Viral Video: ‘ಹುಡುಗ ಹರೆಯಕ್ಕೆ ಬಂದಿದ್ದಾನೆ ಬಯ್ಯದೇ ಪ್ರೀತಿಯಿಂದ ತಿದ್ದಿ’ ಎನ್ನುತ್ತಿರುವ ಶ್ವಾನಪ್ರೇಮಿಗಳು
Dog Lover: 'ಈ ವಯಸ್ಸಿನಲ್ಲಿ ಈ ಹುಡುಗ ಹೀಗೆ ಆಡುವುದು ತೀರಾ ಸಹಜ, ಆದರೆ ಬೆಳಗಾಗುವ ಮೊದಲೇ ವಾಪಾಸು ಮನೆಗೆ ಬಂದು ಡೋರ್ ಬೆಲ್ ಮಾಡಿದ್ದಾನಲ್ಲ, ಅವನಿಗೆ ಜವಾಬ್ದಾರಿ ಇದೆ ಅಂತಲೇ ಅರ್ಥ. ಹಾಗಾಗಿ ಅವನನ್ನು ಬಯ್ಯದೇ ಮೆಲ್ಲ ತಿಳಿಹೇಳಿ ಮನೆಯೊಳಗೆ ಕರೆದುಕೊಳ್ಳಿ. ಅವನಿಗೆ ತನ್ನ ಸ್ನೇಹಿತರೊಂದಿಗೆ ಬೆರೆಯಲು ಅವಕಾಶ ಮಾಡಿಕೊಡಿ. ಆಗ ಅವನು ಹೀಗೆಲ್ಲ ಓಡಿಹೋಗಲಾರ.'
Dog: ಹರೆಯಕ್ಕೆ ಬಂದ ಹುಡುಗನೊಬ್ಬ ಮನೆಯವರ ಕಣ್ತಪ್ಪಿಸಿ ಹೊರಗೆ ಸುತ್ತಾಡಿ ಬಂದು ಏನೂ ಆಗಿಯೇ ಇಲ್ಲವೆಂಬಂತೆ ಮನೆಬಾಗಿಲು ತಟ್ಟುವ ರೀತಿಯನ್ನು ನಾಯಿಯೊಂದು ಅನುಕರಿಸಿದೆ. ಸಂಜೆ ಮನೆಯಿಂದ ಹೊರಟು ಬೆಳಗಿನ ಜಾವ ನಾಲ್ಕು ಗಂಟೆಗೆ ಡೋರ್ ಬೆಲ್ ಮಾಡಿದೆ. ಈ ವಿಡಿಯೋ ಇದೀಗ ವೈರಲ್ (Viral) ಆಗಿದ್ದು ನೆಟ್ಟಿಗರು ಈ ತುಂಟನನ್ನು ಮತ್ತು ಮುಗ್ಧನಂತೆ ನಟಿಸಿರುವುದನ್ನು ಪ್ರೀತಿಸುತ್ತಿದ್ದಾರೆ. ಈ ವಿಡಿಯೋವನ್ನು ಈತನಕ 2.2 ಮಿಲಿಯನ್ ಜನರು ನೋಡಿದ್ದು ಸುಮಾರು 2.8 ಲಕ್ಷ ಜನರು ಲೈಕ್ ಮಾಡಿದ್ದಾರೆ. ಸಾವಿರಾರು ಜನರು ತಮ್ಮ ತಮ್ಮ ಸಾಕುನಾಯಿಗಳ ಬಗ್ಗೆ ಅನುಭವಗಳನ್ನು ಹಂಚಿಕೊಳ್ಳುತ್ತಿದ್ದಾರೆ.
