ಲ್ಯಾಪ್​ಟಾಪಿನಲ್ಲಿ ಜಂಕ್​ ತುಂಬಿದೆ ಎಂದ ಅಪ್ಪ, ಸೋಪುನೀರಿನಲ್ಲಿ ತಿಕ್ಕಿ ತೊಳೆದ ಮಗಳು; ಇಷ್ಟೇ, ಬೇರೇನೂ ಆಗಿಲ್ಲ!

Viral Video : ‘ಈ ಲ್ಯಾಪ್​ಟಾಪ್​ನಲ್ಲಿ ಬಹಳ ಜಂಕ್​ ಇದೆ’ ಎಂದು ತನ್ನ ತಂದೆ ಹೇಳುತ್ತಿದ್ದದ್ದು ಎರಡು ವರ್ಷದ ಈ ಹೆಣ್ಣುಮಗುವಿನ ಕಿವಿಗೆ ಬಿದ್ದಿದೆ. ನಂತರ ಬಾತ್​ರೂಮಿನಲ್ಲಿ ಏನೋ ಸದ್ದಾಗುತ್ತಿದೆಯಲ್ಲ ಎಂದು ಮಗುವಿನ ತಾಯಿ ನೋಡಿದ್ದಾಳೆ. ಸೋಪುನೀರು ತುಂಬಿದ ಬಕೆಟ್​ನಲ್ಲಿ ಅಪ್ಪನ ಮ್ಯಾಕ್​ಬುಕ್​ ಅನ್ನು ಮುಳುಗಿಸಿ ಸ್ವಚ್ಛಗೊಳಿಸುವುದರಲ್ಲಿ ಮಗಳು ತಲ್ಲೀನಳಾಗಿದ್ದನ್ನು ನೋಡಿದ ತಾಯಿ ‘ಪಾವನ’ಳಾಗಿದ್ದಾಳೆ. ಈ ಘಟನೆ ಚೀನಾದಲ್ಲಿ ನಡೆದಿದ್ದು, ಈ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ.

ಇದನ್ನೂ ಓದಿ

ಜೈಲಿನಿಂದ ಬಿಡುಗಡೆಗೊಂಡ ನಂತರ ತನ್ನ ನಿಜಮುಖ ತೋರಿದ ಇರಾನಿನ ‘ಝೋಂಬಿ ಏಂಜೆಲಿನಾ ಜೋಲೀ’

ವಿಶ್ವದ ಅತ್ಯಂತ ಹಿರಿಯ ವೈದ್ಯ ಹೊವಾರ್ಡ್​ ಟಕರ್ 100ನೇ ವಯಸ್ಸಿನಲ್ಲಿಯೂ ವೃತ್ತಿನಿರತ

ನ್ಯೂಯಾರ್ಕ್​ನಲ್ಲಿ ನಡೆದ ‘ಮಿಸ್ ಶ್ರೀಲಂಕಾ ’ ಸಂತೋಷಕೂಟವು ಹಿಂಸಾತ್ಮಕ ರೂಪಕ್ಕೆ ತಿರುಗಿದ ವಿಡಿಯೋ ವೈರಲ್

ಆನ್​ಲೈನ್​ ಕ್ಲಾಸ್​ ನಡೆಯುವಾಗ 4ನೇ ತರಗತಿಯ ಹುಡುಗ ಬರೆದ ಈ ಕವಿತೆಗಳು

ಸೌತ್ ಚೀನಾ ಮಾರ್ನಿಂಗ್ ಪೋಸ್ಟ್‌ ಇದನ್ನು ವರದಿ ಮಾಡಿದೆ. ಮಗಳ ಈ ಘನಕಾರ್ಯವನ್ನು ನೋಡಿದ ತಾಯಿ ಕೋಪದಿಂದ ಕುದ್ದು ಹೋಗಿದ್ದಾಳೆ. ಯಾರಿಗೂ ಸಹಜ ಅಲ್ಲವೆ? ಬೆಳಗಿನ ತಿಂಡಿ ಸಮಯದಲ್ಲಿ ಈ ಮಗುವಿನ ಅಪ್ಪ, ಲ್ಯಾಪ್​ಟಾಪಿನಲ್ಲಿ ಬಹಳ ಜಂಕ್​ ತುಂಬಿದೆ ಎಂದು ಮಗುವಿನ ತಾಯಿಗೆ ಹೇಳುತ್ತಿರುವುದನ್ನು ಕೇಳಿಸಿಕೊಂಡಿದ್ದೆ ಇಷ್ಟೆಲ್ಲ ಆವಾಂತರಕ್ಕೆ ಕಾರಣ. ಅಪ್ಪನ ಲ್ಯಾಪ್​ಟಾಪ್​ ಸ್ವಚ್ಛಗೊಳಿಸಿ ಅಪ್ಪನಿಗೆ ಸಹಾಯ ಮಾಡಬಹುದಲ್ಲ ಎಂದು ಮಗು ಸಹಾನುಭೂತಿಯಿಂದ ಆಲೋಚಿಸಿದೆ. ಆ ಪ್ರಕಾರ ಬಾತ್​ರೂಮಿಗೆ ಲ್ಯಾಪ್​ಟಾಪ್​ ತೆಗೆದುಕೊಂಡು ಹೋಗಿ ಸೋಪಿನ ನೀರು ತುಂಬಿದ ಬಕೆಟ್​ನಲ್ಲಿ ಅದ್ದಿ ಅದ್ದಿ ಪೂರ್ತಿ ಸ್ವಚ್ಛಗೊಳಿಸಿದೆ ಈ ಮಗು.

ನೆಟ್ಟಿಗರನೇಕರು ಈ ವಿಡಿಯೋ ನೋಡಿ ಹೌಹಾರಿದ್ದಾರೆ. ತಮ್ಮ ಮನೆಯ ಲ್ಯಾಪ್​ಟಾಪ್​ಗಳಿಗೂ ನಾಳೆ ಮಕ್ಕಳು ಇದೇ ಗತಿ ಕಾಣಿಸಿದರೆ ಎಂದು ಊಹಿಸಿಕೊಂಡೇ ಮೆತ್ತಗಾಗುತ್ತಿದ್ದಾರೆ. ಹೇಗೆ ಮಾತನಾಡಿದರೂ ಈ ಕಾಲದಲ್ಲಿ ಕಷ್ಟವೇ ಈ ಮಕ್ಕಳ ವಿಷಯದಲ್ಲಿ.

ನೀವು ಇಂಥ ಪರಿಸ್ಥಿತಿಯಲ್ಲಿ ಇದ್ದಿದ್ದರೆ ಏನು ಮಾಡುತ್ತಿದ್ದಿರಿ?

ಮತ್ತಷ್ಟು ವೈರಲ್​ ವಿಡಿಯೋಗಳಿಗಾಗಿ ಕ್ಲಿಕ್ ಮಾಡಿ

Published On - 3:50 pm, Thu, 27 October 22