ವಿಮಾನದಲ್ಲಿ ತಯಾರಾಯ್ತು ರೆಸ್ಟೋರೆಂಟ್; ಗುಜರಾತ್ನ ಫ್ಲೈಟ್ ಥೀಮ್ ರೆಸ್ಟೋರೆಂಟ್ ವಿಶೇಷತೆ ಏನು ಗೊತ್ತಾ?
ರೆಸ್ಟೋರೆಂಟ್ನೊಳಕ್ಕೆ ಪ್ರವೇಶಿಸಿದಾಗ ವಿಮಾನದಲ್ಲಿ ಹತ್ತಿರುವ ಅನುಭವ ನೀಡುತ್ತದೆ. ವಿಮಾನದಲ್ಲಿ ಕುಳಿತು ನಿಮಗೆ ಬೇಕಾದ ತಿಂಡಿಯನ್ನು ಸವಿಯಬಹುದು.
Updated on: Oct 28, 2021 | 11:39 AM
ಹೊಸದಾದ, ವಿಭಿನ್ನವಾದ ರೆಸ್ಟೋರೆಂಟ್ಗೆ ಭೇಟಿ ನೀಡಬೇಕು ಎಂದು ಯೋಚಿಸುತ್ತಿದ್ದರೆ ಗುಜರಾತ್ಗೆ ನೀವೊಮ್ಮೆ ಭೇಟಿ ನೀಡಬಹುದು. ಗ್ರಾಹಕರು ಹಾರಾಟ ಮಾಡದೇ ವಿಮಾನದಲ್ಲಿ ಕುಳಿತು ವಿವಿಧ ಬಗೆಯ ತಿಂಡಿಗಳನ್ನು ಸವಿಯಬಹುದು. ಈ ರೆಸ್ಟೋರೆಂಟ್ನ ವಿಶೇಷವೆಂದರೆ ವಿಮಾನದಲ್ಲಿಯೇ ರೆಸ್ಟೋರೆಂಟ್ ತಯಾರಿಸಲಾಗಿದೆ. ಫ್ಲೈಟ್ ಥೀಮ್ನೊಂದಿಗೆ ತಯಾರಾದ ರೆಸ್ಟೋರೆಂಟ್ ಗುಜರಾತ್ನ ವಡೋದರಾ ನಗರದ ಹೆದ್ದಾರಿಯ ಮುಖ್ಯ ರಸ್ಯೆಯ ಬಳಿಯಿದೆ.
ರೆಸ್ಟೋರೆಂಟ್ ನಿಜವಾದ ವಿಮಾನದಿಂದ ಮಾಡಲ್ಪಟ್ಟಿದೆ. ಒಂದೇ ಬಾರಿಗೆ ಸುಮಾರು 106 ಜನರು ಕುಳಿತುಕೊಳ್ಳುವ ವ್ಯವಸ್ಥೆ ಇದೆ. ವೇಟರ್ಅನ್ನು ಕರೆತರಲು ವಿಮಾನದಂತೆಯೇ ಸೆನ್ಸಾರ್ಗಳನ್ನು ಅಳವಡಿಸಲಾಗಿದೆ. ಸಿಬ್ಬಂದಿ ಕೆಲಸ ಮಾಡುವಾಗ ಸಮವಸ್ತ್ರವನ್ನು ಧರಿಸಿರುತ್ತಾರೆ. ನಿಜವಾದ ವಿಮಾನ ಹತ್ತುವ ರೀತಿಯಲ್ಲಿಯೇ ಈ ರೆಸ್ಟೋರೆಂಟ್ ಪ್ರವೇಶ ಮಾಡಬಹುದು. ವಿಮಾನ ಟಿಕೆಟ್ನಂತೆ ಬೋರ್ಡಿಂಗ್ ಪಾಸ್ ಪಡೆದು ವಿಮಾನ ರೆಸ್ಟೋರೆಂಟ್ಗೆ ಪ್ರವೇಶ ಪಡೆಯಬಹುದಾಗಿದೆ.