ಇದನ್ನೂ ಓದಿ : Viral Video: ಮೋಡಿ ಮಾಡಿದ ಮೇಧಾವಿಯ ಬೆಲ್ಲಿ ಡ್ಯಾನ್ಸ್; ಉಲ್ಲಸಿತಗೊಂಡ ನೆಟ್ಟಿಗರು
ಈ ನಾಯಿಯ ‘ಅಮಾಯಕ ನಡೆ’ ಮನೆಬಾಗಿಲಿನಾಚೆ ಇರುವ ಸಿಸಿ ಕ್ಯಾಮೆರಾದಲ್ಲಿ ರೆಕಾರ್ಡ್ ಆಗಿದೆ. ಸಂಜೆ 6 ಗಂಟೆಗೆ ಮನೆಯಿಂದ ಓಡಿಹೋದ ನಾಯಿ ಬೆಳಗಿನ 4ಕ್ಕೆ ಬಂದು ಮಳ್ಳನಂತೆ ಡೋರ್ ಬೆಲ್ ಮಾಡಿದೆ. ಬಾಗಿಲು ತೆಗೆದಾಗ ಯಾವುದೋ ಅರ್ಜೆಂಟ್ ಕೆಲಸದ ಮೇಲೆ ಆಚೆ ಹೋಗಿತ್ತೇನೋ ಎನ್ನುವವರಂತೆ ಪೋಸ್ ಕೂಡ ಕೊಟ್ಟಿದೆ.
ಇಲ್ಲಿದೆ ನೋಡಿ ಆ ಮಳ್ಳನಾಯಿಯ ವಿಡಿಯೋ
View this post on Instagram
ಸಾಹೇಬ್ರು ನೈಟ್ ಪಾರ್ಟಿ ಮುಗಿಸಿ ಮನೆಗೆ ಬಂದಿದ್ದಾರೆ ಬೇಗ ಬಾಗಿಲು ತೆಗೆಯಿರಿ ಎಂದಿದ್ಧಾರೆ ಒಬ್ಬರು. ಅವರು ನೈಟ್ ಶಿಫ್ಟ್ನಲ್ಲಿ ಕಷ್ಟಪಟ್ಟು ಕೆಲಸ ಮಾಡಿದ್ದಾರೆ ಬೇಗ ಬಾಗಿಲು ತೆರೆಯಿರಿ ಎಂದಿದ್ದಾರೆ ಇನ್ನೊಬ್ಬರು. ಹುಡುಗ ಹರೆಯಕ್ಕೆ ಬಂದಿದ್ದಾನೆ, ಅವನ ನಡೆ ಸಹಜವಾಗಿದೆ ಬಿಡಿ, ಅವನನ್ನು ಬೈಯ್ಯದೇ ಬಾಗಿಲು ತೆರೆಯಿರಿ ಎಂದಿದ್ದಾರೆ ಮತ್ತೊಬ್ಬರು.
ಇದನ್ನೂ ಓದಿ : Viral Video: ಬಾಯಿಂದ ಬಾಯಿಗೆ ನೀರು ಉಗುಳಿಕೊಳ್ಳುತ್ತಿರುವ ಜೋಡಿಯ ವಿಡಿಯೋ ವೈರಲ್; ಪೊಲೀಸರ ಪ್ರತಿಕ್ರಿಯೆ
ಎಂಥ ಜಾಣಮರಿ ಇದು, ನನಗೀಗ ಈ ನಾಯಿ ಬೇಕು ಎಂದಿದ್ದಾರೆ ಒಬ್ಬರು. ಹೊಸದಾಗಿ ನೈಟ್ ಶಿಫ್ಟ್ ಹಾಕಿರಬೇಕು, ಇಷ್ಟು ದಿನ 9-5 ಇತ್ತಲ್ಲವೇ? ಎಂದಿದ್ಧಾರೆ ಇನ್ನೊಬ್ಬರು. ಅವನಿನ್ನು ಹೀಗೆಯೇ ನೈಟ್ ಶಿಫ್ಟ್ನಲ್ಲಿರುತ್ತಾನೆ, ಬಂದೋಬಸ್ತ್ ಮಾಡಿ! ಎಂದಿದ್ದಾರೆ ಮತ್ತೊಬ್ಬರು.
ಈ ವಿಡಿಯೋ ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 3:00 pm, Thu, 2 November 23
