Viral Video: ಅಲ್ಝೈಮರ್​; ‘ಅಪ್ಪಾ, ನಮ್ಮ ನೌಕಾಯಾನದ ನೆನಪಿದೆಯೇ, ಈ ಟ್ಯಾಟೂ ನೋಡಿ’

Alzheimer : ‘ನಾನು ಕೇವಲ 17 ವರ್ಷದವಳಿದ್ದಾಗ ನನ್ನ ತಂದೆ ಅಲ್ಝೈಮರ್​ಗೆ (ಮರೆವಿನ ಕಾಯಿಲೆ) ಈಡಾದರು. ಬಹಳ ಬೇಸರವಾಯಿತು. ನಾನು ಹಾಕಿಸಿಕೊಳ್ಳಬೇಕಾದ ಟ್ಯಾಟೂವನ್ನು (Tattoo) ಕ್ಲಾಸಿನಲ್ಲಿ ಕುಳಿತೇ ವಿನ್ಯಾಸ ಮಾಡಿದೆ. ಎರಡು ಅಲೆಗಳನ್ನು ಆ ವಿನ್ಯಾಸ ಸಾಂಕೇತಿಸುತ್ತಿತ್ತು. ನಾನು ಅಪ್ಪನೊಂದಿಗೆ ಮಾಡಿದ ನೌಕಾಯಾನದ ನೆನಪು ಅದಾಗಿತ್ತು. ಅಪ್ಪನ ಪ್ರೀತಿಯನ್ನು ಎಂದಿಗೂ ಅಮೂಲ್ಯ, ಮರೆಯಲಾಗದು’; ಮಗಳೀಗ ತನ್ನ ಬಲತೋಳಿನ ಮೇಲೆ ಟ್ಯಾಟೂಹಾಕಿಸಿಕೊಂಡು ಅಪ್ಪನಿಗೆ ತೋರಿಸಿ ವಿವರಿಸಿದ ವಿಡಿಯೋ ಇದೀಗ ವೈರಲ್ ಆಗುತ್ತಿದೆ. ಈ ಆಪ್ತ ಮತ್ತು ಅಪೂರ್ವವಾದ ವಿಡಿಯೋ ನೆಟ್ಟಿಗರ ಹೃದಯವನ್ನು ಮೆತ್ತಗಾಗಿಸುತ್ತಿದೆ.

ಇದನ್ನೂ ಓದಿ

Viral Video: ಭಾರತಕ್ಕೆ ಶುಭಕೋರಿದ ಪಾಕಿಸ್ತಾನದ ರಬಾಬ್ ಕಲಾವಿದ

Viral Post: ವಿಶಿಷ್ಟ ಚೇತನ ಕೃಷ್ಣಪ್ಪ ರಾಥೋಡ್​ಗೆ ಸಹಾಯ ಹಸ್ತ ಚಾಚಿರುವ ಲಿಂಕ್​ಡಿನ್ನಿಗರು

Viral Post : ಪಿಝಾ ಹಿಟ್ಟಿನ ಮೇಲೆ ನೇತಾಡುತ್ತಿರುವ ಶೌಚಾಲಯದ ಬ್ರಷ್!

Viral Video: ನಾನೇ ನಾಳಿನ ನಂಬರ್ ಒನ್ ಮಿಸ್ಟರ್ ಶೆಫ್ ಮಿಯಾಂವ್!

View this post on Instagram

A post shared by Good News Movement (@goodnews_movement)

ಈ ಪೋಸ್ಟ್​ ಅನ್ನು ಆ.1 ರಂದು ಇನ್​ಸ್ಟಾನಲ್ಲಿ ಹಂಚಿಕೊಳ್ಳಲಾಗಿದೆ. ಈತನಕ ಸುಮಾರು 4 ಮಿಲಿಯನ್ ಜನರು ಇದನ್ನು ನೋಡಿದ್ದಾರೆ. 3.6 ಲಕ್ಷಕ್ಕಿಂತ ಹೆಚ್ಚು ಜನ ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ಪ್ರತಿಕ್ರಿಯಿಸಿದ್ದಾರೆ. ನಿಮ್ಮ ತಂದೆಗಾಗಿ ನೀವು ಇದನ್ನು ಮಾಡಿದ್ದು ಬಹಳ ಸೂಕ್ತವಾಗಿದೆ, ನೀವು ಕರುಣಾಮಯಿಗಳು ಎಂದಿದ್ದಾರೆ ಒಬ್ಬರು. ನನ್ನ ಅಜ್ಜಿ ಬುದ್ಧಿಮಾಂದ್ಯತೆಯಿಂದ ತೀರಿದರು, ಈ ವಿಡಿಯೋ ನೋಡಿ ಅಜ್ಜಿ ನೆನಪಾದರು ಎಂದಿದ್ದಾರೆ ಮತ್ತೊಬ್ಬರು. ನಿಜಕ್ಕೂ ನಾನಿಲ್ಲಿ ಅಳುತ್ತಿದ್ದೇನೆ, ಇದಕ್ಕಿಂತ ದೊಡ್ಡ ಗೌರವ ಬೇಕೆ ತಂದೆಗೆ? ನಿಮ್ಮ ಆಲೋಚನೆ ಬಹಳ ಸುಂದರ ಎಂದಿದ್ದಾರೆ ಮಗದೊಬ್ಬರು.

ಇದನ್ನೂ ಓದಿ : Viral: ತಮ್ಮನ ಡೈರಿ ಪುಟ ಹಂಚಿಕೊಂಡ ಅಕ್ಕ; ನಿಜವಾಗಲೂ ನೀವೀಗ ಮೂರ್ಖ ಅಕ್ಕನೇ ಎನ್ನುತ್ತಿರುವ ನೆಟ್ಟಿಗರು

ಈ ಹಚ್ಚೆಯಿಂದ ಅವರಿಗೆ ಕ್ಷಣಕಾಲವಾದರೂ ನೆನಪು ಮರಳಿ ಕಣ್ಣುಕ್ಕಿತ್ತಲ್ಲ ಇದಕ್ಕಿಂತ ಹೆಚ್ಚಿನದು ಒಂದು ಸಂಬಂಧದಲ್ಲಿ ಏನಿದೆ? ಎಂದಿದ್ದಾರೆ ಮತ್ತೊಬ್ಬರು. ನನ್ನ ತಂದೆ ಕೂಡ ಅಲ್ಝೈಮರ್​ನಿಂದ ತೀರಿದರು, ಅವರ ನೆನಪನ್ನು ಮರಳಿಸುವಲ್ಲಿ ನನ್ನ ಎಲ್ಲಾ ಪ್ರಯತ್ನಗಳು ವಿಫಲವಾದವು. ಆದರೆ ಇಂಥ ಸೃಜನಾತ್ಮಕವಾದ ಈ ಆಲೋಚನೆ ನನಗಾಗ ಹೊಳೆಯಲಿಲ್ಲ, ನಿಮಗೆ ಒಳ್ಳೆಯದಾಗಲಿ ಮಗಳೇ ಎಂದಿದ್ದಾರೆ ಇನ್ನೊಬ್ಬರು.

ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?

ಮತ್ತಷ್ಟು ವೈರಲ್ ನ್ಯೂಸ್​ಗಾಗಿ ಕ್ಲಿಕ್ ಮಾಡಿ

Published On - 1:05 pm, Sat, 5 August 23