ಈ ರೆಸ್ಟೋರೆಂಟ್ ನಿರ್ಮಿಸಲಲು ಏರ್ಬಸ್ 320ಅನ್ನು ಬೆಂಗಳೂರಿನ ಕಂಪನಿಯಿಂದ ಖರೀದಿಸಲಾಗಿದೆ. ವಿಮಾನದ ಪ್ರತಿಯೊಂದು ಭಾಗವೂ ವಡೋದರಾಕ್ಕೆ ತಂದು ನಿರ್ಮಿಸಲಾಗಿದೆ. ವಿಮಾನದ ಒಳಗೆ ರೆಸ್ಟೋರೆಂಟ್ನಂತೆ ಅನುಭವ ನೀಡುವಂತೆ ತಯಾರು ಮಾಡಲಾಗಿದೆ ಎಂದು ರೆಸ್ಟೋರೆಂಟ್ ಮಾಲೀಕ, ವ್ಯವಸ್ಥಾಪಕ ನಿರ್ದೇಶಕ ಮುಖಿ ಅವರು ಹೇಳಿದ್ದಾರೆ.
ರೆಸ್ಟೋರೆಂಟ್ನೊಳಕ್ಕೆ ಪ್ರವೇಶಿಸಿದಾಗ ವಿಮಾನದಲ್ಲಿ ಹತ್ತಿರುವ ಅನುಭವ ನೀಡುತ್ತದೆ. ವಿಮಾನದಲ್ಲಿ ಕುಳಿತು ನಿಮಗೆ ಬೇಕಾದ ತಿಂಡಿಯನ್ನು ಸವಿಯಬಹುದು. ಪಂಜಾಬಿ, ಚೈನೀಸ್, ಇಟಾಲಿಯನ್, ಮೆಕ್ಸಿಕನ್ ಮತ್ತು ಥಾಯ್ ಸೇರಿದಂತೆ ವಿವಿಧ ರೀತಿಯ ಫುಡ್ಗಳನ್ನು ನೀವು ಆಯ್ಕೆ ಮಾಡಿಕೊಳ್ಳಬಹುದು ಎಂದು ರೆಸ್ಟೋರೆಂಟ್ ಮಾಲೀಕರು ಮಾಹಿತಿ ಹಂಚಿಕೊಂಡಿದ್ದಾರೆ.
ನಾನು ರೆಸ್ಟೋರೆಂಟ್ಗೆ ಭೇಟಿ ನೀಡುವುದನ್ನು ತುಂಬಾ ಇಷ್ಟಪಟ್ಟಿದ್ದೇನೆ. ವಿಮಾನದೊಳಕ್ಕೆ ಪ್ರವೇಶಿಸಿದಂತೆಯೇ ಅನುಭವ ಕೊಡುತ್ತದೆ. ಇದು ನಿಜವಾಗಿಯೂ ವಿಶಿಷ್ಟ ಪರಿಕಲ್ಪನೆ ಎಂದು ಗ್ರಾಹಕ ಎಸ್. ಅಲಿ ಅಭಿಪ್ರಾಯ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ:
Viral News: ಫ್ಲಿಪ್ ಕಾರ್ಟ್ನಲ್ಲಿ ಇಯರ್ ಫೋನ್ ಆರ್ಡರ್ ಮಾಡಿದ್ದ ನಟ; ಸಿಕ್ಕಿದ್ದು ಮಾತ್ರ ಖಾಲಿ ಬಾಕ್ಸ್!
Viral News: ಕಿಡ್ನಿ ಸ್ಟೋನ್ ಬದಲು ಕಿಡ್ನಿಯನ್ನೇ ತೆಗೆದ ವೈದ್ಯ; 11 ಲಕ್ಷ ರೂ. ಪರಿಹಾರ ನೀಡಲು ಆಸ್ಪತ್ರೆಗೆ ಆದೇಶ
