Shocking Video: ಫಾಸ್ಟ್​ಫುಡ್​ ತಯಾರಿಸಲು ತಡವಾಗಿದೆ ಎಂದು ವಾದಕ್ಕಿಳಿದ ಗ್ರಾಹಕ; ಸಿಟ್ಟಿನಲ್ಲಿ ಕತ್ತರಿ ಹಿಡಿದು ಬಿಸಾಡಿದ ಹೋಟೆಲ್​ ಸಿಬ್ಬಂದಿ

ರೆಸ್ಟೋರೆಂಟ್​ ಅಥವಾ ಹೋಟೆಲ್ ​ಆಗಿರಲಿ ಕೆಲಸಗಾರರು ಹೆಚ್ಚು ಒತ್ತಡದಲ್ಲಿಯೇ ಕೆಲಸ ಮಾಡಬೇಕಾಗುತ್ತದೆ. ಹೋಟೆಲ್​ಗೆ ಹೆಚ್ಚು ಗ್ರಾಹಕರು ಬೇಕು ಅಂದಾದಾಗ ಸಿಬ್ಬಂದಿ ಬಹಳ ಪ್ರೀತಿಯಿಂದ ಸಹನೆಯಿಂದ ವರ್ತಿಸುವುದು ಅವಶ್ಯಕ. ಆದರೆ ಇಲ್ಲಿರುವ ಹೋಟೆಲ್​ನ ಕೆಲಸಗಾರ್ತಿ ಸಿಟ್ಟಿಗೆದ್ದು ಎದುರಿಗಿದ್ದ ಕತ್ತರಿಯನ್ನು ಗ್ರಾಹಕರಿಗೆ ಬಿಸಾಡಿದ್ದಾಳೆ. ವಿಡಿಯೋ ಇದೀಗ ವೈರಲ್ ಆಗಿದೆ.

ಹೋಟೆಲ್ ಮ್ಯಾನೇಜ್ ಮಾಡುವುದು ಚಾಲೆಂಜಿಂಗ್ ಆಗಿರುತ್ತದೆ. ಹೆಚ್ಚು ತಾಳ್ಮೆಯಿಂದ ವರ್ತಿಸುವುದರ ಜೊತೆಗೆ ಗ್ರಾಹಕರೊಂದಿಗೆ ಸಹನೆಯಿಂದ ನಡೆದುಕೊಳ್ಳಬೇಕಾದುದು ಅವಶ್ಯಕ. ಅದರಲ್ಲಿಯೂ ಕೆಲವು ಬಾರಿ ಫಾಸ್ಟ್ ಫುಡ್ ಕೆಲಸಗಾರರು 12-14 ತಾಸುಗಳ ಕಾಲ ದುಡಿಯುತ್ತಾರೆ. ಹಾಗಿರುವಾಗ ಹೆಚ್ಚು ಒತ್ತಡದಿಂದ ಕೆಲಸ ಮಾಡುತ್ತಿರುತ್ತಾರೆ. ಈ ಸಂದರ್ಭದಲ್ಲಿ ಗ್ರಾಹಕರೋರ್ವರು ಆರ್ಡ್ರ್​ ಮಾಡಿದ ಪದಾರ್ಥವನ್ನು ತರಲು ತಡವಾಗಿದೆ ಎಂದು ವಾದಕ್ಕೆ ಇಳಿಯುತ್ತಾರೆ. ಮ್ಯಾನೇಜರ್ ಬಳಿ ಮಾತನಾಡುವಂತೆ ಕೇಳಿದ್ದಾರೆ.

ಕೆಲಸಗಾರ್ತಿ ನಾನೇ ಮ್ಯಾನೇಜರ್ ಎನ್ನುವಂತೆ ವರ್ತಿಸುತ್ತಾ ಗ್ರಾಹಕರೊಡನೆ ವಾದಕ್ಕೆ ಇಳಿದಿದ್ದಾಳೆ. ಕೋಪಗೊಂಡ ಗ್ರಾಹಕರೂ ಫೇಸ್ಬುಕ್​ನಲ್ಲಿ ವಿಡಿಯೋ ಹಂಚಿಕೊಳ್ಳುತ್ತಿದ್ದೇನೆ ಅನ್ನುವಾಗ ಸಿಟ್ಟಿಗೆದ್ದ ಹೋಟೆಲ್ ಸಿಬ್ಬಂದಿ ಎದುರಿಗಿದ್ದ ಕತ್ತರಿಯನ್ನು ಎಸೆದಿದ್ದಾಳೆ ಭಯಾನಕ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

Chipotle employee throws a pair of scissors ✂️ at customer during an argument ? @ChipotleTweets #Chipotle explain ? pic.twitter.com/Kho7U5T3LE

— Luciano1 (@waynepe17506084) August 13, 2021

ನಾನು ಪೊಲೀಸರಿಗೆ ಕರೆ ಮಾಡುತ್ತಿದ್ದೇನೆ.. ಹೋಟೆಲ್ ಸಿಬ್ಬಂದಿ ನನ್ನ ಮೇಲೆ ಹಲ್ಲೆ ಮಾಡುತ್ತಿದ್ದಾಳೆ ಎಂದು ಗ್ರಾಹಕ ಹೇಳಿರುವುದು ವಿಡಿಯೋದಲ್ಲಿ ನೋಡಬಹುದು. ಘಟನೆ ಬಾಲ್ಟಿಮೋರ್ ನಗರದಲ್ಲಿ ನಡೆದಿದ್ದು ಪೊಲೀಸರು ತನಿಖೆ ನಡೆಸುವುದಾಗಿ ಹೇಳಿದ್ದಾರೆ. ಈ ಕುರಿತಂತೆ ವರದಿಗಳಿಂದ ಮಾಹಿತಿ ತಿಳಿದು ಬಂದಿದೆ.

ಇದನ್ನೂ ಓದಿ:

Shocking Video: ಗ್ರಾಹಕರಿಗೆ ಕೊಡಬೇಕಾಗಿದ್ದ ಊಟ ಕದ್ದ ಡೆಲಿವರಿ ಬಾಯ್; ಶಾಕಿಂಗ್ ವಿಡಿಯೋ ವೈರಲ್

Shocking Video: ಮಾಸ್ಕ್ ಧರಿಸದ್ದಕ್ಕೆ ದಂಡ ವಿಧಿಸಿದ ಅಧಿಕಾರಿಗೆ ಹಿಗ್ಗಾಮುಗ್ಗ ಥಳಿಸಿದ ಮಹಿಳೆ; ವಿಡಿಯೋ ವೈರಲ್

(Fast food Worker Throwing Scissors at customer watch Shocking Video)

Published On - 2:01 pm, Wed, 18 August 21