Viral Video: ಮೊಮೊದಲ್ಲಿ ಜೀವಂತ ಹುಳುಗಳ ಹೂರಣ; ವಾಂತಿ ಬಟನ್ ಎಲ್ಲಿ ಎಂದ ನೆಟ್ಟಿಗರು
Momo: ಯಾರಿಗೆ ಗೊತ್ತು ಈ ಮನುಷ್ಯ ಮುಂದೊಂದು ದಿನ ಮನುಷ್ಯನನ್ನು ಕೂಡ ಹೀಗೇ ಬೇಯಿಸಬಹುದೋ ಏನೋ. ದಯವಿಟ್ಟು ಈ ವಿಡಿಯೋ ಯಾರೂ ನೋಡಬೇಡಿ, ಸಸ್ಯಾಹಾರಿಗಳತಂತೂ ಮೊದಲು ನೋಡಬೇಡಿ... ಅಂತೆಲ್ಲ ನೆಟ್ಟಿಗರು ಈ ವಿಡಿಯೋದಡಿ ಪ್ರತಿಕ್ರಿಯಿಸುತ್ತಿದ್ದಾರೆ. ಇವ ಖಂಡಿತ ನರಕಕ್ಕೇ ಹೋಗುತ್ತಾನೆ ಎಂದು ಶಾಪ ಹಾಕುತ್ತಿದ್ದಾರೆ. ವಿಡಿಯೋ ನೋಡುವ ಆಯ್ಕೆ ನಿಮಗೆ ಬಿಟ್ಟಿದ್ದು.
Updated on:Nov 03, 2023 | 12:03 PM
Chinese Food : ನೀವು ಮೊಮೊ ಪ್ರಿಯರಾಗಿದ್ದರೆ ದಯವಿಟ್ಟು ಕ್ಷಮಿಸಿ. ಏಕೆಂದರೆ ಇದೀಗ ವೈರಲ್ ಆಗುತ್ತಿರುವ ಈ ವಿಡಿಯೋವನ್ನು ನೋಡಿದರೆ ಖಂಡಿತ ನಿಮಗೆ ನಿರಾಶೆ, ಕೋಪ, ಅಸಹ್ಯ ಎಲ್ಲವೂ ಎನ್ನಿಸಬಹುದೇನೋ. ಈ ವಿಡಿಯೋ ನೋಡಿದ ನೆಟ್ಟಿಗರಿಗೆ ಬಯ್ಯಲು ಬೈಗುಳಗಳೇ ಸಾಲುತ್ತಿಲ್ಲ. ಕಾರಣ ಮಿಸುಕಾಡುವ ಮತ್ತು ಓಡಾಡುತ್ತ ತಪ್ಪಿಸಿಕೊಳ್ಳಲು ನೋಡುತ್ತಿರುವ ಜೀವಂತ ಹುಳುಗಳನ್ನು ಹಿಡಿದು ಈ ಹಿಟ್ಟಿನಲ್ಲಿ ತುಂಬಲಾಗಿದೆ ಮತ್ತು ಉಗಿಯ ಮೇಲೆ ಬೇಯಿಸಿ ಮೊಮೊ (Momo) ತಯಾರಿಸಲಾಗಿದೆ. ಜನ್ಮದಲ್ಲಿ ನಾವಿನ್ನು ಮೋಮೊ ತಿನ್ನದಂತೆ ಮಾಡಿದೆ ಈ ವಿಡಿಯೋ, ಯಾಕಾದರೂ ಇಂಥ ಅಸಹ್ಯಕರ ವಿಡಿಯೋ ಮಾಡುತ್ತಾರೋ ಎಂದು ಜನ ಬೈದು ಬೈದು ಸುಸ್ತಾಗಿದ್ದಾರೆ.
