Viral: ಹಡಗಿನಲ್ಲಿಯೂ ಸಂಧ್ಯಾವಂದನೆ ಮಾಡುವ ಕ್ಯಾಪ್ಟನ್​; ಲಿಂಕ್ಡ್ಇನ್​ನಲ್ಲಿ ಫೋಟೋ ವೈರಲ್

Captain : ‘ವೃತ್ತಿನಿಮಿತ್ತ ಸದಾಕಾಲ ಹಡಗಿನಲ್ಲಿಯೇ ವಾಸಿಸುವ ಕ್ಯಾಪ್ಟನ್ ಗಣೇಶ (Captain Ganesh), ಸಂಧ್ಯಾವಂದನೆ ಮತ್ತು ಅನುಷ್ಠಾನವನ್ನು (Sandhyavandhana and Anushtana) ತಪ್ಪದೆಯೇ ಮಾಡುತ್ತಾರೆ. ನಿಜಕ್ಕೂ ಇಂಥವರು ಸ್ಪೂರ್ತಿದಾಯಕ. ನಿಮ್ಮ ಸಂಸ್ಕೃತಿಯನ್ನು ಎಂದಿಗೂ ಮರೆಯಬೇಡಿ, ನಿಮ್ಮ ಬೇರುಗಳನ್ನು ಎಂದಿಗೂ ಮರೆಯಬೇಡಿ, ನಿಮ್ಮ ಪೂರ್ವಜರನ್ನು ಎಂದಿಗೂ ಮರೆಯಬೇಡಿ, ನಾವು ಯಾರು ಎಂಬುದನ್ನು ಎಂದಿಗೂ ಮರೆಯಬೇಡಿ. ನಮ್ಮ ಸಂಸ್ಕೃತಿ ನಮ್ಮ ಹೆಮ್ಮೆ’ ಆಶು ಸಿಂಘ್​ ಎನ್ನುವವರು ಈ ಫೋಟೋಗೆ ಹೀಗೆ ಒಕ್ಕಣೆ ಬರೆದು ಲಿಂಕ್ಡ್​ಇನ್​ನಲ್ಲಿ ಅಪ್​ಲೋಡ್ ಮಾಡಿದ್ದಾರೆ.

ಇದನ್ನೂ ಓದಿ : Viral Video: ಈ ಮಗು ಯಾರು, ಭೇಟಿಯಾಗಬೇಕು, ಅಪ್ಪಿಕೊಳ್ಳಬೇಕು; ಶಂಕರ್ ಮಹಾದೇವನ್

ಈತನಕ ಸುಮಾರು 1,500 ಜನರು ಈ ಪೋಸ್ಟ್​ ಅನ್ನು ಲೈಕ್ ಮಾಡಿದ್ದಾರೆ. ಸುಮಾರು 32 ಜನರು ಪ್ರತಿಕ್ರಿಯಿಸಿದ್ದಾರೆ. ಇಂಥ ಸಮಯದಲ್ಲಿಯೂ ನಿಮ್ಮ ಮೂಲ ಮತ್ತು ಸಂಪ್ರದಾಯಗಳಿಗೆ ನಿಷ್ಠರಾಗಿರುವುದು ನಿಜಕ್ಕೂ ಶ್ಲಾಘನೀಯ ಎಂದು ಒಬ್ಬರು ಹೇಳಿದ್ದಾರೆ. ನಿಜಕ್ಕೂ ಇದು ಚೈತನ್ಯದಾಯಕವಾಗಿದೆ, ತಾಯಿ ಗಾಯತ್ರಿ ನಮ್ಮನ್ನು ಕಾಪಾಡುತ್ತಾಳೆ ಎಂದಿದ್ದಾರೆ ಇನ್ನೊಬ್ಬರು. ಗ್ರೇಟ್​! ಕೆಲವೊಮ್ಮೆ ಜನರನ್ನು ನಿರ್ಲಕ್ಷಿಸಿ ನಮ್ಮ ನಿತ್ಯಚಟುವಟಿಕೆಗಳಿಗೆ ಗಮನ ಕೊಡುವುದೊಂದೇ ದಾರಿ ಎಂದು ಮತ್ತೊಬ್ಬರು ಹೇಳಿದ್ಧಾರೆ.

