.