ಇದನ್ನೂ ಓದಿ : Viral Brain Teaser: ಇದು ಬೆಕ್ಕುಇಲಿಗಳ ಒಗಟು, ನೀವು ಮಾತ್ರ ಇದನ್ನು ಬಿಡಿಸಲು ಸಾಧ್ಯ
ಚೈನೀಸ್ ಸ್ಟ್ರೀಟ್ ಫುಡ್ 2023 ಇನ್‌ಸ್ಟಾಗ್ರಾಮ್ ಖಾತೆಯಲ್ಲಿ ಈ ವಿಡಿಯೋ ಪೋಸ್ಟ್ ಮಾಡಲಾಗಿದೆ. ಈ ಚೀನಿ ಆಹಾರ ನಿಜಕ್ಕೂ ಕಿರಿಕಿರಿ ಎನ್ನಿಸುತ್ತಿದೆ. ದಯವಿಟ್ಟು Vomiting Butten ಎಲ್ಲಿ ಎಂದು ಹೇಳಿ ಎನ್ನುತ್ತಿದ್ದಾರೆ ನೆಟ್ಟಿಗರು. ಭೂಮಿ ಮೇಲೆ ತಿನ್ನಲು ನಿಜಕ್ಕೂ ಎಷ್ಟೊಂದು ವೈವಿಧ್ಯಮಯ ಮತ್ತು ಆರೋಗ್ಯಕರ ಆಹಾರವನ್ನು ನಾವು ಹೊಂದಿದ್ದೇವೆ, ಸಾಕಷ್ಟು ಆಯ್ಕೆಗಳು ಇವೆ. ಆದರೆ ಯಾಕೆ ಇಂಥವನ್ನೆಲ್ಲ ತಿನ್ನಬೇಕು? ಇದನ್ನು ತಿನ್ನುವುದು ಹೋಗಲಿ ನೋಡುವುದು ಕೂಡ ಕಷ್ಟವಾಗುತ್ತಿದೆ. ಇದನ್ನು ತಲೆಯಿಂದ ತೆಗೆಯುವುದು ಎಂದು ಹೇಳಿ ಎಂದಿದ್ದಾರೆ ಮತ್ತೊಂದಿಷ್ಟು ಜನ.
ಇಲ್ಲಿದೆ ಆ ಹುಳುಗಳ ಮೊಮೊ
View this post on Instagram
ನಿಜಕ್ಕೂ ಇದು ಆಘಾತಕಾರಿಯಾದ ವಿಡಿಯೋ, ನನಗೆ ಸುಧಾರಿಸಿಕೊಳ್ಳಲಾಗುತ್ತಿಲ್ಲ, ಇದರಿಂದ ಹೊರಬರಲು ಮಾರ್ಗವನ್ನು ತಿಳಿಸಿ ಎಂದು ಅಂಗಲಾಚಿದ್ದಾರೆ ಅನೇಕರು. ಅವರವರ ಆಹಾರ ಅವರವರ ಆಯ್ಕೆ, ಈ ಬಗ್ಗೆ ಬಹಳ ಯೋಚಿಸಬೇಡಿ ಎಂದಿದ್ದಾರೆ ಒಬ್ಬರು. ದಯವಿಟ್ಟು ಈ ವಿಡಿಯೋವನ್ನು ರಿಪೋರ್ಟ್ ಮಾಡಿ ಎಂದಿದ್ದಾರೆ ಕೆಲವರು.
ಇದನ್ನೂ ಓದಿ : Viral Video: ‘ಹುಡುಗ ಹರೆಯಕ್ಕೆ ಬಂದಿದ್ದಾನೆ ಬಯ್ಯದೇ ಪ್ರೀತಿಯಿಂದ ತಿದ್ದಿ’ ಎನ್ನುತ್ತಿರುವ ಶ್ವಾನಪ್ರೇಮಿಗಳು
ನಿಜಕ್ಕೂ ನಾನು ನೋಡಿದ ಎಲ್ಲ ವಿಡಿಯೋಗಳಲ್ಲಿ ಇದು ಅತ್ಯಂತ ಕೊಳಕಾದ ವಿಡಿಯೋ ಎಂದಿದ್ದಾರೆ ಒಬ್ಬರು. ಇವನೊಂದು ದಿನ ಮನುಷ್ಯರನ್ನು ತಿಂದರೂ ಅಚ್ಚರಿಯಿಲ್ಲ ಎಂದಿದ್ದಾರೆ ಇನ್ನೊಬ್ಬರು. ಈ ಭೂಮಿಯ ಮೇಲೆ ಏನು ನಡೀತಿದೆಯೋ ಅರ್ಥವೇ ಆಗುತ್ತಿಲ್ಲ ಎಂದಿದ್ದಾರೆ ಮತ್ತೊಬ್ಬರು. ಒಟ್ಟಿನಲ್ಲಿ ಇಡೀ ನೆಟ್ಲೋಕ ಈ ವಿಡಿಯೋ ನೋಡಿ ಅಸಹ್ಯಪಟ್ಟುಕೊಂಡಿದೆ.
ಇದನ್ನು ನೋಡಿದ ನಿಮ್ಮ ಅಭಿಪ್ರಾಯವೇನು?
ಮತ್ತಷ್ಟು ವೈರಲ್ ನ್ಯೂಸ್ಗಾಗಿ ಕ್ಲಿಕ್ ಮಾಡಿ
Published On - 11:58 am, Fri, 3 November 23