ಇದನ್ನೂ ಓದಿ : Viral Video: ತೋಳದಂತೆ ಕಾಣಿಸಿಕೊಳ್ಳಲು ರೂ 20 ಲಕ್ಷ ಖರ್ಚು ಮಾಡಿದ ವ್ಯಕ್ತಿಯ ವಿಡಿಯೋ

ಅವರು ಇದಕ್ಕಾಗಿ ಹೆಚ್ಚುವರಿಯಾಗಿ ಏನನ್ನಾದರೂ ಪಡೆಯುತ್ತಾರೆಯೇ? ಎಂದು ಪ್ರಶ್ನಿಸಿದ್ದಾರೆ ಒಬ್ಬರು. ನಾವು ಎಲ್ಲಿಯೇ ಹೋದರೂ ನಮ್ಮ ಮೂಲಬೇರುಗಳನ್ನು ಸಂಸ್ಕೃತಿಯನ್ನು ಎಂದಿಗೂ ಮರೆಯಬಾರದು, ಧನ್ಯವಾದಗಳು ಈ ಪೋಸ್ಟ್​ ಅನ್ನು ಹಂಚಿಕೊಳ್ಳುತ್ತಿದ್ದೇನೆ ಎಂದಿದ್ದಾರೆ ಇನ್ನೊಬ್ಬರು. ನಮ್ಮ ಸಂಸ್ಕೃತಿಯನ್ನು ಹೇಗೆ ಅಳವಡಿಸಿಕೊಳ್ಳಬೇಕು ಮತ್ತು ನಾವು ಹೇಗಿರಬೇಕು ಎಂಬುದನ್ನು ಇಂಥ ಆತ್ಮಗಳು ಪ್ರೇರೇಪಿಸುತ್ತವೆ. ವಿಶೇಷವಾಗಿ ಇಂದಿನ ಯುವಪೀಳಿಗೆಗೆ ಇಂಥವರ ಮಾರ್ಗದರ್ಶನ ಬೇಕು ಎಂದಿದ್ದಾರೆ ಮತ್ತೊಬ್ಬರು.

ಇದನ್ನೂ ಓದಿ : Viral Video: ಈ ಬಾಲಗಂಧರ್ವ ನಿಮ್ಮೂರಲ್ಲಿದ್ದಾನೆಯೇ? ದಯವಿಟ್ಟು ತಿಳಿಸಿ 

ಕೆಲ ವಾರಗಳ ಹಿಂದೆ ಕರ್ತವ್ಯ ನಿರತ ಬಿಎಂಟಿಸಿ ಬಸ್​ ಕಂಡಕ್ಟರ್​ ಒಬ್ಬರ ಮುಖಕ್ಕೆ ಮೊಬೈಲ್​ ಹಿಡಿದ ‘ನೀತಿಶಿಕ್ಷಕಿ’ಯೊಬ್ಬರು, ‘ಸರ್ಕಾರಿ ನೌಕರರಾಗಿ ನೀವು ನಮಾಜ್​ ಟೋಪಿ (Muslim skullcap) ಧರಿಸಿದ್ದು ತಪ್ಪು’ ಎಂದು ತರಾಟೆಗೆ ತೆಗೆದುಕೊಂಡರಷ್ಟೇ ಅಲ್ಲ, ಬಲವಂತವಾಗಿ ಆ ಟೋಪಿಯನ್ನು ತೆಗೆಸುವಲ್ಲಿ ಯಶಸ್ವಿಯೂ ಆಗಿದ್ದನ್ನು ಇಲ್ಲಿ ಸ್ಮರಿಸಬಹುದು. ಅಕಸ್ಮಾತ್​ ಕ್ಯಾಪ್ಟನ್​ ಗಣೇಶ ಅವರ ಹಡಗಿನಲ್ಲಿ ಈ ಮಹಿಳೆ ಪ್ರಯಾಣಿಸುತ್ತಿದ್ದರೆ?

ಈ ವಿಷಯವಾಗಿ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್​ ನ್ಯೂಸ್​​ಗಾಗಿ ಕ್ಲಿಕ್ ಮಾಡಿ