Viral : ಚೀನಾದಲ್ಲಿ ಹೊಸ ಟ್ರೆಂಡ್ : ಐದು ನಿಮಿಷದ ಅಪ್ಪುಗೆಗೂ ಮಹಿಳೆಯರು ನೀಡಬೇಕಂತೆ ಇಂತಿಷ್ಟು ಹಣ
ಈ ಜೀವನವೇ ಸಾಕಾಗಿದೆ ಎಂದು ಗೊಣಗುವವರನ್ನು ನೀವು ನೋಡಿರಬಹುದು. ಈಗಿನ ಕಾಲದಲ್ಲಿ ಹೆಚ್ಚಿನವರು ಒತ್ತಡದಿಂದ ಬಳಲುತ್ತಿದ್ದಾರೆ. ತಮ್ಮನ್ನು ಅರ್ಥ ಮಾಡಿಕೊಳ್ಳುವ ವ್ಯಕ್ತಿ ಸಿಕ್ಕೆಂದರೆ ಸಾಕು ಎಂದುಕೊಳ್ಳುವವರೇ ಹೆಚ್ಚು ಒತ್ತಡದಿಂದ ಮುಕ್ತರಾಗಲು ನಾನಾ ರೀತಿಯ ವಿಧಾನವನ್ನು ಅನುಸರಿಸುತ್ತಿದ್ದು, ಚೀನಾದಲ್ಲಿ ಹೊಸ ಟ್ರೆಂಡ್ ಶುರುವಾಗಿದೆ. ಇಲ್ಲಿನ ಮಹಿಳೆಯರು ಹಣ ನೀಡಿ ಪುರುಷರನ್ನು ಅಪ್ಪಿಕೊಳ್ಳುತ್ತಿದ್ದಾರೆ. ಹಾಗಾದ್ರೆ ಈ ಹೊಸ ಟ್ರೆಂಡ್ ಕುರಿತಾದ ಸಂಪೂರ್ಣ ಮಾಹಿತಿ ಇಲ್ಲಿದೆ.
Updated on:Jun 10, 2025 | 12:31 PM
ದಿ ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್ ವರದಿಯಲ್ಲಿ ತಿಳಿಸಿರುವಂತೆ ಒತ್ತಡಭರಿತ ಜೀವನದಲ್ಲಿ ಸಾಂತ್ವನ ನೀಡುವ ಈ ಪುರುಷ ಅಮ್ಮಂದಿರನ್ನು ಅಪ್ಪಿಕೊಳ್ಳಲು ಮಹಿಳೆಯರು ಐದು ನಿಮಿಷಕ್ಕೆ 50 ಯುವಾನ್ ಅಂದರೆ ಭಾರತೀಯ ಕರೆನ್ಸಿಯಲ್ಲಿ 600 ರೂ ಪಾವತಿಸಬೇಕಂತೆ. ಇದಕ್ಕಾಗಿಯೇ ಆನ್ಲೈನ್ ಚಾಟ್ ಅಪ್ಲಿಕೇಶನ್ ಗಳಿಸಿದ್ದು, ಸಾರ್ವಜನಿಕ ಸ್ಥಳಗಳು, ಸಬ್ ವೇ ನಿಲ್ದಾಣಗಳು ಹಾಗೂ ಶಾಪಿಂಗ್ ಸೆಂಟರ್ ಗಳಲ್ಲಿ ಈ ರೀತಿ ಅಪ್ಪುಗೆಯನ್ನು ಪಡೆಯಬಹುದು.
ಇದನ್ನೂ ಓದಿ : Optical Illusion : ಈ ಹುಲ್ಲಿನ ಪೊದೆಯಲ್ಲಿ ಅಡಗಿರುವ ಸಿಂಹದ ಮರಿಯನ್ನು ಹುಡುಕಬಲ್ಲಿರಾ?
ಚೀನಿ ವಿದ್ಯಾರ್ಥಿಯೊಬ್ಬಳು ತನ್ನ ಒತ್ತಡವನ್ನು ನಿವಾರಿಸಲು ಈ ರೀತಿ ವಿಧಾನವನ್ನು ಅಳವಡಿಸಿಕೊಂಡಿದ್ದು, ಈ ಬಗ್ಗೆ ಪೋಸ್ಟ್ ನಲ್ಲಿ ಉಲ್ಲೇಖಿಸಿದ್ದಾಳೆ. ನನ್ನನ್ನು ಒಮ್ಮೆ ಮಾಧ್ಯಮಿಕ ಶಾಲೆಯಲ್ಲಿ ಸಾಂತ್ವನ ನೀಡುವ ಅಮ್ಮಂದಿರು ಅಪ್ಪಿಕೊಳ್ಳಲಾಯಿತು, ಅವರ ಅಪ್ಪುಗೆಯೂ ನನಗೆ ಸುರಕ್ಷಿತ ಭಾವನೆಯನ್ನು ಉಂಟು ಮಾಡಿತು ಎಂದಿದ್ದಾಳೆ. ಆದರೆ ಹಣ ಪಾವತಿ ಅಪ್ಪುಗೆ ಪಡೆಯುವ ಮುನ್ನ ಪುರುಷರೊಂದಿಗೆ ಆನ್ಲೈನ್ ನಲ್ಲಿ ಮಾತುಕಥೆ ನಡೆಸಲಾಗುತ್ತದೆ. ಈ ವೇಳೆಯಲ್ಲಿ ಸ್ಥಳ ಹಾಗೂ ಸಮಯದ ಬಗ್ಗೆ ತಿಳಿಸಲಾಗುತ್ತದೆ. ಆ ಬಳಿಕ ತಮ್ಮ ಗುಣ, ನಡವಳಿಕೆ, ದೇಹದ ಪ್ರಕಾರ ಹೀಗೆ ಹಲವಾರು ಅಂಶಗಳನ್ನು ಪರಿಗಣಿಸಿ, ಪುರುಷರನ್ನು ಮಹಿಳೆಯರು ಹಣ ಪಾವತಿಸಿ ಅಪ್ಪಿಕೊಳ್ಳಲು ಮುಂದಾಗುತ್ತಾರೆ ಎನ್ನಲಾಗಿದೆ. ಈ ರೀತಿ ಹೊಸ ಟ್ರೆಂಡ್ ವಿಚಿತ್ರ ಎನಿಸಿದರೂ ಮನಸ್ಸಿಗೆ ಹಿತ ನೀಡುವುದಲ್ಲದೆ, ಒತ್ತಡಕ್ಕೆ ಔಷಧಿ ಹುಡುಕುವ ಹೊಸ ವಿಧಾನ ಎನ್ನುವುದರಲ್ಲಿ ಎರಡು ಮಾತಿಲ್ಲ.
ಇನ್ನಷ್ಟು ವೈರಲ್ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ
Published On - 12:28 pm, Tue, 10 June 25
